TV
ఎంసెట్ కోసం ప్రత్యేక బస్సులు
వరంగల్: తెలంగాణలో గురువారం జరగబోయే ఎంసెట్ పరీక్షకు వెళ్లే విద్యార్థులకు ఎలాంటి ఇబ్బందులు తలెత్తకుండా అధికారులు ప్రత్యేక బస్సులను ఏర్పాటు చేశారు. ఆర్టీసీ కార్మికుల సమ్మె నేపథ్యంలో ఎంసెట్ విద్యార్థులకు ఇబ్బందులు తలెత్తకుండా వరంగల్ జిల్లా అధికారులు ఈ చర్యలు తీసుకున్నారు. అన్ని మండల కేంద్రాల నుంచి ఎంసెట్ పరీక్షా కేంద్రానికి బస్సులను ఏర్పాటు చేసినట్టు జిల్లా కలెక్టర్ కార్యాలయం ఓ ప్రకటనలో వెల్లడించింది. బుధవారం సాయంత్రం నుంచి, గురువారం ఉదయం వరకు ఈ బస్సులు నడుస్తాయని పేర్కొంది.
