TV
బూట్లలో కిలోన్నర బంగారం
శంషాబాద్: శంషాబాద్ అంతర్జాతీయ విమానాశ్రయంలో అనధికారికంగా తీసుకువచ్చే బంగారం పట్టుబడుతూనే ఉంది. మంగళవారం దాదాపు కిలోన్నర దొరకగా, తాజాగా మరో కిలోన్నర బంగారం పట్టుబడింది. బుధవారం ఉదయం దుబాయి నుంచి వచ్చిన విమాన ప్రయాణికులను కస్టమ్స్ అధికారులు తనిఖీలు చేశారు.
అందులో ఇద్దరు వ్యక్తులు అనుమానాస్పదంగా కనిపించటంతో అధికారులు వారిని పరిశీలించారు. వారు ఇద్దరు వేసుకున్న షూలలో కిలోన్నర బంగారు బిస్కెట్లు లభ్యమయ్యాయి. బంగారం స్వాధీనం చేసుకుని, సదరు వ్యక్తులను అదుపులోకి తీసుకుని అధికారులు విచారిస్తున్నారు.
