TV
ప్రముఖ పారిశ్రామికవేత్త ముకేశ్-నీతాఅంబానీల గారాలపట్టి ఇషా అంబానీ పిల్లల పుట్టినరోజు వేడుకలను తమ నివాసమైన యాంటిలియాలో ఘనంగా జరుపుకున్నారు.
ఈ సందర్భంగా యాంటిలియాలో ‘క్యాండీ హౌజ్‌’ను ఏర్పాటు చేశారు. తీరైన పువ్వులు, బెలూన్లతో తమ మాన్షన్‌ను అలంకరించారు.
2018లో వ్యాపారవేత్త ఆనంద్‌ పిరమాల్‌‌ను పెళ్లాడిన ఇషా.. 2022లో కృష్ణ, ఆదియా అనే ఇద్దరు కవల చిన్నారులకు జన్మనిచ్చారు.
ఐవీఎఫ్ ద్వారా ఈ కవలలకు జన్మనిచ్చినట్లు ఆమె గతంలో వెల్లడించారు.
ఇషా తల్లి నీతా అంబానీ కూడా ముందుగా గర్భం దాల్చినప్పుడు ఈ ప్రక్రియనే ఎంచుకున్నట్లు పేర్కొన్నారు.
ఈ విషయాన్ని చెప్పడానికి సిగ్గుపడాల్సిన అవసరం లేదన్నారు.
టెక్నాలజీ వేగంగా వృద్ధి చెందుతున్న తరుణంలో ఐవీఎఫ్ ఎందుకు ఎంచుకోకూడదని ఇషా అంబానీ గతంలో అన్నారు.
ఇషా అంబానీ ప్రస్తుతం రిలయన్స్‌ రిటైల్‌ వెంచర్స్‌ లిమిటెడ్‌, రిలయన్స్‌ జియో ఇన్ఫోకామ్‌ లిమిటెడ్‌, జియో ఫైనాన్షియల్‌ సర్వీసెస్‌ లిమిటెడ్‌, రిలయన్స్‌ ట్రెండ్స్‌, టిరా బ్యూటీ, అజార్ట్‌, హామ్‌లేస్‌, నెట్‌మెడ్స్‌.. వంటి కంపెనీలకు సారథ్యం వహిస్తున్నారు.
