TV
భద్రాచలం: భద్రాద్రి కొత్తగూడెం జిల్లాలో మూడు రోజుల నుంచి భారీ వర్షాలు కురుస్తున్నాయి. దీంతో ఏజెన్సీ ప్రాంతాల్లోని చర్ల, దుమ్ముగూడెం మండలాల్లో వాగులు, వంకలు పొంగిపొర్లుతున్నాయి. దుమ్ముగూడెం మండలంలోని గుబ్బల మంగి వాగు పొంగడంతో 8 గ్రామాలకు రాకపోకలు నిలిచిపోయాయి.
చర్ల మండలంలోని తాలిపేరు ప్రాజెక్టు వద్ద ఎగువ నుంచి వరద నీరు చేరడంతో 8 గేట్లను ఎత్తి 11,200 క్యూసెక్కుల వరద నీటిని కిందకు వదులుతున్నారు. ఎగువ ప్రాంతం నుంచి వాగులు, ప్రాజెక్టుల్లోకి నీరు చేరడంతో భద్రాచలం వల్ల గోదావరి నీటిమట్టం క్రమంగా పెరుగుతోంది. ప్రస్తుతం భద్రాచలం వవద్ద గోదావరి నీటిమట్టం 17 అడుగులకు చేరింది.
