గ్రీన్‌కార్డు ఉంటే.. నిషేధం మినహాయింపు

 

ఏడు ప్రధాన ముస్లిం దేశాలకు చెందిన ప్రజలు మూడు నెలల పాటు అమెరికాకు రాకుండా వారిపై ట్రావెల్ బ్యాన్ విధించాలని కొత్త అధ్యక్షుడు డోనాల్డ్ ట్రంప్ తీసుకున్న నిర్ణయంతో ఒక్కసారిగా కలకలం రేగడంతో స్పైసర్ తాజా ప్రకటన వెలువడింది. ట్రంప్ ఆదేశాలపై అంతర్జాతీయంగా తీవ్రస్థాయిలో విమర్శలు వెల్లువెత్తాయి. ఆదేశాలు వెలువడిన వెంటనే గ్రీన్ కార్డులు ఉన్నవారిని కూడా విదేశాలకు వెళ్లే విమానాలు ఎక్కనివ్వలేదు. లేదా విదేశాల నుంచి వచ్చిన వెంటనే వారిని అదుపులోకి తీసుకున్నారు. అయితే ఇప్పటినుంచి మాత్రం గ్రీన్‌కార్డు ఉన్నవారికి ఈ బాధలు ఉండవని అధికారులు స్పష్టం చేశారు. ఇరాన్, ఇరాక్, లిబియా, సోమాలియా, సూడాన్, సిరియా, యెమెన్ దేశాలకు చెందినవారిని మూడు నెలల పాటు అమెరికాకు ప్రయాణాలు చేయకుండా నిషేధించిన విషయం తెలిసిందే.