TV
తూచ్.. బంగారం కాదు
ఈ ఫొటోను చూడండి.. ఏదో జరిగినట్లు జనం రోడ్డు మీద గుంపులు..గుంపులుగా ఉన్నారు కదూ..నల్లగొండ జిల్లా మిర్యాలగూడ, వేములపల్లి, తిప్పర్తి మండలాల పరిధిలోని నార్కట్‌పల్లి- అద్దంకి రహదారిపై గురువారం పలువురు వాహనదారులు, స్థానికులు బంగారు పూత పూసిన ముక్కలను సేకరిస్తూ ఇలా కనిపించారు. ఆ ముక్కలను కొందరు స్థానిక బంగారు నగల తయారీదారుడి వద్దకు తీసుకెళ్లారు. వాటిని పరీక్షించిన సదరు దుకాణదారుడు బంగారం కాదు.. ఇత్తడి ముక్కలని చెప్పడంతో అవాక్కయ్యారు. ఆ ముక్కలు ఇళ్ల ఫ్లోరింగ్‌లో మెరుపు కోసం వాడతారని తెలియడంతో పెదవి విరుచుకుంటూ ఎవరిదారిన వారు వెళ్లిపోయారు.
- మిర్యాలగూడ
