ఏడేళ్ల బాలికపై అత్యాచారం, హత్య

ఏడేళ్ల బాలికపై అత్యాచారం, హత్య

గుర్తు తెలియని వ్యక్తి ఒకరు ఏడేళ్ల బాలికను ఎత్తుకెళ్లి ఆమెపై అత్యాచారం చేసి, ఆమెను చంపేశాడు. ఈ దారుణ సంఘటన మధ్యప్రదేశ్లోని కాకడ్గావ్ గ్రామంలో జరిగింది. బాధితురాలు అర్ధరాత్రి పూట గర్భా ఉత్సవంలో పాల్గొని, తన ఇద్దరు అక్కలతో పాటు తిరిగి వచ్చి నిద్రపోతుండగా ఆ వ్యక్తి గుట్టు చప్పుడు కాకుండా వచ్చి ఆమెను ఎత్తుకెళ్లిపోయాడు.

తర్వాత ఆమెపై అత్యాచారం చేసి, పీక పిసికి చంపేశాడు. తెల్లవారుజామున ఇంట్లో పాప కనిపించకపోయేసరికి కుటుంబసభ్యులు అంతా గాలించడం మొదలుపెట్టారు. ఇంతలో గ్రామస్థులు తాము స్కూలు సమీపంలో ఓ బాలిక శవం చూసినట్లు చెప్పారు. తీరా వీళ్లు వెళ్లి చూసేసరికి అది వారి చిన్నారేనని గుర్తించారు. నిందితుడిని త్వరలోనే పట్టుకుంటామని జిల్లా ఎస్పీ అమిత్ సింగ్ అన్నారు.