టెస్టు చరిత్రలోనే అరుదైన చెత్త రికార్డు

హామిల్టన్‌: అరంగేట్ర మ్యాచ్‌లోనే ఎదుర్కొన్న తొలి బంతికే హిట్‌ వికెట్‌ అయి గోల్డెన్‌ డకౌట్‌గా చెత్తరికార్డును నమోదు చేసిన వెస్టిండీస్‌ క్రికెటర్‌ సునీల్‌ అంబ్రిస్‌.. మరో అరుదైన చెత్త రికార్డును మూటగట్టుకున్నాడు. హామిల్టన్‌ వేదికగా విండీస్‌-న్యూజిలాండ్‌ మధ్య జరిగిన రెండో టెస్టులో మరోసారి హిట్‌ వికెట్‌ అయ్యాడు.

ఈ సిరీస్‌తోనే టెస్టుల్లో అరంగేట్రం చేసిన అంబ్రిస్‌ మూడు ఇన్నింగ్స్‌ల్లో రెండు సార్లు హిట్‌ వికెటైన తొలి బ్యాట్స్‌మన్‌గా అప్రతిష్టను మూటగట్టుకున్నాడు. తొలి మ్యాచ్‌లో గోల్డెన్‌ డకౌట్‌ కాగా ఈ మ్యాచులో 2 పరుగులే చేశాడు. బౌల్ట్ వేసిన షార్ట్ పిచ్ బంతిని లెగ్ సైడ్ ఆడబోయిన అంబ్రిస్ వికెట్‌ను తొక్కేశాడు. ఇక వరుస మ్యాచుల్లో అంబ్రిస్‌ నిర్లక్ష్యంగా హిట్‌ వికెట్‌ కావడంపై సర్వత్రా విమర్శలు వెల్లువెత్తుతున్నాయి.