TV
భారత సంతతికి చెందిన స్విస్‌లో ప్రముఖ వ్యాపారవేత్తగా పేరున్న పంకజ్‌ ఓస్వాల్‌ కూతురు వసుంధర ఓస్వాల్‌(26).
ఇటీవల తన కూతురును అక్రమంగా ఉగాండా పోలీసులు అరెస్టు చేశారని పంకజ్‌ ఆరోపించారు.
వెంటనే వసుంధరను విడుదల చేయాలని కోరుతూ ఉగాండా అధ్యక్షుడికి లేఖ రాశారు.
ఆమెను అరెస్టు చేసి తన ప్రాథమిక హక్కులను హరించారని చెప్పారు.
కనీసం కుటుంబ సభ్యులను కూడా కలవడానికి అనుమతించడం లేదన్నారు.
వసుంధర ఓస్వాల్‌ పీఆర్‌ఓ ఇండస్ట్రీస్ ఎగ్జిక్యూటివ్ డైరెక్టర్‌గా పని చేస్తున్నారు.
ఆమె తన ఆఫీస్‌లో పని చేసిన మాజీ ఉద్యోగిని కిడ్నాప్ చేసినట్లు ఆరోపణలు వచ్చాయి. దాంతో తనను అరెస్ట్‌ చేసినట్లు ఉగాండా పోలీసులు తెలిపారు.
కార్పొరేట్‌, రాజకీయ అవకతవకల ఆరోపణలతో కొందరు అధికారులు సరైన విచారణ జరపకుండా ఆమెను నిర్బంధించారని పంకజ్‌ తెలిపారు.
స్విస్‌ నుంచి తనను ఉగాండా పంపి పెద్ద తప్పు చేశామన్నారు.
ఆమె కిడ్నాప్ చేసినట్లు ఆరోపణలు ఎదుర్కొంటున్న వ్యక్తి టాంజానియాలో సజీవంగానే ఉన్నారని పంకజ్‌ తెలిపారు.
వసుంధరను బందీగా ఉంచారనే దిగులుతో ఆమె తల్లిదండ్రులు స్విస్‌లో అండర్‌గ్రౌండ్‌లోకి వెళ్లారని వసుంధర చెల్లి రిద్ది ఓస్వాల్‌ చెప్పారు.
