ఢిల్లీ పోలీసు వ్యవస్థ బలోపేతానికి రూ. 5,372 కోట్లు

 న్యూఢిల్లీ: ఢిల్లీ పోలీసు వ్యవస్థ బలోపేతం కోసం కేంద్రం రూ. 5,372.88 కోట్లు కేటాయించింది. 2015-16 ఆర్థిక ఏడాది కోసం లోక్‌సభలో శనివారం ప్రవేశపెట్టిన తాత్కాలిక బడ్జెట్‌లో ఈ మేరకు కేటాయింపులు చేసింది. ఇందులో ప్రణాళికా వ్యయం కింద రూ. 390 కోట్లు, ప్రణాళికేతర వ్యయం కింద రూ. 4,979.48 కోట్లుగా పేర్కొంది. జాతీయ రాజధాని ప్రాంతంలో ట్రాఫిక్, కమ్యూనికేషన్ నెట్‌వర్క్ అభివృద్ధి కోసం రూ. 7 కోట్లు బడ్జెట్‌లో చూపింది. మోడల్ ట్రాఫిక్ సిస్టమ్‌లో భాగంగా సిగ్నళ్ల ఏర్పాటు కోసం రూ. 8 కోట్లు కేటాయించింది. బలగాల శిక్షణ కోసం రూ. 3 కోట్లు, నిర్భయ ఫండ్‌కి రూ. 3.40 కోట్లు కేటాయిస్తున్నట్లు చెప్పింది.