12 మంది ఉగ్రవాదుల తలలు నరికిన ఐఎస్ | IS beheads 12 Al Qaeda, Jaish al-Islam men | Sakshi
Sakshi News home page

12 మంది ఉగ్రవాదుల తలలు నరికిన ఐఎస్

Published Fri, Jun 26 2015 8:01 PM | Last Updated on Fri, Aug 17 2018 7:36 PM

12 మంది ఉగ్రవాదుల తలలు నరికిన ఐఎస్ - Sakshi

12 మంది ఉగ్రవాదుల తలలు నరికిన ఐఎస్

ఇస్లామిక్ స్టేట్ ఉగ్రవాదులు సిరియాలో విచిత్రమైన ఘాతుకానికి పాల్పడ్డారు. అల్ కాయిదా, జైష్ అల్ ఇస్లామ్ గ్రూపులకు చెందిన 12 మంది ఉగ్రవాదుల తలలు నరికి చంపేశారు.

ఇస్లామిక్ స్టేట్ ఉగ్రవాదులు సిరియాలో విచిత్రమైన ఘాతుకానికి పాల్పడ్డారు. అల్ కాయిదా, జైష్ అల్ ఇస్లామ్ గ్రూపులకు చెందిన 12 మంది ఉగ్రవాదుల తలలు నరికి చంపేశారు. ఈ మేరకు ఓ వీడియో కూడా విడుదల చేశారు. సిరియా రాజధాని డమాస్కస్లో ఈ వీడియో చిత్రీకరించారు. ఈ 12 మందిని ఇంటర్వ్యూ చేసి, కెమెరా ముందు పెరేడ్ చేయించి.. తర్వాత తలలు నరికేశారు. ఇస్లామిక్ స్టేట్ను వ్యతిరేకించిన నేరాన్ని వాళ్లు ఆమోదించారని, అందుకే వాళ్లను ఇస్లామిక్ స్టేట్కు చెందిన ఒక ముసుగు వ్యక్తి తలలు నరికేశాడని అంతర్జాతీయ మీడియాలో కథనం వచ్చింది.

ఆ వీడియోలో అల్ కాయిదా, జైష్ అల్ ఇస్లామ్ సంస్థలకు చెందినవాళ్లు ఇస్లామిక్ స్టేట్ ఉగ్రవాదులతో పోరాడుతున్న సన్నివేశాలు కూడా ఉంటాయి. సిరియా ప్రాంతంలో ఉండే ప్రతి ఒక్కరూ తప్పనిసరిగా ఇస్లామిక్ స్టేట్కు బద్ధులై ఉండాలన్న సందేశం ఈ వీడియోలో అంతర్లీనంగా కనపడుతుంది. సాధారణంగా ఇస్లామిక్ స్టేట్ ఉగ్రవాదులు ఎప్పుడూ గెడ్డం గీసుకుని కనిపించరు. కానీ ఈ వీడియోలో మాత్రం అతడు నేరుగా కెమెరా ముందు క్లీన్ షేవ్ చేసుకుని కనిపిస్తాడు.

Advertisement

Related News By Category

Related News By Tags

Advertisement
 
Advertisement

పోల్

Advertisement