ట్రంప్ ఆర్డర్పై టెక్ దిగ్గజాల సవాల్

ఏడు ముస్లిం దేశాలపై నిషేధం విధిస్తూ అమెరికా అధ్యక్షుడు డొనాల్డ్ ట్రంప్ తీసుకున్న ఇమ్మిగ్రేషన్ ఆర్డర్పై  టెక్ దిగ్గజాలు న్యాయపోరాటం దిశగా కదులుతున్నాయి. ట్రంప్ ఆర్డర్ను ఛాలెంజ్ చేస్తూ వేయబోయే దావాకు సపోర్టుగా అమికస్ బ్రీఫ్స్ను ఫైల్ చేయడానికి గ్రూఫ్ ఆఫ్ టెక్నాలజీ కంపెనీలు మంగళవారం ఓ మీటింగ్ నిర్వహించబోతున్నాయి. ఈ మీటింగ్లో దావాకు మద్దతుగా సమర్పించబోయే ఈ లీగల్ డాక్యుమెంట్పై చర్చించనున్నాయి. ఈ విషయాన్ని మీటింగ్ నిర్వహించబోయే కంపెనీ అధికార ప్రతినిధి చెప్పారు. సాఫ్ట్వేర్ డెవలప్మెంట్ టూల్స్ రూపొందించే గిట్ హబ్ ఈ మీటింగ్కు టెక్ దిగ్గజాలు ఆల్ఫాబెట్ ఇంక్ గూగుల్,  ఎయిర్బీఎన్బీ ఇంక్, నెట్ఫ్లిక్స్ ఇంక్ వంటి కంపెనీలకు ఆహ్వానాలు పంపినట్టు సంబంధిత వర్గాలు చెప్పాయి.