భారీగా తగ్గనున్న 2000 మెడిసిన్ల ధరలు

దాదాపు రెండు వేల మెడిసిన్ల ధరలు కిందకి దిగిరానున్నాయి. అమృత్ పథకం కింద ఆ మెడిసిన్ల రేట్లను మాక్సిమమ్ రిటైల్ ధర(ఏంఆర్పీ) కంటే 90 శాతం వరకు తగ్గించనున్నట్టు కేంద్ర ఆరోగ్య శాఖ మంత్రి జేపీ నడ్డా ప్రకటించారు. జబల్పూర్ మెడికల్ కాలేజీ సూపర్ స్పెషాలిటీ బ్లాక్ శంకుస్థాపన వేడుకకు హాజరై, ఆయన ప్రసంగించారు. ఈ ప్రసంగంలో భాగంగా సుమారు రెండు వేల మెడిసిన్ల ధరలను ఎంఆర్పీ కంటే 60 నుంచి 90 శాతం రేట్లను తగ్గిస్తామని తెలిపారు. అదేవిధంగా మధ్యప్రదేశ్లో రిటైల్ షాపులను మరిన్ని ప్రారంభించినున్నట్టు పేర్కొన్నారు. రాష్ట్ర ఆరోగ్య సంరక్షణ సౌకర్యాలను మెరుగుపరచడానికి మధ్యప్రదేశ్ ప్రభుత్వానికి కేంద్రప్రభుత్వం అవసరమైన సహాయ సహకరాలు అందిస్తుందని హామీ ఇచ్చారు.