TV
హఠాత్తుగా గాల్లోంచి బీఎండబ్ల్యూ పడింది
టెక్సాస్: పార్కింగ్ నుంచి బయటకు వస్తున్న ఓ కారు డ్రైవర్‌కు రెప్పపాటులో పెను ప్రమాదం తప్పింది. ఏకంగా ఏడో అంతస్థు నుంచి ఓ కారు మీద పడటం, తృటిలో అతగాడు తప్పించుకున్నాడు. టెక్సాస్ లోని ఆస్టిన్ నగరంలో ఈ ఘటన చోటుచేసుకుంది.
ఓ వ్యక్తి తన ఎస్‌యూవిని పార్కింగ్ నుంచి బయటకు తీసేందుకు యత్నిస్తున్నాడు. ఇంతలో ఎక్కడి నుంచి పడిందో తెలీదుగానీ ఓ బీఎండబ్ల్యూ కారు హఠాత్తుగా కింద పడింది. చిన్న పల్టీ కొట్టాక అక్కడే ఉన్న వాహనానికి తగిలింది. అయితే అదృష్టం కొద్దీ వాహనం మాత్రమే దెబ్బతింది.
ఓ మహిళ బీఎండబ్ల్యూ వాహనాన్ని నడిపిందని, బ్రేక్ పెడల్‌ బదులు ఎస్సెలరేటర్‌ తొక్కటంతో 7వ అంతస్థులో ఉన్న పార్కింగ్ బారికేడ్‌ ను ఢీకొట్టి మరీ కింద పడిందని తెలుస్తోంది. హుటాహుటిన ఆస్పత్రికి తరలించటంతో ఆమె ప్రాణాలతో బయటపడిందని స్థానిక మీడియా తెలిపింది. ఈ భయానక వీడియోను టెక్సాస్ పోలీసులు గురువారం విడుదల చేయగా, దృశ్యం మాత్రం జూలై 13నే రికార్డయినట్లు ఉండటం గమనార్హం.
