TV
ఐపీఎస్‌కు వంజారా రాజీనామా
అహ్మదాబాద్: సస్పెన్షన్‌కు గురై పలు బూటకపు ఎన్‌కౌంటర్ల కేసులో జైల్లో ఉన్న వివాదాస్పద ఐపీఎస్ అధికారి డీజీ వంజారా తన సర్వీసుకు రాజీనామా చేశారు. పాక్ ప్రేరేపిత ఉగ్రవాద నియంత్రణకు శ్రమించిన అధికారులను రక్షించడంలో గుజరాత్‌లోని నరేంద్ర మోడీ ప్రభుత్వం ఘోరంగా విఫలమైందని ఆక్షేపించారు. అహ్మదాబాద్‌లోని సబర్మతీ కేంద్ర కారాగారంలో ఉన్న వంజారా ఈమేరకు 10 పేజీల రాజీనామా లేఖను హోంశాఖ అదనపు ప్రధాన కార్యదర్శికి పంపారు. తనతోపాటు బూటకపు ఎన్‌కౌంటర్ల కేసులో జైల్లో ఉన్న అధికారులందరూ ప్రభుత్వ విధానాన్నే పాటించారని, తప్పంతా విధానాలను రూపొందించిన ప్రభుత్వానిదని, అందువల్ల దాన్ని సబర్మతీ జైల్లోగానీ, నవీ ముంబైలోని తలోజా సెంట్రల్ జైల్లోగానీ పెట్టాలనిడిమాండ్ చేశారు.
