కూలిన విమానం.. ఐదుగురు మృతి

కూలిన విమానం.. ఐదుగురు మృతి

బగోటా: కొలంబియా రాజధాని బగోటాలో చిన్న విమానం కూలిపోయి ఐదుగురు ప్రాణాలు కోల్పోయారు. పన్నెండు మంది గాయాలపాలయ్యారు. రాజధానిలోని ఈ డోరాడో విమానాశ్రయం నుంచి టేకింగ్ తీసుకున్న కాసేపటికే ఈ ప్రమాదం చోటు చేసుకుంది. వాణిజ్య సముదాయాలకు సమీపంలో ఈ విమానం కూలిపోవడంతో అక్కడే ఉన్న ఓ బేకరికి మంటలు అంటుకున్నాయి.

విమానంలోని పైలెట్ ముగ్గురు ప్రయాణీకులు ప్రాణాలు కోల్పోయారని, బేకరిలో ఉన్న ఓ వ్యక్తి చనిపోయాడని విమానయాన అధికారులు తెలిపారు. గాయపడిన వారంతా కూడా బేకరీకి సంబంధించినవారే ఉన్నారు. వారిలో ఓ పన్నేండేళ్ల బాలిక కూడా ఉంది. వీరిలో ఇద్దరి పరిస్థితి విషమంగా ఉంది. గడిచిన మూడు నెలల్లో బగోటాలో విమాన ప్రమాదం చోటు చేసుకోవడం ఇది మూడోసారి.