TV
యువీ ప్రదర్శనపై ఇప్పుడేమంటారు
విమర్శకులకు కోహ్లి ప్రశ్న
బెంగళూరు: యువరాజ్ సింగ్ ఫామ్‌లో లేని సమయంలో తీవ్రంగా విమర్శలు గుప్పించిన వారు ఇప్పుడు యువీ ఆటను చూసి ఏమంటారో చెప్పాలని బెంగళూరు కెప్టెన్ కోహ్లి అన్నాడు. వరుసగా రెండు మ్యాచ్‌ల్లో యువీ సంచలన ఇన్నింగ్స్ ఆడాడు. ‘యువరాజ్ రాణించినందుకు సంతోషంగా ఉంది. ఫామ్‌లో లేని సమయంలో అతడిని అంతా విమర్శించారు.
మరి వాళ్లు ఇప్పుడేమంటారు? అలా మాట్లాడాల్సింది కాదు. ఎందుకంటే ఎవరు ఎప్పుడు ఎలా ఫామ్‌లోకి వస్తారో ఎవరికీ తెలియదు. యువీ అద్భుతమైన ఆటగాడు. భారత్‌కు రెండు ప్రపంచకప్‌లు దక్కడంలో కీలకపాత్ర పోషించాడు. రాయల్ చాలెంజర్స్ జట్టు కష్టాల్లో ఉన్న సమయంలో అద్భుతంగా ఆడాడు. జట్టులో మిగిలిన వాళ్లు కూడా పుంజుకుంటారు’ అని కోహ్లి చెప్పాడు.
