![తెలుగు టైటాన్స్ ఘనవిజయం](/s3/files/styles/webp/s3/article_images/2017/09/3/61438788995_625x300.jpg.webp?itok=g8G17Ge8)
హైదరాబాద్: ప్రొ కబడ్డీ లీగ్ లో భాగంగా బుధవారం రాత్రి జరిగిన మ్యాచ్ లో బెంగాల్ వారియర్స్పై 44-28 తేడాతో తెలుగు టైటాన్స్ ఘనవిజయం సాధించింది. మ్యాచ్ ప్రారంభం నుంచి తెలుగు టైటాన్స్ పూర్తి ఆధిక్యాన్ని ప్రదర్శించారు. తొలి అర్ధభాగం సమయం ముగిసే వరకు 27-9 తేడాతో ఆధిక్యంలో ఉన్న టైటాన్స్ మొత్తంగా 44-28 తేడాతో బెంగాల్ వారియర్స్ను మట్టికరిపించింది.
స్థానిక గచ్చిబౌలి ఇండోర్ స్టేడియంలో సొంత అభిమానుల మధ్య జరిగిన ఈ మ్యాచ్ తెలుగు టైటాన్స్కు అదనపు ఉత్సాహనిచ్చింది. టాలీవుడ్ నటుడు విక్టరీ వెంకటేశ్ స్టేడియంలో సందడి చేశారు. తెలుగు టైటాన్స్ 34 పాయింట్లతో పట్టికలో రెండో స్థానంలో బెంగాల్ వారియర్స్ 11 పాయింట్లతో ఏడో స్థానంలో నిలిచాయి.