హిప్‌.. హిప్‌.. పుణె

హిప్‌.. హిప్‌.. పుణె

పుణె: ఇండియన్‌ ప్రీమియర్‌ లీగ్‌లో భాగంగా సోమవారం జరిగిన మ్యాచ్‌లో గుజరాత్‌ లయన్స్‌పై రైజింగ్‌ పుణె సూపర్‌ జెయింట్స్‌ ఘన విజయం సాధించింది. తొలుత బ్యాటింగ్‌ చేసిన గుజరాత్‌ లయన్స్‌ 20 ఓవర్లలో 161 పరుగులకు ఆలౌట్‌ అయింది. గుజరాత్‌ బ్యాట్స్‌మన్లలో మెక్‌కల్లమ్‌ 45(27 బంతులు, రెండు సిక్సులు, ఐదు ఫోర్లు), దినేశ్‌ కార్తీక్‌ 29(26 బంతులు, మూడు ఫోర్లు) సమయోచిత బ్యాటింగ్‌కు గుజరాత్‌ గౌరవప్రదమైన స్కోరు చేసింది.

అనంతరం 162 పరుగుల లక్ష్యంతో బరిలోకి దిగిన పుణె 42/4 వికెట్లు కోల్పోయి కష్టాల్లో పడింది. ఈ దశలో స్టోక్స్‌ 103 నాటౌట్‌(63 బంతులు, ఆరు సిక్సులు)కు జత కలిసిన ధోని 26(33 బంతులు, ఒక సిక్సు) ఇన్నింగ్స్‌ను చక్కదిద్దాడు. ధోని అవుటయ్యే సమయానికి గెలుపుకు ఇంకా 40కు పైగా పరుగుల అవసరం ఉంది. దీంతో ఒక్కసారిగా విజృంభించిన స్టోక్స్‌ భారీ షాట్లతో విరుచుకుపడ్డాడు. ఇదే సమయంలో సెంచరీ పూర్తి చేసుకున్నాడు. దీంతో మరో బంతి మిగిలివుండగానే పుణె లక్ష్యాన్ని చేధించింది. కాగా, ఐపీఎల్‌లో పుణెకు గుజరాత్‌పై ఇదే తొలి విజయం.