TV
దుబాయ్ వెళ్లేందుకు సల్మాన్‌కు అనుమతి
ముంబై: బాలీవుడ్ నటుడు సల్మాన్ ఖాన్ దుబాయ్ వెళ్లేందుకు బోంబే హైకోర్టు మంగళవారం అనుమతి ఇచ్చింది. 2002 నాటి హిట్ అండ్ రన్ కేసులో ఐదేళ్ల జైలుశిక్షకు గురైన సల్మాన్.. అనంతరం బెయిల్ పొందడం తెలిసిందే. ఈ నేపథ్యంలో దేశాన్ని విడిచి వెళ్లే ప్రతిసారి సల్మాన్ కోర్టు అనుమతి కోరాల్సి ఉంది. దీంతో ఈ నెల 29న దుబాయ్‌లో జరగనున్న ‘ఇండో-అరబ్ బాలీవుడ్ అవార్డ్స్’ కార్యక్రమానికి వెళ్లేందుకు తనను అనుమతించాల్సిందిగా సల్మాన్ కోర్టులో దరఖాస్తు చేసుకోగా, కోర్టు అనుమతినిచ్చింది.
