వృథాగా పడి ఉన్న రూ. 20 వేల కోట్లు!

 

నాసిక్ ప్రింటింగ్ ప్రెస్‌లో ఏడాది నుంచి రూ.1000 నోట్లు ముద్రిస్తున్నారు. మేక్ ఇన్ ఇండియా నేపథ్యంలో విదేశీ సాంకేతిక పరిజ్ఞానాన్ని వినియోగించి ఇక్కడ పెద్ద మొత్తంలో నోట్లు ముద్రిస్తున్నారు. కాని, ఇందులో కొన్ని నోట్లలో భద్రతా దారం (సెక్యూరిటీ థ్రెడ్) లేకపోవడం, అక్షర దోషాలు, రంగులో తేడాలు... తదితర తప్పులు దొర్లడంతో వేల కోట్ల రూపాయల మేర నష్టం వాటిల్లింది. ఇందుకు బాధ్యులెవరనే విషయం తేల్చేందుకు ప్రభుత్వం ప్రత్యేకంగాగా ఓ కమిటీ కూడా ఏర్పాటు చేసింది. ఇది మర్చిపోక ముందే తాజాగా ప్రభుత్వం రూ. 500, 1000 నోట్లను రద్దు చేయడంతో ప్రింటింగ్ ప్రెస్‌పై అదనపు భారం పడినట్లయింది.