TV
సాక్షి, హైదరాబాద్: ఒలింపిక్స్‌లో పాల్గొంటున్న భారత క్రీడాకారులకు మద్దతు తెలుపుతూ తెలంగాణ స్పోర్ట్స్ అథారిటీ (శాట్స్) ఆధ్వర్యంలో సోమవారం ‘రన్ ఫర్ రియో- ఖేలో ఔర్ జియో’ కార్యక్రమం జరగనుంది. నెక్లెస్ రోడ్‌లోని పీపుల్స్ ప్లాజా నుంచి ఉదయం 7 గంటలకు ఈ కార్యక్రమాన్ని రాష్ట్ర క్రీడా శాఖ మంత్రి టి. పద్మారావు ప్రారంభిస్తారు. జల విహార్, పీవీ జ్ఞానభూమి మీదుగా సాగే ఈ రన్‌లో శాట్స్ ఎండీ దినకర్ బాబు, ఐఏఎస్ బి. వెంకటేశం పాల్గొంటారు. ఆసక్తి గల వారు ఈ కార్యక్రమంలో పాల్గొనవచ్చు.
