సాక్షి, అమరావతి: వైఎస్సార్‌సీపీ అధ్యక్షులు, మాజీ ముఖ్యమంత్రి వైఎస్‌ జగన్‌మోహన్‌రెడ్డి రాజకీయాల్లో కొత్త ఒరవడిని తీసుకువచ్చిన ధీశాలి, విజనరీ అని పార్టీ రాష్ట్ర కో ఆర్డినేటర్‌ సజ్జల రామకృష్ణారెడ్డి చెప్పారు. ఆయన చేపట్టిన సంక్షేమ, అభివృద్ధి కార్యక్రమాల ద్వారా ప్రతి ఇంటిలో కుటుంబ సభ్యుడిగా కోట్లాది ప్రజల గుండె చప్పుడుగా మారారని తెలిపారు. గెలుపు, ఓటములకు అతీతంగా ప్రజా సంక్షేమమే లక్ష్యంగా పని చేస్తున్నారని చెప్పారు. వైఎస్‌ జగన్‌ జన్మదిన వేడుకలు శనివారం తాడేపల్లిలోని వైఎస్సార్‌సీపీ కేంద్ర కార్యాలయంలో ఘనంగా జరిగాయి. పెద్ద ఎత్తున తరలివచి్చన అభిమానుల కోలాహలంగా మధ్య జరిగిన ఈ వేడుకల్లో సజ్జల రామకృష్ణారెడ్డి, మాజీ మంత్రి వెలంపల్లి శ్రీనివాస్, ఎమ్మెల్సీలు లేళ్ల అప్పిరెడ్డి, కల్పలతారెడ్డి, రుహుల్లా, మాజీ ఎమ్మెల్యే చింతల రామచంద్రారెడ్డి, పార్టీ నేతలు పుత్తా ప్రతాప్‌ రెడ్డి, విజయవాడ మేయర్‌ భాగ్యలక్ష్మి తదితరులు పాల్గొన్నారు. ముందుగా వైఎస్‌ జగన్‌కు భగవంతుడి ఆశీస్సులు ఉండాలని ఆకాంక్షిస్తూ సర్వమత ప్రార్థనలు జరిగాయి. అనంతరం భారీ కేక్‌ను కట్‌ చేసి వేడుకలను ప్రారంభించారు. పేద మహిళలకు చీరలు, పేదలకు దుప్పట్లు పంపిణీ చేశారు. గుంటూరు రెడ్‌ క్రాస్‌ సొసైటీ సహకారంతో రక్తదాన శిబిరాన్ని నిర్వహించారు. వందలాది అభిమానులు, కార్యకర్తలు స్వచ్ఛ­ం­దంగా రక్తదానం చేశారు. అనంతరం పెద్ద ఎత్తున అన్నదానం చేశారు. సజ్జల రామకృష్ణారెడ్డి, ఇతర నేతలు, ప్రజ­లకు వైఎస్‌ జగన్‌ అందించిన సంక్షేమాన్ని, రాష్ట్రాభివృద్ధికి చేసిన కృషిని వివరించారు.తాడేపల్లిలో కొనసాగుతున్న బైక్‌ ర్యాలీ భారీ బైక్‌ ర్యాలీవైఎస్సార్‌సీపీ విద్యార్థి – యువజన – సోషల్‌ మీడి­యా విభాగాల కార్యకర్తలు శనివారం సాయంత్రం వైఎస్సా­ర్‌సీపీ కేంద్ర కార్యాలయం నుంచి భారీ బైక్‌ ర్యాలీ నిర్వహించారు. జగనన్న.. ప్రజా సేవకా.. వర్థిల్లు వెయ్యే­ళ్లు అంటూ పెద్ద ఎత్తున నినాదాలు చేస్తూ తాడేపల్లి పురవీధుల్లో ర్యాలీ చేశా­రు.మేలును గుర్తుచేసుకున్న ప్రజలుగత ఐదేళ్లలో సీఎంగా వైఎస్‌ జగన్‌ అమలు చేసిన పథకాలను ఆయన పుట్టిన రోజు సందర్భంగా అభిమా­నులు, ప్రజలు గుర్తుచేసుకున్నారు. ‘పేద ప్రజలకు సుపరిపాలన అందించిన ధీరుడు మా అన్న జగన్మోహనుడు.. పారిశ్రామిక ప్రగతిలో తనదైన ముద్ర వేశారు.. రాష్ట్రం ఎయిర్‌ కండీషన్ల తయారీ, గ్రీన్‌ ఎనర్జీ హబ్‌లకు వేదికైంది.. చదువుతోనే పేద బిడ్డల తల రాత మారుతుందని నమ్మిన ఏకైక నేత.. కులం, మతం, పార్టీలు చూడకుండా అర్హులైన వారందరికీ ప్రతీ పథకం ఇంటి వద్దనే అందించాలని తపనపడే మా జగనన్నకు హార్థిక శుభాకాంక్షలు’ అని వివిధ సామాజిక మాధ్యమాల్లో పోస్ట్‌ చేశారు.

దేశ రక్షణ రంగంలో ఎనలేని సేవలు అందించిన ప్రముఖ సైంటిస్ట్‌ డాక్టర్‌ సూరి భగవంతం జయంతి వేడుకలు ఘనంగా జరిగాయి. ఉస్మానియా యూనివర్సిటీలో జరిగిన సూరి భగవంతం 115వ జయంతి వేడుకలకు త్రిపుర గవర్నర్ ఎన్.ఇంద్ర సేనారెడ్డి ముఖ్య అతిథిగా హాజరయ్యారు.ఈ సందర్భంగా గవర్నర్ ఇంద్ర సేనా రెడ్డి మాట్లాడుతూ..‘డాక్టర్ సూరి భాగవతం ఉస్మానియా విశ్వవిద్యాలయంలోని అన్ని విభాగాలను ఖగోళ శాస్త్రం, సముద్ర శాస్త్రం, భౌతిక శాస్త్రం మొదలైన రంగాలలో పరిశోధనలపై దృష్టి పెట్టాలని ప్రోత్సహించారు. రక్షణ రంగానికి విశేష సేవలందించారు. సైబర్ నేరాలు, గ్లోబల్ వార్మింగ్‌ను తగ్గించడం, ఏఐ/ఎంఎల్‌ సాంకేతికతలను అభివృద్ధి చేయడంపై దృష్టి కేంద్రీకరించాలని శాస్త్రవేత్తలకు డాక్టర్‌ సూరి భగవంతం అసాధారణ సహకారాలు అందించారని ప్రశంసల వర్షం​ కురిపించారు. రక్షణ పరిశోధన, అభివృద్ధి సంస్థ (డీఆర్‌డీ వో) మాజీ చైర్మన్‌ డా.జి. సతీష్ రెడ్డి మాట్లాడుతూ.. డాక్టర్ సూరి భగవంతం అనేక రక్షణ పరిశోధన రంగాలకు సహకరించారు. చైనా యుద్ధం తర్వాత భారత్‌లో లేహ్, తేజ్‌పూర్‌లో ప్రయోగశాలను, హైదరాబాద్‌లో డీఆర్‌డీఎ్‌ల్‌,ప్రయోగశాలలను స్థాపించారు. రాడార్, బెంగుళూరులోని ఎన్‌ఎస్‌టీఎల్‌లు, అలాగే రక్షణ సాంకేతికతలలో పని చేయడానికి 25 కంటే ఎక్కువ ల్యాబ్‌లను స్థాపించేలా కృషి చేశారు. సంబంధిత పరిశోధనా రంగాలపై దృష్టి సారించడం కోసం ఆ ప్రాంతంలో ప్రయోగశాలను ఏర్పాటు చేయడం వంటి కార్యక్రమాలతో నేటి రక్షణ సాంకేతికత, వ్యవస్థల పురోగతికి పునాది వేశారని అన్నారు. డాక్టర్‌ సూరి భగవంతం జయంతి వేడుకల్లో ప్రముఖులు పాల్గొన్నారు.

చాంద్రాయణగుట్ట: బైక్‌పై ట్రిబుల్‌ రైడింగ్‌ చేసుకుంటూ వచ్చి అదుపు తప్పిన ఘటనలో ఇద్దరు యువకులు మృతి చెందగా, మరో యువకుడు తీవ్ర గాయాలకు గురయ్యాడు. ఛత్రినాక పోలీస్‌స్టేషన్‌ పరిధిలో శుక్రవారం తెల్లవారుజామున ఈ ఘటన చోటు చేసుకుంది. పోలీసులు తెలిపిన వివరాల ప్రకారం.. ఛత్రినాక జయప్రకాష్‌ నగర్‌కు చెందిన అమర్‌సింగ్‌ కుమారుడు ఠాకూర్‌ రాధాకిషన్‌(24) ఏసీ మెకానిక్‌. స్నేహితుడి బర్త్‌డే వేడుకలకు వెళ్లేందుకు స్నేహితుడైన రోహన్‌ చౌకట్‌ వద్ద శుక్రవారం తెల్లవారుజామున బైక్‌ తీసుకున్నాడు.అనంతరం ఇదే ప్రాంతానికి చెందిన వైజనాథ్‌ ఇంగ్లే అలియాస్‌ సోను(30), మక్దూంపురాకు నిఖిల్‌(18)తో కలిసి బైక్‌పై త్రిబుల్‌ రైడింగ్‌ చేసుకుంటూ చాంద్రాయణగుట్టలో మండి బిర్యానీ తినేందుకు వెళ్లారు. బిర్యానీ తిన్న తర్వాత తిరిగి వస్తుండగా రాధాకిషన్‌ బైక్‌ నడుపుతుండగా, మధ్యలో సోను, వెనుక భాగంలో నిఖిల్‌ కూర్చున్నారు. తెల్లవారుజామున 3.30 గంటలకు కందికల్‌ ఆర్‌వోబీ(రైల్వే ఓవర్‌ బ్రిడ్జి)పై అతివేగంగా బైక్‌ నడపడంతో డివైడర్‌కు తాకుతూ, ఆపై స్తంభానికి ఢీకొట్టారు. ఈ ఘటనలో వైజనాథ్‌ ఇంగ్లే అక్కడికక్కడే మృతి చెందగా, తీవ్ర గాయాలపాలైన రాధాకిషన్‌ను ఎల్‌బీ నగర్‌లోని ఓ ప్రైవేట్‌ ఆస్పత్రికి తరలించగా చికిత్స పొందుతూ మృతి చెందాడు. గాయాలతో నిఖిల్‌ ఉస్మానియా ఆస్పత్రిలో చికిత్స పొందుతున్నాడు. ఇద్దరు యువకుల మృతితో స్థానికంగా విషాదఛాయలు అలుముకున్నాయి. ఈ ఘటనపై కేసు నమోదు చేసుకున్న పోలీసులు దర్యాప్తు కొనసాగిస్తున్నారు. కాగా ఎవరి పుట్టిన రోజు లేదని, కేవలం బిర్యానీ తినేందుకు వెళ్లామని క్షతగాత్రుడు నిఖిల్‌ తెలిపాడని పోలీసులు వెల్లడించారు.

గచ్చిబౌలి: కేబుల్‌ బ్రిడ్జిపై వాహనాలు నిలిపినా..సెల్ఫీలు దిగినా, ఫుట్‌ పాత్‌రెయిలింగ్‌ , గ్రిల్స్‌ వద్ద నిలబడి వచ్చి పోయే పాదచారులకు ఆటకంకం కల్గించినా సెక్షన్‌ 76 హైదరాబాద్‌ సిటీ పోలీస్‌ యాక్ట్‌ 1348 ప్రకారం చర్యలు తీసుకుంటామని మాదాపూర్‌ డీసీపీ వినీత్‌ ఏప్రిల్‌ 16న ఆదేశాలు జారీ చేశారు. అయితే డీసీపీ ఆదేశాలు భేఖాతర్‌ చేస్తూ కేబుల్‌ బ్రిడ్జిపై మాదాపూర్‌ ఎస్‌హెచ్‌ఓ గడ్డం మల్లేష్‌తో పాటు మరో ముగ్గురు ఇన్‌స్పెక్టర్లు బర్త్‌ డే వేడుకలు జరుపుకోవడం వివాదాస్పదంగా మారింది. కేక్‌ కట్‌ చేసిన ఫొటోలు సోషల్‌ మీడియాలో వైరల్‌గా మారాయి. నిబంధనలు పెట్టిన పోలీసులే ఉల్లంఘించడం ఏమిటని పలువురు ప్రశి్నస్తున్నారు. కేబుల్‌ బ్రిడ్జిపై వాహనదారులతో పాటు సందర్శకులకు మాత్రమే నిబంధనలు వర్తిస్తాయా... పోలీసులకు వర్తించవా అని సోషల్‌ మీడియా ప్రశ్నించడం గమనార్హం. బర్త్‌ డే వేడుకలో మాదాపూర్‌ ఎస్‌హెచ్‌ఓ ఉన్న ఫొటోలు సోషల్‌ మీడియాలో వైరల్‌ కావడంతో మాదాపూర్‌ డీసీపీ డాక్టర్‌ వినీత్‌ సమగ్ర విచారణకు ఆదేశించారు. నివేదిక ఆధారంగా చర్యలు తీసుకుంటామని ఆయన స్పష్టం చేశారు. ఇటీవల రాత్రి సమయంలో పటాన్‌చెరు ట్రాఫిక్‌ ఇన్‌స్పెక్టర్‌ శ్రవణ్‌ కేబుల్‌ బ్రిడ్జి ఫుట్‌పాత్‌ పై కేక్‌ కట్‌ చేయగా , మాదాపూర్‌ ఎస్‌హెచ్‌ఓ మల్లేష్‌ ఆయనకు కేక్‌ తినిపిస్తున్నారు. ఈ ఫొటోలో రాజేంద్రనగర్‌ సీసీఎస్‌ ఇన్‌సెక్టర్‌ సంజయ్, ఐటీ సెల్‌ ఇన్‌స్పెక్టర్‌ శ్రీనివాస్‌ కూడా ఉన్నట్లు తెలుస్తోంది. నలుగురు ఒకే బ్యాచ్‌కు చెందిన వారు కావడంతో వేడుకలు జరుపుకుంటున్నట్లు తెలుస్తోంది. ఇదిలా ఉంటె సోషల్‌ మీడియాలో వైరల్‌ అయిన ఫొటో ఇప్పటిది కాదని, ఫుట్‌ పాత్‌ మీదే ఉన్నామని మాదాపూర్‌ ఇన్‌స్పెక్టర్‌ గడ్డం మల్లేష్‌ తెలిపారు.

అనుబంధం తెగిపోయి.. ఆనందం ఆవిరి.. ఆ ఘోర ప్రమాదం.. ఆశలను చిదిమేసింది.. అనుబంధాలను చెరిపేసింది.. జీవితాలను చిన్నాభిన్నం చేసింది.. ఆ కుటుంబాలకు ఆసరా లేకుండా మార్చింది.. చేయి పట్టుకుని నడిచే పిల్లలకు తండ్రి లేకుండా చేసింది.. కట్టుకున్నవాడిని భార్యకు దూరం చేసింది.. తోడుగా ఉంటాడనుకున్న కుటుంబానికి కుమారుడిని లేకుండా చేసింది. అమలాపురం రూరల్‌ మండలం భట్నవిల్లిలో ఆదివారం అర్ధరాత్రి ఆటోను లారీ ఢీకొన్న సంఘటనలో మృతులు, క్షతగాత్రుల కుటుంబాలకు మిగిలిన వేదన ఇది.అమలాపురం రూరల్‌/ మామిడికుదురు: వారంతా స్నేహితులు... హ్యాపీ హ్యాపీగా సహచరుడి ముందస్తు పుట్టినరోజు వేడుకకు బయలు దేరారు.. జోకులు వేసుకుంటూ సరదాగా గడిపారు.. కేక్‌ కట్‌ చేసుకుని సందడి చేశారు.. తిరిగి ఇంటికి వస్తున్న సమయంలో దారి కాచిన మృత్యువు లారీ రూపంలో వారి ఆనందాన్ని ఆవిరి చేసింది.. అమలాపురం రూరల్‌ మండలం భట్నవిల్లిలోని వనువులమ్మ ఆలయం వద్ద 216 జాతీయ రహదారిపై ఆదివారం అర్ధరాత్రి ఆటోను లారీ ఢీకొన్న ఘటనలో నలుగురు స్నేహితులు అక్కడికక్కడే మృతిచెందగా, మరో నలుగురు తీవ్ర గాయాల పాలయ్యారు. బంధువులు, పోలీసుల కథనం ప్రకారం.. మామిడికుదురు మండలం నగరం శివారు కోటమెరక గ్రామానికి చెందిన కొల్లాబత్తుల జతిన్‌ (26) పుట్టినరోజు సోమవారం కావడంతో ముందస్తు వేడుకలు జరుపుకొనేందుకు స్నేహితులు నిర్ణయించుకున్నారు. మొత్తం ఎనిమిది మంది పుదుచ్చేరి ప్రాంతం యానాంకు నెల్లి నవీన్‌కుమార్‌ ఆటోలో ఆదివారం రాత్రి 8 గంటలకు బయలు దేరారు. యానాంలో విందు ముగిశాక అర్ధరాత్రి సమయంలో తిరుగు పయనమయ్యారు. భట్నవిల్లి వచ్చేసరికి కాకినాడ వైపు ఒడిశాకు చేపల లోడుతో వెళుతున్న లారీ వారి ఆటోను ఢీకొంది. ఈ ప్రమాదంలో మామిడికుదురు మండలం నగరం శివారు కోటమెరక గ్రామానికి చెందిన సాపే నవీన్‌ (22), అదే గ్రామానికి చెందిన కొల్లాబత్తుల జతిన్‌ (26), అదే మండలం పాశర్లపూడికి చెందిన నెల్లి నవీన్‌కుమార్‌ (27), పి.గన్నవరం మండలం మానేపల్లికి చెందిన వల్లూరి అజయ్‌ (18) అక్కడికక్కడే చనిపోయారు. మామిడికుదురు మండలం పాశర్లపూడి శివారు కొండాలమ్మ చింతకు చెందిన మల్లవరపు వినయ్‌బాబు (17), అదే గ్రామానికి చెందిన మార్లపూడి లోకేష్‌ (17), పెదపటా్ననికి చెందిన జాలెం శ్రీనివాసరెడ్డి (17), నగరం శివారు పితానివారి మెరక గ్రామానికి చెందిన మాదాసి ప్రశాంత్‌కుమార్‌ (17)లు తీవ్రంగా గాయపడి అమలాపురం కిమ్స్‌ ఆస్పత్రిలో చికిత్స పొందుతున్నారు. ఇందులో జాలెం శ్రీనివాసరెడ్డి, మాదిసి ప్రశాంత్‌కుమార్‌ల పరిస్థితి ఆందోళనకరంగా ఉందని వైద్యులు చెబుతున్నారు. తరుక్కుపోయిన గుండెలుచేతికందివచ్చిన తమ పిల్లలు మృత్యవాత పడి విగత జీవులుగా పడి ఉండడం చూసి మృతుల తల్లిదండ్రులు, బంధువులు గుండెలవిసేలా విలపించారు. తన కుటుంబానికి దిక్కెవరంటూ జతిన్‌ భార్య ఆశాదేవి బంధువులను దీనంగా అడుగుతుంటే చూపురుల గుండెలు తరుక్కుపోయాయి. కువైట్‌లో ఉంటున్న తల్లులకు పిల్లల మృత్యు వార్త ఎలా చెప్పాలంటూ నవీన్, అజయ్‌ కుటుంబీకులు ఆందోళన చెందారు. ప్రమాద వార్త తెలియగానే మృతుల, క్షతగాత్రుల కుటుంబీకులు ఘటనా స్థలానికి చేరకుని కన్నీరు మున్నీరుగా విలపించారు. ఈ కుటుంబాలన్నీ రొక్కాడితే డొక్కాడని పరిస్థితి. ఆటో నడుపుకొంటూ, ఎల్రక్టీíÙయన్‌గా పనిచేస్తూ నవీన్‌కుమార్, జతిన్‌ తమ కుటుంబాలను పోషిస్తున్నారు. మిగిలిన వారంతా డిగ్రీ, ఇంటరీ్మడియెట్‌ చదువుకుంటూ భవిష్యత్‌ కోసం బాటలు వేసుకుంటున్నారు. అమలాపురం రూరల్‌ సీఐ పి.వీరబాబు, రూరల్‌ ఎస్సై శేఖర్‌బాబు ప్రమాద స్థలిని తక్షణమే సందర్శించి పరిస్థితిని సమీక్షించారు. క్షతగాత్రులను తక్షణమే ఆస్పత్రికి తరలించి వేగంగా వైద్యం అందేలా సీఐ, ఎస్సైలు శ్రమించారు.పుట్టిన రోజునే పరలోకానికి.. నగరం గ్రామానికి చెందిన కొల్లాబత్తుల జతిన్‌ (26) ఎలక్ట్రీయన్‌గా పని చేస్తూ కుటుంబాన్ని నెట్టుకొస్తున్నారు. సోమవారం అతని పుట్టిన రోజు. పుట్టిన రోజు వేడుకకు అంతా సిద్ధం చేసుకున్నాడు. కొత్త దుస్తులు కొనుక్కున్నాడు. సరదాగా స్నేహితులకు పార్టీ ఇచ్చేందుకు ఆదివారం రాత్రి అంతా కలసి బయటకు వెళ్లారు. ఇంతలోనే ప్రమాదం ముంచుకొచ్చి తనువు చాలించాడు. జతిన్‌కు ఆరేళ్ల కిందట వివాహమైంది. అతనికి భార్య ఆశాదేవి, ఐదేళ్ల కుమార్తె ఆత్య, ఏడు నెలల కొడుకు ఉన్నారు. జతిన్‌ మృతితో భార్య ఆశాదేవి, తండ్రి వెంకటేష్‌, తల్లి దివ్య కన్నీరు మున్నీరవుతున్నారు. అభం, శుభం తెలియని పిల్లలకు నాన్న ఎక్కడంటే ఏం చెప్పాలంటూ వారు విలపిస్తున్నారు. ఒక్కగానొక్క కుమారుడి మృతితో.. నగరం కోటమెరకకు చెందిన సాపే నవీన్‌ (22) డిగ్రీ ఫైనలియర్‌ చదువుతున్నా డు. తండ్రి శ్రీనివాసు రోజు కూలీ చేసుకుంటూ జీవనం సాగిస్తున్నాడు. తల్లి రత్న కుమారి కువైట్‌లో ఉంది. ఒక్కగానొక్క కొడుకు రోడ్డు ప్రమాదంలో మృత్యువాత పడడంతో అతని కుటుంబ సభ్యులను తీవ్ర విషాదంలో ముంచేసింది. నవీన్‌ అమ్మమ్మ బత్తుల మేరీరత్నం తన మనవడి వద్దే ఉంటూ అతడిని అల్లారు ముద్దుగా చూసుకుంటోంది. చదువుకుని ఎంతో ప్రయోజకుడవుతాడని ఆశించిన నవీన్‌ దుర్మరణం చెందడాన్ని కుటుంబ సభ్యులు జీరి్ణంచుకోలేకపోతున్నారు. కిరాయికి వెళ్లి.. మృత్యుఒడికి చేరి పాశర్లపూడి నెల్లివారిపేటకు చెందిన నెల్లి నవీన్‌కుమార్‌ (27) అవివాహితుడు. ఐదు నెలల కిందట కొత్త ఆటో కొనుక్కున్నాడు. తండ్రి ట్రక్కు ఆటో నడుపుతూ జీవనం సాగిస్తున్నాడు. నవీన్‌కుమార్‌ తల్లి మంగాదేవి పదేళ్ల నుంచి మస్కట్‌లో ఉంటున్నారు. తండ్రి, కొడుకు ఆటో నడుపుతూ వచ్చే ఆదాయంతో జీవనం సాగిస్తున్నారు. స్నేహితుడి పుట్టినరోజు, ఆటో కిరాయికి వెళ్లిన నవీన్‌కుమార్‌ రోడ్డు ప్రమాదంలో మ్యత్యువాత పడడం స్థానికులను తీవ్ర విషాదంలోకి నెట్టింది.సరదాగా వెళ్లి.. పి.గన్నవరం మండలం మానేపల్లికి చెందిన వల్లూరి అజయ్‌ (18) ఇంటర్‌ పూర్తి చేశాడు. తండ్రి శ్రీనివాసరావు నిరుపేద కుటుంబానికి చెందిన వాడు. అతను గల్ఫ్‌లో ఉంటున్నాడు. తల్లి కుమారి ఇటీవల గల్ఫ్‌ నుంచి వచ్చారు. కొడుకును ఎంతో అల్లారుముద్దుగా చూసుకుంటూ జీవనం సాగిస్తున్న ఆ కుటుంబంలో రోడ్డు ప్రమాదం తీవ్ర విషాదాన్ని నింపింది. అందివచ్చిన కొడుకు స్నేహితుడి బర్త్‌డే పార్టీకి వెళ్లి ఇలా విగతజీవిగా మారతాడని కలలో కూడా ఊహించలేదని ఆమె విలపిస్తున్న తీరు కంటతడి పెట్టించింది.

సాక్షి, హైదరాబాద్‌: భారత రాష్ట్ర సమితి అధ్యక్షుడు, మాజీ ముఖ్యమంత్రి కల్వకుంట్ల చంద్రశేఖర్‌రావు 70వ జన్మదిన వేడుకలను శనివారం తెలంగాణ భవన్‌లో ఘనంగా నిర్వహించారు. మాజీ మంత్రి తలసాని శ్రీనివాస్‌ యాదవ్, సికింద్రాబాద్‌ పార్లమెంటు నియోజకవర్గ బీఆర్‌ఎస్‌ ఇన్‌చార్జి తలసాని సాయికిరణ్‌ యాదవ్‌ ఆధ్వర్యంలో జరిగిన ఈ వేడుకల్లో పార్టీ వర్కింగ్‌ ప్రెసిడెంట్‌ కేటీ రామారావు ముఖ్య అతిథిగా పాల్గొన్నారు. పార్టీ ముఖ్య నేతలతో పాటు కేటీఆర్‌ ఉదయమే తెలంగాణ భవన్‌కు చేరుకుని తెలంగాణ తల్లి, ప్రొఫెసర్‌ జయశంకర్‌ విగ్రహాలకు పూలమాలలు వేసి నివాళి అర్పించారు. అనంతరం వెయ్యి మంది ఆటో డ్రైవర్లకు లక్ష రూపాయల జీవిత బీమా కవరేజీతో కూడిన ఇన్సూరెన్స్‌ పత్రాలు, పది మంది దివ్యాంగులకు వీల్‌ చైర్లను కేటీఆర్‌ పంపిణీ చేశారు. కేసీఆర్‌ 70వ పుట్టినరోజును గుర్తు చేసేలా 70 కిలోల భారీ కేక్‌ను ఎంపీ కె.కేశవరావు, హైదరాబాద్‌ మేయర్‌ గద్వాల విజయలక్ష్మి, మాజీ మంత్రులు మహమూద్‌ అలీ, తలసాని శ్రీనివాస్‌ యాదవ్, శ్రీనివాస్‌గౌడ్‌లతో కలసి కేటీఆర్‌ కట్‌ చేశారు. తర్వాత కేసీఆర్‌ రాజకీయ జీవితం, తెలంగాణ ఉద్యమ నేపథ్యంతో రూ పొందించిన ‘అతనే ఒక చరిత్ర’ డాక్యుమెంటరీని ప్రదర్శించారు. అలాగే కేసీఆర్‌ ఉద్యమ ప్రస్తానాన్ని ప్రతిబింబించేలా ఫొటో ప్రదర్శన ఏర్పాటు చేశారు.  కార్యకర్తల కుటుంబాలకు చెక్కులు  బీఆర్‌ఎస్‌ సభ్యత్వం కలిగి.. ప్రమాదవశాత్తూ ప్రాణాలు కో ల్పోయిన కార్యకర్తల కుటుంబాలను ఆదుకునేందుకు 70 మందికి రూ.2 లక్షల చొప్పున ప్రమాద బీమా చెక్కులను అందజేశారు. అసెంబ్లీ మాజీ స్పీకర్‌ మధుసూదనాచారి, నాయకులు సోమా భరత్‌కుమార్, రావుల చంద్రశేఖర్‌ రెడ్డి తదితరులు చెక్కుల పంపిణీ కార్యక్రమంలో పాల్గొన్నారు. ఎంపీలు రంజిత్‌రెడ్డి, బీబీ పాటిల్, బడుగుల లింగయ్య, వద్దిరాజు రవిచంద్ర, మాజీ మంత్రులు కొప్పుల ఈశ్వర్, నిరంజన్‌రెడ్డి, నేతలు అనిల్‌ కుమార్‌ కూర్మాచలం, వాసుదేవ రెడ్డి, దూదిమెట్ల బాలరాజ్‌ యాదవ్, మేడే రాజీవ్‌ సాగర్, సతీశ్‌రెడ్డి తదితరులు ఈ వేడుకల్లో పాల్గొన్నారు.   బీఆర్‌ఎస్‌ఎల్పీ కార్యాలయంలో వేడుకలు  మాజీ ముఖ్యమంత్రి కె.చంద్రశేఖర్‌రావు జన్మదినం సందర్భంగా అసెంబ్లీ లాబీల్లోని పార్టీ శాసనసభాపక్ష కార్యాల యంలో బీఆర్‌ఎస్‌ ఎమ్మెల్యేలు కేక్‌ కట్‌ చేశారు. మాజీ మంత్రి హరీశ్‌రావు, పలువురు ఎమ్మెల్యేలు ఈ కార్యక్రమంలో పాల్గొన్నారు. కాగా, అసెంబ్లీ సమావేశాల్లో అధికార పక్షాన్ని సమర్థవంతగా ఎదుర్కొన్నారని హరీశ్‌రావును పార్టీ ఎమ్మె ల్యేలు అభినందించారు.

జీవితంలో ప్రతి ఒక్కరికి తమ బర్త్‌డేను స్పెషల్‌గా జరుపుకోవాలని కోరిక ఉంటుంది. పుట్టినరోజు వస్తుందంటే చాలు వారం రోజుల ముందు నుంచే హడావిడి ఉంటుంది. కానీ ఆ పిల్లాడి లైఫ్‌లో మాత్రం ఇప్పటివరకు ఎప్పుడూ పుట్టినరోజుని జరుపుకునే అదృష్టం రాలేదు. విషయం తెలిసి, క్లాస్‌ టీచర్‌ అందించిన సర్‌ప్రైజ్‌కి ఆ బాలుడు ఆనందంతో కన్నీళ్లు పెట్టుకున్నాడు. ఇంతకీ ఆ క్లాస్‌ టీచర్‌ ఏం చేసిందంటే.. కొలంబియాకు చెందిన ఏంజెల్ డేవిడ్ అనే ఎనిమిదేళ్ల బాలుడు జీవితంలో ఇప్పటివరకు పుట్టినరోజును జరుపుకోలేదు. అతని కుటుంబం ఆర్థిక పరిస్థితుల రీత్యా అతని తల్లి డేవిడ్‌ బర్త్‌డే వేడుకలను ఇంత వరకు సెలబ్రేట్‌ చేయలేకపోయింది. తండ్రి లేకపోవడం, ఏంజెల్‌ డేవిడ్‌ సహా నలుగురు పిల్లల బాధ్యత ఆమె ఒంటరిగా చూసుకునేది. దీంతో పేదరికం కారణంగా డేవిడ్‌కు ఎనిమిదేళ్లు వచ్చినా ఇంతవరకు పుట్టినరోజును నిర్వహించలేకపోయింది. విషయం తెలిసిన డేవిడ్‌ క్లాస్‌ టీచర్‌ అతని బర్త్‌డేను పెద్ద వేడుకలా చేయాలని నిర్ణయించుకుంది. దీంతో కేక్‌, డెకరేషన్‌తో క్లాస్‌ రూమ్‌లోనే డేవిడ్‌కు తెలియకుండా సర్‌ప్రైజ్‌గా బర్త్‌డే వేడుకలను ఏర్పాటు చేసింది. క్లాస్‌లోకి డేవిడ్‌ అడుగుపెట్టగానే క్లాస్‌ టీచర్‌ సహా అతని క్లాస్‌మేట్స్‌ అందరూ హ్యాపీ బర్త్‌డే అంటూ సాంగ్స్‌ పాడుతూ అతన్ని క్లాస్‌రూంలోకి వెల్‌కమ్‌ చెప్పారు. ఊహించిన ఈ సర్‌ప్రైజ్‌తో డేవిడ్‌ ఆనందంతో ఏడ్చేశాడు. దీంతో పిల్లలంతా ఒక్కచోట చేరి డేవిడ్‌ను కౌగిలించుకొని బర్త్‌డే విషెస్‌ తెలిపారు. దీనికి సంబంధించిన వీడియో ఇప్పుడు సోషల్‌ మీడియాలో వైరల్‌గా మారింది.    View this post on Instagram A post shared by Hear Her Stories 📣 (@hearherstories)

ప్రముఖ సినీ దర్శకుడు పి.వాసు శుక్రవారం తన పుట్టినరోజు వేడుకలను చైన్నెలోని లైకా సంస్థ కార్యాలయంలో జరుపుకున్నారు. ఈయన గత 40 ఏళ్లుకు పైగా దర్శకుడిగా రాణిస్తున్నారు. వివిధ భాషల్లో 60కిపైగా చిత్రాలకు దర్శకత్వం వహించారు. తాజాగా ఈయన దర్శకత్వం వహించిన చిత్రం చంద్రముఖి –2.  (ఇదీ చదవండి: ఐదు రోజులుగా ఆ సమస్యతో బాధపడుతున్న అనసూయ!) రాఘవ లారెన్స్‌, బాలీవుడ్‌ బ్యూటీ కంగనా రనౌత్‌ ప్రధాన పాత్రల్లో నటించిన 'చంద్రముఖి 2'.. పాన్ ఇండియా వైడ్ రిలీజ్ కానుంది. ఇందులో వడివేలు, రావు రమేశ్ తదితరులు కీలకపాత్రలు పోషించారు. లైకా ప్రొడక్షన్స్‌  భారీ బడ్జెట్‌తో నిర్మించింది. ఆర్డీ రాజశేఖర్‌ సినిమాటోగ్రఫీ, ఎంఎం కీరవాణి సంగీతాన్ని అందించారు. అన్ని కార్యక్రమాలు పూర్తిచేసుకుని ఈ నెల 28న పాన్‌ ఇండియా స్థాయిలో ఐదు భాషల్లో విడుదల కానుంది.  కాగా ఈ చిత్ర దర్శకుడు జన్మదిన వేడుకలను లైకా సంస్థ నిర్వాహకులు ఘనంగా నిర్వహించారు. ఇందులో నటుడు రాఘవ లారెన్స్‌, లైకా సంస్థ ప్రధాన నిర్వాహకుడు జీకే ఎం తమిళ్‌ కుమరన్‌ పాల్గొని పి.వాసుకు జన్మదిన శుభాకాంక్షలు చెప్పారు. ఈ సందర్భంగా పి.వాసు తన అసిస్టెంట్ డైరెక్టర్స్‌కి ల్యాప్‌ట్యాప్‌లని కానుకగా అందించారు.  (ఇదీ చదవండి: రైతుబిడ్డకి వార్నింగ్.. రతిక బిహేవియర్‌పై నాగ్ సీరియస్!)

విశాఖపట్నం: ఇందిరా గాంధీ జూ పార్కులో పీచెస్‌ అనే ఆడ తెల్ల పులి పుట్టిన రోజు ఘనంగా జరిగింది. తెల్ల పులుల ఎన్‌క్లోజర్‌ వద్ద ఆదివారం ఏర్పాటు చేసిన ఈ కార్యక్రమంలో సీపీఈ జూనియర్‌ కళాశాల విద్యార్థులు పాల్గొన్నారు. కొందరు విద్యార్థులు పులి మాస్క్‌లు ధరించి సందడి చేశారు. విద్యార్థులతో కలిసి క్యూరేటర్‌ నందనీ సలారియా కేకు కట్‌ చేసి సందర్శకులకు పంచిపెట్టారు. సీపీఈ కళాశాల యాజమాన్యం ఆ పులిని నెల రోజుల పాటు దత్తత తీసుకుంది. పీచెస్‌ పుట్టి ఐదేళ్లు పూర్తయిందని, ఆరో సంవత్సరంలోకి అడుగుపెట్టిన సందర్భంగా పుట్టిన రోజు వేడుక నిర్వహించామని క్యూరేటర్‌ తెలిపారు. నెల రోజుల పాటు పీచెస్‌కు అయ్యే ఖర్చును భరించేందుకు ముందుకొచ్చిన సీపీఈ యాజమాన్యానికి కృతజ్ఞతలు తెలిపారు. అసిస్టెంట్‌ క్యూరేటర్లు గోపి, గోపాలనాయుడు, సిబ్బంది పాల్గొన్నారు.

సాక్షి, అమరావతి : రాష్ట్రంలో ఎక్కడ ఏం జరిగినా దాన్ని ప్రభుత్వానికి అంటగట్టనిదే ఈనాడు రామోజీరావుకు నిద్రపట్టడం లేదు. శ్రీకాకుళం జిల్లాలో కొందరు వ్యక్తుల మధ్య ఆవేశకావేశాలతో జరిగిన ఘర్షణకు గంజాయే కారణమని, అది సర్కారు నిర్వాకమని వక్రీకరించింది. గంజాయి మత్తులో రాష్ట్రంలో నేరాలు పెరుగుతున్నట్టు అవాస్తవాలతో ప్రభుత్వంపై బురద జల్లేందుకు యత్నంచింది. ‘గంజాయి రాజ్యంలో ముఠాల అరాచకం’ శీర్షికన గురువారం దుష్ప్రచారానికి పూనుకుంది. వాస్తవాల్లోకి వెళితే.. శ్రీకాకుళంలోని దమ్మాలవీధికి చెందిన టీడీపీ మాజీ కౌన్సిలర్‌ కేశవ రాంబాబు ఈ నెల 23న రాత్రి 8.30 గంటలకు తన బైక్‌పై వెళుతూ మార్గం మధ్యలో కొందరు యువకులతో ఘర్షణ పడ్డారు. దిల్లేశ్వరరావు అనే వ్యక్తి పుట్టిన రోజు వేడుకల సందర్భంగా ట్రాఫి క్‌కు అంతరాయం కలిగింది. దీనిపై తన బైక్‌కు దారి ఇవ్వమని రాంబాబు ఆ వేడుకల్లో ఉన్న యువకులను అడిగారు. దాంతో మాధవ్, దేవా, కార్తిక్‌ అనే యువకులతో రాంబాబుకు వా గ్వాదం మొదలై ఘర్షణకు దారితీసింది. దాంతో ఒకరిని ఒకరు నెట్టుకున్నారు. రాంబాబు ఇచ్చిన ఫిర్యాదుతో పోలీసులు కేసు నమోదు చేశారు. కాగా ఇరువర్గాల వారు ఒకే సామాజిక వర్గానికి చెందినవారు. దాంతో ఆ సామాజికవర్గ పెద్దలు వారి మధ్య రాజీ కుదిర్చారు. ఆ మేరకు రాంబాబు రాజీ లేఖను పోలీసులకు సమర్పంచారు. ఆ లేఖను న్యా యస్థానానికి నివేదించి అనంతరం న్యాయస్థానం ఆదేశాలతో తగిన చర్యలు తీసుకుంటామని పోలీసులు తెలిపారు. ఈ ఘటనను ఈనాడు వక్రీకరించి గంజాయి మత్తు లో ఘర్షణ జరిగిందంటూ దుష్ప్రచారం చేసి, చంద్రబాబుకు అనుకూల వాతావరణం సృష్టించా లని పచ్చపాతాన్ని ప్రదర్శించడం దారుణం.    

నల్గొండ: మరో పది రోజుల్లో పుట్టిన రోజు చేసుకోవాల్సిన ఐశ్వర్యను అంతలోనే మృత్యువు కబలించింది. పుట్టిన రోజు వేడుక సన్నాహాల్లో భాగంగా షాపింగ్‌కు వెళ్లిన ఐశ్వర్య దుండగుడి తూటాలకు బలికావడం ఆమె కుటుంబ సభ్యులను కలిచివేసింది. ఐశ్వర్య ఈ నెల 18న పుట్టిన రోజు వేడుకలను స్నేహితుల నడుమ జరుపుకోవాలని భావించింది. అమెరికాలోని టెక్సాస్‌ లోని ఎలెన్‌ సూపర్‌ మార్కెట్‌కు షాపింగ్‌ కోసం వెళ్లగా ఈ దుర్ఘటన చోటు చేసుకుంది. చలాకీగా, సరదాగా ఉండే ఐశ్వర్య ఇక లేదని తెలుసుకున్న బంధువులు, స్నేహితులు కన్నీరు మున్నీరు అవుతున్నారు. అమెరికాకు ఉన్నత చదువుల కోసం వెళ్లిన ఆమె చదువు పూర్తి కాగానే అక్కడే ఫర్‌ఫెక్ట్‌ జనరల్‌ కాంటాక్టర్స్‌ కంపెనీలో మేనేజర్‌గా పని చేస్తోంది.  ఇంకో నెల రోజుల్లో అదే కంపెనీకి సీఈవోగా నియమించేందుకు కంపెనీ ప్రతినిధులు ప్రతిపాదనలు కూడా సిద్ధం చేశారు.  ఉద్యోగోన్నతి పొందకుండానే ఆమె కానరాని లోకాలకు వెళ్లిపో యింది. ఆమెకు వివాహం చేసేందుకు తల్లిదండ్రులు పెళ్లి సంబంధాలు కూడా చూస్తున్నారు. శనివారం మధ్యాహ్నం 3:40 గంటలకు తల్లిదండ్రులు తాటికొండ నర్సిరెడ్డి–అరుణతో తన పుట్టిన రోజు వేడుకల సందర్భంగా షాపింగ్‌కు వెళ్తున్న విషయాన్ని ఫోన్‌ చేసి చెప్పింది. తల్లి దండ్రులతో అవే చివరి మాటలు. కాగా, ఐశ్వర్య భౌతికకాయం బుధవారం రాత్రికి హైదరాబాద్‌కు చేరుకోనున్నట్లు కుటుంబ సభ్యులు తెలిపారు.    ఎమ్మెల్యేల పరామర్శ అమెరికాలోని టెక్సాస్‌ రాష్ట్రంలో దుండుగల తూటాలకు బలైన నేరేడుచర్ల మున్సిపాలిటీలోని పాత నేరేడుచర్లకు చెందిన ఐశ్వర్య కుటుంబ సభ్యులను హైదరాబాద్‌లోని వారి నివాసంలో మంగళవారం హుజూర్‌నగర్‌ ఎమ్మెల్యే శానంపూడి సైదిరెడ్డి, కోదాడ ఎమ్మెల్యే బొల్లం మల్లయ్యయాదవ్‌ పరామర్శించారు. ఐశ్వర్య భౌతికకాయాన్ని స్వస్థలానికి తీసుకొచ్చేందుకు రాష్ట్ర మంత్రులు కేటీఆర్, జగదీష్‌రెడ్డి కృషి చేస్తున్నారని చెప్పారు. 

వచ్చే ఏడాదిలో రెండు భారీ చిత్రాలు నిర్మించబోతున్నట్లు ‘తీస్‌మార్‌ ఖాన్‌’ నిర్మాత నాగం తిరుపతి రెడ్డి  ప్రకటించారు. నేడు(డిసెంబర్‌ 25) ఆయన పుట్టిన రోజు. ఈ సందర్భంగా ఆయన తన కొత్త సినిమాల విషయాలను మీడియాతో పంచుకున్నారు. ‘మా బ్యానర్‌లో ఇది వరకు వచ్చిన నాలుగు చిత్రాలను ప్రేక్షకులు ఆదరించారు. వచ్చే ఏడాది రెండు భారీ చిత్రాలను విడుదల చేస్తాం. ఆ రెండు చిత్రాల్లోనూ ప్రముఖ హీరోలు నటిస్తున్నారు. . త్వరలోనే ఆ సినిమాకు సంబంధించిన పూర్తి వివరాలను తెలియజేస్తాం’అన్నారు. రియల్ ఎస్టేట్ రంగంలో రాణించిన నాగం తిరుపతి రెడ్డి ఇప్పుడు సినిమా ఇండస్ట్రీలోనూ తన సత్తా చాటాలని ప్రయత్నిస్తున్నారు. ఈక్రమంలోనే మంచి కంటెంట్ ఉన్న సినిమాలను నిర్మిస్తూ బిజీగా ఉంటున్నారు. ఈ ఏడాది ఆయన నిర్మాణంలో ఆది సాయికుమార్‌ హీరోగా నటించిన ‘తీస్ మార్ ఖాన్’ విడుదలై, మంచి విజయాన్ని అందుకుంది. 

సాక్షి, హైదరాబాద్: జన్మదినం రోజు ఓ ఫిర్యాదురాలికి సుల్తాన్‌బజార్‌ పోలీసులు వినూత్న బహుమతి ఇచ్చారు. వివరాలు.. జియాగూడకు చెందిన జి.భార్గవి పుట్టిన రోజు సందర్భంగా బొగ్గులకుంటలోని రాయల్‌ టిఫిన్‌ సెంటర్‌ వద్ద తన ద్విచక్ర వాహనాన్ని పార్క్‌ చేసింది.  టిఫిన్‌ చేసి బయటకు రావడంతో బైక్‌ కనిపించకపోవడంతో పోలీసులకు ఫిర్యాదు చేసింది. సుల్తాన్‌ బజార్‌ ఇన్‌స్పెక్టర్‌ బాలగంగిరెడ్డి సిబ్బందిని అలర్ట్‌ చేసి వెంటనే బైక్‌ను భార్గవికి అందజేశారు. దీంతో ఆమె పోలీస్‌స్టేషన్‌లో కేక్‌కట్‌ చేసి జన్మదిన వేడుకలను జరుపుకొంది. పోలీసులకు ధన్యవాదాలు తెలిపింది. (క్లిక్‌ చేయండి: డ్రైవింగ్‌ లైసెన్సులు, ఆర్సీ కార్డుల జారీపై కీలక నిర్ణయం)

ప్రతీ వ్యక్తి జీవితంలో కొన్ని మధుర క్షణాలు పదిలంగా ఉండిపోతాయి. వాటి వెనుక చిన్న చిన్న చర్యలు కూడా ఉండొచ్చు!. తమ ఇంటి బండి నడిచేందుకు.. నాలుగు ఇళ్లలో పని చేసుకునే వాళ్లు ఎందరో. అలాంటి వాళ్లను గౌరవంగా చూసే ఓనర్లు ఎందరుంటారు?.. అయితే ఇక్కడ తమకు సాయంగా ఇంటి పనులు చేసే ఆమెను.. ఇంట్లో మనిషిగానే భావించింది ఆ ఓనరమ్మ. అందుకే.. ఆమె జీవితంలో ఏ పుట్టినరోజుకు అందుకోని సర్‌ప్రైజ్‌ ఇచ్చింది.   వీళ్లకు విలువైన కానుకలు అక్కర్లేదు. ఇలాంటి ప్రత్యేక క్షణాల్లో ప్రేమ, ఆనందం పంచితే సరిపోతుంది. ఈ నగరంలో ఆమె భర్తతో ఒంటరిగా ఉంటోంది. అందుకే ఆమె పుట్టినరోజును ముఖంలో చిరునవ్వులు పూయించాలనుకున్నాం. మా మామగారు ఆమె కోసం కేక్‌ తెచ్చారు. అంతా కలిసి ఆమెను సర్‌ప్రైజ్‌ చేశాం. కొన్నిసార్లు ఎదుటివాళ్లను నవ్వించేందుకు.. మీరు చిన్న చిన్న పనులు మీతో ఎప్పటికీ నిలిచిపోతాయి అంటూ క్యాప్షన్‌ ఉంచింది సదరు ఓనరామె.  అంతే మీ వల్లే మా ఇల్లు శుభ్రంగా, సొగసుగా ఉంటోందని.. హ్యపీయెస్ట్‌ బర్త్‌డే మౌషీ అంటూ క్యాష్షన్‌ ఉంచారామె. అంతేకాదు.. ఎప్పుడూ తన కోసం టీ పెట్టే ఆమె కోసం.. ఈసారి ఆ ఓనర్‌ ప్రత్యేకంగా టీ చేసి ఇచ్చింది. తన జీవితంలో ఇప్పటిదాకా పుట్టినరోజు జరుపుకోలేదని.. ఈ క్షణాలు తనకు ఎంతో భావోద్వేగాన్ని పంచాయంటూ కంటతడి పెట్టుకుందామె.  ప్రస్తుతం ఆ వీడియో విపరీతంగా వైరల్‌ అవుతోంది. View this post on Instagram A post shared by Viral Bhayani (@viralbhayani)

ఐకాన్‌ స్టార్‌ అల్లు అర్జున్‌ భార్య స్నేహారెడ్డి పుట్టిన రోజు నేడు(సెప్టెంబర్‌ 29). ఈ సందర్భంగా ఫ్యామిలీతో కలిసి అమృత్‌సర్‌లోని గోల్డెన్‌ టెంపుల్‌ దర్శనానికి వెళ్లాడు బన్నీ. సంప్రదాయ దుస్తులు ధరించి దర్శనం చేసుకున్నారు.  పాన్ ఇండియా స్టార్ స్టేటస్ ఉండి కూడా ఒక సాధారణ వ్యక్తిలా గోల్డన్ టెంపుల్ ను సందర్శించడం అల్లుఅర్జున్ లోని సింప్లిసిటీ కి నిదర్శనం అని చెప్పాలి. ఫొటో గ్యాలరీ కోసం ఇక్కడ క్లిక్ చేయండి  ‘హ్యాపీ బర్త్‌డే క్యూటీ’ సోషల్‌ మీడియా ద్వారా భార్యకు బర్త్‌డే విషెస్‌ చెప్పాడు బన్ని. స్నేహారెడ్డి కెక్‌ కట్‌ చేస్తున్న ఫోటోని తన ట్విటర్‌ ఖాతాలో షేర్‌ చేస్తూ ‘హ్యాపీ బర్త్‌డే క్యూటీ’అని పోస్ట్‌ చేశాడు.  అల్లు అర్జున్‌, స్నేహారెడ్డిలది ప్రేమ వివాహం. 2011 మార్చ్ లో వీరి పెళ్లి జరిగింది. 2014లో అబ్బాయి అయాన్, 2016లో అమ్మాయి అర్హ జన్మించారు. Happy Birthday Cutie 💖 pic.twitter.com/LL5nEaOmjg — Allu Arjun (@alluarjun) September 29, 2022

Kiara Advani Celebrate Her Birthday With Sidharth Malhotra In Dubai: హిందీ చిత్రపరిశ్రమలో పెళ్లిళ్లు, లవ్‌ ఎఫైర్లు, చెట్టాపట్టాలు వేసుకోని షికార్లు చేయడం సర్వసాధారణమే. అయితే ఈ విషయాలపై కొందరు సూటిగా సుత్తిలేకుండా వారి రిలేషన్‌షిప్‌ గురించి బయటపెడితే, మరికొందరు గుట్టుగా ఎంజాయ్ చేస్తారు. అయితే తాజాగా బీటౌన్‌ బ్యూటీ కియారా అద్వాణీ తన బాయ్‌ఫ్రెండ్‌తో సరదాగా ఎంజాయ్‌ చేస్తున్నట్లు బాలీవుడ్‌లో టాక్ నడుస్తోంది. ఈరోజు (జులై 31) కియారా అద్వానీ పుట్టినరోజు. తన బర్త్‌డేను బాయ్‌ఫ్రెండ్‌తో ఫారిన్‌లో జరుపుకుంటోందని గుసగుసలు వినిపిస్తున్నాయి. బాలీవుడ్‌ ముద్దుగుమ్మ కియారా అద్వానీ, యంగ్‌ హీరో సిద్ధార్థ్ మల్హోత్రా మధ్య లవ్‌ ట్రాక్‌ నడుస్తోందని రూమర్లు వినిపిస్తున్న విషయం తెలిసిందే. తాజాగా తన 30వ పుట్టినరోజును దుబాయ్‌లో ప్రియుడు సిద్ధార్థ్‌తో కలిసి జరుపుకుంటున్నట్లు సోషల్‌ మీడియాలోని పలు పోస్ట్‌లను చూస్తే అర్థమవుతోంది. కియారా అద్వానీ, సిద్ధార్థ్ మల్హోత్ర తాజాగా ఫ్యాన్స్‌తో దిగిన ఫొటోలు నెట్టింట వైరల్‌ అవుతున్నాయి. చదవండి: చివరిగా మమతా మోహన్ దాస్‌ను ఎంపిక చేశాం: డైరెక్టర్‌ అయితే వీరిద్దరూ అభిమానులతో విడివిడిగా ఫొజులివ్వడం మనం చూడొచ్చు. ఈ ఫొటోల్లో సిద్ధార్థ్‌, కియారా విడిగా ఫోజులిచ్చిన.. వారితో దిగిన ఫ్యాన్స్‌ వేసుకున్న దుస్తులు ఒకేలా ఉండటాన్ని గమనించవచ్చు. దీంతో కియారా తన బర్త్‌డేను సిద్ధార్థ్‌తో కలిసి సెలబ్రేట్‌ చేసుకుంటున్నట్లు వస్తున్న వార్తలు నిజమని తెలుస్తోంది.  చదవండి: కాజోల్‌ 30 ఏళ్ల సినీ ప్రస్థానం.. అజయ్‌ దేవగణ్‌ స్పెషల్‌ పోస్ట్‌ View this post on Instagram A post shared by SidKiara (@siara_vogue) కాగా కియారా అద్వానీ, సిద్ధార్థ్ మల్హోత్రా 'షేర్షా' చిత్రంలో కలిసి నటించారు. ఈ సినిమాతోనే వీరి ప్రేమకు బీజం పడినట్లు తెలుస్తోంది. అయితే వీరిద్దరిపై వస్తున్న పుకార్లపై ఇప్పటివరకు ఎవరు స్పందించలేదు. ఇటీవల కరణ్ జోహర్ టాక్‌ షో 'కాఫీ విత్ కరణ్‌' 7వ సీజన్‌ ఎపిసోడ్‌లో వారిద్దరూ డేటింగ్‌ చేస్తున్నట్లు అనన్య పాండే హింట్ కూడా ఇచ్చింది. కాగా మహేశ్‌ బాబు 'భరత్‌ అనే నేను' మూవీతో తెలుగు ప్రేక్షకులను బాలీవుడ్‌ బ్యూటీ కియారా అద్వానీ మెప్పించిన విషయం తెలిసిందే.  చదవండి: నిర్మాతగా మారిన బ్యూటిఫుల్ హీరోయిన్‌..

టీఆర్ఎస్ పార్టీ వ‌ర్కింగ్ ప్రెసిడెంట్ కేటీఆర్ పుట్టిన రోజు వేడుక‌లు అమెరికాలో ఘనంగా జరిగాయి. డల్లాస్‌లో టీఆర్‌ఎస్‌ పార్టీ నేత అభిషేక్‌ కొత్తుర్‌ ఆధ్వర్యంలో నిర్వహించిన జన్మదిన వేడుకల్లో ఎన్నారైలు పెద్ద ఎత‍్తున పాల్గొన్నారు. ఈ సందర్భంగా ఎన్నారైలు కేక్‌ కటింగ్‌  చేసి కేటీఆర్‌కు శుభాకాంక్షలు తెలిపారు. అనంతరం అభిషేక్‌ కొత్తూర్‌ కేటీఆర్‌ రాజకీయ ప్రస్థానాన్ని గుర్తు చేసుకున్నారు. తెలంగాణ ఉద్య‌మ‌కారుడిగా రాజ‌కీయ ప్ర‌స్థానం ప్రారంభించిన కేటీఆర్ 2009లో తొలిసారి సిరిసిల్ల ఎమ్మెల్యేగా విజయం సాధించారని, ఆ విజయాల పరపరం కొనసాగిస్తూ రాష్ట్ర మంత్రిగా రాష్ట్రాభివృద్ధి కోసం అహర్నిశలు పాటుపడుతున్నారని కొనియాడారు. మంత్రి కేటీఆర్‌కు అభిషేక్‌ జ‌న్మ దిన శుభాకాంక్ష‌లు తెలిపారు. 

సీనియర్‌ నటుడు కైకాల బర్త్‌డే నేడు. సోమవారం(జూలై 25న) ఆయన 87వ పుట్టిన రోజు జరుపుకుంటున్నారు. ఈ సందర్భంగా మెగాస్టార్‌ చిరంజీవి ఆయన జన్మదిన వేడుకను నిర్వహించారు. ఇందుకోసం స్వయంగా కైకాల ఇంటికి వెళ్లి బెడ్‌పైనే ఆయనతో కేక్‌ కట్‌ చేయించారు. ఇందుకు సంబంధించిన ఫొటోలను చిరు షేర్‌ చేస్తూ కైకాలకు ప్రత్యేకంగా జన్మదిన శుభాకాంక్షలు తెలిపారు. చదవండి: ‘ఒక్క సినిమా కంటే ఎక్కువ చేస్తాననుకోలేదు.. మీ ప్రేమకు కృతజ్ఞురాలిని’ ఈ మేరకు చిరంజీవి ట్వీట్‌ చేస్తూ.. ‘పెద్దలు శ్రీ కైకాల సత్యనారాయణ గారి పుట్టినరోజున,వారిని కలిసి జన్మదిన శుభాకాంక్షలు తెలియచేయటం ఎంతో సంతోషాన్ని సంతృప్తిని ఇచ్చింది. ఆ భగవంతుడు వారికి సంపూర్ణ ఆయురారోగ్యాలు ఇవ్వాలని కోరుకుంటుంటున్నాను’ అంటూ రాసుకొచ్చారు. కాగా కైకాల ప్రస్తుతం వృద్యాప్య సమస్యలతో బాధపడుతున్న ఆయన బెడ్‌పైనే చికిత్స పొందుతున్నారు. ఆయన కనీసం నిలబడి లేని, కదలలేని స్థితిలో ఉన్నారు. దీంతో ప్రస్తుతం ఆయన బెడ్‌పైనే చికిత్స పొందుతున్నారు. పెద్దలు శ్రీ కైకాల సత్యనారాయణ గారి పుట్టినరోజున,వారిని కలిసి జన్మదిన శుభాకాంక్షలు తెలియచేయటం ఎంతో సంతోషాన్ని సంతృప్తిని ఇచ్చింది. ఆ భగవంతుడు వారికి సంపూర్ణ ఆయురారోగ్యాలు ఇవ్వాలని కోరుకుంటుంటున్నాను 💐💐🙏🏻 pic.twitter.com/Dt2Yo2rp6i — Chiranjeevi Konidela (@KChiruTweets) July 25, 2022

సింగపూర్‌లో వాసవి మాత జయంతి వేడుకలు ఘనంగా జరిగాయి. సింగపూర్ వాసవి క్లబ్ ఆధ్వర్యంలో జరిగిన ఈ వేడుకల్లో భక్తులు  స్థానిక మారియమ్మన్ ఆలయం నందు అమ్మవారికి విశేష అభిషేకము, సామూహిక కుంకుమార్చన నిర్వహించారు.   ఈ సందర్భంగా వాసవి క్లబ్ అధ్యక్షులు అరుణ్ కుమార్ మాట్లాడుతూ కరోనా కారణంగా గతరెండేళ్లుగా వాసవి మాత జయంతి వేడుకుల్ని జూమ్‌లో నిర్వహించినట్లు తెలిపారు. కరోనా తగ్గడంతో భక్తుల మధ్య ప్రత్యక్షంగా అమ‍్మవారిని పూజించడం సంతోషంగా ఉందన్నారు.  వాసవి క్లబ్ సెక్రటరీ నరేంద్ర కుమార్ మాట్లాడుతూ.. తాము గత పదేళ్లుగా అమ్మవారికి విశేష పూజ కార్యక్రమాలతో పాటు మరెన్నో సాంస్కృతిక కార్యక్రమాలు చేస్తున్నట్లు తెలిపారు. అలాగే మారియమ్మన్ ఆలయ జీర్ణోద్ధరణలో భక్తులు విరివిగా పాల్గొనాలని, ధర్మాన్ని విడనాడకుండా మరెన్నో సేవాకార్యక్రమాల్లో ముందుకెళ్లాలని పిలుపునిచ్చారు. 

సాక్షి, అమరావతి: అవదూత దత్త పీఠాధిపతి గణపతి సచ్చిదానంద స్వామీజీ 80వ పుట్టిన రోజు వేడుకలకు సీఎం వైఎస్‌ జగన్‌మోహన్‌రెడ్డిని దత్తపీఠం ప్రతినిధులు ఆహ్వానించారు. సోమవారం సీఎం క్యాంపు కార్యాలయంలో సీఎంను కలిసిన దత్తపీఠం ప్రతినిధులు ఆహ్వాన పత్రాన్ని అందించారు. సీఎంను కలిసిన వారిలో దత్తపీఠం ఎగ్జిక్యూటివ్‌ ట్రస్టీ హెచ్‌వీ ప్రసాద్, ట్రస్టీ రమేష్, టీటీడీ చైర్మన్‌ వైవీ సుబ్బారెడ్డి తదితరులున్నారు. చదవం‍డి: ఏది నిజం: రోడ్లపై గుంతలా? రామోజీ కళ్లకు గంతలా? 

సత్తుపల్లి: విద్యార్థులు నడిరోడ్డుపై బాహాబాహీకి దిగారు. కర్రలు, రాళ్లతో ఒకరిపై ఒకరు దాడులు చేసుకుని భయానక వాతావరణం సృష్టించారు. ఖమ్మం జిల్లా సత్తుపల్లి మండలం గంగారంలోని ఓ ప్రైవేట్‌ ఇంజనీరింగ్‌ కళాశాల సీనియర్, జూనియర్‌ విద్యార్థుల మధ్య శనివారం సాయంత్రం  ఈ ఘర్షణ జరిగింది. కళాశాలకు చెందిన ఓ జూనియర్‌ విద్యార్థి పుట్టినరోజు వేడుకల్లో అతడిపై కేక్‌ పూయడంతో మొదలైన వివాదం... మరో జూనియర్‌ విద్యార్థి సీనియర్‌ను సిగరెట్‌ అడగటంతో ముదిరింది. జూనియర్లు, సీనియర్ల మధ్య తీవ్ర వాగ్వాదం జరిగింది. కాసేపటి తర్వాత అందరూ తిరిగి కళాశాలకు వెళ్లిపోయారు. సాయంత్రం మళ్లీ మరో జూనియర్‌ విద్యార్థి తన స్నేహితులను వెంటబెట్టుకొచ్చి కర్రలతో దాడి చేయటంతో గొడవ తీవ్రమయ్యింది. కళాశాల నుంచి బయటకు వచ్చిన విద్యార్థులు జాతీయ రహదారిపైనే కర్రలు, రాళ్లతో దాడులు చేసుకున్నారు. దీంతో స్థానికులు భయభ్రాంతులయ్యారు. దీనిపై పోలీసులు విచారణ చేపట్టినట్టు సమాచారం.

స్టార్‌ హీరోల్లో కొంత మంది మాత్రమే సింపుల్‌గా ఉంటారు. హీరోని అనే ఫీలింగ్‌ లేకుండా సాదాసీదా ఉంటూ అందరితో కలిసిపోతుంటారు. అలాంటి వారిలో అల్లు అర్జున్‌ ఒకరు. తన చుట్టూ ఉండే వ్యక్తులతో ఎప్పుడూ స్టార్‌ హీరోలాగా ప్రవర్తించరు. ఆయన దగ్గర పనిచేసే వ్యక్తులను సొంత మనుషుల్లా చూసుకుంటారు. తాజాగా ఈ ఐకాన్‌ హీరో.. తన కంటెంట్‌, డిజిటల్‌ హెడ్‌ అయిన శరత్‌ చంద్ర నాయుడు పుట్టిన రోజు వేడుకని ఘనంగా జరిపారు. డిజిటల్ హెడ్ పుట్టిన రోజు కావడంతో సడన్‌గా కేక్‌ తీసుకొచ్చి బర్త్‌డే సెలబ్రేట్‌ చేసి సర్‌ప్రైజ్‌ చేశాడు.  సోషల్ మీడియా ప్లాట్‌ఫామ్స్‌  అన్నీ ఆ కేక్ మీద హైలెట్ చేశారు. దీన్ని బట్టి తన టీమ్ ను ఆయన ఎంత స్పెషల్ గా చూసుకుంటారో అర్థమవుతుంది. తన స్టాఫ్‌ బర్త్‌డే వేడుకలను సెలబ్రేట్‌ చేయడం బన్నీకి ఇది మొదటిసారి మాత్రమే కాదు. చాలా సార్లు చాలా మంది బర్త్‌డేలను సెలబ్రేట్‌ చేశారు. స్పెషల్‌ అకేషన్స్‌ అన్ని అలానే చేస్తుంటాడు. పెళ్లిళ్లకు కూడా హాజరవుతుంటారు. అందుకే ఆయన దగ్గర పనిచేసే ఎంప్లాయిస్‌.. ఇలాంటి బాస్‌ దొరకడం అదృష్టం అంటుంటారు.   ఇక బన్నీ సినిమాల విషయానికిస్తే..‘పుష్ప’ రెండో భాగం ‘పుష్ప: ది రైజ్‌’ చిత్రం షూటింగ్‌ త్వరలోనే ప్రారంభం కానుంది. ఆ తర్వాత సంజయ్‌లీలా భన్సాలీతో ఓ సినిమా చేయబోతున్నట్లు వార్తలు వినిపిస్తున్నాయి. అలాగే  రాజమౌళి దర్శకత్వంలోనూ బన్నీ నటించబోతున్నట్లు టీటౌన్‌లో టాక్‌ వినిపిస్తోంది.  Thank you so much @alluarjun sir for your wishes and for attending my party. You made me the happiest on my birthday. I am forever grateful for all the love and good wishes that I have been receiving from you. pic.twitter.com/CyCBepxDhm — Sarath Chandra Naidu (@imsarathchandra) March 17, 2022

కల్లూరు రూరల్‌: తెలంగాణలో ముఖ్యమంత్రి కేసీఆర్‌ ప్రవేశపెడుతున్న సంక్షేమ పథకాలు దేశానికే ఆదర్శంగా నిలుస్తున్నాయని మాజీ ఎంపీ, టీఆర్‌ఎస్‌ రాష్ట్ర నాయకుడు పొంగులేటి శ్రీనివాసరెడ్డి అన్నారు. ఖమ్మం జిల్లా కల్లూరు మండలంలోని తన స్వగ్రామమైన నారాయణపురంలో గురువారం కేసీఆర్‌ జన్మదిన వేడుకలను ఘనంగా నిర్వహించారు. ఈ కార్యక్రమంలో టీఆర్‌ఎస్‌ నాయకులు, కార్యకర్తలు పెద్దసంఖ్యలో పాల్గొనగా, పొంగులేటి కేక్‌ కట్‌చేసి అనంతరం మాట్లాడారు. గత ఎనిమిది సంవత్సరాలుగా వివిధ అభివృద్ధి, సంక్షేమ పథకాలను ప్రవేశపెట్టి రాష్ట్రాన్ని అభివృద్ధి పథంలో నడిపిస్తున్న ఘనత కేసీఆర్‌కే దక్కుతుందని తెలిపారు.  

సాక్షి, సిద్దిపేట: ‘సీఎం కేసీఆర్‌ లేకపోతే తెలంగాణ లేదు.. తెలంగాణ లేకపోతే కాళేశ్వరం ప్రాజెక్ట్‌ లేదు.. రంగనాయక సాగర్‌ జలాశయం ఉండేది కాదు.. సిద్దిపేట ప్రాంతానికి సాగు జలాలు సైతం వచ్చేవి కావు..’ అని మంత్రి హరీశ్‌రావు అన్నారు. గురువారం సీఎం కేసీఆర్‌ జన్మదినోత్సవం సందర్భంగా రంగనాయక సాగర్‌ ఎడమ కాల్వ ద్వారా గోదావరి జలాలను ఆయన విడుదల చేశారు. అనంతరం రంగనాయక సాగర్‌ కట్టపై కేక్‌ కట్‌ చేశారు. ఈ సందర్భంగా మాట్లాడుతూ సీఎం నిండు నూరేళ్లు ఆయురారోగ్యాలతో జీవించాలని హరీశ్‌ ఆకాంక్షించారు. గుక్కెడు నీళ్ల కోసం తపించిన రాష్ట్రాన్ని సమృద్ధిగా సాగు జలాలతో ఆకుపచ్చ తెలంగాణ, సస్యశ్యామల తెలంగాణ అయ్యేలా చేసిన ఘనత కేసీఆర్‌దే అన్నారు. కేంద్రం నుంచి రావాల్సిన సహకారం రాకున్నా అత్యుత్తమ ఆర్థిక విధానాలతో తెలంగాణను అన్ని రంగాల్లో ముందంజలో నిలిపారని కొనియాడారు. ఏడేళ్లలో తెలంగాణను అభివృద్ధి, సంక్షేమంలో దేశానికే ఆదర్శంగా, దిక్సూచిగా నిలిపారన్నారు. అత్యుత్తమ ఆర్థిక విధానాలతో రాష్ట్ర జీఎస్‌డీపీని రెట్టింపు చేశారని తెలిపారు. తలసరి ఆదాయంలో దేశంలోనే తెలంగాణను నంబర్‌ వన్‌గా నిలిపారన్నారు. అనంతరం మంత్రి సిద్దిపేట పట్టణంలోని క్యాంప్‌ ఆఫీస్‌లో కేసీఆర్‌ జన్మ రాశి సూచిక ప్రకారం మోదుగ మొక్కను నాటారు. కార్యక్రమంలో ఈఎన్‌సీ హరే రామ్, జిల్లా పరిషత్‌ చైర్‌పర్సన్‌ రోజా శర్మలు పాల్గొన్నారు.

Namrata Shirodkar's 50th Birthday Celebration Photo: సూపర్‌ స్టార్‌ మహేశ్‌బాబు సతీమణి నమ్రత గురించి ప్రత్యేకంగా చెప్పనవసరం లేదు. ఒకప్పుడు హీరోయిన్‌గా రాణించిన ఆమె.. మహేశ్‌తో వివాహం అనంతరం సినిమాలకు గుడ్‌బై చెప్పి కుటుంబ బాధ్యలతను నిర్వర్తిస్తోంది. మహేశ్‌ సినిమా షూటింగ్స్‌తో బిజీగా ఉంటే.. అతని వ్యాపారాలతో పాటు పిల్లల బాధ్యతలను ఆమే చూసుకుంటుంది. ఎంత బిజీగా ఉన్నప్పటికీ.. సోషల్‌ మీడియాలో మాత్రం చాలా యాక్టీవ్‌గా ఉంటుంది నమ్రత. తమ వ్యక్తిగత విషయాలతో పాటు మహేశ్‌ సినిమాలకు సంబంధించిన అప్‌డేట్స్‌ని ఎప్పకప్పుడు అభిమానులతో పంచుకుంటుంది.   ఇటీవల(జనవరి 22) నమ్రత పుట్టిన రోజు జరిగింది. తన బర్త్‌డేని కుటుంబ సభ్యులతో కలిసి సెలబ్రేట్‌ చేసుకుంది నమ్మత. తాజాగా దానికి సంబంధించిన ఫోటోని సోషల్‌ మీడియాలో షేర్‌ చేస్తూ.. ‘ప్రతి రోజు.. పిల్లలతో జాలీగా గడపడం కంటే బెస్ట్ ఆప్షన్ ఇంకొకటి లేదు’అంటూ నమ్రత కామెంట్‌ చేసింది. ప్రస్తుతం ఆ ఫోటో నెట్టింట వైరల్‌ అవుతోంది. ఇక మహేశ్‌ ప్రస్తుతం సర్కారు వారి పాట సినిమాలో నటిస్తున్నాడు. ఈ సినిమా ప్రస్తుతం షూటింగ్ దశలో ఉంది.  ఆ తర్వాత త్రివిక్రమ్‌తో ఓ సినిమా చేయనున్నాడు. View this post on Instagram A post shared by Namrata Shirodkar (@namratashirodkar)

ఆంధ్రప్రదేశ్‌ ముఖ్యమంత్రి వైయస్ జగన్ పుట్టినరోజు వేడుకలు కువైట్‌లో ఘనంగా నిర్వహించారు. వైఎస్‌ అవినాష్‌ యూత్‌ ఆధ్వర్యంలో భారీ ఎత్తున సంబరాలు నిర్వహించారు. జననేత వైఎస్‌ జగన్‌ పేరుతో ప్రత్యేకంగా కేక్‌ను తయారు చేయించారు. ఏపీలో వైఎస్‌ ప్రభుత్వం అమలు చేస్తున్న సంక్షేమ, అభివృద్ధి పథకాలను గుర్తు చేసుకున్నారు.  ఈ కార్యక్రమంలో  పులివెందుల జిలన్ బాషా, మాజ్, సురేష్, శ్యామల, సుబహన్ డేగ ఫిలిం, రైజ్ వన్ తదితరులు పాల్గొన్నారు. ముఖ్యమంత్రి వైయస్ జగన్‌కి పుట్టినరోజు శుభాకాంక్షలు తెలిపారు.

టీమిండియా వన్డే, టి20 కెప్టెన్‌ రోహిత్‌ శర్మ గాయంతో సౌతాఫ్రికాతో జరగనున్న టెస్టు సిరీస్‌కు దూరమైన సంగతి తెలిసిందే. ప్రస్తుతం రీహాబిటేషన్‌ పేరుతో ఎన్‌సీఏ అకాడమీలో ఉన్నాడు. కాగా డిసెంబర్‌ 21న రోహిత్‌ శర్మ భార్య రితిక సజ్‌దేహ్‌ పుట్టినరోజు. ఈ సందర్భంగా రోహిత్‌శర్మ తన ప్రియమైన భార్యకు ఇన్‌స్టాగ్రామ్‌కు సందేశాన్ని అందించాడు. ''ఇది హ్యాపియస్ట్‌ బర్త్‌డే మై లవ్‌. ఇప్పటివరకు ఎలా ఉన్నావు.. ఇప్పుడు అలాగే ఉండు. నీలో నన్ను బాగా ఆకట్టుకునేది అదే'' అంటూ క్యాప్షన్‌ జత చేశాడు. చదవండి: IND vs SA: ఎవరికి అవకాశం ఇద్దాం!.. తల పట్టుకుంటున్న కోహ్లి, ద్రవిడ్‌ ఇక గాయపడ్డ రోహిత్ స్థానంలో ప్రియాంక్‌ పాంచల్‌ను బీసీసీఐ ఎంపిక చేసిన సంగతి తెలిసిందే. కాగా టెస్టు సిరీస్‌కు దూరంగా ఉండనున్న రోహిత్‌.. వన్డే సిరీస్‌కు మాత్రం అందుబాటులో ఉండనున్నట్లు సమాచారం. కాగా టీమిండియా తరపున రోహిత్‌ శర్మ 43 టెస్టుల్లో 3047 పరుగులు, 227 వన్డేల్లో 9205 పరుగులు, 119 టి20ల్లో 3197 పరుగులు సాధించాడు.

సాక్షి, కేపీహెచ్‌బీకాలనీ (హైదరాబాద్‌): ఆకలితో అలమటిస్తున్న ఓ వ్యక్తిపై మూకుమ్మడి దాడి జరగడంతో మృతి చెందిన ఘటన కేపీహెచ్‌బీ పోలీస్‌ స్టేషన్‌ పరిధిలో వెలుగు చూసింది.  సీఐ కిషన్‌ కుమార్‌ వివరాల ప్రకారం.. ఒరిస్సాకు చెందిన రాజేష్‌ (32), భార్య, పిల్లలతో కలిసి మాదాపుర్‌లో ఉంటూ బాచుపల్లిలో నిర్మాణంలో ఉన్న ఓ భవనంలో కార్మికుడిగా పని చేస్తున్నాడు. బుధవారం రాత్రి పని ముగించుకొని ఇంటికి వచ్చే క్రమంలో జేఎన్‌టీయూహెచ్‌ మెట్రో స్టేషన్‌ పక్కనే ఉన్న మొఘల్స్‌ ప్యారడైజ్‌ రెస్టారెంట్‌ సెల్లర్‌లోకి వెళ్లాడు. అప్పటికే అక్కడ రెస్టారెంట్‌ మేనేజర్‌ అరవింద్‌ పుట్టిన రోజు వేడుకలు సిబ్బందితో కలిసి చేసుకుంటున్నారు. వాళ్లు తినగా మిగిలింది తనకు ఇవ్వమంటూ రాజేశ్‌ వాళ్లను వేడుకున్నాడు. కానీ, మానవత్వం మరిచిపోయారు. దొంగగా పొరబడి వాళ్లంతా అతన్ని చితకబాది వెళ్లిపోయారు. రాత్రంతా అక్కడే స్పృహ లేకుండా పడిఉన్న రాజేష్‌ను.. గురువారం ఉదయం హోటల్‌ సిబ్బంది గుర్తించారు. ఒరిస్సాలోని రాజేష్‌ తండ్రికి సమచారమివ్వగా అతను భార్య సత్యభామకు తెలుపడంతో ఆమె వెళ్లి ఇంటికి తీసుకొచ్చింది. ఇంటికి వెళ్లిన కాసేపటికే రాజేష్‌ మృతి చెందాడు. సత్యభామ ఫిర్యాదు మేరకు కేసు నమోదు చేసుకుని హోటల్‌ సిబ్బందిని అదుపులోకి తీసుకుని విచారిస్తున్నారు.  రాజేష్‌కు ముగ్గురు కుమార్తెలు, ఒక కొడుకు ఉన్నట్లు తెలిసింది.  చదవండి: భార్య, ప్రియుడి హత్య కేసు: భర్త అరెస్ట్‌

ముంబై: ఎవరి పుట్టినరోజు వేడుక వారికే ‍ప్రత్యేకం. ఎవరికి వారు ఇతరులకు భిన్నంగా తమ పుట్టినరోజు వేడుక జరుపుకోవాలని భావిస్తారు. అయితే కొందరు చేసే పనులు మాత్రం సోషల్‌ మీడియాలో వైరలయి.. అందరిని ఆకట్టుకుంటాయి. ఈ కోవకు చెందిన వార్త ఒకటి తాజాగా వెలుగులోకి వచ్చింది. పుట్టిన రోజు నాడు మహా అయితే 1,2 కేకులు కట్‌ చేస్తాం. కానీ ఇక్కడ మీరు చూడబోయే వ్యక్తి మాత్రం ఏకంగా 550 కేకులు కట్‌ చేశాడు. ప్రస్తుతం ఇందుకు సంబంధించిన వీడియో సోషల్‌ మీడియాలో వైరలవుతోంది. ఆ వివరాలు..  ముంబైకి చెందిన సౌర్య రాటూరి అనే యువకుడు తన పుట్టినరోజు సందర్భంగా ఏకంగా 550 కేకులు కట్‌ చేశాడు. అవి కూడా వేర్వేరు సైజుల్లో.. షేపులు, ఫ్లేవర్స్‌ ఉన్న కేక్‌లు కట్‌ చేశాడు. ఈ కేకులన్నింటిని.. ఓ పెద్ద టేబుల్‌ మీద పెట్టి.. వరుసగా వాటన్నింటిని కట్‌ చేసుకుంటూ వెళ్లాడు. అతడి స్నేహితులు, కుటుంబ సభ్యులు సౌర్య చుట్టూ చేరి అతడిని ఎంకరేజ్‌ చేయసాగారు.  (చదవండి: బైక్‌ను వెంబడించిన చిరుత; కేక్‌తో ప్రాణాలు కాపాడుకున్నారు) ప్రస్తుతం ఇందుకు సంబంధించిన వీడియో సోషల్‌ మీడియాలో తెగ వైరలవుతోంది. ఇది చూసిన నెటిజనులు కొందరు ప్రశంసిస్తుండగా.. చాలా మంది మాత్ర విమర్శలు కురిపిస్తున్నారు. ఇంత అట్టహాసం అవసరమా.. పుట్టిన రోజు అంటే ఏదైనా పనికి వచ్చే పని చేయాలి కానీ.. ఇలాంటి పనులు ఎందుకు అని విమర్శిస్తున్నారు.  చదవండి: ముక్కలు.. ముక్కలైన నవ్వుతున్నాడు..!

సాక్షి, హైదరాబాద్‌: టీఆర్‌ఎస్‌ వర్కింగ్‌ ప్రెసిడెంట్, రాష్ట్ర ఐటీ, పరిశ్రమల శాఖ మంత్రి కేటీఆర్‌ పుట్టినరోజు వేడుకలు ఘనంగా జరిగాయి. పార్టీ రాష్ట్ర కార్యాలయం తెలంగాణ భవన్‌తో పాటు పలు ప్రాంతాల్లో జరిగిన జన్మదిన వేడుకల్లో పలువురు మంత్రులు, ప్రజా ప్రతినిధులు, పార్టీ నేతలు, కార్యకర్తలు పాల్గొ న్నారు. టీఆర్‌ఎస్‌ సికింద్రాబాద్‌ పార్లమెంటు నియోజకవర్గ ఇన్‌చార్జి తలసాని సాయి కిరణ్‌ యాదవ్‌ ఆధ్వర్యంలో జరిగిన వేడుకల్లో మంత్రులు మహమూద్‌ అలీ, తలసాని శ్రీని వాస్‌ యాదవ్‌ పాల్గొని 44 కేజీల కేక్‌ కట్‌చేశారు. ‘లీడర్‌’టైటిల్‌తో కేటీఆర్‌పై రూపొందించిన సీడీని హోంమంత్రి మహమూద్‌ అలీ, ప్రత్యేక గీతాన్ని మాజీ ఎమ్మెల్సీ శ్రీనివాస్‌రెడ్డి ఆవి ష్కరించారు.  ‘గిఫ్ట్‌ ఏ స్మైల్‌’లో భాగంగా మంత్రి తలసాని శ్రీనివాస్‌ యాదవ్‌ దివ్యాం గుడికి త్రిచక్ర స్కూటీ అందజేశారు. అసెంబ్లీ ఆవరణలో ‘ముక్కోటి వృక్షార్చన మంత్రి కేటీఆర్‌ పుట్టిన రోజు సందర్భంగా గ్రీన్‌ ఇండియా చాలెంజ్‌ చేపట్టిన ముక్కోటి వృక్షార్చ నలో భాగంగా అసెంబ్లీ స్పీకర్‌ పోచారం శ్రీని వాస్‌రెడ్డి, మండలి ప్రొటెమ్‌ చైర్మన్‌ వి.భూపా ల్‌రెడ్డి అసెంబ్లీ ఆవరణలో మొక్కలు నాటారు. మాసాబ్‌ట్యాంక్‌లోని మహావీర్‌ హాస్పిటల్‌ చౌరస్తాలో జరిగిన కార్యక్రమంలో మండలి ప్రొటెమ్‌ చైర్మన్‌ కోవిడ్‌ ఫ్రంట్‌లైన్‌ వారియర్స్‌కు నిత్యావసర సరుకులు పంపిణీ చేశారు. ►కేటీఆర్‌ జన్మదినం సందర్భగా రాష్ట్రవ్యాప్తంగా మంత్రులు, ప్రజాప్రతినిధులు, టీఆర్‌ఎస్‌ నేత లు మొక్కలు నాటడంతో పాటు పలు సామా జిక సేవా కార్యక్రమాల్లో పాల్గొన్నారు. కాగా,  యూఎస్‌ కాన్సుల్‌ జనరల్‌ జోయల్‌ రీఫ్‌మన్, యూకే డిప్యూటీ హైకమిషనర్‌ ఆండ్రూ ఫ్లెమింగ్, ఆస్ట్రేలియా హైకమిషనర్‌ బారీ ఓ ఫారెల్‌ ట్విటర్‌ ద్వారా కేటీఆర్‌కు శుభాకాంక్షలు తెలిపారు. మొక్క నాటిన వనజీవి ఖమ్మం రూరల్‌: కేటీఆర్‌ జన్మదినం సంద ర్భంగా శనివారం పద్మశ్రీ వనజీవి రామయ్య ఖమ్మం మండలం రెడ్డిపల్లి గ్రామంలోని తన నివాసంలో మొక్కను నాటారు.

ఓ వైపు బక్రీద్‌ పర్వదినం.. మరో వైపు కుమారుడి పుట్టినరోజు వేడుక.. రెండు విశేషాలు ఒకే రోజు రావడంతో ఆ ఇంట ఆనందోత్సవాలు వెల్లివిరిసాయి. తొలుత పర్విదినం సందర్భంగా ప్రత్యేక ప్రార్థనలు.. సమీప బంధువుల రాకతో ఆ ఇంట్లో సందడి నెలకొంది. తదనంతరం కుమారుడి పుట్టిన రోజు వేడుక నిర్వహణకు కేక్‌ తెచ్చేందుకు సమీప బంధువుతో కలిసి వెళ్లిన తండ్రిని సిమెంట్‌ ట్యాంకర్‌ రూపంలో వచ్చిన మృత్యువు కబళించడంతో పండుగ పూట ఆ ఇంట పెను విషాదం అలుముకుంది.   జుపెన్‌పహాడ్‌ : మండల కేంద్రానికి చెందిన షేక్‌ జమాల్‌(33)కు భార్య, కుమారుడు, కుమార్తె సంతానం. కూలి పనులు చేసుకుంటూ కుటుంబాన్ని పోషించుకుంటున్నాడు. బుధవారం బక్రీద్‌ పర్వదినంతో పాటు కుమారుడి పుట్టినరోజు కూడా కలిసి రావడంతో సంతోషించాడు. వేడుకకు సమీపం బంధువులను కూడా ఆహ్వానించాడు. ఉదయం మసీదులో ప్రత్యేక ప్రార్థనలు చేశారు.  కేక్‌ తెచ్చేందుకు వెళ్తుండగా.. మధ్యాహ్నం వరకు జమాల్‌ సంతోషంగా ఇంట్లోనే గడిపాడు. అనంతరం కుమారుడి పుట్టిన రోజు వేడుకను ఘనంగా నిర్వహించేందుకు, అందుకు అవసరమైన కేక్‌ తదితర సామగ్రి తీసుకువచ్చేందుకు బంధువు లతీఫ్‌తో కలిసి బైక్‌పై సూర్యాపేటకు బయలుదేరాడు. మార్గమధ్యలో సింగారెడ్డిపాలెం గ్రామ శివారుకు చేరుకోగానే సూర్యాపేట నుంచి గరిడేపల్లి వైపు వెళ్తున్న సిమెంట్‌ ట్యాంకర్‌ ఢీకొట్టడంతో  షేక్‌ జమాల్‌ అక్కడికక్కడే మృతిచెందగా షేక్‌ లతీఫ్‌కు తీవ్ర గాయాలయ్యాయి. స్థానికులు అతడిని చికిత్స నిమిత్తం సూర్యాపేట ఏరియా ఆస్పత్రికి తరలించారు. సమాచారం మేరకు పో లీసులు ఘటన స్థలాన్ని పరిశీలించారు. పోస్టుమార్టం నిమిత్తం మృతదేహాన్ని సూర్యాపేట ఏరియా ఆస్పత్రికి తరలించారు. మృతుని తండ్రి యాకూబ్‌  ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఏఎస్‌ఐ వెంకటరత్నం తెలిపారు.  ఇనుప బోర్డును ఢీకొట్టి ఒకరు.. కోదాడ రూరల్‌ : రోడ్డు ప్రమాదంలో ఓ వ్యక్తి మృతిచెందాడు. ఈ ఘటన మండల పరిధిలోని దోరకుంట సమీపంలో బుధవారం చోటు చేసుకుంది.  వివరాలు.. కృష్ణా జిల్లా జగ్గయ్యపేట మండలం బలుసుపాడు గ్రామానికి చెందిన షేక్‌ బషీర్‌ (35) బైక్‌పై కోదాడ మండలం రామాపురం క్రాస్‌ రోడ్డు వద్దకు వచ్చాడు. బక్రీదు పండుగ సందర్భంగా చికెన్‌ తీసుకుని తిరిగి ఇంటికి బయలుదేరాడు. మార్గమధ్యలో   గ్రామశివారులోని పెట్రోలు బంకు వద్ద అదుపుతప్పి రోడ్డు పక్కన ఇనుప బోర్డును ఢీకొట్టాడు.  తీవ్రంగా గాయపడిన బషీర్‌ అక్కడికక్కడే మృతి చెందాడు. మృతుడి భార్య శంషాద్‌ భేగం ఫిర్యాదు మేరకు కేసు నమోదు చేసి, దర్యాప్తు చేస్తున్నట్లు రూరల్‌ ఎస్‌ఐ వై.సైదులు తెలిపారు.   

న్యూఢిల్లీ: టీమిండియా మాజీ ఓపెనర్‌, ప్రస్తుత ఢిల్లీ ఎంపీ గౌతమ్‌ గంభీర్‌పై భారత మాజీ కెప్టెన్‌, దిగ్గజ ఆటగాడు మహేంద్రసింగ్‌ ధోనీ అభిమానులు విరుచుకుపడుతున్నారు. తమ ఆరాధ్య క్రికెటర్‌ ధోనీ అంటే గంభీర్‌కు అసూయ అని, అతనికున్న క్రేజ్‌ను చూసి గంభీర్‌ ఓర్చుకోలేకపోతున్నాడని మండిపడుతున్నారు. ఇంతకీ ధోనీ అభిమానులు ఇంతాలా రెచ్చిపోవడానికి కారణం ఏమై ఉంటుందని అనుకుంటున్నారా..? వివరాల్లోకి వెళితే.. నిన్న ధోనీ 40వ పుట్టిన రోజు(జులై 7, 2021) సందర్భంగా యావత్‌ క్రీడా ప్రపంచం అతనికి శుభాకాంక్షలు తెలిపింది. దిగ్గజ క్రికెటర్లు, బీసీసీఐ, ఐసీసీ, పలు ఇపీఎల్‌ ఫ్రాంఛైజీలు ధోనీకి విషెస్‌ చెప్పారు.  Fans to u hi badnaam h asli aag to gambhir ne laga rakhi h😭 Changed his cover pic 43 minutes ago😭 pic.twitter.com/6rue80bavH — Sumit pandey 🚩 (@_kohlitastic_) July 7, 2021 అయితే, ఈ సందర్భంగా ధోనీ అభిమానులు ఒక విషయాన్ని నోటీస్‌ చేశారు. ధోనీ సహచరుడు మాజీ క్రికెటర్‌ గంభీర్‌.. తన ఫేస్‌బుక్‌ కవర్‌ పిక్చర్‌ను మార్చడాన్ని గుర్తించారు. ఓ పక్క యావత్‌ క్రీడా ప్రపంచం ధోనీ జన్మదినాన్ని పురస్కరించుకుని శుభాకాంక్షలు తెలుపుతుంటే, గంభీర్‌ మాత్రం 2011 వన్డే ప్రపంచకప్‌ ఫైనల్స్‌ నాటి తన ఫోటోను ఫేస్‌బుక్‌ కవర్‌ పిక్‌గా అప్‌డేట్‌ చేయడం ఏంటని ప్రశ్నిస్తున్నారు. ధోనీ అవమానించడానికి గంభీర​ ప్రణాళికా బద్ధంగా ఇలా చేశాడని, ఇదేదో యాదృచ్చికంగా జరిగినది కాదని మండిపడుతున్నారు. గంభీర్‌కు మొదటి నుంచి ధోనీ అంటే అసూయ అని, 2011 వరల్డ్‌కప్‌ ఫైనల్లో 97 పరుగులు చేసినప్పటికీ తనకు దక్కాల్సిన క్రెడిట్‌ దక్కలేదని కుమిలిపోతున్నాడని ఆరోపిస్తున్నారు.  Gambhir in his living room whenever Dhoni gets plaudits. pic.twitter.com/12q1HHyLmB — Maganlal (@Maganlal1303) July 7, 2021 శ్రీలంకతో జరిగిన ఫైనల్లో ధోనీ.. విన్నింగ్ షాట్‌ను సిక్సర్‌గా మలిచి భారతీయుల దృష్టిలో హీరో అయిపోవడాన్ని గంభీర్‌ జీర్ణించుకోలేకపోతున్నాడని ధ్వజమెత్తారు.  ధోనీపై అక్కసుతోనే గంభీర్‌ ఇలా చేశాడని, ధోనీ సాధించిన అపురూప విజయాలు సోషల్‌ మీడియాలో ట్రోల్‌ అవడం చూసి ఓర్వలేకే, ఇలా తన ద్వేశాన్ని వ్యక్తపరిచాడని ఆరోపించారు. మరోవైపు గంభీర్‌ అభిమానులు కూడా ధోనీ ఫ్యాన్స్‌పై ఎదురుదాడికి దిగుతున్నారు. తమ ఫేవరెట్‌ క్రికెటర్‌ సాధించిన పరుగుల వల్లే టీమిండియా రెండోసారి జగజ్జేతగా నిలిచిందంటూ పొగడ్తలతో ముంచెత్తుతున్నారు. కాగా, టీమిండియా రెండోసారి వన్డే ప్రపంచ ఛాంపియన్లు కావడంలో ధోనీ సహా యువరాజ్‌, గంభీర్‌ కీలకపాత్ర పోశించిన విషయం తెలిసిందే.  Shameful feeling only. I hoped that gambhir cover picture change is fake but went and checked FB. It is true — Karthik Raj (@kartcric) July 7, 2021

సాక్షి, వెబ్‌డెస్క్‌: మాజీ ప్రధాని పీవీ నర్సింహారావు శత జయంతి ఉత్సవాలను తెలంగాణ వ్యాప్తంగా ఘనంగా నిర్వహించేందుకు రాష్ట్ర ప్రభుత్వం అన్ని ఏర్పాట్లు చేసింది.  హైదరాబాద్‌లోని పీవీ మార్గ్‌లోని పీవీ జ్ఞానభూమి వద్ద జూన్‌ 28న  ప్రధాన కార్యక్రమం జరగనుంది. గవర్నర్‌ తమిళిసై సౌందరరాజన్, ముఖ్యమంత్రి చంద్రశేఖర్‌రావు ముఖ్య అతిథులుగా హాజరుకానున్నారు. అంతకంటే ముందు నెక్లెస్‌రోడ్‌లో పీవీ కాంస్య విగ్రహాన్ని ఆవిష్కరించనున్నారు. వందేళ్లు 1921 జూన్‌ 28న ఉమ్మడి వరంగల్‌ జిల్లాలోని నర్సంపేట మండలం లక్నెపల్లిలో అమ్మమ్మ ఇంట పీవీ జన్మించారు. ఆ తర్వాత ఆయన భీమదేవరపల్లి మండలం వంగర గ్రామంలో పెరిగారు. రాజకీయాల్లో ప్రవేశించిన పీవీ ఉమ్మడి ఆంధ్రప్రదేశ్‌కి సీఎంగా ఇండియా ప్రధానిగా విశేష సేవలు అందించారు. ఎంత ఎత్తుకి ఎదిగినా సొంత గ్రామం  వంగరతో పీవీకి ఎనలేని అనుబంధం ఉంది. ఇప్పటికీ  పీవీ జ్ఙాపకాలు అనేకం అక్కడ పదిలంగా ఉన్నాయి. వాటిలో కొన్ని మీ కోసం సాక్షి ప్రత్యేకంగా అందిస్తోంది. (ఫొటో గ్యాలరీ కోసం ఇక్కడ క్లిక్ చేయండి) చదవండి : వినూత్న ప్రయత్నం: స్టాంపులపై సాహితీ ముద్ర

నందమూరి బాలకృష్ణ 61వ జన్మదిన వేడుకలను యిన్నమూరి గోపీచంద్ ఫ్రెండ్స్ సర్కిల్ ఆధ్వర్యంలో ఘనంగా నిర్వహించారు. ఈ సందర్భంగా హైదరాబాద్ కూకట్ పల్లిలోని భ్రమరాంబ థియేటర్ ఆవరణలో 500మంది నిరుపేదలకు ఉచితంగా కోవిడ్ వ్యాక్సిన్ ను అందించారు. బాలయ్య వీరాభిమాని అయిన యిన్నమూరి గోపీచంద్ ఫ్రెండ్ సర్కిల్ ఈ కార్యక్రమాన్ని మంచి సేవాతత్పరతతో నిర్వహించి శెభాష్ అనిపించుకుంది.  బాలకృష్ణ జన్మదిన వేడుకలతో పాటు ఉచిత వ్యాక్సిన్ పంపకం కార్యక్రమంలో ముఖ్య అతిథులుగా కూకట్ పల్లి ఎమ్మెల్యే మాధవరావు కృష్ణారావు, శేరిలింగంపల్లి ఎమ్మెల్యే ఆరెకపూడి గాంధీ, కార్పొరేటర్లు మందడి శ్రీనివాసరావు, నార్నే శ్రీనివాసరావు పాల్గొన్నారు. వీరితో పాటు బాలకృష్ణ తర్వాతి చిత్ర దర్శకుడు గోపీచంద్ మలినేని, మైత్రీ మూవీస్ అధినేత యలమంచిలి రవి శంకర్, 14 రీల్స్ ప్లస్  అధినేత రామ్ ఆచంట హాజరయ్యారు.

చెన్నై: పుట్టిన రోజు సందర్భంగా కేక్‌ కట్‌ చేసినందుకు ఆరుగురు యువకులు కటకటాల పాలయ్యారు. ఈ వింత ఘటన చెన్నైలో చోటు చేసుకుంది. వివరాల ప్రకారం.. గ‌త ఆదివారం రోజు సునిల్ అనే యువ‌కుడి తన పుట్టిన రోజు వేడుకను జరుపుకున్నాడు. చెన్నైలోని క‌న్నాగి న‌గ‌ర్ హౌజింగ్ బోర్డు క్వార్ట‌ర్స్‌లో ఈ సంబ‌రాలు జ‌రిగాయి. ఆ రోజు మిత్రులు కేక్‌ ఆర్డర్‌ చేసి తెప్పించారు. అంతవరకు బాగానే ఉంది కానీ ఆ యువకుడు కేక్‌ను కట్‌ చేయడానికి సాధారణంగా పుట్టిన రోజు నాడు కట్‌చేసే చాక్‌, కత్తి లాంటిది కాకుండా ఓ పొడవాటి కత్తితో కేక్‌ను కట్‌ చేశాడు. అందులోను ఆ కత్తి చూడటానికి ప్రమాదకరమైన ఆయుధంలా ఉంది. వారు ఈ సంబరాలను వీడియో తీసి సోషల్‌ మీడియాలో కూడా పోస్ట్‌ చేశారు. ఈ నేప‌థ్యంలో ఆ యువ‌కుల‌పై కేసు న‌మోదు అయ్యింది. అయితే ఓ ఫిర్యాదు ఆధారంగా వారిపై కేసు బుక్ చేశామని పోలీసులు తెలిపారు. ప్ర‌మాద‌క‌ర‌మైన ఆయుధం క‌లిగి ఉన్న కోణంలో యువ‌కుల‌పై కేసు ఫైల్ చేశామన్నారు. వాళ్లు వేడుకలు జరుపుకుంటున్న స‌మ‌యంలో పెద్దగా మ్యూజిక్ వింటూ చుట్టు పక్కల ప్రజలకు న్యూసెన్స్ క్రియేట్ చేసిన‌ట్లు ఫిర్యాదులు కూడా అందినట్లు తెలిపారు.  చదవండి: కోడలిని 80 వేలకు అమ్మేసిన మామ, కొడుకుకు తెలిసి..

మస్కట్‌: డా॥ డి. రామానాయుడు 86వ జయంతి సందర్భంగా వంశీ గ్లోబల్‌ అవార్డ్స్‌, ఇండియా, సంతోషం ఫిలిమ్‌ న్యూస్‌, తెలుగు కళాసమితి ఆధ్వర్యంలో సంయుక్తంగా అంతర్జాల వేదికగా మస్కట్‌లో ప్రత్యేక కార్యక్రమాన్ని నిర్వహించారు. ఈ కార్యక్రమంలో పలువురు సినీ ప్రముఖులతో పాటు ఐదు ఖండాలలోని ఇతర ప్రముఖులు ఆయనకు ఘననివాళి అర్పించారు. నిర్మాత అనే పదానికి అసలు సిసలైన చిరునామా డా॥ డి. రామానాయుడు అని వక్తలు కొనియాడారు. ఆయన కుమారుడు, సినీ నిర్మాత డి. సురేష్‌బాబు మాట్లాడుతూ.. ‘నాన్న చాలా సినిమాలు తీశారు. ఆయన ఎప్పుడూ విలువలతో కూడిన చిత్రాలే నిర్మించారు. పరిశ్రమకు ఏదైనా అవసరమైతే నాన్న ఎలాగైతే స్పందించారో అదే స్ఫూర్తితో పనిచేయడానికి నేను సిద్ధంగా ఉంటాన’ని అన్నారు. నటుడు, నిర్మాత, మాజీ పార్లమెంటు సభ్యులు మురళీమోహన్‌ మాట్లాడుతూ..‘సినిమా అనేది అద్భుతమైన మాధ్యమం. సినిమా నిర్మాత అవ్వాలంటే అన్ని విభాగాల మీద పూర్తి అవగాహన ఉండాలని చెప్పిన వ్యక్తి రామానాయుడుగారు’ అని కొనియాడారు. డా॥ వంశీ రామరాజు మాట్లాడుతూ..‘ప్రేమించు’ చిత్రం జయప్రదమైన సందర్భంలో దివ్యాంగుల ఆశ్రమాలకు చేయూతనిచ్చిన మానవతామూర్తి రామానాయుడుగారు’ అన్నారు. తెలుగు కళాసమితి ఓమాన్‌ కన్వీనర్‌ అనిల్‌కుమార్‌ మాట్లాడుతూ..  ‘ఓడిపోతామనే ఆలోచనలో ఉన్నవారు రామానాయుడు జీవితాన్ని తెరచి చూస్తే ఆయనను ఆదర్శంగా తీసుకొని వారి బాటలో పయనిస్తార’ని అన్నారు.  కార్యక్రమాన్ని ప్రముఖ అంతర్జాతీయ గాయని శివశంకరి గీతాంజలి నిర్వహించారు. ఈ కార్యక్రమంలో సురేష్‌ కొండేటి, మండలి బుద్ధప్రసాద్‌, దర్శకుడు బి. గోపాల్‌, మాధవపెద్ది సురేష్‌, బలభద్రపాత్రుని రమణి, భువనచంద్ర, చంద్రబోస్‌, కాశీ విశ్వనాథ్‌, వి.ఎన్‌. ఆదిత్య, రామకృష్ణ గౌడ్‌, రవి కొండబోలు, ముప్పలనేని శివ, ఉపేంద్ర చివుకుల, డా॥ ఎల్లాప్రగడ రామకృష్ణారావు, రత్నకుమార్‌ కవుటూరు, చింతగుంట ఉదయపద్మ, డా॥ బూరుగుపల్లి వ్యాసకృష్ణ, లలితా రామ్‌, హరివేణుగోపాల్‌, రాజేష్‌ తోలేటి, సరోజా కొమరవోలు, శ్రీదేవి జాగర్లమూడి, సుబ్బు వి. పాలపర్తి, చింతలపూడి త్రినాథరావు, లయన్‌ ఎ. విజయకుమార్‌, చైతన్య సూరపనేని, దైవజ్ఞ శర్మ, శ్రీవాణి, రేలంగి నరసింహారావు పాల్గొని ప్రసంగించారు. చదవండి: న్యూజెర్సీలో ఎస్పీ బాలుకు స్వర నీరాజనం!

జోహన్నెస్‌బర్గ్‌: దక్షిణాఫ్రికా మాజీ విధ్వంసకర ఆటగాడు ఏబీ డివిలియర్స్‌ను ఆసీస్‌ స్టార్‌ ఆల్‌రౌండర్‌ గ్లెన్‌ మ్యాక్స్‌వెల్‌ వినూత్న రీతిలో కామెంట్‌ చేశాడు. ఏబీ తన నాన్న బర్త్‌డే సందర్భంగా పాడిన పాటలో చాలా ఇంప్రూవ్‌మెంట్‌ కనిపిస్తుందని ట్రోల్‌ చేశాడు. విషయంలోకి వెళితే.. మే 29న డివిలియర్స్‌ నాన్న 70వ వసంతంలోకి అడుగుపెట్టాడు. ఈ సందర్భంగా తన నాన్నకు ఏదో ఒక గిఫ్ట్‌ ఇవ్వాలని భావించిన ఏబీ తన భార్యతో కలిసి ఫెవరెట్‌ సాంగ్‌ను పాడాడు. పాప్‌ సింగర్‌ జాసన్‌ రాజ్‌ పాపులర్‌ సాంగ్‌ ' ఐ వోంట్‌ గివ్‌ అప్‌'ను నాన్నాకు అంకితం చేశాడు. ఈ సందర్భంగా ఏబీ తన ఇన్‌స్టాగ్రామ్‌లో వీడియోను షేర్‌ చేస్తూ ఒక పోస్టును షేర్‌ చేశాడు. ''మా నాన్న 70వ బర్త్‌డే వేడుకలను చాలా ఆనందంగా జరుపుకున్నాం. నా ఆల్‌టైమ్‌ ఫెవరెట్‌ సాంగ్‌ ఐ వోంట్‌ గివ్‌ అప్‌ను నా భార్యతో కలిసి పాడాను. ఈ పాటలో ఎంత అర్థం ఉంటుందంటే.. ఏం ప్రమాదం జరిగినా మనకు దేవుడు అండగా ఉంటాడని నమ్మకం. ఇన్నేళ్లలో నాకు రోల్‌ మోడల్‌గా నిలిచిన మా నాన్నకు ఈ పాటను అంకితం చేయడం సంతోషంగా ఉన్నా.'' అంటూ చెప్పుకొచ్చాడు. ఏబీ పెట్టిన పోస్టుకు నెటిజన్ల నుంచి విపరీతమై స్పందన లభించింది. అయితే ఇదే పాటను ఏబీ డివిలియర్స్‌ ఐపీఎల్‌ 14వ సీజన్‌లో ఆడుతున్నప్పుడు మే1వ తేదీన పాడాడు.  డివిలియర్స్‌  ప్రాతినిధ్యం వహిస్తున్న ఆర్‌సీబీలోనే మ్యాక్స్‌వెల్‌ కూడా ఉన్న సంగతి తెలిసిందే. తాజాగా డివిలియర్స్‌ పాడిన పాటను మ్యాక్స్‌వెల్‌ ట్రోల్‌ చేశాడు. ''ఏబీ.. నీ పాటలో చాలా ఇంప్రూవ్‌మెంట్‌ కనిపిస్తుంది.. గతంలో పాడిన దానికంటే అద్భుతంగా ఉంది'' అంటూ కామెంట్‌ చేశాడు. ఇక డివిలియర్స్‌, మ్యాక్స్‌వెల్‌ తొలిసారి ఐపీఎల్‌ 14వ సీజన్‌లో ఆర్‌సీబీ తరపున కలిసి ఆడారు. ఈ సీజన్‌లో ఈ ఇద్దరు తమ ప్రదర్శనతో ఆకట్టుకున్నారు. ఆర్‌సీబీ గెలిచిన మ్యాచ్‌ల్లో వీరి పాత్ర కీలకం అని చెప్పొచ్చు. 7 మ్యాచ్‌లాడిన మ్యాక్స్‌వెల్‌ 223 పరుగులు చేయగా.. ఏబీ డివిలియర్స్‌ 7 మ్యాచ్‌ల్లో 207 పరుగులు చేశాడు. కరోనా మహమ్మారి సెగతో బీసీసీఐ ఐపీఎల్‌ 14వ సీజన్‌ను మధ్యలోనే రద్దు చేసింది. కాగా టీ20 ప్రపంచకప్‌లో ఆడేందుకు దక్షిణాఫ్రికా తరపున ఏబీ డివిలియర్స్‌ మళ్లీ రీఎంట్రీ ఇవ్వనున్నట్లు వార్తలు వచ్చాయి. అయితే దీనిపై ఏబీ క్లారిటీ ఇస్తూ.. టీ20 ప్రపంచకప్‌ ఆడేది లేదని.. కొత్త వాళ్లకు అవకాశాలు ఇచ్చేందుకు తాను ఈ నిర్ణయం తీసుకున్నట్లు వివరించాడు. చదవండి: Veda Krishnamurthy: వాళ్లతోనే నా సర్వస్వం కోల్పోయా.. బిర్యానీ కంటే ఎక్కువ ఇష్టపడతా.. సూర్యను ట్రోల్‌ చేసిన రషీద్‌ View this post on Instagram A post shared by AB de Villiers (@abdevilliers17)

తన డాన్స్‌తో, నటనతో టాలీవుడ్‌లో తనకంటూ ప్రత్యేక గుర్తింపు తెచ్చుకున్న హీరోయిన్‌ సాయిపల్లవి. మలయాళం చిత్రం ‘ప్రేమమ్‌’ద్వారా పరిచయమైన ఈ బ్యూటీ..తక్కువ సమయంలోనే టాప్‌ హీరోయిన్‌గా గుర్తింపు తెచ్చుకుంది. ఎక్స్‌పోజింగ్‌కు దూరంగా ఉంటూ కేవలం తన నటనతోనే ​లక్షలాది మంది అభిమానులను సంపాధించుకుంది. ఈ రోజు(మే 9) ఈ నేచురల్‌ బ్యూటీ పుట్టిన రోజు. నేటితో ఈ భామ 29వ పడిలోకి అడుగుపెడుతోంది. ఈ సందర్భంగా సాయి పల్లవి గురించి.. సాయిపల్లవిది తమిళనాడులోని ఊటీకి సమీపంలో ఉన్న కోటగిరి అనే చిన్న గ్రామం. తల్లి రాధామణి పుట్టపర్తి సాయిబాబా భక్తురాలు కావడంతో ఆమె పేరులో సాయి చేర్చింది. ఈమె, చెల్లెలు పూజ కవల పిల్లలు. కోయంబత్తూరు లో పాఠశాల విద్యనభ్యసించింది. తల్లి ప్రభావంతో ఈమెకు డ్యాన్సు అంటే చిన్నప్పటి నుంచి ఆసక్తి ఉండేది. పాఠశాల స్థాయి నుంచి బెరుకు లేకుండా వేదికల మీద నాట్యం చేసేది. ఎనిమిదో తరగతిలో ఉండగా ఈమె నాట్యం చూసిన ఓ దర్శకుడు ధూం ధాం అనే తమిళ సినిమాలో కథానాయిక కంగనా రనౌత్ పక్కన చిన్న పాత్రలో అవకాశమిచ్చాడు. తర్వాత మీరా జాస్మిన్ క్లాస్మేట్గా కస్తూరి మాన్ అనే మరో సినిమాలో నటించింది. ఇలా వరుస సినిమా అవకాశాలు వచ్చినప్పటికీ.. తండ్రి సలహా మేరకు జార్జియాకి వెళ్లి వైద్యవిద్యను అభ్యసించింది. సూపర్‌ హిట్‌తో టాలీవుడ్‌ ఎంట్రీ తమిళ దర్శకుడు అల్ఫోన్సో తెరకెక్కించిన 'ప్రేమమ్' చిత్రంతో ఇండస్ట్రీలోకి అడుగుపెట్టింది ఈ వయ్యారి భామ. ఈ సినిమా సూపర్‌ హిట్‌ అయింది. ఆ తర్వాత సెన్సిబుల్ డైరెక్టర్ శేఖర్ కమ్ముల దర్శకత్వంలో తెలుగులో ‘ఫిదా’ సినిమా చేసింది. ఇందులో అచ్చం తెలుగింటి అమ్మాయిలా కనిపించి ఆకట్టుకుంది పల్లవి. ఈ సినిమాలో సాయిపల్లవి తెలంగాణ యాసలో మాట్లాడుతూ ప్రేక్షకులను ఫిదా చేసింది. ఆ తర్వాత తెలుగులో సాయిపల్లవికి అవకాశాలు క్యూకట్టాయి. నానితో ఎంసీఏ చిత్రంలో నటించింది. అందులో కూడా సాయిపల్లవి నటనకు మంచి మార్కులు పడ్డాయి. ఇలా తెలుగులో దూసుకెళ్తూనే.. తమిళ స్టార్‌ హీరో ధనుష్‌ హీరోగా నటించిన‘మారి-2’తో కోలీవుడ్‌ ఎంట్రీ ఇచ్చింది. కానీ ఆమెకు కోలీవుడ్ పెద్దగా కలిసి రాలేదనే చెప్పొచ్చు. మారి-2, దియా అనే తమిళ హార్రర్ మూవీతో పాటు సూర్యతో కలిసి నటించిన 'ఎన్జికే' చిత్రం కూడా భారీ ఫ్లాప్‌ని మూటగట్టుకున్నాయి. టాలీవుడ్‌లో మాత్రంలో ఒక్క ‘పడి పడి లేచే మనసు’ తప్ప అన్ని సినిమాలు సూపర్‌ హిట్టే. ప్రస్తుతం ఈ నేచురల్‌ బ్యూటీ తెలుగులో ‘విరాట పర్వం’ సినిమా చేస్తుంది. రానా హీరోగా తెరకెక్కుతున్న ఈ చిత్రానికి వేణు ఊడుగుల దర్శకత్వం వహిస్తున్నాడు. నక్సలైట్స్‌ నేపథ్యంలో ఈ సినిమా రాబోతుంది.  ఈ సినిమాలో సాయిపల్లవి పేదింటి యువతిగా కనిపించనున్నది. శేఖర్ కమ్ముల దర్శకత్వంలో లవ్ స్టోరీ అనే సినిమా చేస్తుంది. ఈ సినిమా నాగచైతన్య హీరోగా నటిస్తున్నాడు. ఈ సినిమా త్వరలోనే ప్రేక్షకుల ముందుకు రానుంది. ఈ రికార్డులన్నీ సాయిపల్లవికే సొంతం సాయిపల్లవి, ధనుష్‌ జంటగా నటించిన ‘మారి-2’ చిత్రంలోని ‘రౌడీ బేబీ’ సాంగ్‌ యూట్యూబ్‌లో 1.14 బిలియన్లకు పైగా వ్యూస్‌ సంపాదించి రికార్డు సృష్టించింది. యూట్యూబ్‌లో అత్యధిక వ్యూస్‌ సాధించి సాంగ్‌గా ‘రౌడీ బేబీ’ రికార్డుకెక్కింది. అలాగే శేఖర్ కమ్ముల దర్శకత్వంలో సాయి పల్లవి నటించిన 'ఫిదా' చిత్రంలోని 'వచ్చిండే' సాంగ్ 300 మిలియన్ల వ్యూస్ దాటింది. ఇక తాజాగా లవ్‌స్టోరీ 'సారంగదరియా' సాంగ్ 17.6 మిలియన్ వ్యూస్ దాటింది. సౌత్లో ఒక హీరోయిన్ పాటకు ఇంతటి ఆదరణ రావడం ఒక్క సాయి పల్లవికే సొంతం.

సాక్షి, హైదరాబాద్‌: ముఖ్యమంత్రి చంద్రశేఖర్‌రావు పుట్టిన రోజు సందర్భంగా హరిత స్ఫూర్తిని చాటుతూ రాష్ట్రవ్యాప్తంగా ‘కోటి వృక్షార్చన’లో భాగంగా ఉదయం 10 నుంచి 11 గంటల వ్యవధిలో కోటి మొక్కలు నాటారు. ముఖ్యమంత్రి, టీఆర్‌ఎస్‌ అధ్యక్షుడు కె.చంద్రశేఖర్‌రావు తన వ్యవసాయ క్షేత్రంలో రుద్రాక్ష మొక్క నాటారు. టీఆర్‌ఎస్‌ పార్టీ వర్కింగ్‌ ప్రెసిడెంట్, మంత్రి కేటీఆర్‌ కుటుంబసభ్యులతో కలసి ప్రగతిభవన్‌ ప్రాంగణంలో, ఎమ్మెల్సీ కవిత తన నివాసంలో భర్త అనిల్‌తో కలసి మొక్కలు నాటారు. మంత్రులు హరీశ్‌రావు, సత్యవతి రాథోడ్‌ తదితరులతో పాటు ఇతర మంత్రులు, ఎమ్మెల్సీలు, ఎమ్మెల్యేలతో పాటు టీఆర్‌ఎస్‌ కార్యకర్తలు తమ నియోజకవర్గాల్లో మొక్కలు నాటే కార్యక్రమంలో చురుగ్గా పాల్గొన్నారు. ఒకే గంట వ్యవధిలో కోటి మొక్కలు నాటాల్సి రావడంతో గ్రామ వన నర్సరీలు, ప్రభుత్వ, ప్రైవేటు నర్సరీల నుంచి మొక్కలు సేకరించేందుకు స్థానిక నేతలు భారీ కసరత్తు చేశారు. రాష్ట్రవ్యాప్తంగా జరిగిన ముఖ్యమంత్రి కేసీఆర్‌ జన్మదిన వేడుకల్లో భాగంగా మంత్రులు, ఎమ్మెల్యేలు, ఎమ్మెల్సీలు, టీఆర్‌ఎస్‌ శ్రేణులతో పాటు పలు ప్రభుత్వ, ప్రైవేటు సంస్థలు, వివిధ వర్గాలకు చెందిన వారు కూడా ‘కోటి వృక్షార్చన’లో ఉత్సాహంగా పాల్గొన్నారు. కాగా, తన పుట్టిన రోజు సందర్భంగా కోటి వృక్షార్చన చేపట్టడం పట్ల సంతోషం వ్యక్తం చేశారు. ఈ బాధ్యతలు తీసుకున్న రాజ్యసభ ఎంపీ సంతోష్‌కుమార్‌ను సీఎం అభినందించారు. సేవా, సాంస్కృతిక కార్యక్రమాలు.. సీఎం 67వ జన్మదినం సందర్భంగా తెలంగాణ భవన్‌లో టీఆర్‌ఎస్‌ యువజన, విద్యార్థి విభాగాల ఆధ్వర్యంలో తలసేమియా వ్యాధిగ్రస్తుల కోసం నిర్వహించిన మెగా రక్తదాన శిబిరంలో కేటీఆర్‌ పాల్గొన్నారు. జీహెచ్‌ఎంసీ మాజీ మేయర్‌ బొంతు రామ్మోహన్, మాజీ జెడ్పీ చైర్‌పర్సన్‌ తులా ఉమతో పాటు టీఆర్‌ఎస్‌ విద్యార్థి విభాగం అధ్యక్షుడు గెల్లు శ్రీనివాస్‌ యాదవ్‌ తదితరులు పాల్గొన్నారు. అసెంబ్లీ ఆవరణలో స్పీకర్‌ పోచారం శ్రీనివాస్‌రెడ్డి, మండలి చైర్మన్‌ గుత్తా సుఖేందర్‌రెడ్డి, డిప్యూటీ చైర్మన్‌ నేతి విద్యాసాగర్, అసెంబ్లీ చీఫ్‌ విప్‌ దాస్యం వినయభాస్కర్, విప్‌ బోడకుంటి వెంకటేశ్వర్లు, ఎమ్మెల్సీ కె.దామోదర్‌రెడ్డి, అసెంబ్లీ కార్యదర్శి వి.నర్సింహాచార్యులు తదితరులు మొక్కలు నాటారు. సీఎం చేపట్టిన హరితహారం కార్యక్రమం ద్వారా ప్రస్తుతం 22 శాతంగా ఉన్న గ్రీన్‌కవర్‌ 33 శాతానికి పెరుగుతుందని స్పీకర్‌ పోచారం శ్రీనివాస్‌రెడ్డి అన్నారు. పబ్లిక్‌ గార్డెన్స్‌లో ‘హోప్‌ 4 స్పందన’ఆధ్వర్యంలో పోలియో బాధితులకు ట్రైసైకిళ్లను పంపిణీ చేశారు. రాష్ట్ర పారిశ్రామిక మౌలిక వసతుల కల్పన సంస్థ ఆధ్వర్యంలో బుధవారం అన్ని పారిశ్రామికవాడల్లో మొత్తం 1.62 లక్షల మొక్కలు నాటారు. బండ మాదారం సీడ్స్‌ ఆగ్రోపార్క్‌లో జరిగిన కార్యక్రమంలో టీఎస్‌ఐఐసీ చైర్మన్‌ గ్యాదరి బాలమల్లు, ఎండీ ఈవీ నర్సింహారెడ్డి మొక్కలు నాటారు. మంత్రి తలసాని శ్రీనివాస్‌ యాదవ్‌ నేతృత్వంలో జల విహార్‌లో జరిగిన సీఎం కేసీఆర్‌ పుట్టినరోజు వేడుకల్లో అసెంబ్లీ స్పీకర్‌ పోచారం శ్రీనివాస్‌రెడ్డి, మండలి చైర్మన్‌ గుత్తా సుఖేందర్‌రెడ్డి, టీఆర్‌ఎస్‌ పార్లమెంటరీ పార్టీ నేత కె.కేశవరావు పాల్గొన్నారు. కేసీఆర్‌ జీవన ప్రస్థానంపై రూపొందించిన త్రీడీ డాక్యుమెంటరీతో పాటు ప్రత్యేక గీతాలను విడుదల చేశారు. బల్కంపేట ఎల్లమ్మకు తలసాని శ్రీనివాస్‌ యాదవ్‌ 2 కిలోల బంగారంతో తయారు చేసిన పట్టు చీర సమర్పించారు. సింగరేణి వృక్షోత్సవం పేరిట సింగరేణి భవన్‌లో మొక్కలు నాటే కార్యక్రమాన్ని సంస్థ సీఎండీ ఎన్‌.శ్రీధర్‌ ప్రారంభించారు. సంస్థ పరిధిలోని 11 ప్రాంతాల్లో 2.35 లక్షల మొక్కలు నాటారు. కోటి వృక్షార్చనలో భాగంగా మలక్‌పేట వికలాంగుల సంక్షేమ భవన్‌లో జరిగిన కార్యక్రమంలో కార్పొరేషన్‌ చైర్మన్‌ కె.వాసుదేవరెడ్డి, ఎమ్మెల్సీ పోచంపల్లి శ్రీనివాస్‌రెడ్డి మొక్కలు నాటారు. 

మెల్‌బోర్న్‌: ఏపీ సీఎం వైఎస్‌ జగన్‌మోహన్‌రెడ్డి జన్మదిన వేడుకలు ఆస్ట్రేలియా వైఎస్సార్‌సీపీ నేత చింతలచెరువు సూర్యనారాయణరెడ్డి ఆధ్వర్యంలో మెల్‌బోర్న్‌లో ఘనంగా నిర్వహించారు. కార్యక్రమంలో పెద్దఎత్తున పాల్గొన్న వైఎస్సార్‌సీపీ ఆస్ట్రేలియా ఎన్నారైలనుద్దేశించి పార్టీ ఎమ్మెల్యేలు పి.రవీంద్రనాథ్‌రెడ్డి, ముస్తఫా, గోపిరెడ్డి శ్రీనివాస్‌రెడ్డి, గుడివాడ అమర్‌నాథ్, వైఎస్సార్‌సీపీ ఎన్నారై కో–ఆర్డినేటర్‌ వెంకట్‌ మేడపాటి తదితరులు జూమ్‌ ద్వారా మాట్లాడారు. అనంతరం మూడు రాజధానులకు మద్దతుగా వైఎస్సార్‌సీపీ ఆస్ట్రేలియా విభాగం తీర్మానం చేసింది. కార్యక్రమంలో వైఎస్సార్‌సీపీ ఆస్ట్రేలియా నాయకులు పాల్గొన్నారు. (చదవండి: సీఎం వైఎస్‌ జగన్‌కు శుభాకాంక్షల వెల్లువ)

సాక్షి, అమరావతి: ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి పుట్టిన రోజు సందర్భంగా శుభాకాంక్షలు వెల్లువెత్తుతున్నాయి. మరోవైపు సీఎం జగన్‌ జన్మదినం పురస్కరించుకుని వైఎస్సార్‌సీపీ శ్రేణులు, అభిమానులు సోమవారం తెలుగు రాష్ట్రాల్లో పలు సేవా కార్యక్రమాల చేపట్టారు.  విప్లవాత్మక నిర్ణయాలు, చరిత్రాత్మక పథకాలతో అన్ని వర్గాల ప్రజల ఆదరణ చూరగొన్న సీఎం.. ఏడాదిన్నర కాలంలోనే 90 శాతం హామీలు నెరవేర్చిన విషయం తెలిసిందే. గుడివాడ సీఎం జగన్‌ పుట్టినరోజు సందర్భంగా మంత్రి కొడాలి నాని ఆధ్వర్యంలో గుడివాడ వైఎస్సార్‌సీపీ  కార్యాలయంలో రక్తదానం శిబిరం ఏర్పాటు చేశారు. పార్టీ నేతలు, కార్యకర్తలు పాల్గొన్నారు.  తూర్పు గోదావరి‌‌ రాజానగరం నియోజకవర్గం దివాన్ చెరువు గ్రామంలో ఎమ్మెల్యే జక్కంపూడి రాజా ఆధ్వర్యంలో  సీఎం వైఎస్‌ జగన్‌ బర్త్‌డే సందర్భంగా భారీ రక్త దాన శిబిరం ఏర్పాటు చేశారు. పెద్ద సంఖ్యలో రక్త  అభిమానులు, కార్యకర్తలు వితరణ చేస్తున్నారు. శ్రీకాకుళం పలాసలో సీఎం జగన్‌ జన్మదినం సందర్భంగా మత్స్యశాఖ మంత్రి డా. సిదిరి అప్పలరాజు రక్తదాన శిభిరాన్ని ప్రారంభించారు. పశ్చిమ గోదావరి:  ఏలూరు రూరల్ వైఎస్సార్ కాలనీలో  సీఎం జగన్‌ పుట్టిన రోజు సందర్బంగా  ఏర్పాటు చేసిన రక్త దాన శిబిరాన్ని మంత్రి ఆళ్ల నాని ప్రారంభించారు. అనంతరం బర్త్‌డే కేక్‌ కట్ చేశారు. అనంతపురం:  సీఎం జగన్‌ జన్మదినం సందర్బంగా పెనుకొండ వైఎస్సార్‌ సర్కిల్‌లో మంత్రి శంకర్ నారాయణ కేక్ కట్ చేసిన అనంతరం మెగా రక్తదాన శిబిరాన్ని ప్రారంభించారు. తూర్పు గోదావరి  రాజమండ్రిలో వైఎస్సార్‌సీపీ నాయకుడు చందనా నాగేశ్వర్ ఆధ్వర్యంలో భారీ రక్తదాన శిబిరం ఏర్పాటు చేశారు. ఈ కార్యక్రమంలో ఎంపీ మార్గాని భరత్ పాల్గొని రక్త దానం చేశారు. పెద్ద సంఖ్యలో అభిమానులు, కార్యకర్తలు హాజరయ్యారు. వైఎస్సార్ కడప నగరంలోని అపూర్వ కళ్యాణమాండపంలో సీఎం జగన్‌ బర్త్‌డే సందర్భంగా డిప్యూటీ సీఎం అంజాద్ బాషా భారీ కేక్ కట్ చేసశారు. ఈ కార్యక్రమంలో పార్లమెంట్ అధ్యక్షుడు సురేష్ బాబు, కార్యకర్తలు, అభిమానులు పాల్గొన్నారు. పశ్చిమ గోదావరి  సీఎం జగన్‌ పుట్టినరోజు సందర్భంగా పెనుగొండ, ఆచంట మండలాల్లో ఏర్పాటు చేసిన వేడుకల్లో రాష్ట్ర గృహ నిర్మాణ శాఖామంత్రి చెరుకువాడ శ్రీ రంగనాధరాజు  పాల్గొన్నారు. పెనుగొండ గాంధీ బొమ్మల సెంటర్ లో కేక్ కట్‌ చేసి పేదలకు దుప్పట్లు పంపిణీ చేశారు. అనంతరం తూర్పు పాలెం క్యాంపు కార్యాలయంలో ఇండియన్ రెడ్ క్రాస్ సొసైటీ ఏర్పాటు చేసిన రక్తదాన శిబిరాన్ని మంత్రి  ప్రారంభించారు. అధిక సంఖ్యలో పార్టీ శ్రేణులు, అభిమానులు పాల్గొన్నారు. వైఎస్సార్‌ రాయచోటి వైఎస్సార్‌సీపీ కార్యాలయంలో ఘనంగా సీఎం జగన్‌ పుట్టినరోజు వేడుకలు నిర్వహించారు. ప్రభుత్వ చీఫ్ విప్ శ్రీకాంత్ రెడ్డి, ఎమ్మెల్సీ జకీయా ఖానం కేక్ కట్ చేశారు. పెద్ద ఎత్తున అభిమానులు, కార్యకర్తలు పాల్గొన్నారు. ప్రొద్దుటూరులో మెగా రక్త దానం శిబిరాన్ని ఎమ్మెల్యే రాచమల్లు శివ ప్రసాద్‌రెడ్డి ప్రారంభించారు.  నెల్లూరు  కావలి వైఎస్సార్‌సీపీ కార్యాలయంలో సీఎం జగన్‌ పుట్టినరోజు వేడుకలు నిర్వహించారు. ఎమ్మెల్యే రామిరెడ్డి ప్రతాప్ కుమార్ రెడ్డి  కేక్ కట్ చేసి రక్తదాన శిబిరాన్ని ప్రారంభించారు. ఈ కార్యకమంలో పార్టీ నాయకులు, కార్యకర్తలు పాల్గొన్నారు. గుంటూరు వైఎస్సార్ కాంగ్రెస్ పార్టీ కార్యాలయంలో సీఎం జగన్‌ జన్మదినం సందర్భంగా శాసనసభ్యులు కిలారి వెంకట రోశయ్య ఆధ్వర్యంలో కేక్ కట్ చేశారు. మార్కెట్ యార్డ్ చైర్మన్ బోనిగల వేణు ప్రసాద్, జిల్లా వ్యవసాయ సలహా మండలి డైరెక్టర్ వడ్రాణం ప్రసాదరావు, మహిళా మాజీ కౌన్సిలర్లు కార్యకర్తలు పాల్గొన్నారు. తూర్పు గోదావరి  సీఎం జగన్‌ జన్మదినం సందర్భంగా ద్రాక్షరామ భీమేశ్వర ఆలయంలో మంత్రి చెల్లుబోయిన వేణు గోపాల కృష్ణ ప్రత్యేక పూజలు నిర్వహించారు. రామచంద్రపురంలో రక్తదాన శిబిరం చేపట్టారు. తిరుపతిలోని ఎస్‌వీయూ యూనివర్సిటీలో వైఎస్సార్‌సీపీ విద్యార్థి నేతలు సీఎం జగన్‌ పుట్టిన సందర్భంగా కేక్ కట్‌ చేసి, భారీ బైక్ ర్యాలీ చేపట్టారు. చిత్తూరు: జననేత సీఎం జగన్‌ జన్మదినోత్సవ వేడుక సందర్భంగా తిరుపతి రూరల్ ఎంపీడీఓ కార్యాలయంలో రక్తదాన శిబిరాన్ని ప్రభుత్వ విప్, తుడా చైర్మెన్, చంద్రగిరి ఎమ్మెల్యే డాక్టర్ చెవిరెడ్డి భాస్కర్ రెడ్డి ప్రారంభించారు. ఈ కార్యక్రమంలో ఎమ్మెల్యే కుమారుడు మోహిత్ రెడ్డి రక్తదానం చేశారు. పలువురు కార్యకర్తలు, అభిమానుల పెద్ద ఎత్తున పాల్గొన్నారు. కర్నూలు కల్లూరు మండలంలోని రావూరి గార్డెన్స్‌లో సీఎం జగన్‌ పుట్టినరోజు సందర్భంగా అక్కిమి హనుమంతురెడ్డి, లక్ష్మీ కాంతరెడ్డి ఆధ్వర్యంలో రక్తదాన శిబిరాన్ని ఏర్పాటు చేశారు. ఈ కార్యక్రమంలో ముఖ్య అతిథులుగా పాణ్యం ఎమ్మెల్యే కాటసాని రాంభూపాల్ రెడ్డి  పాల్గొన్నారు. బర్త్ డే కేకును కట్ చేసి పాణ్యం ఎమ్మెల్యే కాటసాని రాంభూపాల్ రెడ్డి సీఎం జగన్‌కు జన్మదిన శుభాకాంక్షలు తెలిపారు. ఈ కార్యక్రమంలో పలువురు పార్టీ నేతలు, కార్యకర్తలు పాల్గొన్నారు. గుంటూరు మాజేటి గురవయ్య హై స్కూల్‌లో ఎమ్మెల్యే మద్దాల గిరిధర్ ఆధ్వర్యంలో  సీఎం జగన్‌ పుట్టినరోజు  వేడుకలు ఏర్పాటుచేశారు. ఈ సందర్భంగా హోంమంత్రి మేకతోటి సుచరిత మెగా రక్తదాన శిబిరాన్ని ప్రారంభించారు. వైఎస్సార్ జమ్మలమడుగులో ఘనంగా సీఎం జగన్‌ జన్మదిన వేడుకలు నిర్వహించారు. ప్రభుత్వ ఆస్పత్రిలో పేషెంట్లకు ఎమ్మెల్యే డాక్టర్ సుధీర్ రెడ్డి పండ్లు, బ్రెడ్‌ పంపిణీ చేశారు. అదేవిధంగా రక్తదాన శిబిరాన్ని ప్రారంభించారు. ఈ కార్యక్రంలో పెద్ద ఎత్తున నాయకులు పాల్గొన్నారు. ప్రకాశం  చీరాల మున్సిపల్ హైస్కూల్ గ్రౌండ్‌లో  సీఎం జగన్‌ జన్మదిన వేడుకలు ఘనంగా నిర్వహించారు. చీరాల నియోజకవర్గ వైసిపి పార్టీ ఇంచార్జ్ ఆమంచి కృష్ణమోహన్ బర్త్‌డే కేక్ కట్ చేసి స్వీట్లు పంపిణీ చేశారు. ఈ వేడుకల్లో పార్టీ నాయకులు, కార్యకర్తలు పాల్గొన్నారు. హైస్కూల్‌లో ఆమంచి కృష్ణమోహన్ మెగా రక్తదాన శిబిరాన్ని ప్రారంభించారు.  వైఎస్సార్‌: మైదుకూరులో  సీఎం జగన్‌ జన్మదిన వేడుకలు ఘనంగా ప్రారంభమయ్యాయి. ఎమ్మెల్యే రఘురామిరెడ్డి కేక్ కట్ చేశారు. ఆర్టీసీ బస్టాండ్‌లో బస్సులో ప్రయాణిస్తున్న ప్రయాణికులకు స్వీట్లు పంచి పెట్టారు. ఎమ్మెల్యేతో పాటు డీసీసీ బ్యాంక్‌ చైర్మన్ ఇరగంరెడ్డి తిరుపాల్‌రెడ్డి పాల్గొన్నారు. కృష్ణా విజయవాడలోని వైఎస్సార్‌సీపీ నగర కార్యాలయంలో ఘనంగా సీఎం జగన్‌ జన్మదినోత్సవ వేడుకలు నిర్వహించారు. ఈ వేడుకల్లో నగర అధ్యక్షులు బొప్పన భవకుమార్ పాల్గొని, కేక్ కట్ చేశారు. ఈ సందర్భంగా బొప్పన భవకుమార్ మాట్లాడుతూ.. సీఎం జగన్‌కి జన్మదిన శుభాకాంక్షలు తలిపారు. అంబేద్కర్, పూలే, మహాత్మా గాంధీ ఆశయాలకు అనుగుణంగా సీఎం జగన్‌ సంక్షేమ పాలన అందిస్తున్నారని కొనియాడారు. ప్రకాశం  జిల్లాలోని దర్శి నియోజకవర్గంలో ఎమ్మెల్యే మద్దిశెట్టి వేణుగోపాల్ ఆధ్వర్యంలో సీఎం​ జగన్‌ పుట్టినరోజు వేడుకలు నిర్వహించారు. ప్రభుత్వ జూనియర్ కళాశాలలో రక్తదాన శిబిరాన్ని ఎమ్మెల్యే మద్దిశెట్టి వేణుగోపాల్, జిల్లా కలెక్టర్ పోల భాస్కర్ ప్రారంభించారు. రాజంపల్లి నుండి దర్శి గడియారం స్తంభం సెంటర్ వరకు అభిమానలు, కార్యకర్తలు భారీ ర్యాలీ తీశారు. ప్రభుత్వ జూనియర్ కళాశాలలో అన్నదాన కార్యక్రమం చేపట్టారు. పశ్చిమ గోదావరి  జిల్లాలోని దెందులూరు మండలంలో సీఎం వైఎస్ జగన్ పుట్టిన సందర్భంగా నియోజకవర్గ పరిధిలో ఎమ్మెల్యే కొఠారి అబ్బాయి చౌదరి ఆధ్వర్యంలో ప్రతి మండలంలో ఒక చోట రక్త దాన శిబిరాలు ఏర్పాటు చేసి, పలు అభివృద్ధి కార్యక్రమాలకు శంకుస్థాపన చేశారు. ►  భీమవరంలో సీఎం జగన్‌ జన్మదిన వేడుకలు ఘనంగా జరిగాయి. పంచారామ క్షేత్రంలో  సీఎం జగన్‌ జన్మదినం సందర్భంగా ఎమ్మెల్యే గ్రంధి శ్రీనివాస్ ప్రత్యేక పూజలు ప్రార్థనలు చేశారు. రెడ్‌ క్రాస్ భవనంలో మెగా రక్తదాన శిబిరాన్ని ఎమ్మెల్యే ప్రారంభించారు. లెప్రసి వృద్ధులకు దుప్పట్లు పండ్లు పంపిణీ చేశారు. ► గోపాలపురం నియోజకవర్గ ఎమ్మెల్యే తలారి వెంకట్రావు సీఎం జగన్‌ పుట్టిన రోజు సందర్భంగా ద్వారకా తిరుమల శ్రీ వెంకటేశ్వర స్వామి వారికి ప్రత్యేక పూజలు నిర్వహించారు. ► బుట్టాయిగూడెంలో ఎమ్మెల్యే తెల్లంబాలరాజు ఆధ్వర్యంలో ముఖ్యమంత్రి పుట్టిన రోజు వేడుకలు నిర్వహించి,  నియోజకవర్గంలో పలు సేవా కార్యక్రమాలు, రక్తదాన శిబిరాలు చేపట్టారు. విశాఖపట్నం: జిల్లాలోని వైఎస్సార్‌సీపీ కార్యాలయంలో సీఎం జగన్ పుట్టినరోజు సందర్భంగా భారీ ఎత్తున  వేడకలు నిర్వహించారు. ఈ వేడుకల్లో రాజ్యసభ ఎంపీ విజయసాయిరెడ్డి, మంత్రి అవంతి శ్రీనివాసరావు, పార్టీ నగర అధ్యక్షుడు వంశీకృష్ణ శ్రీనివాస్, ఎమ్మెల్యే తిప్పల నాగిరెడ్డి, విశాఖ ఈస్ట్ వెస్ట్ నార్త్ కన్వీనర్లు అక్రమాని విజయనిర్మల, మల్ల విజయప్రసాద్‌, కేకే రాజు, వైఎస్సార్‌సీపీ నాయకులు చొక్కాకుల వెంకట్రావు, అభిమనులు పాల్గొన్నారు. ఈ సందర్భంగా మంత్రి అవంతి శ్రీనివాస్ రావు మాట్లాడుతూ.. సీఎం జగన్‌ ఏపీకి ఓ పెద్ద శక్తి అని, ఆ శక్తి ఇప్పుడు దేశానికి ఆదర్శంగా మారిందని కొనియాడారు. రాజ్యసభ సభ్యులు విజయసాయి రెడ్డి మాట్లాడుతూ.. ప్రజాసంకల్పయాత్ర ద్వారా ప్రజల సమస్యలు తెలుసుకుని దార్శనికునిగా సీఎం జగన్‌ పాలన అందిస్తున్నారని గుర్తు చేశారు. గ్రామ స్వరాజ్యం ఆకాంక్షతోనే సచివాలయ వ్యవస్థ రూపకల్పన జరిగిందని పేర్కొన్నారు. రాబోయే 25 సంవత్సరాలు సీఎంగా జగన్‌మోహన్‌రెడ్డి  పాలన వుంటుందని తెలిపారు. ప్రతి కుటుంబంలో ఓ వ్యక్తి ప్రభుత్వ పథకం లబ్ధి పొందేలా సీఎం జగన్‌ పాలన సాగిస్తున్నారని పేర్కొన్నారు. రక్తదానం ద్వారా విశాఖ నగరం ఏపీలో రికార్డు సృష్టించనుందన్నారు. వైఎస్సార్‌ క్రికెట్ కప్ ద్వారా యువతను ప్రోత్సహించేందుకు ప్రయత్నిస్తున్నామని తెలిపారు.  ► ఆంధ్రా యూనివర్సిటీలో సీఎం జగన్‌ పుట్టిన రోజు పురస్కరించుకుని వైఎస్సార్‌ విగ్రహం ఎదుట వైఎస్సార్‌సీపీ విద్యార్థి విభాగం అధ్యక్షుడు కాంతారావు కేక్ కట్ చేసి వేడుకలు నిర్వహించారు. ఈ వేడుకల్లో విద్యార్థి సంఘాల నాయకులు క్రాంతి కిరణ్, మోహన్ బాబు, జోగరావు, ధీరజ్ పాల్గొన్నారు. పారిశుధ్య కార్మికులుకు  బియ్యం పంపిణీ చేశారు.  తాడేపల్లి ముఖ్యమంత్రి వైఎస్‌ జగన్‌మోహన్‌రెడ్డి జన్మదిన వేడుకలను వైఎస్సార్‌సీపీ కేంద్ర కార్యాలయంలో ఘనంగా నిర్వహించారు. వేడకల్లో భాగంగా పార్టీ పొలిట్ బ్యూరో సభ్యులు ఉమ్మారెడ్డి వెంకటేశ్వర్లు, ప్రధాన కార్యదర్శి లేళ్ల అప్పిరెడ్డి, స్కిల్ డెవెలెప్మెంట్ కార్పొరేషన్ చైర్మన్ చల్లా మధుసూదన్ రెడ్డి  రక్త దాన శిబిరాన్ని ప్రారంభించారు. ► సీఎం వైఎస్ జగన్ జన్మదినం సందర్బంగా రాష్ట్ర వ్యాప్తంగా రక్తదానం కార్యక్రమాలను వైఎస్సార్‌సీపీ పార్టీ శ్రేణులు, అభిమానులు చేపట్టారు. కరోనా నేపథ్యంలో రక్తం యూనిట్ల కొరతను తీర్చేందుకు పెద్దఎత్తున అభిమానుల రక్తదానం చేశారు. ఏపీతో పాటు హైదరాబాద్, చెన్నై, పూణే, బెంగుళూరుల్లోనూ రక్తదాన శిబిరాలను ఏర్పాటు చేశారు. ఏపీలోని 175 నియోజకవర్గాల్లో రక్తదానం చేస్తున్న సంఖ్యను వండర్ బుక్ ఆఫ్ రికార్డ్స్ ఇంటర్నేషనల్ రికార్డ్ చేస్తోంది. ఇప్పటి వరకు ప్రపంచంలో ఒకే సారి 10500 యూనిట్స్ రక్తదానం రికార్డ్‌గా ఉన్న విషయం తెలిసిందే. ప్రస్తుతం నమోదుతో ఆ రికార్డ్ అధిగమించే అవకాశం కనిపిస్తోంది. రక్తదానాన్ని పార్టీ ప్రధాన కార్యదర్శి లేళ్ల అప్పిరెడ్డి, స్కిల్ డెవెలెప్మెంట్ కార్పొరేషన్ చైర్మన్ మధుసూదన్ రెడ్డి పర్యవేక్షిస్తున్నారు. పేదల అభ్యున్నతే లక్ష్యంగా అడుగులు ముందుకు వేస్తున్న తమ అభిమాన నేత జన్మదినం సందర్భంగా పార్టీ నేతలు పలు కార్యక్రమాలకు రూపకల్పన చేశారు. జననేత ప్రజా రంజక పాలన వల్ల ప్రజలు సుఖ శాంతులతో జీవిస్తున్నారని, కలకాలం ఈ పాలన కొనసాగాలని కాంక్షిస్తూ పూజలు చేశారు. అలాగే  రక్తదాన శిబిరాలు నిర్వహిస్తున్నారు. తూర్పు గోదావరిలో సర్వమత ప్రార్థనలు తూర్పు గోదావరి: సీఎం వైఎస్‌ జగన్‌మోహన్‌రెడ్డి జన్మదిన వేడకలు జిల్లాలో ఘనంగా ప్రారంభమయ్యాయి. అయినవిల్లి విగ్నేశ్వర స్వామి ఆలయంలో సీఎం వైఎస్‌ జగన్ పేరిట ఎమ్మెల్యే కొండేటి చిట్టిబాబు ప్రత్యేక పూజలు నిర్వహించారు. ►వైఎస్‌ జగన్ పుట్టినరోజు వేడుకలను రాజోలు కోఆర్డినేటర్ పెద్దపాటి అమ్మాజీ ఘనంగా నిర్వహించారు. పెద్ద సంఖ్యలో అభిమానులు  హాజరయ్యారు. సీఎం జగన్‌కు మేలు జరగాలని కోరుతూ సర్వమత ప్రార్ధనలు చేశారు. పలు సాంస్కృతిక, సేవ కార్యక్రమాలను నిర్వహిస్తున్నారు. అనంతపురంలో ఘనంగా సీఎం జగన్‌ జన్మదిన వేడుకలు.. అనంతపురం: ముఖ్యమంత్రి వైఎస్‌ జగన్‌మోహన్‌రె​డ్డి ‌జన్మదిన సందర్భంగా మడకశిర మసీదులో ముస్లింలు ప్రార్థన చేశారు. ఉరవకొండలో ఘనంగా సీఎం  జన్మదిన వేడుకలు నిర్వహించారు. మాజీ ఎమ్మెల్యే విశ్వేశ్వరరెడ్డి ఆధ్వర్యంలో మెగా రక్తదాన శిబిరం ఏర్పాటు చేశారు. ► ముఖ్యమంత్రి పుట్టినరోజు వేడుకలు అనంతపురం జిల్లాలో అత్యంత వైభవంగా జరిగాయి. సీఎం జగన్‌ బర్త్ డే సందర్భంగా వైఎస్సార్ కాంగ్రెస్ పార్టీ శ్రేణులు సేవా కార్యక్రమాలు నిర్వహించాయి. అనంతపురం జిల్లా వైఎస్సార్ కాంగ్రెస్ పార్టీ కార్యాలయంలో ఏపీ రోడ్లు భవనాల శాఖ మంత్రి శంకర్ నారాయణ, ఎమ్మెల్యే అనంత వెంకటరామిరెడ్డి, ఎంపీలు తలారి రంగయ్య, గోరంట్ల మాధవ్, ఎమ్మెల్సీ శమంతకమణి కేక్ కట్ చేశారు. రక్తదాన శిబిరం ఏర్పాటు చేశారు. అలాగే శింగనమల ఎమ్మెల్యే జొన్నలగడ్డ పద్మావతి ఆధ్వర్యంలో రక్తదాన శిబిరం ఏర్పాటు చేసి జన్మదిన వేడుకలను ఘనంగా నిర్వహిస్తున్నారు. పులివెందులతో సీఎం జగన్‌ జన్మదిన వేడుకలు.. వైఎస్సార్: ముఖ్యమంత్రి వైఎస్‌ జగన్‌మోహన్‌రెడ్డి జన్మదిన వేడుకలను పులివెందులలో ఘనంగా నిర్వహించారు. భాకరపురంలోని వైఎస్సార్ ఆడిటోరియంలో 48 కేజీల భారీ కేక్‌ను వైఎస్ అవినాష్‌రెడ్డి, వైఎస్ మనోహర్‌రెడ్డి, వైఎస్ అభిషేక్‌రెడ్డి కట్‌ చేశారు. వైఎస్సార్ కాంగ్రెస్‌ పార్టీ ఆధ్వర్యంలో ఏర్పాటు చేసిన భారీ మెగా రక్తదాన శిబిరాన్ని ఎంపీ వైఎస్ అవినాష్‌రెడ్డి ప్రారంభించారు. సింహాద్రిపురం మండలం బలపనూరు గ్రామంలో పార్టీ నాయకుడు వెలుగోటి శేఖర్ రెడ్డి ఆధ్వర్యంలో ఏర్పాటు చేసిన భారీ కేక్‌ను నాయకులు కట్‌ చేశారు. ఎంపీ వైఎస్ అవినాష్‌రెడ్డి, ఎన్. శివప్రకాశ్ రెడ్డి 700 మంది డ్వాక్రా మహిళలకు చీరలు పంపిణీ చేశారు. ►పులివెందులలోని బీసీ బాలికల హాస్టల్‌లో సీఎం వైఎస్ జగన్ జన్మదినం సందర్భంగా మాజీ మున్సిపల్‌ చైర్మన్ రుక్మిణీ దేవి కేక్‌ కట్‌ చేశారు. అనంతరం విద్యార్థులకు పండ్లు పంపిణీ చేశారు.

దాదాపు రెండు దశాబ్దాలుగా టాలీవుడ్‌లో అగ్ర నిర్మాతగా కొనసాగుతున్న దిల్‌ రాజు 50వ పుట్టిన రోజు నేడు(డిసెంబర్‌ 18). ఈ సందర్భంగా దిల్‌రాజ్‌కు సినీ ప్రముఖులను నుంచి శుభాకాంక్షలు వెల్లువెత్తుతున్నాయి. తన పుట్టిన రోజును పురస్కరించుకొని ముందు రోజు రాత్రి  టాలీవుడ్‌ ప్రముఖులకు దిల్‌రాజు గ్రాండ్‌గా పార్టీ ఏర్పాటు చేశారు. టాలీవుడ్ సెలబ్రిటీస్‌తో పాటు తనకు పరిచయం ఉన్న స్టార్స్ అందరిని పిలిచాడు. అందులో కన్నడ సూపర్ స్టార్ యశ్‌తో పాటు తెలుగు ఇండస్ట్రీ నుంచి చాలా మంది ప్రముఖులు దిల్ రాజు పార్టీకి వచ్చారు. చిరంజీవి, పవన్ కళ్యాణ్ ఇందులో ప్రత్యేక ఆకర్షణగా నిలిచారు. ఇదిలాఉంటే దిల్‌రాజుతో మహేశ్‌ బాబు, ప్రభాస్, రామ్ చరణ్, నాగచైతన్య, రామ్‌, విజయదేవరకొండ కలిసి ఫోటో దిగారు. ప్రస్తుతం ఆ ఫోటోలు  సోషల్ మీడియాలో వైరల్ అవుతున్నాయి. అగ్ర హీరోలందరిని ఒకే ఫ్రేమ్‌లో అభిమానులు ఫిదా అవుతున్నారు. అలాగే రామ్‌ చరణ్‌, ప్రభాస్‌ కూడా ఫోటోలకు పోజులిచ్చారు. ఈ ఫోటోలు కూడా నెట్టింట వైరల్‌ అయ్యాయి. ఈ ఫోటోలు చూసి అటు ప్రభాస్.. ఇటు రామ్ చరణ్ ఫ్యాన్స్ ఆనందాన్ని వ్యక్తం చేస్తున్నారు. గతంలో ఈ ఇద్దరు హీరోలతో దిల్ రాజు హిట్‌ సినిమాలు నిర్మించాడు. ప్రభాస్‌తో చేసిన మిస్టర్ పర్ఫెక్ట్ సూపర్ హిట్ అయింది. దాంతో పాటు చరణ్‌తో నిర్మించిన ఎవడు కమర్షియల్ సక్సెస్ సాధించింది.వీరిద్దరూ ఇప్పుడు పాన్ ఇండియా హీరోలుగా మారడంతో ఈ పిక్ కు మరింత క్రేజ్ వచ్చింది.

బాలీవుడ్‌ హీరోయిన్‌ మలైకా అరోరా ముద్దుల కొడుకు అర్హాన్‌ ఖాన్‌  18వ ఏట అడుగుపెట్టాడు .ఈ విషయాన్ని తనే స్వయంగా ఇన్‌స్టాగ్రామ్‌ అకౌంట్‌ ద్వారా వెల్లడించింది. సోమవారం తన కొడుక్కి సంబంధించిన ఫోటోలను ఇన్‌స్టాగ్రామ్‌లో పోస్ట్‌ చేసింది. ఈ 47 ఏళ్ల బాలీవుడ్‌ హీరోయిన్‌ తన కొడుకు బర్త్‌డేకి సంబంధించిన డెకెరేషన్స్‌ ఫోటోలను సెలెబ్రేసన్స్‌కు ముందే పోస్టు చేసింది. ఈ ఫొటోలలో తన పెట్‌ అయిన కాస్పర్‌ ఫోటో  పోస్ట్‌ చేసి 'ఆల్‌ సెట్‌ ఫర్‌ భయ్యా బర్త్‌డే' అని క్యాప్షన్‌ ఇచ్చింది.     మలైకా అరోరా సోదరి అయిన అమ్రిత అరోరా తన ఇన్‌స్టాగ్రామ్‌ అకౌంట్‌ ద్వారా అర్హాన్‌కి బర్త్‌డే విషెష్‌ చెప్పింది. ఈ పోస్టులో అర్హాన్‌ ఖాన్‌ నవ్వుతున్న చిన్నప్పటి ఫోటోలు షేర్‌ చేస్తూ, 'ఐ లవ్‌ యూ' అనే క్యాప్షన్‌ ఇచ్చింది. అర్హాన్‌ ఖాన్ బాలీవుడ్‌ కండలవీరుడు సల్మాన్‌ఖాన్‌ తమ్ముడైన అర్బాజ్‌ఖాన్‌, మలైకా అరోరా సంతానం. ఈ జంట తమ 19 సంవత్సరాల వైవాహిక జీవితానికి 2017లో  విడాకులతో ముగింపు పలికారు. అర్హాన్‌ తరుచుగా తన తల్లి అయిన మలైకా పోస్టుల్లో కనిపిస్తాడు. ఇటీవల సోహైల్‌ అలీఖాన్‌ కొడుకు నిర్వాన్‌, అర్హాన్ పాత ఫోటోలను మలైకా షేర్‌ చేస్తూ 'వాట్‌ ఆర్‌ యూ థింకింగ్‌ గాయ్స్‌........వర్‌ యూ గోయింగ్‌ ఫర్‌ బదాస్'‌ అంటూ క్యాప్షన్‌ ఇస్తూ.. బంధన్‌ బ్రదర్స్‌, ఫ్యాషన్ ఫార్వర్‌‍్డ, లవ్‌ యూ బోత్‌' హ్యాష్‌ట్యాగ్‌లతో షేర్‌ చేసింది.

టాలీవుడ్‌ మన్మథుడు, కింగ్‌ నాగార్జున‌ నేటితో 60 ఏళ్లు పూర్తిచేసుకుని 61వ పడిలోకి అడుగుపెట్టారు. నిన్నటినుంచే అభిమానులు, సినీ, రాజకీయ ఇతర రంగాల ప్రముఖులు ఆయనకు పుట్టిన రోజు శుభాకాంక్షలు తెలుపుతూ వస్తున్నారు. ఈ నేపథ్యంలో శనివారం ఆయన ట్విటర్‌ వేదికగా స్పందిస్తూ ‘‘అంతులేని ప్రేమ, అభిమానం చూపిస్తున్న సీనియర్‌, జూనియర్‌ అక్కినేని అభిమానులకు ధన్యవాదాలు. ఇండస్ట్రీ మిత్రులతో పాటు ఇతర మిత్రులందరికీ నా కృతజ్ఞతలు’’ అని పేర్కొన్నారు. (నాగార్జున ఏం తింటున్నారో: వర్మ) ట్విటర్‌లో ఓ వీడియోను కూడా ఆయన విడుదల చేశారు. ఆ వీడియోలో ‘‘ ఇవాళ నా 31వ పుట్టిన రోజు. నిన్నటి నుంచి చాలా మంది శుభాకాంక్షలు తెలియజేస్తున్నారు. ప్రేమ, అభిమానంతో మెసేజ్‌లు చేస్తున్నారు. చాలా సంతోషంగా ఉంది. 5 నెలల తర్వాత పని చేయబోతున్నందుకు సంతోషంగా ఉంది. త్వరలో బిగ్‌బాస్‌ సీజన్‌ 4 షూటింగ్‌లో పాల్గొంటాను. బిగ్‌బాస్‌ సీజన్‌ 3ని విజయవంతం చేసినట్లే సీజన్‌ 4ను కూడా విజయవంతం చేయాలని కోరుకుంటున్నా’’ నని అన్నారు. So much love, so many blessings🙏 I am overwhelmed!!thank you especially to all the senior Akkineni fans and the juniors, thank you to all the industry friends And of course thanks to all my friends!❤️ pic.twitter.com/O0gEPXgLaS — Nagarjuna Akkineni (@iamnagarjuna) August 29, 2020

ఆరు పదుల వయసులోనూ అమ్మాయిల మనసుల్ని కొల్లగొడుతున్న నవ మన్మథుడు నాగార్జున. ప్రస్తుతం ఆయన వయసు 60 ఏళ్లు దాటాయంటే నమ్మడం కష్టంగానే ఉంటుంది. నేటితో(ఆగస్ట్‌ 29) ఆయన 60 ఏళ్లు పూర్తి చేసుకొని 61 వసంతంలోకి అడుగు పెడుతున్నాడు. ఈ సందర్భంగా నాగార్జునకి అభిమానులు, సెలబ్రిటీలు పెద్ద ఎత్తున శుభాకాంక్షలు తెలియజేస్తున్నారు. ఇక నాగ్‌ బర్త్‌డే సందర్భంగా ఆయన నటిస్తున్న ‘వైల్డ్ డాగ్’ మూవీకి సంబంధించిన పోస్టర్‌ను విడుదల చేసింది చిత్ర బృందం. ఈ పోస్ట‌ర్ అభిమానులని ఎంత‌గానో ఆక‌ట్టుకుంటుంది. (చదవండి : కింగ్‌ బర్త్‌డే: దేనికైనా అతనే బాస్‌..) ఈ ఫస్ట్ లుక్ పోస్టర్‌లో ఇప్పటి వరకు 12 మిషన్స్‌ను చేసినట్టు ఉంది. అతనికి సహాయకులుగా మరో ఐదుగురు అధికారులు నటిస్తున్నారు. అందులో ఓ లేడీ ఆఫీసర్ కూడా ఉంది. ఎన్‌ఐఏ ఆఫీసర్‌గా నాగ్‌ లుక్‌ ఆసక్తిని కలిగిస్తోంది. మ్యాట్నీ ఎంటర్మమెంట్స్ పతాకంపై తెరకెక్కుతోన్న ఈ చిత్రలో నాగార్జున డేర్ డెవిల్ ఎన్‌కౌంటర్ స్పెషలిస్ట్ ఏసీపీ విజయ్ వర్మ పాత్రలో నటిస్తున్నారు. నిరంజన్ రెడ్డి, అన్వేష్ రెడ్డి నిర్మాతలుగా వ్యవహరిస్తోన్న ఈ సినిమాకు అహిసార్ సాల్మన్ దర్శకత్వం వహిస్తున్నాడు. ఇప్పటికే 70 శాతం షూటింగ్ పూర్తైన ఈ చిత్రంలో నాగార్జునకు జోడిగా దియా మీర్జా కథానాయికగా నటిస్తోంది. ఈ సినిమాను వచ్చే ఏడాది విడుదల చేయనున్నారు.

అక్కినేని నాగేశ్వరరావు వారసుడిగా సినీ ఇండస్ట్రీలో అడుగుపెట్టిన విభిన్నమైన చిత్రాల్లో నటించి తనకంటూ ఓ ప్రత్యేకమైన గుర్తింపును తెచ్చుకున్నారు టాలీవుడ్‌ కింగ్‌ అక్కినేని నాగార్జున. ముఖ్యంగా అనేక ప్రేమ కథా చిత్రాల్లో నటించి యువతుల మనసులను కొల్లగొట్టారు. అమ్మాయిల గుండెల్లో నవ మన్మధుడిగా నిలిచిపోయారు. 34 ఏళ్లుగా టాలీవుడ్‌లో ఎన్నో మరుపురాని చిత్రాల్లో నటించి స్టార్‌ హీరోగా పేరు తెచ్చకున్నారు. ‘క్లాస్ అయినా..మాస్‌ అయినా..భక్తి అయినా..రక్తి అయినా. అతనే బాస్’ అనేంతలా ఎదిగారు. వెండితెరపైనే కాకుండా బుల్లితెరలోనూ నాగార్జున తన సత్తా చాటుతున్నారు. మీలో ఎవరు కోటిశ్వరుడు, బిగ్ బాస్ వంటి షోలు ఆయనకి మంచి పేరును తీసుకువచ్చాయి. (టీవీల‌కు అతుక్కుపోయే టైమ్ వ‌చ్చేసింది) టాలీవుడ్‌ కింగ్‌, మన్మధుడు అక్కినేని నాగార్జున ఈ రోజు పుట్టిన రోజును జరుపుకుంటున్నారు. ఈ రోజుతో ఆయన 60 సంవత్సరాలు పూర్తి చేసుకొని 61 వసంతంలోకి అడుగు పెడుతున్నాడు. ఈ సందర్భంగా నాగ్‌కు అభిమానుల నుంచి సెలబ్రిటీల వరకు శుభాకాంక్షలు వెల్లువెత్తుతున్నాయి. ఈ మేరకు అక్కినేని కోడలు నాగ చైతన్య సతీమణి సమంత..తన మామకు బర్త్‌డే విషెస్‌ తెలిపారు. ‘కింగ్‌.. మిమ్మల్ని ఎప్పటికీ ప్రేమిస్తాను. గౌరవిస్తాను. చేతులు జోడించి మీకు పుట్టిన రోజున హృదయ పూర్వక శుభాకాంక్షలు తెలుపుతున్నాను.’ అని ట్విటర్‌లో పేర్కొన్నారు. (తొలిసారి ఆ ప్ర‌య‌త్నం చేసిన స‌మంత‌) ఆగష్టు 29, 1959లో జన్మించిన నాగార్జున.. సుడిగుండాలు చిత్రం ద్వారా బాలనటుడిగా వెండితెరకు పరిచయమయ్యారు. 1984లో ప్రముఖ నిర్మాత రామానాయుడు కుమార్తె లక్ష్మిని వివాహం చేసుకున్నారు. వీరికి నాగచైతన్య అనే కుమారుడు ఉన్నాడు. ఆ తర్వాత 1986లో వచ్చిన విక్రమ్‌ సినిమాతో హీరోగా మారారు. అనంతరం శివ సినిమా చేసి హీరోగా మంచి పేరు సంపాదించారు. ఈ సినిమాతో రామ్‌ గోపాల్‌ వర్మ దర్శకుడిగా పరిచయం అయ్యారు. 1990 మొదటిభార్యకు లక్ష్మికి విడాకులు ఇచ్చి, 1992లో అమలను పెళ్లి చేసుకున్నారు. ఈ దంపతులకి అఖిల్ జన్మించారు. ఆ తర్వాత నిన్నే పెళ్లాడతా, అన్నమయ్య, నిన్నే ప్రేమిస్తా, సంతోషం మన్మధుడు వంటి సినిమాలతో బ్లాక్‌ బాస్టర్‌ హిట్‌ను సంపాదించాడు. మొత్తం నాగార్జున ఇప్పటివరకు ఒక జాతీయ అవార్డు(అన్నమయ్య), 9 రాష్ట్ర నంది అవార్డులు మరియు 3 ఫిల్మ్‌ఫేర్ అవార్డులను గెలుచుకున్నాడు. ప్రస్తుతం టెలివిజన్‌ షో బిగ్‌బాస్‌ సీజన్‌ 4 కోసం సిద్ధమవుతున్నాడు. (అభిమానికి బ్రెయిన్ ట్యూమ‌ర్‌: చ‌లించిపోయిన నాగ్‌)

మెగాస్టార్‌ చిరంజీవి బర్త్‌డేను అభిమానులు పండుగలా సెలబ్రేట్‌ చేస్తున్నారు. కరోనా నేపథ్యంలో బహిరంగ వేడుకలు జరిపే అవకాశంలో లేకపోవడంతో తమ అభిమాన హీరోకు సోషల్ మీడియా ద్వారా శుభాకాంక్షలు తెలియజేస్తున్నారు. మెగా అభిమానులతో పాటు సినీ ప్రముఖులు సైతం చిరంజీవికి పుట్టినరోజు శుభాకాంక్షలు తెలుపుతున్నారు. వీరిలో మెగా హీరోలు కూడా ఉన్నారు. ఇక చిరు బర్త్‌డే సందర్భంగా ఆయన పెద్ద కుమార్తె సుష్మితా కొణిదెల మెగా ఫ్యాన్స్‌కు ఓ స్పెషల్‌ గిఫ్ట్‌ ఇచ్చారు. ‘జీ 5’ ఓటీటీ కోసం భర్త విష్ణుప్రసాద్‌తో కలిసి నిర్మిస్తున్న వెబ్ సిరీస్ ‘షూట్-అవుట్ ఎట్ ఆలేరు’ ఫస్ట్ లుక్ మోషన్ పోస్టర్ విడుదల చేశారు.   (చదవండి : చిరు బర్త్‌డే : ప్రముఖుల శుభాకాంక్షలు)  చిరంజీవి తనయ సుష్మిత కొణిదెల నిర్మాణ సంస్థను ప్రారంభించిన సంగతి తెలిసిందే. తన భర్త విష్ణు ప్రసాద్‌తో కలిసి ‘గోల్డ్‌ బాక్స్‌ ఎంటర్‌టైన్‌మెంట్స్‌’ నిర్మాణ సంస్థను ఆమె నెలకొల్పారు.  ‘జీ 5’ అసోసియేష‌న్‌తో ఒక వెబ్ సిరీస్ నిర్మిస్తున్న సంగతి తెలిసిందే. దీనికి ‘షూట్-అవుట్ ఎట్ ఆలేరు’ టైటిల్ ఖరారు చేశారు. మెగాస్టార్ చిరంజీవి జన్మదినాన్ని పురస్కరించుకుని శనివారం ఉదయం ఈ వెబ్ సిరీస్ ఫస్ట్ లుక్ మోషన్ పోస్టర్ విడుదల చేశారు. రెగ్యులర్ మోషన్ పోస్టర్స్ టైపులో కాకుండా స్టోరీ టెల్లింగ్ మోషన్ పోస్టర్ విడుదల చేయడం విశేషం. ప్రకాష్ రాజ్, శ్రీకాంత్ ప్రధాన కీలక పాత్రలు వహిస్తున్న ఈ వెబ్‌ సిరీస్‌కి ఆనంద్‌ రంగా దర్శకుడిగా వ్యవహరించనున్నారు. హైదరాబాద్‌లోని ఓ పోలీస్‌, కొంత మంది కరుడు గట్టిన నేరస్థుల కథల ఆధారంగా దీన్ని తెరకెక్కిస్తున్నట్లు చిత్రబృందం ప్రకటించింది.  

సాక్షి, హైదరాబాద్‌: కరోనా నేపథ్యంలో సూపర్‌స్టార్‌ మహేష్‌బాబు ఇంటికే పరిమితమయ్యారు. కుటుంబంతో కలిసి ఇంట్లోనే ఇంటూ సోషల్‌ మీడియా ద్వారా అభిమానులతో టచ్‌లో ఉంటున్నారు. కరోనా వైరస్‌ కేసులు పెరుగుతున్న నేపథ్యంలో జాగ్రత్తగా ఉండాలంటూ ప్రజలకు, అభిమానులకు పలు సూచనలు, సందేశాలు ఇస్తున్న విషయం తెలిసిందే. ఈనెల 9న(ఆదివారం) మహేష్‌ పుట్టిన రోజు. తాము ఆరాధించే హీరో పుట్టిన రోజు వేడుకలు నిర్వహించాలని అభిమానులు ఇప్పటి నుంచే సన్నాహాలు చేస్తున్నారు. తన పుట్టినరోజు సమీపిస్తుండటంతో వైరస్‌ వ్యాప్తి నేపథ్యంలో జాగ్రత్తగా ఉండాలని మహేష్‌ మరోసారి అభిమానులను కోరారు. తన బర్త్‌డే వేడుకలు నిర్వహించవద్దని.. అందరూ ఇంట్లోనే సురక్షితంగా ఉండాలని సూచించారు. (మరోసారి తమిళదర్శకుడితో మహేష్‌బాబు!) ఈ క్రమంలో ప్రిన్స్‌ శుక్రవారం ట్విటర్‌లో పోస్టు పెట్టారు. ‘ప్రియమైన అభిమానులకు.. మీరు అందరూ నాకు తోడుగా ఉండటం నా అదృష్టం. నా పుట్టిన రోజు ఒక ప్రత్యేకమైన రోజుగా గుర్తు ఉండాలని మీరు చేస్తున్న మంచి పనులకు చాలా సంతోషంగా ఉంది. అందుకు మీ అందరిని నేను అభినందిస్తున్నాను. ప్రస్తుతం కరోనాతో మనం అందరం చేస్తున్న ఈ యుద్దంలో సురక్షితంగా ఉండటం అనేది అన్నిటికంటే ముఖ్యం. నా పుట్టిన రోజున అభిమానులందరూ సామూహిక వేడుకలకు దూరంగా ఉండి క్షేమంగా ఉండాలని కోరుకుంటున్నా.. ప్రేమతో మీ మహేష్..’ అంటూ ఫ్యాన్స్‌కు సూచించారు. (ఇంగ్లీష్‌ పాట‌కు ఇర‌గ‌దీసిన సితార‌) pic.twitter.com/v5of8arwjH — Mahesh Babu (@urstrulyMahesh) August 7, 2020

సాక్షి, తూర్పు గోదావరి : కాకినాడ పట్టణానికి సమీపంలో ఉన్న హంసవరంలో శుక్రవారం విషాదం చోటుచేసుకుంది. పుట్టినరోజు వేడుకలు వారి పాలిట శాపంగా మారాయి. వివరాలు.. పృథ్వీ, హరీష్‌, మణికంఠలు ప్రాణస్నేహితులు. శుక్రవారం పృథ్వీ పుట్టిన రోజు వేడుకను పురస్కరించుకొని కేక్‌ కట్‌ చేద్దామని పోలవరం కాలువ వద్దకు వెళ్లారు. కేక్‌ కట్‌ చేసిన అనంతరం కాలువలో సరదాగా గడుపుదామని ముగ్గురు కాలువలో దిగారు. అయితే కాలువ లోతు బాగా ఉండడంతో వారు గల్లంతయ్యారు. ఈ విషయం తెలుసుకున్న గ్రామస్తులు వారిని వెతికేందుకు కాలువలోకి దిగి మృతదేహాలను వెలికితీశారు. పుట్టినరోజు నాడు సరదాగా గడుపుదామని వచ్చిన ముగ్గురు స్నేహితులు విగతజీవులుగా మారడం అక్కడున్నవారందరిని కలచివేసింది.   

సాక్షి, చెన్నై : కరోనా వైరస్‌ లాక్‌డౌన్‌ కారణంగా తగిన ఆదాయం లేక ఇక్కట్లు పడుతున్న దుకాణదారులకు తన భార్య జన్మదినాన్ని పురస్కరించుకుని ఒక నెల అద్దె రద్దు చేసిన యజమాని ఔదార్యాన్ని అందరూ ప్రశంసించారు. చెన్నై మాధవరం నెహ్రు వీధికి చెందిన ఏలుమలై(58) మాధవరం తహసీల్దార్‌ మండల కార్యాలయం ఎదురుగా అతనికి సొంతంగా నిర్మించబడిన కట్టడాల్లో 14 దుకాణాలు వున్నాయి. వాటిలో టీ దుకాణం, జెరాక్స్‌ దుకాణం, సెలూన్‌ దుకాణం, ఫోటోస్టూడియో తదితర దుకాణాలు నిర్వహిస్తున్నారు. కరోనా వైరస్‌ కారణంగా లాక్‌డౌన్‌తో రెండు నెలలుగా దుకాణాలకు తాళం వేసి ఉండడంతో వారికి సరైన ఆదాయం లేక ఇక్కట్లు పడుతున్నారు. ఈ క్రమంలో యజమాని ఏలుమలై తన భార్య పరమేశ్వరి(49) జన్మదినాన్ని పురస్కరించుకుని దుకాణదారులకు సాయపడాలని ఆలోచనలతో వారికి ఒక నెల అద్దెను రద్దు చేస్తున్నట్లు తెలిపారు. దీని గురించి ఏలుమలై మాట్లాడుతూ దుకాణాల నుంచి తనకు ఒక నెలకు మొత్తం రూ.99,150 వస్తుందని, ప్రస్తుత కాలంలో ఏర్పడిన లాక్‌డౌన్‌ కాలంలో ఈ మొత్తం తనకు ముఖ్యమైన అవసరమే కానీ, తన భార్యకు 49వ పుట్టిన రోజు కావడంతో కష్టంలో ఉంటున్న వారికి సహాయపడాలనే ఉద్దేశంతో నెల అద్దెను రద్దు చేసినట్లు అతను తెలిపారు. కరోనా నేర్పిన గుణపాఠం అని ప్రతి ఒక్కరూ కష్టకాలంలో ఉన్న వారిని ఆదుకుంటే కరోనాను తరిమికొట్టవచ్చునని తెలిపారు.   చదవండి: ఇక మరింత కఠినంగా లాక్‌డౌన్‌..

ఆలియా భట్‌, ఆమె సోదరి షాహీన్‌ మంగళవారం తమ ఇంట్లో పని చేసే మహిళ రషీదా పుట్టినరోజును జరిపారు. ఇందుకు సంబంధించిన వీడియోను రషీదా ఇన్‌స్టాగ్రామ్‌లో షేర్‌ చేశారు. దీనిలో ఆలియా, ఇతర సభ్యులతో కలిసి దగ్గరుండి రషీదాతో క్యాండిల్స్‌ వెలిగించి కేక్‌ కట్‌ చేయడం చూడవచ్చు. ఆలియా, షాహీన్‌, ఇతరులు రషీదా కేక్ కట్ చేస్తుండగా హ్యాపీ బర్త్ డే పాడారు. అనంతరం రషీదా.. ఆలియాకు కేక్ తినిపించబోతుండగా.. ఆమె వారించి తాను మళ్లీ డైటింగ్ ప్రారంభించానని చెప్పడం వీడియోలో చూడవచ్చు.   View this post on Instagram My dream birthday A post shared by Rashida Shaikh (@rashidamd132) on Jun 8, 2020 at 11:46am PDT ఇక సినిమాల విషయానికి వస్తే ప్రస్తుతం క్రియేటివ్ డైరెక్టర్ సంజయ్‌ లీలా భనాల్సీ దర్శకత్వంలో ఆలియా భట్‌ తొలిసారి నటిస్తున్న ప్రతిష్టాత్మక చిత్రం ‘గంగూబాయి ఖథియావాడి’. ముంబై మాఫియా రారాణి గంగూబాయి కతియావాడి బయోపిక్‌ ఆధారంగా ఈ సినిమా తెరకెక్కుతోంది. హుస్సైన్‌ జెదీ రచించిన మాఫియా క్వీన్స్‌ ఆఫ్‌ ముంబై పుస్తకం ఆధారంగా సినిమా రూపొందుతోంది. ఈ సినిమాలో గంగూభాయిగా టైటిల్‌ రోల్ చేయడంతో ఎంతో ఆనందంగా ఉందని ఇప్పటికే ఆలియా సంతోషం వ్యక్తం చేసింది. లాక్‌డౌన్‌ అనంతరం ఈ సినిమా సెట్స్‌ మీదకు వెళ్లనుంది.

ల‌క్నో : క‌రోనా వైర‌స్ నేప‌థ్యంలో దేశవ్యాప్తంగా లాక్‌డౌన్ ఉండ‌డంతో అంద‌రూ ఇళ్లకే ప‌రిమిత‌మ‌య్యార‌న్న సంగ‌తి ప్ర‌త్యేకంగా చెప్ప‌న‌క్క‌ర్లేదు. అత్య‌వ‌స‌ర సేవ‌లు మిన‌హా  మిగ‌తా అన్ని కార్య‌క్ర‌మాలు వాయిదా ప‌డిన సంగ‌తి తెలిసిందే.  అయితే సెల‌బ్రిటీల నుంచి సామాన్యుల దాకా  పుట్టిన రోజు వేడుక‌లు, ఇత‌ర‌త్రా శుభ‌కార్యాలు ఎవ‌రి ఇంట్లో వారే జ‌రుపుకుంటున్నారు. అయితే కొంద‌రు దానిని వినూత్నంగా జ‌రుపుకోవాల‌ని భావిస్తున్నారు.  తాజాగా ఈ లిస్ట్‌లో టీమిండియా మాజీ క్రికెట‌ర్ మ‌హ్మ‌ద్ కైఫ్  చేరిపోయాడు. మంగ‌ళ‌వారం.. భార్య పూజా కైఫ్ పుట్టిన రోజు పుర‌స్క‌రించుకొని మ‌హ్మ‌ద్ కైఫ్ ట్విట‌ర్‌లో ఆమెకు శుభాకాంక్ష‌లు తెలిపాడు. 'నా జీవిత భాగ‌స్వామి పూజా కైఫ్‌కు ఇవే నా పుట్టిన రోజు శుభాకాంక్ష‌లు. ఈరోజు డిన్న‌ర్ ఎక్క‌డ చేద్దాం స్వీట్‌హార్ట్.. త్వ‌ర‌గా చెప్పు నీ రిప్లై కోసం ఎదురుచూస్తుంటా' అంటూ పేర్కొన్నాడు. అయితే కైఫ్ భార్య పూజా నుంచి ఎటువంటి రిప్లై రాలేదు.('ఫామ్‌లోనే ఉన్నా అయినా ఎంపిక చేయలేదు') అయితే కైఫ్ పెట్టిన పోస్టుపై నెటిజన్లు కామెంట్ల వ‌ర్షం కురిపించారు. ''బ‌య‌ట క‌రోనా ఉంది.. కాబ‌ట్టి ఇంట్లోనే డిన్న‌ర్ చేయండి... అదేంటి కైఫ్ అదేం ప్ర‌శ్న‌.. మీ ఇంట్లో డైనింగ్ టేబుల్ మీద చేయండి.. క‌రోనా పుణ్య‌మా అని మీకు అదృష్టం క‌లిసొచ్చింది.. హాయిగా మీ భార్య‌కు వండిపెట్టి సంతోషంగా తినేయండి'' అంటూ కామెంట్లు పెట్టారు. అంత‌కుముందు టీమిండియా మాజీ ఆల్‌రౌండ‌ర్ ఇర్ఫాన్ ప‌ఠాన్ కైఫ్ భార్య‌కు శుభాకాంక్ష‌లు తెలిపాడు.'వ‌దిన.. మీకు పుట్టిన రోజు శుభాకాంక్ష‌లు'  అని ట్విట‌ర్‌లో తెలిపాడు. Happy birthday, partner! 🎂 Bataayein, aaj dinner ke liye kahan le jaaun? 😉😛 pic.twitter.com/xPp6KwW1BK — Mohammad Kaif (@MohammadKaif) April 21, 2020

లండన్ :  తెలంగాణ ముఖ్యమంత్రి కేసీఆర్‌ 66వ జన్మదిన వేడుకలను లండన్‌ ఎన్నారై టీఆర్ఎస్ యుకే శాఖ ఆధ్వర్యంలో ఘనంగా నిర్వహించారు. ఈ సంఘం అధ్యక్షుడు అశోక్ దూసరి అధ్యక్షతన నిర్వహించిన ఈ కార్యక్రమానికి యూకే నలుమూలల నుంచి భారీగా టీఆర్‌ఎస్‌ కార్యకర్తలు, కేసీఆర్‌ అభిమానులు, తెలంగాణ వాదులు పెద్ద ఎత్తున హాజరయ్యారు. బడుగు బలహీన వర్గాల అభివృద్ధి కొరకు ముఖ్యమంత్రి కేసీఆర్ ఎన్నో పథకాలు ప్రవేశపెట్టారని, వారి ఆశీస్సులతో మరిన్ని జన్మదిన వేడుకలను జరుపుకోవాలని వారు ఆకాంక్షించారు. ఈ సందర్భంగా అశోక్ దూసరి మాట్లాడుతూ.. కేసీఆర్‌ ఎల్లప్పుడూ ఆరోగ్యంగా ఉండాలని, తెలంగాణ రాష్ట్రాన్ని బంగారు తెలంగాణ నిర్మించే క్రమంలో భగవంతుడు వారికి అన్ని సందర్భాల్లో మనోధైర్యాన్ని, ఆశీస్సులు అందించి ముందుకు నడిపించాలని కోరారు. ఈ కార్యక్రమంలో పాల్గొన్న ఎన్నారై టీఆర్ఎస్ యుకే శాఖ ఉపాధ్యక్షులు నవీన్ రెడ్డి మాట్లాడుతూ.. ప్రజలు కలలు కన్న బంగారు తెలంగాణ కోసం సీఎం కేసీఆర్ అహర్నిశలు కష్టపడుతున్నారని అన్నారు. అలాగే ఎన్నారై టీఆర్ఎస్‌ సెల్కి కేసీఆర్‌, మాజీ ఎంపీ కవిత ఇస్తున్న ప్రోత్సాహానికి కృతజ్ఞతలు తెలిపారు. ప్రతీ తెలంగాణ బిడ్డ కేసీఆర్‌ నాయకత్వాన్ని బలపరచడం చారిత్రక అవసరమని అభిప్రాయపడ్డారు. పుట్టిన రోజు వేడుకల్లో పాల్గొన్న సంఘం సలహా బోర్డు వైస్ చైర్మన్ సిక్కా చంద్రశేఖర్ గౌడ్ ప్రసంగిస్తూ.. భారతదేశంలో తెలంగాణ రాష్ట్రానికి ప్రత్యేక గుర్తింపు ఉందని, ఇతర రాష్ట్రాలకు ధీటుగా అభివృద్ధి సాధిస్తోందని అన్నారు. మిషన్ కాకతీయ, మిషన్ భగీరథ వంటి పథకాలు యావత్ దేశానికే తలమానికంగా నిలవడం కేసీఆర్ గొప్పదనమని వ్యాఖ్యానించారు. ఎన్నారై టీఆర్‌ఎస్‌ ఐటీ కార్యదర్శి వినయ్ ఆకుల మాట్లాడుతూ.. తెలంగాణ ప్రభుత్వం ప్రతిష్టాత్మకంగా చేపట్టిన కార్యక్రమాల గురించి వివరించారు. టీఆర్‌ఎస్‌ ప్రభుత్వం ప్రతి ఒక్కరిని కలుపుకుని ముందుకు సాగుతోందని పేర్కొన్నారు. సలహాలు సందేశాలు ఉన్నా వ్యక్తిగతంగా సోషల్ మీడియా ద్వారా ప్రభుత్వాన్ని సంప్రదించవచ్చు అని తెలిపారు. అనంతరం అందరి సమక్షంలో కేక్ కట్ చేసి కేసీఆర్‌కు పుట్టినరోజు శుభాకాంక్షలు తెలిపారు. ఈ సందర్భంగా టీఆర్‌ఎస్‌ ముఖ్య నాయకులు రక్తదానం చేశారు. ప్రజలంతా గ్రీన్ ఛాలెంజ్ లో పాల్గొనాలని పిలుపునిచ్చారు. చివరిగా ఈ కార్యక్రమ ఇంచార్జ్ సత్యచిలుముల, సంయుక్త కార్యదర్శి సురేష్ గోపతి మాట్లాడుతూ.. ఇలా వేడుకలు జరుపుకోవడం సంతోషంగా ఉందని, బంగారు తెలంగాణ నిర్మాణం లో కేసీఆర్ వెంటే ఉంటామని అన్నారు. ఈ కార్యక్రమానికి హాజరైన కార్యవర్గ సభ్యులందరికి కృతజ్ఞతలు తెలిపారు. కార్యక్రమంలో అద్యక్షులు అశోక్ గౌడ్ దుసరి,  ఉపాధ్యక్షులు  నవీన్ రెడ్డి, అడ్విసోరీ బోర్డు వైస్ చైర్మన్ చంద్ర శేఖర్ గౌడ్, కార్యదర్శులు హరి బాబు,  సత్యమూర్తి చిలుముల, సంయుక్త కార్యదర్శి సురేష్ గోపతి, అధికార ప్రతినిధులు రవి పులుసు, రవి రేతినేని, ఐటటీ సెక్రటరీ వినయ్ ఆకుల, ఆరూరి విశాల్, దుసరి సాయి కుమార్ గౌడ్, జవహర్లాల్ రామావత్, కాసుల భరత్, వేణు వివేక్ చెరుకు, టిల్లీస్ రెడ్డి, వెంకట్ రెడ్డి, సుధీర్ రెడ్డి, ప్రణీత్, క్రాంతి పుట్ట,రాజ శేఖర్ రావు,అబ్దుల్లాహ్, ప్రణయ్, తరుణ్ రెడ్డి, సోహెల్ కహ్న్, కమల్, మనోహర్ మిట్ట, సయీద్ తదితరులు పాల్గొన్నారు.

సీఎం కేసీఆర్‌కు పలువురు కళాకారులు ‘ఆర్ట్‌ఫుల్‌’గా బర్త్‌డే విషెస్‌ చెప్పారు. ఆదివారం మాదాపూర్‌ చిత్రమయి స్టేట్‌ ఆర్ట్‌ గ్యాలరీలోకేసీఆర్‌ చిత్రాలతో ప్రదర్శన ఏర్పాటు చేశారు. పలువురు కళాకారులు తీర్చిదిద్దిన 50 చిత్రాలను ఇక్కడ ఉంచారు. మాదాపూర్‌: ముఖ్యమంత్రి కేసీఆర్‌ చిత్రాలు సందర్శకులను విశేషంగా ఆకట్టుకుంటున్నాయి. మాదాపూర్‌లోని చిత్రమయి స్టేట్‌ ఆర్ట్‌ గ్యాలరీలో కేసీఆర్‌ చిత్రాల ప్రదర్శనను తెలంగాణ రాష్ట్ర కార్మిక, ఉపాధి, మహిళలు, పిల్లల అభివృద్ధి శాఖ మంత్రి మల్లారెడ్డి ప్రారంభించారు. ఈ సందర్భంగా మంత్రి మాట్లాడుతూ... తెలంగాణ రాష్ట్ర సాధనకు కేసీఆర్‌ తన ప్రాణాలను సైతం తృణప్రాయంగా భావించారన్నారు. సీఎం కేసీఆర్‌ జన్మదినాన్ని పురస్కరించుకొని కేసీఆర్‌ చిత్ర పటాలను ప్రదర్శనలో ఉంచినట్లు తెలిపారు. జన్మదిన కేక్‌ను కట్‌ చేశారు. 50 చిత్రాలు ప్రదర్శనలో ఉంచినట్లు నిర్వాహకులు తెలిపారు. ఈ నెల 23వ తేదీ వరకు చిత్ర ప్రదర్శన ఉంటుందన్నారు. దీనికి క్యూరెటర్‌గా ప్రముఖ ఆర్టిస్ట్‌ రమణారెడ్డి వ్యవహారించారు. కార్యక్రమంలో ఆర్ట్‌ గ్యాలరీ డైరెక్టర్‌ డాక్టర్‌ కె.లక్ష్మి, పలువురు చిత్ర కళాకారులు తదితరులు పాల్గొన్నారు.   

తమిళనాడు,పెరంబూరు: సూపర్‌స్టార్‌ రజనీకాంత్‌ తన పుట్టిన రోజు వేడుకను 10 రోజుల ముందే శాస్త్రోత్తంగా వేదమంత్రాల మధ్య జరుపుకున్నారు. రజనీకాంత్‌ పుట్టిన రోజు డిసెంబరు 12 అన్న విషయం అందరికీ తెలిసిందే. ఇలా ఉండగా ఆయన సోమవారమే తన పుట్టిన రోజు వేడకను జరుపుకున్నట్లు సామాజిక మాధ్యమాల్లో ఫొటోలు వైరల్‌ అవుతున్నాయి. కాగా రజనీకాంత్‌ ఇటీవల 2021 సంచలనంగా మారనుందనే పేర్కొన్న విషయం తెలిసిందే. కాగా త్వరలో రాజకీయరంగ ప్రవేశానికి రెడీ అవుతున్న రజనీకాంత్‌ జన్మనక్షత్రం శ్రావణం. కాగా సోమవారం శ్రావణ నక్షత్రం ప్రారంభం కావడంతో రజనీకాంత్‌ తన పుట్టిన రోజును అదే రోజున వేదమంత్రాల మధ్య జరుపుకున్నట్లు సమాచారం. ఈ సందర్భంగా రజనీకాంత్, ఆయన భార్య లతారజనీకాంత్‌ పూల దండలు మార్చుకుని విశేష పూజలు నిర్వహించారు.

చిలకలగూడ : ఓ వ్యక్తి అప్పు చేసి కుమార్తె పుట్టిన రోజు వేడుకలు ఘనంగా నిర్వహించాడు. అప్పు తీర్చేందుకు ఇద్దరు మిత్రులతో కలిసి అదే రోజు చైన్‌స్నాచింగ్‌కు పాల్పడ్డాడు. సీసీ కెమెరాల ఫుటేజీ ఆధారంగా పోలీసులకు చిక్కి కటకటాల పాలైన సంఘటన చిలకలగూడ పోలీస్‌ స్టేషన్‌ పరిధిలో గురువారం వెలుగులోకి వచ్చింది.   సీఐ బాలగంగిరెడ్డి కథనం మేరకు వివరాలిలా ఉన్నాయి. చిలకలగూడ శ్రీనివాసనగర్‌కు చెందిన గోవింద్‌ తండ్రి రాజేందర్‌ అస్వస్థతకు గురై వారాసిగూడలోని శ్రీదేవి నర్సింగ్‌హోంలో చికిత్స పొందుతున్నాడు. గతనెల 30న రాత్రి గోవింద్‌ మందులు తీసుకుని వారాసిగూడ మీదుగా ఆస్పత్రికి వెళుతుండగా శివాజీ విగ్రహం సమీపంలో ఎదురుగా బైక్‌పై వచ్చిన ముగ్గురు అగంతకులు అతడిపై దాడిచేసి మెడలోని బంగారు గొలుసు లాక్కెళ్లారు.  బాధితుడి ఫిర్యాదు మేరకు కేసు నమోదు చేసి దర్యాప్తు చేపట్టారు.  సీసీ పుటేజీ ఆధారంగా పట్టివేత తార్నాక, మాణికేశ్వరీనగర్‌కు చెందిన గండికోట ప్రభు ప్యారడైజ్‌లోని సన్‌షైన్‌ ఆస్పత్రిలో ట్రాన్స్‌పోర్ట్‌ బాయ్‌గా పని చేసేవాడు. గత నెల 30న తన కుమార్తె పుట్టిన రోజు సందర్భంగా సన్నిహితుల వద్ద అప్పు చేసి బంధువులకు విందు ఇచ్చాడు. అదే రోజు రాత్రి స్నేహితుడి బైక్‌పై తన మిత్రులు వెంకటేష్, సందీప్‌తో కలిసి వారాసిగూడలో మద్యం తాగారు. అనంతరం ట్యాంక్‌బండ్, నెక్లెస్‌రోడ్‌ తదితర ప్రాంతాల్లో తిరిగి  చిలకలగూడ మీదుగా ఇంటికి వస్తుండగా ఒంటరిగా నడిచి వెళుతున్న గోవింద్‌ కనిపించాడు. వెంకటేష్‌ బైక్‌ నడుపుతుండగా, ప్రభు, సందీప్‌ వెనుక కూర్చున్నారు.  గోవింద్‌ వద్దకు రాగానే సందీప్‌ గట్టిగా కేక వేసి అతడిని ఉలిక్కిపడేలా చేయగా, ప్రభు అతని మెడలోని  బంగారు గొలుసు లాక్కున్నాడు. ముగ్గురు క్షణాల్లో అక్కడి నుంచి పరారయ్యారు.  నాలుగు నంబర్లతో ఆచూకీ...   బాధితుడి ఫిర్యాదు మేరకు కేసు నమోదు చేసి దర్యాప్తు చేపట్టిన పోలీసులు సీసీ కెమెరా పుటేజీలను పరిశీలించారు. 5838 నంబర్‌ ఆధారంగా ముందుకు వెళ్లిన పోలీసులు బైక్‌ నంబర్‌ ఏపీ 10ఏకే 5838 గా గుర్తించి వాహన యజమానిని అదుపులోకి తీసుకుని విచారించారు. గండికోట ప్రభు  తన వాహనాన్ని తీసుకువెళ్లాడని, ఇంతవరకు తిరిగి ఇవ్వలేదని అతను చెప్పాడు. దీంతో ప్రత్యేక నిఘా ఏర్పాటు చేసిన పోలీసులు బుధవారం రాత్రి వారాసిగూడ చౌరస్తాలో నిందితుడు ప్రభును అదుపులోకి తీసుకుని ప్రశ్నించగా  నేరం అంగీకరించాడు.  ఆరు ఠాణాలు.. ఎనిమిది కేసులు... ప్రధాన నిందితుడు గండికోట ప్రభు అలియాస్‌ బన్నీపై ఉస్మానియా యూనివర్సిటీ, చిలకలగూడ, ఉప్పల్, గోపాలపురం, అంబర్‌పేట, కరీంనగర్‌జిల్లా పెద్దపల్లి ఠాణాల్లో ఎనిమిది కేసులు ఉన్నట్లు పోలీసులు తెలిపారు. వారిని గురువారం అరెస్ట్‌ చేసి రిమాండ్‌కు తరలించారు. నిందితుల నుంచి 8 గ్రాముల బంగారు గొలుసు, బైక్, సెల్‌ ఫోన్‌ స్వాధీనం చేసుకున్నారు. కేసును చేధించిన చిలకలగూడ సీఐ బాలగంగిరెడ్డి, డీఐ సంజయ్‌కుమార్, డీఎస్‌ఐ శ్రీనివాస్, క్రైంటీం చక్రపాణి, మజహర్, వెంకటరమణ, ప్రకాశ్, విజయ్, వసీ, లక్ష్మణ్, నాగేశ్వర్, వెంకటేష్, రాయుడు, పెంచలయ్యలను నార్త్‌జోన్‌ డీసీపీ కల్మేశ్వర్, గోపాలపురం ఏసీపీ వెంకటరమణ అభినందించి ప్రత్యేక రివార్డులు అందించారు. 

సంగీతరావు! సినీ సంగీత ప్రియులందరికీ సుపరిచితులు. ఘంటసాల స్వరపరచిన ప్రతి చిత్రానికీ సంగీతరావు సహాయకులుగా పనిచేశారు. సంగీతం ఘంటసాల – సహాయకులు పట్రాయని సంగీతరావు అని సినిమా టైటిల్స్‌లో పడుతుంది. ఘంటసాల గురువు పట్రాయని సీతారామశాస్త్రి. ఆయనంటే ఘంటసాలకు అపారమైన గౌరవం. ఆ గౌరవమే సంగీతరావుతో సాన్నిహిత్యాన్ని ఏర్పరచింది. 1920 నవంబరు 2న జన్మించిన సంగీతరావు నిన్న (నవంబరు 2, 2019) నూరవ పుట్టినరోజు పండుగ జరుపుకున్నారు. ఈ సందర్భంగా చెన్నైలో ఘంటసాల సతీమణి సావిత్రమ్మ, పిల్లలతో కలిసి, సంగీతరావు ఇంటికి వచ్చి, శుభాకాంక్షలు, అభినందనలు తెలిపి వెళ్లారు. ఘంటసాల గతించి, 45 సంవత్సరాలు గడిచిపోయినా, ఈ రెండు కుటుంబాల మధ్య అనుబంధం కొనసాగుతూనే ఉందనడానికి ఈ సంఘటన ప్రత్యక్ష నిదర్శనం.

సంగెం : వరంగల్‌ రూరల్‌ జిల్లా సంగెం మండలం గుంటూరుపల్లికి చెందిన కొరిటాల సామ్రాజ్యమ్మ ఆదివారం 103వ జన్మదిన వేడుకలను జరపుకుంది. సామ్రాజ్యమ్మ భర్త రామకిష్టయ్య వంద ఏళ్లు జీవించి నాలుగేళ్ల క్రితం మరణించారు. 103 సంవత్సరాల వయసు ఉన్నా సామ్రాజ్యమ్మ నేటికీ తన పనులన్నీ స్వయంగా చేసుకోవడంతో పాటు వంట కూడా చేసుకుంటుంది. ఈమెకు ఇద్దరు కుమారులు, ఏడుగురు కుమార్తెలు ఉండగా.. మొత్తం 50 మంది మనమలు, మనమరాళ్లు, ముని మనమలు, మనమరాళ్లు ఉన్నారు. పెద్ద కుమారుడు రామారావు, ముగ్గురు కుమార్తెలు చనిపోయారు.  

కర్ణాటక  ,యశవంతపుర : రిమాండ్‌ ఖైదీ పుట్టిన రోజు వేడుకలు పోలీసు స్టేషన్‌లో జరిగాయి. ఈ విచిత్ర ఘటన విద్యారణ్య పోలీసు స్టేషన్‌లో జరిగింది. పోలీసు అధికారి పేరిట ప్రజల నుండి డబ్బులు వసూలు చేసిన కేసులో అభిషేక్‌ అలియాస్‌ అభిని గతేడాది పోలీసులు అరెస్టు చేశారు. ఈ సమయంలో అభి పుట్టిన రోజు వేడుకలను పోలీసు స్టేషన్‌లో ఘనంగా నిర్వహించారు. ఈ సందర్భంగా నిందితుడు అభికి ఆ పోలీసు స్టేషన్‌ ఎస్‌ఐ కేక్‌ తినిపిస్తున్న ఫోటోలు ఇటీవల వైరల్‌ అయ్యాయి. ఎస్‌ఐ, స్టేషన్‌ సిబ్బంది నిందితుడికి కేక్‌ తినిపిస్తున్న వీడియో, ఫోటోలు వైరల్‌ కావడంతో ప్రజల ఆక్రోశానికి గురవుతున్నారు.  బాడుగకు తీసుకున్న కారును ధ్వసం చేసిన నిందితుడు అభిషేక్‌.. కారు యజమాని  రిపేర్‌కు డబ్బులు అడిగితే నేను పోలీసును, నన్నే డబ్బులు అడుగుతావా.. కేసు నమోదు చేస్తానంటూ కారు యజమానిని బెదిరించారు. ఇదే కాకుండాకారు యజమాని నుంచి వేల రూపాయలను వసూలు చేశాడు. ఇందుకు సంబంధించి దాసరహళ్లి నివాసి కార్తీక్‌ విద్యారణ్యపుర పోలీసులకు ఫిర్యాదు చేశారు. దీంతో అభిషేక్‌ను పోలీసులు అరెస్ట్‌ చేశారు. నిందితుడి జతలో పోలీసులు కేక్‌ తిన్న విషయంపై ఉన్నత అధికారులను వివరణ కోరగా నిందితుడు పోలీసులతో సన్నిహితంగా ఉండేవాడు. ఏడాది క్రితం పుట్టిన రోజును స్టేషన్‌లో జరిపారు. అయితే నాలుగు నెలల క్రితం అక్కడి ఎస్‌ఐతో పాటు పోలీసులు బదిలీ అయినట్లు వివరించారు. ఎవరిపై చర్యలు తీసుకోవాలో అర్థం కావటంలేదన్నారు.  

సాక్షి, రాజమండ్రి : పుట్టిన రోజు వేడుకల్లో అపశృతి చోటుచేసుకుంది. యువకుడి తలకు దట్టంగా నిండుకున్న స్ప్రే నురగలకు క్రాకర్‌ క్యాండిల్‌ నిప్పు అంటుకోవటంతో ప్రమాదం జరిగింది. తూర్పు గోదావరి జిల్లా రాజమండ్రిలో ఈ సంఘటన చోటుచేసుకుంది. ప్రస్తుతం ఇందుకు సంబంధించిన వీడియో సోషల్‌ మీడియాలో వైరల్‌గా మారింది. వీడియోలో.. యువకుడి బర్త్‌డే వేడుకలు జరపటానికి స్కూటిపై కేకును ఉంచి దానిపై క్రాకర్‌ ఫైర్‌ క్యాండిల్‌ను వెలిగించారు. బర్త్‌డే బాయ్‌ చుట్టూ ఉన్న వాళ్లు కేరింతలు కొడుతూ అతడిపై స్నో స్ప్రే కొట్టడం ప్రారంభించారు. క్షణాల్లో అతడి తలమొత్తం నురగలతో నిండిపోయింది. కొద్దిసేపటి తర్వాత స్ప్రేల నుంచి తప్పించుకోవటానికి మెల్లగా తల క్రిందకు దించటంతో క్రాకర్‌ క్యాండిల్‌ నిప్పు తలకు తగిలి ఒక్కసారిగా మంటలు చెలరేగాయి.

సాక్షి, చెన్నై: ఇళయదళపతి విజయ్‌కు రాజకీయ ఆహ్వానం పలుకుతూ అభిమానులు పలు నగరాల్లో పోస్టర్లు హోరెత్తించే పనిలో పడ్డారు. శనివారం ఆయన బర్త్‌డేను పురస్కరించుకుని ఇ ప్పటి నుంచే అభిమానుల్లో అత్యుత్సాహం, హంగామా పెరిగింది. ప్రజా సీఎం, రేపటి సీఎం అం టూ నినాదాల్ని, దళపతి రాజకీయాల్లోకి రా.. అ న్న పిలుపుతో ఈ పోస్టర్లు హల్‌చల్‌ చేస్తున్నాయి.  సినీ వినీలాకాశంలో సూపర్‌స్టార్‌ రజనీకాంత్‌ తర్వాత అంతటి అభిమాన లోకాన్ని కల్గిన హీరోలుగా ఇళయదళపతి విజయ్, తల అజిత్‌ ఉన్నారు. వీరిలో ఇళయదళపతి పేరు మాత్రం తరచూ రాజకీయ చర్చల్లో నానుతూ ఉంటుంది. ఇందుకు కారణం ఆయన తండ్రి, దర్శక, నిర్మాత ఎస్‌ఏ చంద్రశేఖర్‌ వ్యాఖ్యలు.  తన కుమారుడ్ని రాజకీయాల్లోకి తీసుకు రావడం లక్ష్యంగా ఆయన తీవ్రంగానే కసరత్తుల్లో ఉన్నారు. విజయ్‌ అభిమాన సంఘాల ద్వారా సేవల్ని విస్తృతం చేయిస్తున్నారు. గతంలో అయితే, విజయ్‌ రాజకీయ అరంగేట్రం ఇక, చేసినట్టే అన్నట్టుగా ప్రచారం జోరుగానే సాగింది. ఇది అభిమానుల్లో రెట్టింపు ఉత్సాహానికి దారి తీసింది. అయితే, 2011 అసెంబ్లీ ఎన్నికల్లో విజయ్‌ తన మద్దతును అన్నాడీఎంకేకు ప్రకటించడం అభిమానుల్లో నిరుత్సాహాన్ని నింపింది. అదే రాజకీయంగా చర్చను రగిల్చింది. ఈ ఎన్నికల్లో విజయ్‌ అభిమానులు జెండాలు చేత బట్టి మరీ స్వయంగా ప్రచారంలో దూసుకెళ్లారు. ఇక, ఆ తదుపరి పరిణామాలతో విజయ్‌ నటించిన తలైవా చిత్రం చిక్కుల్లో పడడం, వివాదాలు వంటి ఘటనలు వెలుగు చూశాయి.  దీంతో దళపతి రాజకీయాల్లోకి రా.. అంటూ అభిమానులు జెండా పట్టడం, చివరకు బుజ్జగింపులు జరగడం చోటుచేసుకున్నాయి. చివరకు తాను రాజకీయాలకు దూరం అని ప్రకటించారు. అదే సమయంలో  2014 బీజేపీ ప్రధాని అభ్యర్థి నరేంద్ర మోదీతో భేటీ కావడం మరో చర్చకు దారి తీసింది. ఇలా చర్చలు, ప్రచారాలు, అభిమానుల పిలుపుకే ఈ దళపతి రాజకీయ ప్రవేశం పరిమితమైంది.  మరో మారు తెరపైకి.. శనివారం విజయ్‌ 45వ వసంతంలోకి అడుగుపెట్టనున్నారు. దీంతో ఆయన అభిమానుల్లో జోష్‌ నిండింది. రాష్ట్రంలో ప్రస్తుతం నెలకొన్న పరిణామాల నేపథ్యంలో మరో మారు దళపతి రాజకీయ ప్రవేశ నినాదం మిన్నంటే రీతిలో అభిమానులు దూకుడు పెంచారు. మదురై, కోయంబత్తూరు, తిరునల్వేలి వంటి నగరాల్లో ఉన్న అభిమానులు అత్యుత్సాహంతో దూసుకెళ్లే పనిలో పడ్డారు. మదురై నగరం అంతా ఎక్కడ చూసినా దళపతి రాజకీయల్లో రా.. అని పిలుపునిస్తూ పోస్టర్లు హల్‌చల్‌ చేస్తుండడం విశేషం. ఇక, కొన్ని చోట్ల అయితే, రేపటి సీఎం మరికొన్ని చోట్ల ప్రజా సీఎం అంటూ, అధికార పీఠం అధిరోహిద్దాం అంటూ తమకు నచ్చినట్టుగా తమ హీరోను పిలుచుకుంటూ నినాదాల్ని అభిమానులు పోస్టర్ల ద్వారా హోరెత్తించడం గమనించదగ్గ విషయం. బర్త్‌డే వేళ నిర్ణయం తీసుకోవాల్సిందే అని పిలుపు నిస్తూ మరికొన్ని చోట్ల పోస్టర్లు వెలియడం విశేషం. అయితే, అభిమానుల పిలుపునకు దళపతి స్పందించేనా అన్నది వేచి చూడాల్సిందే. అదే సమయంలో అట్లీ దర్శకత్వంలో కొత్త సినిమా పోస్టరును మాత్రం అభిమానులకు జోష్‌ను నింపే విధంగా విజయ్‌ విడుదల చేసే అవకాశాలు ఎక్కువే.     

కర్ణాటక, బనశంకరి: రోడ్డు పక్కన పుట్టిన రోజు జరుపుకుంటున్న యువకులను గుర్తు తెలియని వాహనం ఢీకొని నలుగురు   దుర్మరణం చెందిన ఘటన బీదర్‌ జిల్లా మున్నాఖేళ్లి పోలీస్‌స్టేషన్‌ పరిధిలో శనివారం అర్దరాత్రి చోటుచేసుకుంది. మృతులు బీదర్‌ జిల్లా హుమ్నాబాద్‌ తాలూకాకు చెందిన సచిన్‌హణమంత (18), అరుణ్‌ కుమార్‌ కాశీనాథ (19),గురునాదవిఠల(18), రఘవీర బీమశ్య (17)గా గుర్తించారు. నలుగురు స్నేహితులు శనివారం అర్దరాత్రి పుట్టిన రోజు జరుపుకోవడానికి మంగలగి సమీపంలోని జాతీయ రహదారి 65 వద్దకు వెళ్లారు. యువకులు పుట్టిన రోజు వేడుకల్లో సంబరాలు చేసుకుంటుండగా గుర్తు తెలియని వాహనం ఢీకొనడంతో యువకులు అక్కడిఅక్కడే మృత్యవాతపడ్డారు. ఈ దుర్ఘటనను గుర్తించిన స్థానికుడు తక్షణం పోలీసులకు సమాచారం అందించారు. వెంటనే ఘటనా స్ధలానికి వెళ్లిన మున్నాఖెళ్లి పోలీసులు మృతదేహాలను హుమ్నాబాద్‌ ప్రభుత్వాసుపత్రికి తరలించారు.  గుర్తు తె లియని వాహనం కోసం పోలీసులు గాలింపు చర్యలు చేపట్టారు. 

అనంతపురం, సోమందేపల్లి: మండల కేంద్రం సోమందేపల్లిలోని వై జంక్షన్‌లో హోటల్‌ నిర్వహిస్తున్న రవి, గంగరత్నమ్మలు తాము పెంచుకున్న వానరానికి(కోతి) శుక్రవారం సాయంత్రం జన్మదిన వేడుకలు నిర్వహించారు. ఏడాది క్రితం రోడ్డు ప్రమాదంలో ఓ కోతి మరణించగా.. దాని పిల్లను వీరు చేరదీసి పెంచుకుంటున్నారు. వానరానికి దుస్తులు వేసి బర్త్‌డే కేక్‌ కట్‌ చేశారు. జంతువులపై వారు కనబరచిన ప్రేమను పలువురు ప్రశంసించారు. 

నగరి: తాము అధికారంలోకి రాగానే గాలేరు–నగరి ప్రాజెక్టును పూర్తి చేస్తామని మాజీ ఎంపీ పెద్దిరెడ్డి మిథున్‌రెడ్డి చెప్పారు. ప్రతిపక్ష ఎమ్మెల్యేలున్న చోట ప్రభుత్వం పక్షపాతం చూపుతోందని, నగరి అభివృద్ధికి నిధులు విడుదల చేయకుండా వేధిస్తోందని అన్నారు. శనివారం నగరిలో జరిగిన రోజా పుట్టిన రోజు వేడుకల్లో ఆయన పాల్గొన్నారు. మహిళా సమస్యలపై ఎమ్మెల్యే రోజా చేస్తున్న పోరాటం అభినందనీయమన్నారు. సర్కారు నిధుల కోసం వేచి చూడకుండా రోజా సొంత నిధులతో సంక్షేమ పథకాలు ప్రజలకు అందజేస్తోందన్నారు. పథకాల కోసం ఖర్చు ఎక్కువవుతున్నా వెనకడుగు వేయలేదని చెప్పారు. వచ్చే పుట్టిన రోజుకు ఎమ్మెల్యే కంటే పెద్ద పోస్టులో ఆమెను చూడాలని ఉందని ఆకాంక్షించారు. నగరి నియోజకవర్గం తల్లిలాంటిది: రోజా తన చిరకాల వాంఛను నెరవేర్చిన నగరి నియోజకవర్గం కన్నతల్లిలాంటిదని ఎమ్మెల్యే రోజా అన్నారు. నగరి ప్రజలు ఏ సమయంలో అయినా తనను కలిసి కష్టాలు చెప్పుకోవచ్చని తెలిపారు. సర్కారు నిధులు ఇవ్వకపోయినా సొంత డబ్బుతో అయినా మేలు చేసేం దుకు సిద్ధంగా ఉన్నానని పేర్కొన్నారు. ఇప్పటికే పాఠశాలల్లో మంచినీళ్ల ప్లాంట్లు, ఫ్యాన్లు, పండ్లు అమ్ముకునే వారికి తోపుడు బండ్లు పంపిణీ చేశామని గుర్తు చేశారు. ప్రభుత్వం మాత్రం పేదలకు సంక్షేమ ఫలాలు అందించకుండా ఇబ్బందులకు గురిచేస్తోందని ఆరోపించారు.  ప్రజలు సంక్షేమ ఫలాలు పొందాలంటే జన్మభూమి కమిటీల వద్ద చేతులు కట్టుకొని అడుక్కునే పరిస్థితికి తీసుకొచ్చారని వాపోయారు. జన్మభూమి కమిటీల్లో రౌడీలు, గూండాలు ఉన్నారని ధ్వజమెత్తారు. పేదల సంక్షేమాన్ని చంద్రబాబు రౌడీల చేతిలో పెట్టారని దుయ్యబట్టారు. నగరిలో ఎమ్మెల్సీ ఉన్నా గాలేరు–నగరి ప్రాజెక్టు పూర్తి చేయకపోవడం సిగ్గుచేటని విమర్శించారు. రైతులపై ప్రేమలేదు కాబట్టే ప్రాజెక్టు పూర్తి చేయడంలో అలసత్వం వహిస్తున్నారని చెప్పారు. ఓటమి భయంతోనే చంద్రబాబునాయుడు రాహుల్‌గాంధీ కాళ్లు పట్టుకుంటున్నారని విమర్శించారు. చంద్రబాబు రాజకీయ జీవితంలో ఒక్కసారి కూడా ఒంటరిగా పోటీ చేసిన పాపానపోలేదన్నారు. జగన్‌ సీఎం అయితేనే  రాష్ట్రం బాగుపడుతుందన్నారు. రోజా పుట్టిన రోజు వేడుకల్లో కార్యకర్తలు, అభిమానులు పెద్ద ఎత్తున పాల్గొన్నారు. పుత్తూరు నుంచి పెద్ద ఎత్తున బైక్‌ ర్యాలీ నిర్వహించారు. కువైట్‌లోనూ జన్మదిన వేడుకలు జరిగాయి. యాప్‌తో ప్రజలకు మరింత చేరువ.. ప్రజలకు మరింత చేరువయ్యేందుకు ఎమ్మెల్యే ఆర్‌కే.రోజా వినూత్న ప్రయత్నం చేస్తున్నారు. నియోజకవర్గ సమస్యలు విన్నవించేందుకు ‘మై ఎమ్మెల్యే’ యాప్‌ను శనివారం అందుబాటులోకి తెచ్చారు. దీని ద్వారా వచ్చిన సమస్యలను ఎప్పటికప్పుడు పరిష్కస్తానని ప్రజలకు ఆమె హామీ ఇచ్చారు. ఈ యాప్‌ను మాజీ ఎంపీ మిథున్‌రెడ్డి ప్రారంభించారు. 

పాలమూరు మహబూబ్‌నగర్‌ : ప్రముఖ సినీ నటుడు మెగాస్టార్‌ చిరంజీవి పుట్టిన రోజు సందర్భంగా బుధవారం హైదరాబాద్‌లో శిల్పారామంలో పలువురిని సన్మానించారు. ఈ సందర్భంగా ఇప్పటి వరకు 131 సార్లు రక్తదానం చేసిన మహబూబ్‌నగర్‌ రెడ్‌క్రాస్‌ చైర్మన్‌ నటరాజ్‌ను సినీ హీరో రామ్‌చరణ్‌ సన్మానించి జ్ఞాపిక అందజేశారు.  

వనపర్తిటౌన్‌ : జాతి అహంకార దోపిడీని ధిక్కరించి, సమాన హక్కుల సాధనకు జీవితాన్ని త్యాగం చేసిన పోరాటయోధుడు నెల్సన్‌ మండేలా అని  తెలంగాణ న నిర్మాణ వేదిక రాష్ట్ర గౌరవా«ధ్యక్షుడు మురళీధర్‌గుప్తా అన్నారు. గురువారం జిల్లా కేంద్రంలోని బాలుర జూనియర్‌ కళాశాల మైదానంలో మండేలా 100వ జయంతి వేడుకలను టీజేఏసీ, నవ నిర్మాణ వేదిక సంయుక్తంగా  నిర్వహించారు. ఈ సందర్భంగా ఆయన మాట్లాడుతూ 19 18లో యూరోప్‌ నుంచి వలస వచ్చిన వర్తకులు, పెట్టుబడిదారులు దక్షిణాఫ్రికాలోని ప్రజలను బానిసలుగా మార్చారని తెలిపారు. నల్ల జాతీయి ల హక్కులను కాలరాసి వెట్టిచాకిరీ చేయిస్తున్నా రన్నారు. ఆ బానిస సంకెళ్లను విడిపించేందుకు మండేలా శాంతియుత మార్గంలో పోరాడారని తెలిపారు. ఆయన పోరాట స్ఫూర్తి ప్ర పంచానికి మార్గదర్శనంలా మారిందని చెప్పారు.  బాలుర కళాశాల ప్రిన్సిపాల్‌ మద్దిలేటి, టీజేఏసీ కన్వీనర్‌ రాజారాంప్రకాశ్, డీటీఎప్‌ జిల్లా అధ్యక్షుడు యోసేపు లెక్చలర్‌ రంగస్వామి,  ఖాదర్‌పాష, కళాకారుడు డప్పు నాగరాజు పాల్గొన్నారు.  

దమ్మపేట : శతమానం భవతి..నిండు నూరేళ్లు ఆరోగ్యంగా జీవించు అని చెబుతుండే మాట ఈయన విషయంలో మార్చాలి. ఎందుకంటే..అంతకుమించి అనాల్సి ఉంటుంది. దమ్మపేట మండలంలోని వడ్లగూడెం గ్రామానికి చెందిన పాటేటి గంగరాజు (రాజబాబు) వయస్సు అక్షరాల వంద సంవత్సరాలు. రేపు..అంటే 12వ తేదీన ఆయన 101వ పుట్టిన రోజును జరుపుకోబోతున్నారు. 12-07-1918న పాలేటి వీరవెంకయ్య, శేషాచలం దంపతుల ఏడుగురు సంతానంలో ఈయన మూడో వాడు. అందరూ మగ సంతానమే కాగా..మిగతావారంతా 60-70 ఏళ్ల వయస్సులో చనిపోయారు. ఈయన బాల్యం వడ్లగూడెంలో, హైస్కూల్‌ విద్య ఏలూరులో పూర్తి చేసుకున్నారు. ఉన్నత విద్య అంతా హైదరాబాద్‌లో కొనసాగింది. అప్పటి నిజాం ప్రభుత్వంలో బోధన్‌లోని నిజాం షుగర్‌ ఫ్యాక్టరీలో 40ఏళ్లు విధులు నిర్వహించారు. అక్కడ ఉద్యోగ విరమణ అనంతరం స్వగ్రామం వడ్లగూడెంలో వ్యవసాయం చేస్తూ జీవిస్తున్నారు. ఈయనకు ముగ్గురు కుమారులు, ఇరువురు కుమార్తెలు సంతానం. భార్య, ఒక కుమారుడు గతంలో మృతి చెందారు. మిగతా కుటుంబ సభ్యులంతా ఉద్యోగ, వ్యాపారాల రీత్యా హైదరాబాద్‌లో ఉంటున్నారు. ఈయన స్థానికంగా ఉంటున్నారు. కుమారులు, కూతుళ్లు, అల్లుళ్లు, మనవళ్లు, మునిమనవళ్లు కలుపుకుని..మొత్తం 60మందికిపైగా ఈయన కుటుంబసభ్యులుగా వివిధ ప్రాంతాల్లో ఉండడం విశేషం. వేడుక చేస్తాం..  మా బాబాయిని చూస్తుంటే..ఇప్పటికీ ఇంత ఆరోగ్యంగా భలే ఉన్నారే అనిపిస్తుంది. నేటి తరం వివిధ అనారోగ్యాలతో సతమవుతున్నా ఆనాటి ఆహారం..పనుల వల్ల ఇప్పటికీ ఈయన మంచిగా ఉన్నారని అనుకుంటున్నాం. అందరినీ పలకరిస్తారు. ఊరివారితో ముచ్చటిస్తూ..బాగోగులు తెలుసుకుంటూ..ముని మనవళ్లతో ఆడుకుంటారు. ఇన్నేళ్లు బతికిన పెద్దాయన్ను సత్కరించాలని అనుకున్నాం. ఊరి వాళ్లు, సరిహద్దు ఊరు సీతానగరం వాళ్లు కూడా సంబరం చేద్దామంటున్నారు. అంతా గురువారం రోజు వేడుక చేస్తాం. - పాలేటి చంద్రశేఖర్, సూర్యనారాయణ. పెసరట్టు ఇష్టం..  నేను చిన్నప్పటి నుంచి ప్రత్యేకించి ఆహార నియమాలేమీ పాటించలేదు. కానీ..కాయకష్టం చేసేటోన్ని. అప్పటి రోజుల్లో ఇన్ని సౌకర్యాలు లేవు. ప్రతిదీ చెమటోడ్చాల్సి వచ్చేది. అదే..నాకు మంచి ఆయుష్షును ఇచ్చింది. ఇప్పటికీ మాంసాహారం తింటాను. చికెన్, మటన్‌ లాగిస్తాను. పెసరట్టు అంటే చాలా ఇష్టం. మూడు రకాల చట్నీలు కావాలి. పని మనిషి ఆలస్యమైతే..నేనే కొన్నిసార్లు చిన్నపాటి అల్పాహారం చేసుకుంటా.  

పాలకుర్తి: ప్రజలు మెచ్చే పనులు చేస్తూ 25 ఏళ్లుగా వరుసగా ఎమ్మెల్యేగా ఎన్నికవుతూ రికార్డు నెలకొల్పానని ఎమ్మెల్యే ఎర్రబెల్లి దయాకర్‌రావు అన్నారు. నియోజకవర్గ కేంద్రంలోని బషారత్‌ గార్డెన్‌లో టీఆర్‌ఎస్‌ యువజన విభాగం ఆధ్వర్యం లో బుధవారం ఎమ్మెల్యే ఎర్రబెల్లి దయాకర్‌రావు జన్మదిన వేడుకలను ఘనంగా నిర్వహించారు. వేడుకల్లో  63 కిలోల భారీ కేక్‌ కట్‌ చేశారు. అనంతరం ఎమ్మెల్యే ఎర్రబెల్లి దంపతులను గజమాలతో సన్మానించారు. ఈ సందర్భంగా ఎమ్మెల్యే ఎర్రబెల్లి మాట్లాడుతూ వర్ధన్నపేట ఎమ్మెల్యేగా మూడుసార్లు ప్రజలు ఆదరించారని, ఉమ్మడి జిల్లాలో ఒకసారి ఎంపీగా గెలిపించారని అన్నారు. పాలకుర్తిలో ప్రజలు కష్ట కాలంలో ఆదరించి గెలిపించారని, మరోసారి పాలకుర్తి నుంచి పోటీ చేసి గెలుస్తానన్నారు. జనగామ లేదా మరో నియాజకవర్గానికి వెళ్తారని వస్తున్న ప్రచారంలో వాస్తవం లేదని స్పష్టం చేశారు. ఇప్పటి వరకు నియోజకవర్గ అభివృద్ధి కోసం పాటుపడ్డానని, ఇక నుంచి కార్యకర్తలను ఆదుకోవడంలో శ్రద్ధ చూపుతానని అన్నారు. ఎర్రబెల్లి ట్రస్ట్‌ ద్వారా ఉచిత శిక్షణ తీసుకుంటున్న విద్యార్థులు ప్రభుత్వ  ప్రభుత్వ ఉద్యోగం రాని వారికి ప్రైవేట్‌ కంపనీల్లో ఉద్యోగాలు ఇప్పిస్తానని హామీ ఇచ్చారు.  ఎర్రబెల్లి ట్రస్టు చైర్‌పర్సన్‌ ఎమ్మెల్యే సతీమణి ఉషాదయాకర్‌రావు, టీఆర్‌ఎస్‌ యువజన విభాగం నియోజకవర్గ నాయకులు పసునూరి నవీన్, గడ్డం రాజు, టీఆర్‌ఎస్‌ మండల అధ్యక్షుడు నల్ల నాగిరెడ్డి, మాజీ అధ్యక్షుడు ముస్కు రాంబాబు,  శ్రీ సోమేశ్వర లక్ష్మీనర్సింహా దేవస్థానం చైర్మన్‌ రాంచంద్రయ్యశర్మ, సర్పంచ్‌ అంజమ్మ, ఎంపీటీసీ విజయ, టీఆర్‌ఎస్‌ నాయకులు మురళీధర్‌రావు, మాచర్ల పుల్లయ్య తదితరులు పాల్గొన్నారు.

సాక్షి, విజయవాడ : కులమతాలకు అతీతంగా ప్రజా సమస్యల పరిష్కారానికి వంగవీటి మోహన రంగా కృషి చేశారని రంగా కుమారుడు, మాజీ ఎమ్మెల్యే వంగవీటి రాధాకృష్ణ అన్నారు. వంగవీటి మోహన రంగా 71వ జయంతి సందర్భంగా నగరంలోని రాఘవయ్య పార్క్‌ వద్ద రంగా విగ్రహానికి పూలమాల వేసి నివాళులర్పించారు. అనంతరం రాధాకృష్ణ మాట్లాడుతూ.. కులమతాలకు అతీతంగా అన్ని వర్గాల ప్రజలు తన తండ్రిని ఆరాధించడం సంతోషంగా ఉందన్నారు. పేదల కోసమే రంగా పనిచేశారని.. అందుకే ప్రజల గుండెల్లో ఆయన నిలిచిపోయారని పేర్కొన్నారు. రంగా కుమారుడిగా ఆయన ఆశయాలను ముందుకు తీసుకెళ్లడానికి కృషి చేస్తానన్నారు. రాధా రంగా మిత్ర మండలి సభ్యులను కలుపుకొని పని చేస్తానని రాధాకృష్ణ పేర్కొన్నారు. వైఎస్సార్‌సీపీ ఆధ్వర్యంలో.. వంగవీటి మోహన రంగా 71వ జయంతి సందర్భంగా వైఎస్సార్‌సీపీ నాయకులు విజయవాడలోని పార్టీ రాష్ట్ర కార్యాలయంలో రంగా చిత్రపటానికి పూలమాలలు వేసి నివాళులర్పించారు. రంగా పేద ప్రజల కోసం కృషి చేసిన గొప్ప నాయకుడని గుర్తుచేసుకున్నారు. ఈ కార్యక్రమంలో పార్టీ నేతలు పార్థసారథి, సామినేని ఉదయభాను, మల్లాది విష్ణు, వెల్లంపల్లి శ్రీనివాస్‌, పైలా సోమినాయుడు, పలువురు స్థానిక నేతలు, కార్యకర్తలు పాల్గొన్నారు.

సాలూరు: ఎమ్మెల్యే, వైఎస్సార్‌ కాంగ్రెస్‌ పార్టీ కేంద్రపాలక మండలి సభ్యుడు పీడిక రాజన్నదొర పుట్టిన రోజును కార్యకర్తలు, అభిమానులు శుక్రవారం వేడుకగా జరుపుకున్నారు. స్థానిక ఆర్టీసీ కాంప్లెక్స్‌ ఎదురుగా ఉన్న ఇండోర్‌ స్టేడియం ప్రాంగణంలోని వేదికపై అభిమానులు ఏర్పాటు చేసిన 54 కిలోల కేక్‌ను ఎమ్మెల్యే కట్‌ చేశారు. అభిమానులు, కుటుంబ సభ్యులకు పంచిపెట్టారు. పార్టీ రాష్ట్రనాయకుడు జరజాపు ఈశ్వరరావు పర్యవేక్షణలో, పార్టీ పట్టణ అధ్యక్షుడు జరజాపు సూరిబాబు ఆధ్వర్యంలో సాగిన వేడుకల్లో సాలూరు పట్టణంతోపాటు సాలూరు, పాచిపెంట, మక్కువ, మెంటాడ, రామభద్రపురం, కురుపాం, గుమ్మలక్ష్మీపురం తదితర మండలాల పార్టీ కార్యకర్తలు, నాయకులు, అభిమానులు పాల్గొన్నారు. రాజన్నదొరకు శుభాకాంక్షలు తెలిపారు. వైఎస్సార్‌ సీపీ విజయనగరం జిల్లా పార్లమెంటరీ అధ్యక్షుడు బెల్లాన చంద్రశేఖర్, పార్వతీపురం నియోజకవర్గం నాయకుడు జమ్మాన ప్రసన్నకుమార్,  సాలూరు మండలం, పాచిపెంట, మెంటాడ మండలాల పార్టీ అధ్యక్షులు సువ్వాడ రమణ, గొట్టాపు ముత్యాలునాయుడు, రెడ్డి సన్యాసినాయుడు, సాలూరు జెడ్పీటీసీ, పార్టీ జిల్లా మహిళా విభాగం అధ్యక్షురాలు రెడ్డి పద్మావతి, పాచిపెంట మండల జెడ్పీటీసీ సలాది అనురాధ, మెంటాడ మండల ఎంపీపీ  సింహాచలమమ్మ, రాష్ట్ర ఎస్టీ విభాగం నాయకుడు అప్పారావు, పార్టీ రాష్ట్ర నాయకులు ముగడ గంగమ్మ, సలాది అప్పలనాయుడు, జిల్లానాయకులు బాబ్జి, జైహింద్‌కుమార్,  శ్రీను, త్రినాథ, డీసీసీబీ సభ్యుడు సురేష్, జిల్లా ట్రేడ్‌యూనియన్‌ అధ్యక్షుడు బుల్లెట్‌రాజు, మున్సిపల్‌ మాజీ వైస్‌చైర్మన్‌ గిరి రఘు, జగం, రవి, మక్కువ మం డల నాయకుడు తిరుపతినాయుడు, వర్క్‌చార్జ్‌డ్‌ ఎంప్లాయీస్‌ యూనియన్‌ రాష్ట్ర గౌరవ అధ్యక్షుడు డీజీ ప్రసాద్, ఉద్యోగ, ఉపాధ్యాయ సంఘాల నాయకులు, మున్సిపల్‌ ఉద్యోగులు శుభాకాంక్షలు తెలిపారు. సాలూరు సాహితీమిత్రబృందం అధ్యక్ష, కార్యదర్శులు జేబీ తిరుమలాచార్యులు, కిలపర్తి దాలినాయుడు వ్యాఖ్యానంతో ఉదయం 11 నుంచి మధ్యాహ్నం 3గంటల వరకు వేడుకలు సందడిగా సాగాయి.

సాక్షి, చెన్నై : డీఎంకే అధ్యక్షుడు, తమిళనాడు మాజీ ముఖ్యమంత్రి ఎం. కరుణానిధి 95వ జన్మదినం సందర్భంగా ప్రధాని నరేంద్ర మోదీ సహా పలువురు నేతలు ఆయనకు శుభాకాంక్షలు తెలిపారు. పార్టీలకు అతీతంగా నేతలు కరుణానిధికి జన్మదిన శుభాకాంక్షలు అందచేశారు. కరుణానిధి నివాసం, పార్టీ కార్యాలయానికి పెద్ద ఎత్తున తరలివచ్చిన డీఎంకే శ్రేణులు అధినేత జన్మదినోత్సవాన్ని ఘనంగా జరుపుకున్నారు. తన ఇంటివద్ద గుమికూడిన అభిమానులకు కరుణానిధి నవ్వుతూ అభివాదం చేశారు. కరుణానిధి కుమారుడు, అసెంబ్లీలో విపక్ష నేత ఎంకే స్టాలిన్‌, కుమార్తె, రాజ్యసభ ఎంపీ కనిమొళి తదితర నేతలు పార్టీ చీఫ్‌కు ఆయన నివాసంలో జన్మదిన శుభాకాంక్షలు తెలియచేశారు. రచయిత, కవి, తత్వవేత్త, భారత రాజకీయాల్లో అత్యంత సీనియర్‌ నేత అయిన ఎం కరుణానిధి జన్మదినం సందర్భంగా ఆయన కలకాలం ఆరోగ్యంతో జీవించాలని ప్రధాని నరేంద్ర మోదీ ట్వీట్‌ చేశారు. కాంగ్రెస్‌ చీఫ్‌ రాహుల్‌ గాంధీ కరుణానికి జన్మదిన శుభాకాంక్షలు అందచేస్తూ ఆయన దీర్ఘకాలం ఆయురారోగ్యాలతో జీవించాలని ఆకాంక్షించారు.బెంగాల్‌ సీఎం మమతా బెనర్జీ, కేంద్ర మంత్రి పొన్‌ రాధాకృష్ణన్‌, డీఎండీకే వ్యవస్ధాపకులు విజయ్‌కాంత్‌, మంత్రి డీ. జయకుమార్‌ వంటి ప్రముఖులు కరుణానిధికి జన్మదిన శుభాకాంక్షలు తెలిపారు. తమిళనాడులోని నాగపట్టణం జిల్లా తిరుకువలైలో 1924, జూన్‌ 3న జన్మించిన కరుణానిధి 1957 నుంచి రాష్ట్ర అసెంబ్లీకి 13 సార్లు ఎన్నికయ్యారు. ఓటమి ఎరుగని కరుణానిధి 2016 అసెంబ్లీ ఎన్నికల్లో తిరువరూర్‌ నుంచి గెలుపొందారు. ఆరోగ్య కారణాలతో గత రెండేళ్లుగా కరుణానిధి క్రియాశీల రాజకీయాలకు దూరంగా ఉన్నారు. 

‘‘2006లో ‘టాటా బిర్లా మధ్యలో లైలా’ సినిమాతో తెలుగు చిత్ర పరిశ్రమకి వచ్చాను. ‘నాన్న నేను నా బాయ్‌ ఫ్రెండ్స్, నేనులోకల్, సినిమా చూపిస్త మావ’ వంటి విజయవంతమైన చిత్రాలు నిర్మించా. నిర్మాతగా 12ఏళ్లలో పది సినిమాలు నిర్మించా. ఈ జర్నీ ఇలాగే కొనసాగుతుంది’’ అన్నారు నిర్మాత బెక్కం వేణుగోపాల్‌. ఈరోజు(శుక్రవారం) ఆయన పుట్టినరోజు. ఈ సందర్భంగా గురువారం ఆయన విలేకరులతో మాట్లాడుతూ– ‘‘పెద్ద హీరోలతో సినిమాలు చేసే అవకాశాలు వచ్చాయి. అయితే.. ఏదో ఒక కథతో సినిమా చేసేయాలని కాకుండా కథను నమ్మి సినిమాలు చేస్తున్నా. ప్రస్తుతం హర్ష కొనగంటిని దర్శకునిగా పరిచయం చేస్తూ ‘హుషారు’ సినిమా చేస్తున్నా. నాలుగు రోజులు చిత్రీకరణ మినహా సినిమా పూర్తయ్యింది. యూత్‌ఫుల్‌ ఎంటర్‌టైనర్‌. నలుగురు కుర్రాళ్ల కథ. రాహుల్‌ రామకృష్ణ మినహా  ముగ్గురూ కొత్తవారే. ఈ సినిమా తర్వాత ఓ కొత్త దర్శకుడితో ‘దిల్‌’ రాజుగారితో కలిసి ఓ ఫ్యామిలీ హీరోను పరిచయం చేయబోతున్నా. జూన్‌లో మొదలవుతుంది. త్రినాథరావు నక్కిన దర్శకత్వంలో ఓ సినిమా, వి.ఐ.ఆనంద్‌ దర్శకత్వంలో మరో సినిమా చేస్తా’’ అన్నారు.  

నేడు హీరో అల్లు అర్జున్‌ కుమారుడు అల్లు అయాన్‌ పుట్టిన రోజు. ఈ సందర్భంగా కుటుంబ సభ్యులు అయాన్‌తో కేక్‌ కట్‌ చేయించి, శుభాకాంక్షలు చెప్పారు. అల్లు అర్జున్‌ ఫ్యామిలీతో కలిసి దిగిన ఫొటోలను సోషల్‌ మీడియాలో పోస్టు చేశాడు. ప్రస్తుతం ఆ ఫొటోలు నెట్టింట్లో హాల్‌ చల్‌ చేస్తున్నాయి. ‘నా బెస్టీకి బర్త్‌డే శుభాకాంక్షలు. మై బేబి అయాన్‌.. నా సంతోషం‌’ అని పోస్టు చేశారు. అల్లు అర్జున్‌ సతీమణి స్నేహారెడ్డి కూడా అయాన్‌కు పుట్టిన రోజు శుభాకాంక్షలు చెప్పారు. ప్రస్తుతం అల్లు అర్జున్‌ హీరోగా వక్కంతం వంశీ దర్శకత్వంలో రూపొందుతున్న సినిమా ‘నా పేరు సూర్య.. నా ఇల్లు ఇండియా’..  ఈ సినిమాలో అనూ ఇమ్మాన్యుయేల్‌ హీరోయిన్‌గా నటిస్తున్నారు. ఈ చిత్రంలో సోల్జర్‌ సూర్య పాత్రలో అల్లు అర్జున్‌ నటిస్తున్నారు. కె.నాగబాబు సమర్పణలో రామలక్ష్మీ సినీ క్రియేషన్స్‌ పతాకంపై లగడపాటి శిరీషా శ్రీధర్‌ నిర్మిస్తున్నారు. ‘బన్నీ’ వాసు సహ నిర్మాత. ఈ  చిత్రాన్ని మేలో రిలీజ్‌ చేయాలని చిత్ర యూనిట్‌ అనుకుంటుంది.

అది ‘రంగస్థలం’ సినిమా సెట్‌! హీరో రామ్‌చరణ్, ఆది పినిశెట్టి, జగపతిబాబు, ప్రకాశ్‌రాజ్‌ అక్కడే ఉన్నారు. వీరందిరినీ డైరెక్టర్‌ సుకుమార్‌ చూస్తూనే ఉన్నారు. ఆయన స్టార్ట్‌ చెప్పారు. కానీ సీన్‌ అయినా కట్‌ చెప్పకుండా చెమర్చిన కళ్లతో చూస్తూ ఉండిపోయారు. యూనిట్‌ అందరి కళ్లల్లో కన్నీరు. చిట్టిబాబు (‘రంగస్థలం’లో రామ్‌చరణ్‌ పేరు) అయితే పట్టరాని దుఃఖంలో ఉన్నాడు. ఏమైంది? ఎందుకలా? అంటే.. ఈ సినిమాలో ఓ కీలకమైన సెంటిమెంట్‌ సీన్స్‌ను ఇటీవల తెరకెక్కించారు. ఈ హై ఎమోషన్‌ సీన్‌ బ్యాక్‌డ్రాప్‌లో ఓ పాట వస్తుంది. ఆ పాట, వీళ్ల వేదన చూస్తే ఎవరైనా ఇట్టే కరిగిపోవాల్సిందే. ఆ రేంజ్‌లో ఉందట. సీన్‌ నిజం కాదని తెలిసినా.. లొకేషన్లో అందరూ ఎమోషనల్‌ అయ్యారంటే.. రేపు థియేటర్లో ప్రేక్షకుల కళ్లు చెమర్చకుండా ఉండవు. ఆన్‌ సెట్‌ ఎమోషన్‌ అయినా ఆఫ్‌ సెట్‌ మాత్రం ఈ యూనిట్‌ సెలబ్రేషన్‌ మూడ్‌లోనే ఉంటున్నారు. నవీన్, వై. రవిశంకర్, మోహన్‌ చెరుకూరి నిర్మిస్తున్న ఈ సినిమాను మార్చి 30న రిలీజ్‌ చేయాలనుకుంటున్నారు.

మెదక్‌ మున్సిపాలిటీ: ‘జన్మనిచ్చింది మా తల్లిదండ్రులైతే.. రాజకీయ జన్మనిచ్చింది సీఎం కేసీఆర్‌’ అని డిప్యూటీస్పీకర్‌ పద్మాదేవేందర్‌రెడ్డి అన్నారు. శనివారం  శాసనసభ ఉపసభాపతి జన్మదిన వేడుకలను పట్టణంలో ఘనంగా నిర్వహించారు. పార్టీ నాయకులు, కార్యకర్తలు, అభిమానులు ఈ కార్యక్రమాల్లో పాల్గొని రక్తదానం చేసి తమ అభిమానాన్ని చాటుకున్నారు. ఈ సందర్భంగా ఆమె మాట్లాడుతూ తనను ఆడబిడ్డగా ఆదరించి ఆశీస్సులు అందజేసిన ప్రజలందరికి శిరస్సు వంచి నమస్కారాలు తెలిపారు.  ఆమెకు జన్మనిచ్చింది  తల్లిదండ్రులైతే... రాజకీయ జన్మనిచ్చింది సీఎం కేసీఆర్‌ అని, వారికి జీవితాంతం రుణపడి ఉంటానని తెలిపారు. నియోజకవర్గ ప్రజల నమ్మకాన్ని నిలబెట్టే విధంగా అభివృద్ధి పనులు చేస్తూ పాలన కొనసాగిస్తామని తెలిపారు. సీఎం కేసీఆర్‌ అడుగుజాడల్లో నడుస్తూ... అన్ని రంగాలను అభివృద్ధి చేసేందుకు శాయశక్తుల కృషి చేస్తానన్నారు. అలాగే భవిష్యత్‌ తరాలకు అన్ని హంగులతోకూడిన మెదక్‌ నియోజకవర్గాన్ని అందిస్తానని తెలిపారు. జన్మదిన వేడుకలు ఇలా... ఉదయం క్యాంపు కార్యాలయానికి చేరుకున్న డిప్యూటీ స్పీకర్‌ పద్మాదేవేందర్‌రెడ్డి అక్కడ కేక్‌కట్‌ చేసి పార్టీ నాయకులు, కార్యకర్తల నడుమ జన్మదిన వేడుకలు నిర్వహించుకున్నారు. ఈ సందర్భంగా పార్టీ కార్యకర్తలు, అభిమానులు గజమాలతో ఘనంగా సన్మానించారు. పూలవర్షం కురిపించి తమ అభిమానం చాటుకున్నారు. అంతకు ముందు బాణాసాంచా కాల్చి స్వాగతం పలికారు. కౌన్సిలర్‌ మాయ మల్లేశం  తయారు చేయించిన 50 కిలోల కేక్‌ను ఆమె కట్‌ చేశారు. అనంతరం అక్కడ ఏర్పాటు చేసిన రక్తదాన శిబిరాన్ని సందర్శించారు. ఈ సందర్భంగా టీఆర్‌ఎస్‌ రాష్ట్ర కార్యదర్శి దేవేందర్‌రెడ్డి రక్తదానం చేశారు. ఆయనతో పాటు ఈ శిబిరంలో 70మంది వరకు రక్తదానం చేశారు.  శ్రీవెంకటేశ్వరస్వామి ఆలయంలో ప్రత్యేక పూజలు నిర్వహించారు. ఆలయ కమిటీ ఆధ్వర్యంలో ఆమెను సన్మానించారు.   ఈ సందర్భంగా జాయింట్‌ కలెక్టర్‌ నగేశ్, డీఆర్వో రాములు, ఆర్డీఓ మెంచు నగేశ్, నర్సాపూర్‌ ఆర్డీఓ వెంకటేశ్వర్లు, మెదక్‌ డీఎస్పీ వెంకటేశ్వర్లు, మెదక్‌ పట్టణ సీఐ భాస్కర్, రూరల్‌ సీఐ రామకృష్ణ, ఇరిగేషన్‌ ఈఈ ఏసయ్య, పంచాయతీరాజ్‌ ఈఈ, డీఏఓ పరశురాం, స్త్రీశిశు సంక్షేమశాఖ జిల్లా అధికారిణి జ్యోతిపద్మ తదితరులు జన్మదిన శుభాకాంక్షలు తెలిపారు. జన్మదిన సంబురాలు.. ఆటోనగర్, ఖాజా ఇంజనీరింగ్‌ వర్క్‌షాప్‌వద్ద, పాత బస్టాండ్‌ వద్ద, మున్సిపల్‌ కార్యాలయంలో, జిల్లా గ్రంథాలయ సంస్థలో, జేఎన్‌ రోడ్డులో మేరు సంఘం ఆధ్వర్యంలో,  3, 4వ వార్డుల్లో, రాందాస్‌ చౌరస్తాలో, ముదిరాజ్‌ సంఘం ఆధ్వర్యంలో, డాన్‌ బాస్కో హైస్కూల్‌లో , హోటల్‌ చంద్ర భవన్‌ వద్ద , హోటల్‌ బావర్చి ఆధ్వర్యంలో, ఎస్టీ బాలికల వసతి గృహంలో అంగరంగ వైభవంగా పద్మాదేవేందర్‌రెడ్డి జన్మదిన వేడకలను నిర్వహించారు.  పలు చోట్ల అభిమానులు, కార్యకర్తలు కేక్‌ కట్‌ చేశారు. హోటల్‌ చంద్రభవన్‌ ఆధ్వర్యంలో నిరుపేదలకు  చీరలను పంచి పెట్టారు. ఈ కార్యక్రమాల్లో మున్సిపల్‌ చైర్మన్‌ మల్లికార్జున్‌గౌడ్,  మార్కెట్‌ కమిటీ చైర్మన్‌ అకిరెడ్డి కృష్ణారెడ్డి,  ఎంపీపీ లక్ష్మీకిష్టయ్య, జెడ్పీటీసీ లావణ్యరెడ్డి, కౌన్సిలర్లు అనిల్‌కుమార్, రబ్బీన్‌ దివాకర్, మధుసూదన్‌రావు, చంద్రకళ, విజయలక్ష్మి, గాయత్రి, లక్ష్మి, సులోచన, యశోద, రాధ, కౌన్సిలర్‌ సోహైల్, కో అప్షన్‌ సభ్యులు గంగాధర్, సాధిక్, జీవన్‌రావు, కిరణ్‌గౌడ్, టీఎన్జీఓస్‌ నాయకులు భూపాల్‌రెడ్డి, శ్యాంరావు, జెల్ల సుధాకర్, నరేందర్, సువర్ణ, శివ్వంపేట ఎంపీపీ హరికృష్ణ, మాజీ మున్సిపల్‌ చైర్మన్‌ చల్లా నరేందర్, గడ్డమీది కృష్ణాగౌడ్, వైస్‌ ఎంపీపీ లలితవిశ్వం, ఫాజిల్, శ్రీకాంత్‌ తదితరులు  వేడుకల్లో పాల్గొని శుభాకాంక్షలు తెలిపారు.   చిన్నశంకరం పేటలో హోమం.. చిన్నశంకరంపేట(మెదక్‌):  డిప్యూటీ స్పీకర్‌ పద్మాదేవేందర్‌రెడ్డి పుట్టినరోజు వేడుకలు శనివారం చిన్నశంకరంపేట మండల కేంద్రంలో ఘనంగా నిర్వహించారు. శ్రీఅనంతపద్మనాభస్వామి గుట్టపై సర్పంచ్‌ కుమార్‌గౌడ్‌ అధ్వర్యంలో నిర్వహించిన హోమం కార్యక్రమంలో పాల్గొన్నారు. శ్రీఅనంతపద్మనాభస్వామి, శివలింగాలకు ఆమె ప్రత్యేక పూజలు నిర్వహించారు. అనంతరం ఆలయ ప్రాంగణంలో రామాయంపేట ఏఎంసీ చైర్మన్‌ గంగా నరేందర్‌ అధ్వర్యంలో ఏర్పాటు చేసిన కేక్‌ను ఆమె కట్‌చేశారు.  అనంతరం పేదలకు దుప్పట్లు, చీరలను పంపిణీ చేశారు. ఈ సందర్భంగా చేగుంట నుంచి భారీ బైక్‌ ర్యాలీతో టీఆర్‌ఎస్‌ కార్యకర్తలు స్వాగతం పలికారు. కార్యక్రమంలో గ్రంథాలయ సంస్థ జిల్లా చైర్మన్‌ చంద్రాగౌడ్,  కృపావతి, విజయలక్ష్మి, టీఆర్‌ఎస్‌ మండల అధ్యక్షుడు పట్లోరి రాజు, సర్పంచ్‌లు మైనంపల్లి రంగారావు, సాన సత్యనారాయణ, సుధాకర్, సిద్దాగౌడ్, పడాల సిద్దిరాములు, టీఆర్‌ఎస్‌ నాయకులు రామ్‌రెడ్డి, లక్ష్మారెడ్డి, వడ్ల శ్రీనివాస్, రమేశ్‌గౌడ్‌ పాల్గొన్నారు. ఈ సందర్భంగా రామాయంపేట సీఐ వెంకట్‌రెడ్డి, ఎస్‌ఐ ప్రకాష్‌గౌడ్, తహసీల్దార్‌ సహదేవ్‌లు బోకేలను శుభాకాంక్షలు తెలిపారు.

‘పన్నెండొందలా యాభై రూపాయలు. అమ్మో! అంత అమౌంటే! ఏడాదికి పన్నెండొందల యాభై రూపాయలా!’ అని మురిసిపోయాడు దిలీప్‌ కుమార్‌. అదే.. తన మొదటి ఉద్యోగం. బాంబే టాకీస్‌ దేవికారాణి గారు ఇచ్చిన ఉద్యోగం. అలా మొదలైంది హీరో దిలీప్‌ కుమార్‌  ప్రస్థానం. తర్వాత తెలిసింది ఏంటంటే.. ఆ జీతం ఏడాదికి కాదు, ప్రతి నెలా అని. దిలీప్‌ కుమార్‌ సంతోషానికి అవధులు లేవు. ప్రస్తుతం ఆయన తొంభై ఐదేళ్లకు దగ్గరగా ఉన్నారు. ఈ నెల 11న ఆయన పుట్టిన రోజు. ఆయన ఆరోగ్యం కొంచెం అలా అలా ఉంది. ‘పుట్టినరోజు గొప్పగా జరుపుకుంటున్నారా?’ అని అడిగితే, ‘కుటుంబంతోనే జరుపుకుంటా’ అని అన్నాడు. ట్రాజెడీ కింగ్‌గా.. అల్టిమేట్‌ మెథడ్‌ యాక్టర్‌గా ఈయనను సత్యజిత్‌రే అభివర్ణించాడు. అలాంటి ట్రాజెడీ హీరో ఇంకా ఎన్నో వసంతాలు జరుపుకోవాలని బాలీవుడ్‌ అంతా ఆకాంక్షిస్తోంది.

సాక్షి, సినిమా : నవంబర్ 2 వచ్చిందంటే చాలూ.. ముంబై బాంద్రాలోని మన్నత్‌ వద్ద ప్రజలు భారీగా కనిపిస్తుంటారు. బాలీవుడ్ బాద్‌షా, కింగ్‌ ఖాన్‌ షారూఖ్‌ ఖాన్‌ విల్లా అది. ఆయనకు పుట్టిన రోజు శుభాకాంక్షలు తెలియజేసేందుకు జబ్ర ఫ్యాన్స్‌(వీరాభిమానులు) దేశం నలుమూలల నుంచి వచ్చి అర్ధరాత్రి అక్కడ బారులు తీరుతుంటారు. ఇక తనను చూసి శుభాకాంక్షలు తెలియజేసేందుకు వచ్చిన వారికి తనదైన ఫోజులతో బదులివ్వటం ఈ సీనియర్ హీరోకు అలవాటే.  ఈ ఏడాది 52వ పుట్టిన రోజు సందర్భంగా గురువారం కూడా అలాంటి పరిస్థితులే అక్కడ కనిపించాయి. కానీ, ఈసారి అభిమానులు నిరాశగా అక్కడి నుంచి వెనుదిరగాల్సిన పరిస్థితి. అందుకు కారణం వారి సెల్‌ ఫోన్లు చోరీకి గురికావటమే. తమ ఫోన్లు, పర్సులు పోయాయంటూ దాదాపు 30 మంది బాంద్రా పోలీస్‌ స్టేషన్‌లో ఫిర్యాదులు చేశారంట. అయితే అంత మంది గుంపులో దొంగలను పట్టుకోవటం చాలా కష్టమేనని పోలీసులు తేల్చేయటంతో వారంతా నిరాశగా వెనుదిరిగారు.  షరా మాములే...   షారూఖ్ పుట్టిన రోజు సందర్భంగా ఇంటి వద్ద ప్రతీ ఏడూ భద్రతను కట్టుదిట్టం చేస్తుంటారు. అయితే షారూఖ్‌ పైన నిల్చున్న సమయంలో ఆయన్ని దగ్గరి నుంచి చూసేందుకు జనాలు ఒక్కసారిగా ఎగబడుతుంటారు. ఆ సమయంలో తొక్కిసలాట, లాఠీఛార్జ్‌ సర్వసాధారణంగా మారిపోయాయంట. ఆ అలజడినే అదనుగా చేసుకుని కొందరు దొంగతనాలు చేస్తుంటారంట. ఈ నేపథ్యంలో నిన్న కూడా కొందరు తమ చేతి వాటం ప్రదర్శించి ఉంటారని పోలీసులు అనుమానిస్తున్నారు. ఆ సంగతి పెద్దగా పట్టించుకోని షారూఖ్ ఎప్పటిలాగే అలీబాగ్ బంగ్లాలో స్నేహితుల మధ్య పుట్టినరోజు పార్టీ చేసుకున్నారు. షారూఖ్‌ అత్యంత సన్నిహితుడు కరణ్‌ జోహర్‌, దీపికా పదుకునే, అలియా భట్‌, సిదార్థ్‌ మల‍్హోత్రా, ఫరా ఖాన్‌ కుందర్‌, శ్వేతా బచ్చన్‌, ఇంకా షారూఖ్‌ కుటుంబ సభ్యులు ఇందులో పాల్గొన్నారు.


 ఏడాదిలో ఫలక్‌నుమాలో రెండో ఘటన
 
 చాంద్రాయణగుట్ట: ఫలక్‌నుమా పోలీస్‌స్టేషన్‌ పరిధిలో గతేడాది బరాత్‌లో గుర్రంపై పెళ్లి కొడుకు జరిపిన కాల్పుల ఘటన మరువకముందే మరో కాల్పుల ఘటన చోటు చేసుకుంది. జన్మదిన వేడుకల్లో ఓ యువకుడు రివాల్వర్‌తో 12 రౌండ్లు గాల్లోకి కాల్పులు జరిపిన ఘటన సోమవారం వెలుగులోకి వచ్చింది. ఫలక్‌నుమా ఏసీపీ మహ్మద్‌ తాజుద్దీన్‌ అహ్మద్‌ కథనం మేరకు వివరాలిలా ఉన్నాయి.జహనుమా కాలనీకి చెందిన ప్రోగ్రెస్‌ పాఠశాల యజమాని మీర్జా మహ్మద్‌ అలీ బేగ్‌ కుమారుడు మీర్జా ఇబ్రహీం అలీ బేగ్‌(22) డిగ్రీ చదువుతున్నాడు. ఈ నెల 5న అతను తన పుట్టిన రోజు వేడుకలను స్నేహితుల సమక్షంలో జరుపుకున్నాడు.
 
 ఈ సందర్భంగా స్నేహితుల ముందు గొప్పలు చాటుకోవాలనే ఉద్దేశంతో రివాల్వర్‌తో గాల్లోకి 12 రౌండ్లు కాల్పులు జరపడమేగాక వాటిని వీడియో తీసి సామాజిక మాధ్యమంలో పోస్ట్‌ చేశాడు. గత పది రోజులుగా ఈ వీడియో వైరల్‌గా మారి సోమవారం వెలుగులోకి వచ్చింది. దీంతో ఫలక్‌నుమా ఇన్‌స్పెక్టర్‌ పులి యాదగిరి వీడియోను పరిశీలించి నిందితుడిని గుర్తించి అదనపు డీసీపీ కె.బాబురావు, ఫలక్‌నుమా ఏసీపీ మహ్మద్‌ తాజుద్దీన్‌ అహ్మద్‌లకు సమాచారం అందించాడు దీంతో వారు పోలీస్‌ స్టేషన్‌కు చేరుకుని యువకుడి తండ్రిని పిలిపించి మాట్లాడారు. ఆరŠమ్స్‌ యాక్ట్‌ 26,27 సెక్షన్ల కింద కేసు నమోదు చేసుకున్న పోలీసులు యువకుడి కోసం గాలిస్తున్నారు. ఇబ్రహీం తండ్రి మహ్మద్‌ అలీ బేగ్, సోదరుడు ముస్తఫా అలీ బేగ్‌ల పేరున లైసెన్స్‌డ్‌ రివాల్వర్, ఫిస్టోల్‌ ఉన్నట్లు పోలీసులు తెలిపారు.


 ► భార్యాపిల్లలపై కత్తితో ఉన్మాదిలా దాడి
 ► కత్తిపోట్లకు గర్భంలోని శిశువు మృతి
 ► భార్య, రెండేళ్ల కుమార్తె మత్యుపోరు
 ► దాడి తర్వాత ఆత్మహత్య చేసుకున్న భర్త
 ► బర్త్‌డే వేడుకవేళ ఆ ఇంట విషాదం  
 
 సాక్షి ప్రతినిధి/ తిరుపతి క్రైం: అగ్నిసాక్షిగా పెళ్లాడిన భార్య పుట్టిన రోజు. సందడిగా, సంతోషాలు వెల్లి విరియాల్సిన రోజు. ప్రేమ, ఆప్యాతలు పంచుకోవాల్సిన రోజు. పుట్టిన రోజు వేడుకలతో సరదాగా గడపాల్సిన రోజు. నెలలు నిండిన గర్భిణీ అయిన భార్యను మురి పెంగా దగ్గరకు తీసుకోవాల్సిన రోజు. అయితే.... సాత్విక్‌ కుమార్‌ ఇంట్లో ఇందుకు భిన్నమైన వాతావరణం నెలకొంది. ఊహించని దారుణం చోటు చేసుకుంది. భార్యతో పాటు మూడేళ్ల చిన్నారిని క్రూరంగా కత్తితో పొడిచిన భర్త అదే కత్తితో గొంతుకోసుకుని కన్నుమూసిన సంఘటన ఆ కుటుంబాన్నీ, బంధుగణాన్నీ తీరని విషాదంలో నింపింది.
 
 అనుమానమో, లేక ఆటవికత్వమో తెలి యదు గానీ...అగ్నిసాక్షిగా పెళ్లాడిన భా ర్యను కత్తితో పొడిచి తానూ రక్తపు మడుగులో విగతజీవుడైన సంఘటన అబ్బన్నకాలనీలో సంచలనం రేపింది. అటు పోలీసులు, ఇటు నగర ప్రజలు విస్మయా న్ని వ్యక్తం చేసే దారుణం జరిగి పోయిం ది. కట్టుకున్న భార్యపై అనుమానంతో తల నరికి వేరు చేసిన సంఘటన మరువక ముందే బుధవారం మధ్యాహ్నం చోటు చేసుకున్న ఈ సంఘటన పోలీసులను సైతం దిగ్బ్రాంతికి గురి చేసింది.
 
 అసలేం జరిగిందంటే...
 తిరుపతి ఈస్ట్‌ పోలీసులు, మృతుని బంధువులు తెలిపిన వివరాల ప్రకారం సేకరించిన వివరాలు ఈ విధంగా ఉన్నాయి.తిరుపతి నగరానికి చెందిన కొత్తపల్లి సాత్విక్‌ కుమార్‌కి 2011లో తమిళనాడులోని పలసరవాకం పోలూరు గ్రామానికి చెందిన శ్రీనివాసులు, శ్యామలమ్మ కుమార్తె మహాలక్ష్మితో వివాహమైంది. వీరిద్దరిదీ ప్రేమ వివాహం కూడా. దగ్గర బంధువులు కావడంతో పెద్దలు ఇష్టపడి పెళ్లి చేశారు. వివాహం తరువాత తిరుపతి అబ్బన్న కాలనీలోని చిన్నారి ఆస్పత్రి సమీపంలో నివాస ముంటున్నారు. వీరికి మూడేళ్ల వయస్సున్న సాహితీ ఉంది. ప్రస్తుతం మహాలక్ష్మి 9 నెలల నిండు గర్భిణీ. కాగా సాత్విక్‌కుమార్‌ కొన్నాళ్ల పాటు ఓ ప్రయివేట్‌ కంపెనీలో ఆపరేటర్‌గా పనిచేసి మూడు నెలల కిందటే మానేశాడు. కుటుంబ పోషణ నిమిత్తం ప్రస్తుతం ఇంటీరియర్‌ డెకరేషన్‌ పనులు చేస్తున్నాడు.
 
 సీన్‌ కట్‌ చేస్తే...
 బుధవారం ఉదయం 10.30 గంటలకు కుమార్తె సాహితీని స్కూల్‌ నుంచి ఇంటికి తీసుకొచ్చిన సాత్విక్‌ భార్యతో సంతోషంగానే గడిపాడు. మధ్యాహ్నం 12 తరువాత సాత్విక్‌ కుమార్‌ తన అత్త శ్యామలకు ఫోన్‌ ∙చేసి తిరుత్తణి నుంచి చిత్రాన్నం తెమ్మని చెప్పాడు. సరేనన్న శ్యామల హడావుడిగా తిరుపతి బస్‌లో బయలుదేరింది. సమయం ఒంటిగంట దాటాక సాత్విక్‌ కుమార్‌ ఇంట్లో ఏం జరిగిందో తెలియదుగానీ...రక్తపు చేతులతో రక్షించండంటూ మెట్లు దిగుతున్న మహాలక్ష్మిని పక్కనే ఉన్న డాక్టర్‌ రామకృష్ణ ఆస్పత్రిలో చేర్చారు. పక్కనే రక్తమోడుతున్న సాహితీని కూడా దగ్గర్లోని ఆస్పత్రిలో చేర్చారు.
 
  భార్యాపిల్లలపై కత్తితో దాడి చేసిన సాత్విక్‌ అదే కత్తితో తన గొంతు కోసుకుని వంట గదిలో మృతి చెందాడు. చావుబతుకుల మధ్య కొట్టుమిట్టాడుతున్న మహాలక్ష్మి కడుపులోని శిశువును రుయా ఆస్పత్రి వైద్యులు బయటకు తీశారు. అయితే కత్తిపోట్ల కారణంగా బిడ్డ చనిపోయిందని వైద్యులు చెప్పారు. తల్లి పరిస్థితి విషమంగానే ఉంది. ఇటు సాహితీకి కూడా వైద్యం అందుతోంది. రేణిగుంట డీఎస్పీ నంజుండప్ప, సీఐ రామకిషోర్‌లు వీరిద్దరి ఆరోగ్య పరిస్థితిని పర్యవేక్షించారు. ‘ఎంత డబ్బయినా పర్వాలేదు. పాపకు వైద్యం అందించండని’ డీఎస్పీ నంజుండప్ప తన పెద్ద మనసును చాటుకున్నారు.
 
 ఫోనే కీలకం...
 ఇదిలా ఉండగా ఈ కేసులో పూర్తి వివరాలు తెలియాలంటే...సాత్విక్‌ వాడే సెల్‌ ఫోనే కీలకం. క్లూస్‌ టీంను రంగంలోకి దింపిన పోలీసులు దీన్ని స్వాధీనపర్చుకుని విచారణ జరుపుతున్నారు. మధ్యాహ్నం వరకూ కుటుంబంతో బాగా గడిపిన సాత్విక్‌ అకస్మాత్తుగా ఎందుకిలా ఉన్మాదిగా మారాడు? అసలేం జరిగింది...అన్న ప్రశ్నలకు సమాధానం దొరకాలంటే ఫోన్‌ సంభాషణలను విశ్లేషించాల్సిందేనని పోలీసులు భావిస్తున్నారు.
 
 చావుబతుకుల్లో భర్త గురించే...
 రుయా ఆస్పత్రిలో ఉన్న మహాలక్ష్మిని పలకరించాను. తనపై దాడి చేసింది భర్తేనని చెప్పింది. పైగా తన హస్బెండ్‌ ఎలాగున్నారని అడిగింది. ప్రస్తుతం ఆమెకు రుయాలో వైద్యం అందుతోంది. కేసును సీరియస్‌గా తీసుకున్నాం. అన్ని కోణాల్లోనూ విచారిస్తున్నాం. హత్యోదంతానికి గల కారణాలను రెండు రోజుల్లోగా ఛేదిస్తాం.
 – పీవీఎస్‌ రామకిషోర్, సీఐ.


 – కృష్ణ
 ‘నరేశ్‌ పలు విజయవంతమైన చిత్రాలతో పాటు హండ్రడ్‌ డేస్, సిల్వర్‌ జూబ్లీ చిత్రాల్లో నటించాడు. కొంత విరామం తర్వాత సెకండ్‌ ఇన్నింగ్స్‌ స్టార్ట్‌ చేసి, వైవిధ్యమైన పాత్రలతో అలరిస్తున్నాడు. తను మరిన్ని మంచి పాత్రలు పోషించి, ఇంకా పేరు తెచ్చుకోవాలి’’ అని సూపర్‌స్టార్‌ కృష్ణ అన్నారు. నటుడు నరేశ్‌ పుట్టినరోజు వేడుకలు శుక్రవారం హైదరాబాద్‌లో జరిగాయి.
 నటి, దర్శకురాలు విజయనిర్మల మాట్లాడుతూ– ‘‘దృశ్యం, గుంటూరు టాకీస్, అ..ఆ, శతమానం భవతి వంటి చిత్రాల్లో నరేశ్‌ మంచి పాత్రలు చేశాడు. తనను ఆశీర్వదించేందుకు ఎక్కడెక్కడి నుంచో అభిమానులు రావడం సంతోషంగా ఉంది’’ అని చెప్పారు. అనంతపురం కళాకారుల ఐక్యవేదిక ఆధ్వర్యంలో సాంస్కృతిక ప్రదర్శనలు నిర్వహించారు. రాజేంద్రప్రసాద్,  శివాజీరాజా, గౌతంరాజు, జయసుధ, హేమ, బీఏ రాజు, వినాయకరావు, సురేశ్‌ కొండేటి తదితరులు ఈ వేడుకలో పాల్గొన్నారు.
  


 సాక్షి, హైదరాబాద్‌:  మాజీ ప్రధాని అటల్‌ బిహారీ వాజ్‌ పేయి అజాత శత్రువు, ఆదర్శవాది అని కేంద్రమంత్రి బండారు దత్తాత్రేయ, బీజేపీ రాష్ట్ర అధ్యక్షుడు డాక్టర్‌ కె.లక్ష్మణ్‌ అన్నారు. ఆదివారం బీజేపీ రాష్ట్ర కార్యాలయంలో వాజ్‌ పేయి జన్మదిన వేడుకలను నిర్వహించారు. పార్టీ యువజన మోర్చా ఆధ్వ ర్యంలో రక్తదాన శిబిరాన్ని నిర్వహించారు. ఈ సందర్భం గా దత్తాత్రేయ మాట్లాడుతూ స్వతంత్రంగా, స్వశక్తితో ఎదిగిన వ్యక్తి వాజ్‌పేయి అని అన్నారు. వాజ్‌పేయి ప్రసంగాలు ఆసక్తికరంగా, సంపూర్ణ అవగాహనతో ఉండేవన్నారు. సంస్కరణలను అమలు చేయాలని చెప్పిన మాజీ ప్రధాని మన్మోహన్‌సింగ్‌ ఇప్పుడు పెద్దనోట్ల రద్దును వ్యతిరేకించడం హాస్యాస్పదమని విమ ర్శించారు. రాబోయే రోజుల్లో 3 కోట్ల మందికి గ్యాస్‌ సిలిండర్లు ఇవ్వనున్నట్లు వెల్లడించారు.
 
 గ్రామ పంచాయ తీలకు నిజమైన అధికారాలను ఇచ్చిన నాయకుడు ప్రధాని మోదీ అని దత్తాత్రేయ పేర్కొన్నారు. కె.లక్ష్మణ్‌ మాట్లాడు తూ. వాజ్‌పేయి జన్మదినాన్ని సుపరిపాలన దినంగా నిర్వ హిస్తున్నామన్నారు. వాజ్‌పేయి కలలను సాకారం చేసే విధంగా మోదీ పాలిస్తున్నారని చెప్పారు. ప్రతీ రూపాయి పేదవానికి, లబ్ధిదారునికి అందే విధంగా కేంద్రం అవినీతి రహిత సమాజంకోసం సంస్కరణలను తీసుకువచ్చిం దన్నారు. నగదురహిత లావాదేవీలను విస్తృతంగా ప్రచా రం చేయాలని లక్ష్మణ్‌ కార్యకర్తలకు సూచించారు.


 సాక్షి, హైదరాబాద్‌: వైఎస్సార్‌ కాంగ్రెస్‌ పార్టీ అధ్యక్షుడు, ఏపీ ప్రతిపక్ష నేత వైఎస్‌ జగన్‌మోహన్‌రెడ్డి 45వ పుట్టినరోజు సందర్భంగా పెద్ద ఎత్తున అభిమానులు, కమిటీ సభ్యులు రక్తదానం చేశారని వైఎస్సార్‌సీపీ గల్ఫ్‌ కువైట్‌ కన్వీనర్‌ ఇలియాస్, బి.హెచ్‌.ఎం.బాలిరెడ్డి సంయుక్తంగా ఒక ప్రకటనలో తెలిపారు. కువైట్‌ జాబ్రియా ప్రాంతంలో ఉన్న బ్లడ్‌ బ్యాంక్‌లో కమిటీ సభ్యులు మర్రి కళ్యాణ్, పి.రఫీక్‌ఖాన్‌ ఏర్పాటు చేసిన రక్తదాన శిబిరానికి అనూహ్య స్పందన లభించిందని చెప్పారు. తమ అభిమాన నాయకుడి పుట్టినరోజు సందర్భంగా రక్తదాన శిబిరాన్ని ఏర్పాటు చేయడం హర్షించదగ్గ విషయమన్నారు.
 
 ఈ కార్యక్రమాన్ని విజయవంతం చేసిన కో–కన్వీనర్లు గోవిందు నాగరాజు, ఎం.వి.నరసారెడ్డి, గవర్నింగ్‌ కౌన్సిల్‌ సభ్యులు ఎస్‌.మహేశ్వర్‌రెడ్డి, ఎం.చంద్రశేఖర్‌రెడ్డి, సభ్యులు ఎం.ప్రభాకర్‌రెడ్డి, ఎన్‌.చంద్రశేఖర్‌రెడ్డి, అన్నాజీ శేఖర్, కె.రమణయాదవ్, పులపుత్తూరు సురేశ్‌రెడ్డి, జి.ప్రవీణ్‌ కుమార్‌రెడ్డి, షేక్‌ రఫీ, రావూరు రమణ, ఫయాజ్, ఆకుల చలపతి, జగన్, రాజు, కల్లూరు వాసుదేవరెడ్డి, కె.నాగసుబ్బారెడ్డి, లక్కిరెడ్డి సుబ్రహ్మణ్యంరెడ్డి, రవిశంకర్, లక్కిరెడ్డి రాజారెడ్డి, పిడుగు సుబ్బారెడ్డి, ప్రసాద్, ఇతర అభిమానులకు ఇలియాస్, బాలిరెడ్డిలు గురువారం ఒక ప్రకటనలో కృతజ్ఞతలు తెలిపారు.


 వారంతా మెడికల్ కళాశాల విద్యార్థులు. కష్టపడి చదివి ఎంసెట్ పరీక్షల్లో ర్యాంకులు సాధించి ఎన్నో ఆశలతో మెడికల్ కళాశాలలో చేరారు. మరో రెండు సంవత్సరాలు పూర్తి చేసుకుంటే డాక్టర్‌గా రాణించి తల్లిదండ్రులకు అండగా ఉండాలన్న వారి కళలు కలగానే మిగిలిపోయింది. ఫ్రెండ్ బర్త్‌డే వేడుకలను చెన్నైలో జరుపుకుని బుధవారం ఉదయం తిరిగి క్లాసులకు హాజరవచ్చన్న ఆశతో బయలుదేరిన వారి ప్రయాణం మధ్యలోనే ఆగిపోయింది.
  
 తిరువళ్లూరు: స్నేహితుడి జన్మదిన వేడుకలను ఘనంగా నిర్వహించుకోవాలన్న ఉద్దేశంతో మూడు కార్లులో బయలుదేరిన తిరుపతి వెంకటేశ్వర మెడికల్ కాలేజీ విద్యార్థులు ప్రయాణిస్తున్న కారును 108 అంబులెన్‌‌స వాహనం ఢీకొన్న సంఘటనలో ఇద్దరు మెడికోలు దుర్మరణం చెందారు. మరో నలుగురు గాయపడగా వీరిలో ఇద్దరి పరిస్థితి విషమంగా మారడంతో మెరుగైన చికిత్స కోసం చెన్నైలోని అపోలో వైద్యశాలకు తరలించారు. ఆంధ్రా  తిరుపతి శ్రీ వెంకటేశ్వర మెడికల్ కళాశాలలో మూడో సంవత్సరం చదువుతున్న వంశీ మంగళవారం బర్త్‌డే కావడంతో చెన్నైలో పుట్టినరోజును ఓ హోటల్‌లో జరుపుకుని మూడు కార్లలో 15 మంది మంగళవారం రాత్రి తిరుపతికి బయలుదేరారు.
 
 ముందు వెళుతున్న కారులో సుదర్శన్(23), శివసాయికృష్ణ(23), జగదీష్(23), హరినాధ్(23), జ్యోతిస్వరూప్(23), ప్రణయ్(23) ప్రయాణిస్తున్నారు. తిరువళ్లూరు సమీపంలోని పుదూర్ వద్ద ఉన్న డీడీ నాయుడు మెడికల్ కళాశాల దాటి వెళుతుండగా తిరువళ్లూరు నుంచి తిరుత్తణి వైపు వెళుతున్న 108 అంబులెన్‌‌స మెడికోలు ప్రయాణిస్తున్న కారును ఢీకొంది. ఈ ఘటనలో కారు లో ప్రయాణిస్తున్న ఆరుగురు తీవ్రంగా గాయపడ్డారు. ప్రమాదాన్ని గుర్తించిన స్థానికులు క్షతగాత్రులను తిరువళ్లూరు ప్రభుత్వ వైద్యశాలకు తరలించారు.
 
 వీరిని పరిశీలించిన డాక్టర్‌లు సుదర్శన్, శివసాయికృష్ణ అప్పటికే మరణించినట్టు నిర్ధారించారు. తీవ్రంగా గాయపడిన నలుగురిని అపోలో వైద్యశాలకు తరలించారు. ఈ సంఘటనపై కనకమ్మసత్రం పోలీసులు కేసు నమోదు చేసుకుని దర్యాప్తు జరుపుతున్నారు. స్వల్పంగా గాయపడిన 108 వాహన డ్రైవర్ మునిరత్నం సైతం చెన్నైకు తరలించారు.
 
 మృతదేహాలకు శవపరీక్ష : మెడికోల మృతితో తిరువళ్లూరు జిల్లా వైద్యకేంద్రం వద్ద విషాదం నెలకొంది. తమతో కలిసి ప్రయాణించిన కారు తమ కళ్లెదుటే ప్రమాదానికి గురవడంతో పాటు ఇద్దరు మరణించిన సంఘటన సహచర మెడికోలను తీవ్రంగా కలిచివేసింది. ఇది ఇలా వుండగా శివసాయికృష్ణ మృతదేహాన్ని చూసి తల్లిదండ్రులు బోరున విలపించారు. సుదర్శన్ తల్లిదండ్రులు విదేశాల్లో ఉండడంతో అతని అత్త మామకు మృతదేహాన్ని అప్పగించారు. ప్రమాదంలో మృతి చెందిన సుదర్శన్‌ది వైఎస్సార్ కడప జిల్లా రాజంపేట కాగా, శివసాయికృష్ణది తిరుపతిగా  పోలీసుల విచారణలో నిర్ధారించారు.  


 నీటిలో మునిగి ఇద్దరు విద్యార్థుల మృతి
 సాక్షి, యాదాద్రి: పుట్టినరోజు వేడుకల్లో ఇద్దరు విద్యార్థులు మృతిచెందారు. ఈ ఘటన యాదాద్రి భువనగిరి జిల్లా బీబీనగర్ మండలం గూడూరులో ఆదివారం చోటుచేసుకుంది. భువనగిరిలోని ప్రెసిడెన్సీ పాఠశాలకు చెందిన 12 మంది విద్యార్థులు అదే పాఠశాలకు చెందిన విద్యార్థి రంజిత్ పుట్టినరోజు వేడుకలు చేసుకునేందుకు గూడూరుకు వెళ్లారు.
 
 స్నేహితులంతా అక్కడి చిన్నేరువాగులో స్నానాలు చేశారు. వీరిలో 10వ తరగతి విద్యార్థులు సోమారపు సాయికిరణ్(15), మెడిగే నిఖిల్(17) పొలాల పక్కన ఉన్న గూడూరు గ్రామంలోకి కూల్‌డ్రింక్స్ తెస్తామని వెళ్లారు. వీరు తిరిగి వచ్చే సరికి స్నేహితులంతా స్నానాలు చేయడంతో వాగులో నీరు బురదగా మారాయి. దాంతో వీరిద్దరూ వాగుకు కొంచెం దూరంలోకి వెళ్లి స్నానం చేసేందుకు ప్రయత్నించగా నీటిలో మునిగిపోయారు.
  


 అనంతపురం :  వైఎస్సార్ కాంగ్రెస్ పార్టీ గౌరవాధ్యక్షురాలు వైఎస్ విజయమ్మ జన్మదిన వేడుకలను మంగళవారం ఆ పార్టీ జిల్లా  కార్యాలయంలో ఘనంగా జరిగింది. కార్యక్రమంలో పాల్గొన్న పార్టీ క్రమశిక్షణ కమిటీ సంఘం సభ్యులు బి. ఎర్రిస్వామిరెడ్డి మాట్లాడుతూ, విజయమ్మ పార్టీ  అభివృద్ధికి ఎంతో కృషి చేస్తున్నారన్నారు. పార్టీ కష్టకాలాల్లో  ఉన్నప్పుడు ఆమె ముందుండి పార్టీని  నడిపించారని కొనియూడారు. కార్యక్రమంలో పార్టీ నగర అధ్యక్షుడు రంగంపేట గోపాల్‌రెడ్డి, రాష్ట్ర కార్యదర్శి గౌస్‌బేగ్, రైతు విభాగం రాష్ట్ర కార్యదర్శి యూపీ నాగిరెడ్డి, ఎస్సీ సెల్ జిల్లా, నగర అధ్యక్షులు పెన్నోబులేసు, శంకర్, ట్రేడ్ యూనియన్ రాష్ట్ర ప్రధానకార్యదర్శి కొర్రపాడు హుసేన్‌పీరా, మహిళా విభాగం నగర  అధ్యక్షురాలు శ్రీదేవి పాల్గొన్నారు.
 
 
  ఉరవకొండలో..
 ఉరవకొండ: వైఎస్‌ఆర్ కాంగ్రెస్ పార్టీ రాష్ట్ర గౌరవ అధ్యక్షురాలు వైఎస్ విజయువ్ము జన్మదిన వేడుకలు వుంగళవారం ఘనంగా నిర్వహించారు. వైఎస్సార్ సీపీ జిల్లా వుహిళా విభాగం అధ్యక్షురాలు బోయు సుశీలవ్ము ఆధ్వర్యంలో స్థానిక విఠల్ రుక్మిణి వృద్ధాశ్రవుంలో అనాధ వృద్ధుల వుధ్య కేక్ కట్ చేసి జన్మదిన వేడుకలు ఘనంగా నిర్వహించారు.  కార్యక్రవుంలో వృద్ధాశ్రవు వ్యవస్థాపక అధ్యక్షులు ఎర్రిస్వామి,  జెడ్‌పీటీసీ లలితవ్ము, ఎంపీటీసీ చందా చంద్రవ్ము, వైఎస్‌ఆర్‌సీపీ ఎస్‌సీ సెల్ రాష్ట్ర కార్యదర్శి బసవరాజు, వార్డు సభ్యులు వెంకటేసు, జిల్లా కమీటీ సభ్యులు వడ్డే ఆంజినేయుులు పాల్గొన్నారు.


 
 ఏప్రిల్ 14 నుంచి 24 వరకు..  అభివృద్ధికి {పత్యేక కార్యక్రమాలు
 కేంద్ర మంత్రి దత్తాత్రేయ వెల్లడి
 
 హైదరాబాద్: రాజ్యాంగ నిర్మాత డాక్టర్ బి.ఆర్.అంబేడ్కర్ 125వ జయంతి వేడుకల సందర్భంగా ఏప్రిల్ 14 నుంచి 24 వరకు గ్రామాల అభివృద్ధికి ప్రత్యేక కార్యక్రమాలు చేపడుతున్నట్లు కేంద్ర మంత్రి బండారు దత్తాత్రేయ తెలిపారు. దేశానికి పట్టుకొమ్మలైన గ్రామాల బలోపేతానికి ‘గ్రామ్ ఉదయ్ సే లేకర్ భారత్ ఉదయ్ తక్’ అనే కార్యక్రమం నిర్వహించనున్నట్లు చెప్పారు. కేంద్ర, రాష్ట్ర మంత్రులు, ఎంపీలు, ఎమ్మెల్యేలు వేడుకల్లో పాల్గొనేలా చేయడంతో పాటు సభలు, సమావేశాల ద్వారా సామాజిక చైతన్యాన్ని కలిగించనున్నట్లు చెప్పారు. బీజేపీ రాష్ట్ర కార్యాలయంలో పార్టీ నేతలతో కలసి గురువారం ఆయన విలేకరులతో మాట్లాడారు. కేంద్ర బడ్జెట్‌లో గ్రామీణ ప్రాంతాల బలోపేతానికి ఎక్కువ ప్రాధాన్యం ఇచ్చినట్లు వివరించారు. ఏపీలో కాల్‌మనీ వల్ల జరిగిన అకృత్యాలు దేశంలో ఎక్కడా జరగకూడదనే ఉద్దేశంతో ముద్ర బ్యాంక్ ద్వారా రూ.1.8 లక్షల కోట్ల రుణాలు అందజేసేలా ప్రణాళికలు రూపొందించామన్నారు. గత యూపీఏ హయాంలో ఎరువుల కోసం రైతులు రోడ్డెక్కే పరిస్థితి ఉండేదని, ప్రధాని నరేంద్ర మోదీ బ్లాక్‌మార్కెట్‌ను పూర్తిగా అరికట్టడంతో ఇప్పుడు ఆ పరిస్థితి లేదని అన్నారు. రైతులకు గిట్టుబాటు ధర వచ్చేలా చేసేందుకు ఈ-మార్కెటింగ్ వ్యవస్థను త్వరలో అందుబాటులోకి తీసుకురానున్నట్లు తెలిపారు.
  
 హెచ్‌సీయూ ఘటనపై నో కామెంట్
 హైదరాబాద్ సెంట్రల్ యూనివర్శిటీలో చోటు చేసుకుంటున్న పరిణామాలపై తాను మాట్లాడబోనని దత్తాత్రేయ స్పష్టం చేశారు. హెచ్‌సీయూ తన శాఖ పరిధిలోకి రాదని, సంబంధిత శాఖ వారే స్పందిస్తారని అన్నారు. ‘హెచ్‌ఆర్డీకి గతంలో మీరు రాసిన లేఖలకు సమాధానం వచ్చిందా?’ అని విలేకరుల అడగ్గా.. ‘హెచ్‌సీయూ విద్యార్థుల సస్పెన్షన్ వ్యవహారం కోర్టులో ఉంది. దీనిపై మాట్లాడదలచుకోలేదు’ అని చెప్పారు. జేఎన్‌యూ విద్యార్థి సంఘం నాయకుడు కన్హయ్య కుమార్ హైదరాబాద్ పర్యటనపై ‘నో కామెంట్’ అంటూ దాటవేశారు. ఎన్డీఏ ప్రభుత్వ పారదర్శక పాలనను ఓర్వలేని కొన్ని దుష్టశక్తులు అడ్డంకులు సృష్టిస్తున్నాయని దత్తాత్రేయ మండిపడ్డారు.
  


 సాక్షి, చెన్నై:  పురట్చి తలైవి, సీఎం జయలలిత బుధవారం 68వ వసంతంలోకి అడుగు పెట్టనున్నారు. తమ అమ్మ జన్మదిన వేడుకల్ని కోలాహలంగా జరుపుకునేందుకు అన్నాడీఎంకే వర్గాలు సిద్ధమయ్యాయి. దీంతో రాష్ట్రంలో పండుగ సందడి నెలకొంది.‘పురట్చితలైవిగా, తమిళనాట అందరినోట అమ్మగా పిలువబడే జయలలిత నిజంగానే విప్లవ వనిత అన్నది జగమెరిగిన సత్యం.  నిర్ణయాన్ని నిర్భయంగా, నిష్పక్షపాతంగా తీసుకోవడంలో ఆమెకు ఆమే సాటి.
  
   ఏదీ చేసినా అందరికీ భిన్నంగానూ, సంచలనాలు సృష్టించడంలో ఆమెది  ప్రత్యేక శైలి.’ రాష్ట్ర ముఖ్యమంత్రిగా రాను న్న ఎన్నికల ద్వారా మళ్లీ అధికార పగ్గాలు చేపట్టడం లక్ష్యంగా ముం దుకు సాగుతున్న అమ్మ జయలలి త 68వ వసంతంలోకి అడుగు పెట్టనున్నారు. దీంతో అన్నాడీఎం కే వర్గాలకు ఈ పర్వదినం  ఓ పం డుగే. అందుకే రాష్ట్ర వ్యాప్తంగా వాడ వాడల్లో వేడుకలకు సర్వం సిద్ధం చేశారు.
  పండుగ సందడి :  వాడ వాడల్లో  సోమవారం నుంచే   పండుగ
  
  వాతావరణం నెలకొంది. ఎటు చూసినా జయలలిత ఫొటోలతో కూడిన ఫ్లెక్సీలు, బ్యానర్లు రోడ్లు మీద దర్శనం ఇస్తున్నాయి. ఇప్పటికే అధినేత్రి జన్మదినాన్ని పురస్కరించుకుని పార్టీ వర్గాలు పలు రకాల క్రీడా పోటీల్ని రాష్ట్ర వ్యాప్తంగా నిర్వహించి ఉన్నారు. ఆలయాల్లో హోమాది పూజలు, యాగాలు నిర్వహిస్తూ వస్తున్నారు. మంగళం వారం కూడా ఈ పూజలు కొనసాగాయి. ఇక, బుధవారం జరిగే వేడుకల్లో  68 కేజీలతో  కేక్‌లను కట్ చేయడానికి పెద్ద ఎత్తున ఆర్డర్లు ఇచ్చి ఉన్నాయి.   ఉదయాన్నే ఆలయాల్లో ప్రత్యేక పూజలకు ఏర్పాట్లు చేసుకుని ఉన్నారు. పార్టీ అనుబంధ విభాగాల నేతృత్వంలో ఒక్కో చోట, ఒక్కో తరహాలో పేదల సంక్షేమ పథకాల పంపిణీకి సర్వం సిద్ధం చేశారు. ఉచిత దోవతి, చీరలు, కుట్టు మిషన్లు, ఇలా అనేక రకాాల వస్తువుల్ని పేదలకు అందజేయబోతున్నారు.  ఇక దేవాదాయ శాఖ నేతృత్వంలో రాష్ట్రంలోని 6,868 ఆలయాల్లో మొక్కలు నాటేందుకు ఏర్పాట్లు చేశారు. జన్మదిన  శుభాకాంక్షల్ని తమ అమ్మకు తెలియజేయడం కోసం పెద్ద ఎత్తున రాయ పేటలోని పార్టీ కార్యాలయానికి, పోయెస్‌గార్డెన్‌లోని ఆమె ఇంటికి నాయకులు, కార్యకర్తలు తరలి వచ్చే అవకాశాలు ఉండడంతో ఆ పరిసరాల్లో ముందు జాగ్రత్త చర్యగా భద్రతను పోలీసులు  పటిష్టం చేశారు.
  
  జాబితా విడుదల అయ్యేనా : అసెంబ్లీ ఎన్నికల ద్వారా మళ్లీ అధికార పగ్గాలు లక్ష్యంగా సీఎం జయలలిత వ్యూహ రచనతో ముందుకు సాగుతున్న విషయం తెలిసిందే. ఈ సారి తన జన్మదినాన్ని పురస్కరించుకుని అభ్యర్థుల తొలి జాబితాను ఆమె విడుదల చేయడానికి అవకాశాలు ఉన్నట్టుగా అన్నాడీఎంకే వర్గాలు పేర్కొంటున్నాయి. ఈ బర్త్‌డే ఆమెకు చాలా స్పెషల్ కావడంతో ఆ రోజు జాబితా విడుదలకు తగ్గ కసరత్తులు జరిగి ఉన్నట్టు చెబుతున్నారు. అదే సమయంలో ఈ బర్త్‌డే వేళ ఎన్నికల సంబంధించి, కార్యకర్తలు,నాయకుల్ని ఉద్దేశించి ఏదేని ప్రకటన  వెలువడే అవకాశం ఉందంటున్నారు. ఈ ఎన్నికల్ని ఒంటరిగా ఎదుర్కొనే విధంగా, ఏ పార్టీ అయినా కలసి వస్తే రెండాకుల చిహ్నం మీద ఆ అభ్యర్థులు బరిలోకి దిగాల్సిందేనన్న మెలికను తమ అమ్మ పెట్టే అవకాశాలు ఉన్నాయని పేర్కొంటుండడం గమనార్హం.
  


 బెంగళూరు: శ్యాండల్‌వుడ్‌తో పాటు ‘ఈగ’ సినిమాతో టాలీవుడ్ ప్రేక్షకులకు సైతం పరిచయమైన ప్రముఖ నటుడు కిచ్చా సుదీప్ 42వ వసంతంలోకి అడుగుపెట్టారు. జె.పి.నగర్‌లోని సుదీప్ నివాసంలో బుధవారం తెల్లవారుఝాము నుంచే సుదీప్ పుట్టినరోజు సంబరాలు అంబరాన్నంటాయి. దేశ వ్యాప్త బం ద్ కొనసాగుతున్నప్పటికీ రాష్ట్రంలోని అనేక ప్రాంతాల నుంచి సుదీప్ అభిమానులు పెద్ద ఎత్తున ఆయన నివాసానికి చేరుకున్నారు. అభిమానులందరి మధ్య సుదీప్ తన పుట్టినరోజు సంబరాలు జరుపుకున్నారు.
 
 అభిమానులు తీసుకొచ్చిన 42 కేజీల భారీ కేక్‌ను కత్తిరించి అభిమానులకు పంచిపెడుతూ అభిమానుల పలకరించారు. తన పుట్టినరోజు సందర్భంగా తరలివచ్చిన అభిమానులందరికీ సుదీప్ ఈ సందర్భంగా కృతజ్ఞతలు తెలియజేశారు. స్పర్శ చిత్రంతో శాండల్‌వుడ్‌లోకి అడుగుపెట్టిన సుదీప్ కిచ్చ సినిమా విజయవంతం కావడంతో కిచ్చా సుదీప్‌గా ప్రఖ్యాతిగాంచారు. ఇక ఆయన నటించిన శాంతినివాస, కెంపేగౌడ, విష్ణువర్థన్ తదితర చి త్రాలు శాండల్‌వుడ్‌లో ఆయనకు స్టార్‌డమ్‌ను తీసుకొచ్చాయి.
  
  
  


 విజయవాడ పోలీస్ కమిషనర్ స్పష్టీకరణ
 
 విజయవాడ: పుట్టినరోజు వేడుకల పేరిట నిబంధనలు అతిక్రమించిన విజయవాడ సెంట్రల్ ఎమ్మెల్యే బొండా ఉమామహేశ్వరరావు కుమారుడిపై చట్టపరమైన చర్యలు తీసుకోనున్నట్టు పోలీస్ కమిషనర్ ఏబీ వెంకటేశ్వరరావు వెల్లడించారు. ఈ వ్యవహారానికి సంబంధించి ఇప్పటికే ట్రాఫిక్ అధికారులు కొన్ని ఆధారాలు సేకరించారని వివరించారు. మరిన్ని ఆధారాల సేకరణకు ట్రాఫిక్ ఉన్నతాధికారులను ఆదేశించామన్నారు.
  


 మామిడికుదురు : నల్లగా నిగనిగలాడుతున్న దేహం, మెడలో పూలదండ, అందంగా వంపులు తిరిగిన కొమ్ములతో ఉన్న ఆ బర్త్ డే బేబీ 'గేదె'  బుధవారం ఇష్టంగా కేక్ తింది. అవును.. ఈ రోజు ఆ గేదె పుట్టినరోజు మరి!
 
 వివరాల్లోకి వెళ్తే.. తూర్పు గోదావరి జిల్లా మామిడికుదురు మండలం పాశర్లపూడికి చెందిన సూరిబోయిన వీరభద్రానికి, ఆయన పెద్దమ్మ పార్వతి ఓ గేదెను కానుకగా ఇచ్చారు. అదంటే ఎంతో ఇష్టం కలిగిన పార్వతి ఏటా దాని పుట్టిన రోజు వేడుక చేసేవారు. వీరభద్రం కూడా అదే ఆనవాయితీని కొనసాగిస్తూ బుధవారం బంధువులు, పిల్లలు, ఇరుగుపొరుగు వారి సమక్షంలో గేదె 12వ పుట్టిన రోజు వేడుకను ఘనంగా జరిపారు. కేక్, స్వీట్లు, అరటిపండ్లు పంచారు. ఆ గేదె తమ ఇంటికి వచ్చిన నాటి నుంచి అంతా మంచే జరుగుతోందని వీరభద్రం తల్లి సత్యవతి పేర్కొన్నారు. ఇలా గేదెకు పుట్టినరోజు వేడుక జరపడం చుట్టుపక్కల వారంతా విశేషంగా చెప్పుకొన్నారు.


 హైదరాబాద్: భారత మాజీ ప్రధాని అటల్ బిహారీ వాజ్పేయికి భారతరత్న రావడం మా అందరికి గర్వకారణంగా ఉందని ఆ పార్టీ తెలంగాణ ఇన్చార్జి మురళీధర్రావు తెలిపారు. హైదరాబాద్లోని బీజేపీ రాష్ట్ర కార్యాలయంలో వాజ్పేయి జన్మదిన వేడుకలు గురువారం ఘనంగా జరిగాయి.
 ఈ వేడుకల్లో పాల్గొన్న మురళీధర్రావు ఈ సందర్భంగా మాట్లాడుతూ... ప్రధానిగా బాధ్యతలు చేపట్టి దేశాన్ని ఎలా ముందుకు నడపాలో వాజ్పేయి చూపించారని చెప్పారు. అట్టడుగు వర్గాలను మొట్టమొదట వాజ్పేయి గుర్తించారని గుర్తు చేశారు.అనంతరం పేదలకు చీరలు పంపిణీ చేశారు. ఈ కార్యక్రమంలో బీజేపీ నాయకులు, కార్యకర్తలు అధిక సంఖ్యలో పాల్గొన్నారు.


 వేడుకలు ఆడంబరాల వేదికలే తప్ప,సంప్రదాయానికి ఆనవాళ్లుగా లేవు అని పెదవి విరిచే వారిని పన్నీటి జల్లులా పలకరిస్తోంది జానపదం. అడుగడుగునా పాశ్చాత్య పోకడలు తొంగి చూస్తున్న సంబురాల్లో పల్లె గాలి అల్లరి లేదని నీరసపడే పట్నవాసులను తెలుగుదనంలో పరవశింపజేస్తున్నాయి పల్లెపదాలు. వివాహం, సీమంతం, బారసాల, పుట్టిన రోజు వేడుక, చీరలు కట్టించడం.. ఇలా సందడి ఏదైనా సిటీలో జానపద పాటలు వీనుల విందు చేస్తూ ఫంక్షన్‌కు లోకల్ టచ్ ఇస్తున్నాయి.
  ..:: నిర్మలా రెడ్డి
  
 పెద్ద పెద్ద వేదికలు, హుందాగా ఆహూతులు, వారి మధ్య వెలిగిపోతూ వధూవరులు, బాజాభజంత్రీల మోతలు.. ఎన్ని ఉన్నా ఇంకా ఏదో వెలితి నేటి పెళ్లిళ్లలో అనుకునే వారి మదిని సంబురంలో ముంచెత్తుతూ.. ‘సువ్వి సువ్వి సువ్వి సువ్వని సుదతులు దంచెదరు ఓలాల...’ అంటూ ఓ బృందం సుతిమెత్తగా మదిని తట్టిలేపుతుంది. నిన్నటి తరం పెళ్లి ముచ్చటను ఈ తరానికి పరిచయం చేస్తుంది. అందుకే ‘వనితలు మనసులు కుందెన చేసెటు వలపులు దంచెదరు ఓలాల.. కనుచూపులనెడు రోకండ్లతో కన్నెల దంచెదరు ఓలాల..’ అంటూ వేడుకకు సంప్రదాయపు అలంకారాలను అద్దుతున్నాయి జానపద బాణీలు.
  
 ఏ తీరుకు ఆ పాట..
 
 డీజే హోరులో తడిసిముద్దవుతున్న నేటి వేడుకలను ఆ పాత రోజుల్లోకి తీసుకెళ్తున్నాయి జానపద బృందాలు. రోలు, రోకటి అచ్చట్లు, వధూవరుల ముచ్చట్లు, అత్తాకోడళ్ల సవాళ్లు, వదినామరదళ్ల ఆటపట్టింపులు.. పెళ్లి వేడుక మొదలైన క్షణం నుంచి అప్పగింతలయ్యే వరకూ ప్రతి తంతునీ విడమరచి చె ప్పే పాటలు జానపదంలో వేలాదిగా ఉన్నాయి. మరుగున పడిపోతున్న
  ‘లాలి’త్యాన్ని వెలికి తీసి పల్లె బాణీల్లో బారసాల బుజ్జాయికి జోలపుచ్చుతున్నారు కళాకారులు.
  
 కట్టు.. బొట్టు..
 
 సిటీలో జరిగే పలు వేడుకల్లో ఇప్పుడు జానపదాలు పల్లవిస్తున్నాయి. ఇక్కడ పాటలు పాడేవారు పది మందికి తగ్గకుండా బృందంగా ఏర్పడతారు. వీరంతా వివిధ ఉద్యోగాల్లో ఉన్నవారూ, పాటలపై ఆసక్తి ఉన్నవారూ అయి ఉంటారు. అలాగే వారికి నాటి సంప్రదాయపు సొగసు కూడా తెలిసి ఉంటుంది. ఆ వేడుకకు తగ్గట్టు తమ ఆహార్యంతోనూ ఆకట్టుకుంటారు. పెద్దంచు పట్టుచీర , నుదుటన పెద్ద బొట్టు, తల నిండుగా పువ్వులు, చేతుల నిండుగా గాజులతో మహిళలు పెళ్లిలో హాస్యమాడే పాటలతో ఆకట్టుకుంటే.. మగవారు సంప్రదాయ పంచెకట్టుతో ఆనందాన్ని పంచుతారు.
  
 తరం మారినా..
 
 పెళ్లి సందడిలో వయసుతో నిమిత్తం లేదు. ఇక్కడ మూడు తరాల వారూ కోరుకునేది ఆనందమే. అందుకే అందరూ ఎంటర్‌టైన్‌మెంట్‌కు ప్రాధాన్యం ఇస్తారు. కొన్ని సౌండ్ పార్టీలు డీజేలతో సెలబ్రేట్ చేసుకుంటే, ఇంకొందరు ఆర్కెస్ట్రాలతో ఆహ్వానితులను ఎంగేజ్ చేస్తారు. ఈ మధ్యకాలంలో వీటి స్థానంలో పాతదే అయినా ఈ తరానికి కొత్తదైన జానపద పాటలు వినిపిస్తున్నాయి. కొన్నేళ్లుగా జానపదాలతో వేడుకలలో ఆకట్టుకుంటున్న కళాకారిణి స్నేహలతా మురళి మాట్లాడుతూ ‘నేను మొదట జానపద పాటలను పెళ్లిలో పాడటం మొదలుపెట్టినప్పుడు యువత అనాసక్తి చూపుతారేమో అని భయపడ్డాను.
 
 కానీ, వారు పెళ్లికి డీజే పెట్టించుకుని, తర్వాత ఆ విషయమే మర్చిపోయి జానపద పాటల్లో లీనమవడంతో ధైర్యం వచ్చింది. నాతో నా స్నేహితులూ, ఆసక్తి గలవారు చేరడంతో మేమంతా బృందంలా ఏర్పడ్డాం. చిన్నాపెద్ద ఏ ఫంక్షన్‌కి ఆహ్వానించినా మా పాటలతో వారి వేడుకను ఆద్యంతం సంబురంగా మార్చేందుకు ప్రయత్నిస్తుంటాం. పెళ్లిలో వియ్యాలవారి మధ్య అరమరికలు తొలగడానికి ఈ పాటలు దోహదం చేస్తుంటాయి.
 
 కొన్నిసార్లు పిల్లలు, పెద్దలు మాతో శృతి కలుపుతుంటారు. ఈ పాటలతో అప్పటి వరకూ ఉన్న స్తబ్ధత పోయిందని వేడుకకు వచ్చిన వారు చెబుతుంటే ఆనందం కలుగుతుంది. పదేళ్లుగా ఎన్నో కార్యక్రమాల్లో పాల్గొన్నాను. నటుడు మోహన్‌బాబు ఇంట పెళ్లికి, సీమంతానికి పాడాం. ఇంకా నగరంలో జరిగిన జూనియర్ ఎన్టీఆర్, అల్లు అర్జున్ వివాహ వేడుకల్లోనూ జానపద పెళ్లి పాటలు పాడాం’ అని తెలిపారు స్నేహలత.
  
 అర్థం చెప్పే ‘పాట’వం..
 
 పెళ్లి పాటలు పదిగురిలోకి చేరాలి. అవి కలకాలం ప్రజల నాలుకలపై ఆడాలి. సంప్రదాయపు సొబగులతో, అవి అందించే ఆశీస్సులతో వేడుకలు మరింత వేడుకగా మారాలి. ఇందుకు నగరంలోని జానపద బృందాలు ‘పాట’పడుతున్నాయి. ముహూర్తం పెట్టి పసుపు దంచింది మొదలు నలుగు పాట, విడి పాట, వియ్యపురాలి పాట, భోజనం బంతి పాట, పూల చెండ్ల పాట, అప్పగింతల పాట.. ప్రతి సందర్భానికీ పాటలే పాటలు. వీరు ఆ పాటలను పాడేసి ఊరుకోవడం లేదు. పాటల సమయ సందర్భాలను, వాటిలోని సాహిత్యాన్నీ అందాన్నీ పరిచయం చేస్తూ జనరంజకం చేస్తున్నారు.
 
 పాటకు అనుగుణంగా అప్పటికప్పుడు యువతతోనూ చిందేయిస్తూ తామూ పాదం కలిపి పదం పాడుతుంటారు. మామూలుగా ఈ కార్యక్రమం కొత్తాపాత తేడా లేకుండా కలిసిపోవడానికే! యువతరంలో జోష్‌నందించడానికే అయినా దానికి మంచి గొప్ప ప్రయోజం కూడా కల్పిస్తున్నారు. ఒకరిని చూసి ఒకరు పెళ్లి పాటలు పాడతాం అని బృందాలుగా తయారవుతున్నారు. అన్నింటికీ ఉన్నట్టే పెళ్లిపాటలు పాడే బృందాలకూ ప్యాకేజీలు ఉన్నాయి. హృద్యంగా పాటలు పాడి, కార్యక్రమాన్ని ఆద్యంతం రంజింపజేసే వారినే అవకాశాలు అధికంగా పలకరిస్తున్నాయి.
  


 పుట్టపర్తి టౌన్ : సత్యసాయి జయంతి వేడుకలను పురస్కరించుకుని ఆదివారం సాయంత్రం ప్రశాంతినిలయంలో నిర్వహించిన సాంస్కృతిక కార్యక్రమాలు భక్తులను విశేషంగా అలరించాయి. సాయంత్రం విద్యార్థుల వేదమంత్రోచ్ఛారణతో కార్యక్రమాలు ప్రారంభమయ్యాయి. ఆనవాయితీలో భాగంగా సత్యసాయి జోలోత్సవం నిర్వహించారు. సత్యసాయి చిత్రపటాన్ని జోలలో ఉంచి ఊపుతూ భక్తి గీతాలాపన చేశారు.
 
 కర్ణాటక సంగీత విద్వాంసుడు మంగళంపల్లి బాలమురళీకృష్ణ బృందం సంగీత కచేరీ నిర్వహించింది. మధుర స్వరాలొలికిస్తూ  భక్తులను అలరించింది. మంగళహారతితో జయంతి వేడుకలు ముగిశాయి. ఈ సందర్భంగా ప్రశాంతి నిలయంలో ‘నారాయణ సేవ’  నిర్వహించారు. వేలాది మందికి అన్నప్రసాదాలు పంపిణీ చేశారు.
 
 ఓంశాంతి సంస్థ ఆధ్వర్యంలో పుట్టపర్తిలో ప్రపంచ శాంతి సద్భావన యాత్ర నిర్వహించారు. ఈ యాత్రను స్థానిక శివాలయం వద్ద రాష్ట్ర ఉపముఖ్య మంత్రి నిమ్మకాయల చినరాజప్ప, మంత్రి పల్లె రఘునాథరెడ్డి ప్రారంభించారు. 108 శివలింగాకృతులను పుట్టపర్తిలో ఊరేగించారు. నవధాన్య, నవరత్న నిర్మిత శివలింగాలను సైతం ఊరేగించారు.


 చెన్నై: ప్రపంచ పర్యటన చేస్తున్న బాలీవుడ్ నటి ఆసిన్ పారిస్ నగరంలో జన్మదిన వేడుకల్ని జరుపుకున్నారు. ప్రస్తుతం పారిస్ పర్యటనలో ఉన్న ఆసిన్ జన్మదిన వేడుకల్లో కుటుంబ సభ్యులు, స్నేహితులు పాలుపంచుకుంటారని ఆమె సన్నిహితులు మీడియాకు వెల్లడించారు. ఆదివారం అక్టోబర్ 26 తేదిన ఆసిన్ 29 ఏట అడుగుపెడుతున్నారు. 
  
 దక్షిణాదిలో మంచి గుర్తింపు తెచ్చుకున్న తర్వాత ఆసిన్ 2008లో గజిని చిత్రంతో బాలీవుడ్ స్టార్ గా మారారు. ఆతర్వాత లండన్ డ్రీమ్స్, రెఢీ, బోల్ బచ్చన్ చిత్రాల్లో నటించింది.  ఉమేశ్ శుక్లా నిర్మిస్తున్న 'ఆల్ ఈజ్ వెల్' చిత్రంలో అభిషేక్ బచ్చన్ సరసన నటిస్తోంది. 


 - బాలుడి ఉసురు తీసిన ఆర్టీసీ బస్సు
 కొమరోలు : పుట్టిన రోజునాడే ఆ బాలుడికి చివరి రోజైంది. తిరునాళ్లకు తల్లితో కలిసి అమ్మమ్మ ఇంటికి వచ్చిన ఆ బాలుడిని ఆర్టీసీ బస్సు బలి తీసుకుంది. ఈ సంఘటన మండలంలోని బావాపురంలో సోమవారం జరిగింది. వివరాలు.. బావాపురం గ్రామానికి చెందిన ముత్తుముల భాస్కర్‌రెడ్డి కుమార్తె కవితను రాచర్ల మండలం అనుమలవీడుకు చెందిన సైనికుడు శివభాస్కర్‌రెడ్డికిచ్చి వివాహం జరిపించారు. వీరికి భద్రినాథ్‌రెడ్డి, చరణ్‌రెడ్డిలు కుమారులు.
 
 ఈ నేపథ్యంలో తాత, అవ్వ ఊరైన బావాపురంలో శ్రీ రామస్వామి తిరునాళ్లకు రెండు రోజుల క్రితం మనువళ్లు తల్లితో కలిసి వచ్చారు. సోమవారం చరణ్‌రెడ్డి పుట్టిన రోజు కావటంతో ఇంట్లో సందడిగా ఉంది. చుట్టుపక్కల ఉన్న చిన్నారులను చరణ్ ఉదయాన్నే కలిసి సాయంత్రం తన పుట్టినరోజు వేడుకలకు రావాలని పిలిచాడు. అనంతరం ఇంట్లో టిఫిన్ చేస్తున్నాడు.
 
 టిఫిన్ ఇంకా కావాలని అడుగటంతో తెచ్చేందుకు తల్లి కవిత ఇంట్లోకి వెళ్లింది. ఇంట్లో నుంచి తిరిగి వచ్చేసరికి రోడ్డుపై చరణ్‌రెడ్డి (3) మృతదేహమై కనిపించాడు. దూరంగా ఉన్న గ్రామస్తులు విషయాన్ని గమనించి పిల్లవాడిని తొక్కించి వెళ్లిపోతున్న గిద్దలూరు డిపోకు చెందిన ఆర్టీసీ బస్సును అడ్డుకున్నారు. తల్లి కవిత, అమ్మమ్మ భాగ్యలక్ష్మి, తాత భాస్కర్‌రెడ్డి దిక్కులు పిక్కటిల్లేలా రోదించారు. ఎస్సై రామానాయక్ సంఘటన స్థలానికి చేరుకుని వివరాలు సేకరించారు.
 
 శవపంచనామా అనంతరం పోస్టుమార్టం కోసం మృతదేహాన్ని గిద్దలూరు ప్రభుత్వ ఆస్పత్రికి తరలించారు. అనంతరం చరణ్‌రెడ్డి స్వగ్రామం అనుమలవీడులో అంత్యక్రియలు నిర్వహించారు. మృతుడి తాత ముత్తుముల భాస్కర్‌రెడ్డి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. ప్రమాదానికి కారణమైన ఆర్టీసీ బస్సును స్వాధీనం చేసుకుని డ్రైవర్‌ను అదుపులోకి తీసుకున్నట్లు ఆయన పేర్కొన్నారు.


 
 ప్రియుడి పుట్టిన రోజు వేడుకల్లో పాల్గొని వచ్చిన కొద్దిసేపటికే ఘటన
 
  ఉప్పల్,న్యూస్‌లైన్: అనుమానాస్పద స్థితిలో ఓ యువతి మృతి చెందింది. ఉప్పల్ పోలీసుల కథనం ప్రకారం.. ఉప్పల్ ఈస్ట్ కళ్యాణ్‌పురికి చెందిన ఉప్పలయ్య కుమార్తె సుప్రజ(20), అదే ప్రాంతంలో ఉంటున్న ఉషాకిరణ్ ప్రేమించుకున్నారు. ఇరువురి కుటుంబ సభ్యులు వీరి ప్రేమను అంగీకరించడంతో కొద్ది రోజులుగా కలిసి తిరుగుతున్నారు.
 
 ఆదివారం ప్రియుడు పుట్టిన రోజు వేడుకల్లో పాల్గొనేందుకు సుప్రజ తన స్నేహితులతో కలిసి ఉదయం 10 గంటలకు ఇంటి నుంచి వెళ్లింది. మధ్యాహ్నం 1.30కి ప్రియుడు ఉషాకిరణ్, స్నేహితులు అలేఖ్య, నితిన్‌రెడ్డి..  సుప్రజను కారులో ఇంటి వద్ద దించి వెళ్లిపోయారు. సుప్రజ తనకు ఒంట్లో బాగోలేదని ఇంట్లో వారికి చెప్పింది. ఆమె నీరసంగా ఉండటం గమనించి కుటుంబసభ్యులు నిమ్మరసం తాగించారు.
 
 కొద్దిసేపటికి సుప్రజ అపస్మారకస్థితికి చేరుకుంది. వెంటనే కుటుంబసభ్యులు రామంతాపూర్‌లోని ప్రైవేటు ఆసుపత్రికి తరలించారు. ఆసుపత్రికి తరలించిన కొద్దిసేపటికే మృతి చెందింది.  సుప్రజ మృతికి ఆమె తల్లిదండ్రులే కారణమని ప్రియుడు ఉషాకిరణ్ ఆరోపించడంతో ఆసుపత్రి వద్ద ఇరువురి బంధువుల మధ్య వాగ్వాదం జరిగింది.
 
 దీంతో పోలీసులు జోక్యం చేసుకొని ఇరువురి బంధువులతో పాటు ఉషాకిరణ్‌ను పోలీసుస్టేషన్‌కు పిలిపించి విచారిస్తున్నారు. కాగా, తన కుమార్తె మృతిపై విచారణ జరిపించాలని సుప్రజ తల్లి వరలక్ష్మి పోలీసులను కోరింది. పోలీసులు కేసు నమోదు చేసి దర్యాప్తు చేస్తున్నారు.
  


 ఐటమ్ సాంగ్స్ చేయమంటూ చాలా అవకాశాలు వస్తున్నాయంటున్నారు నటి విశాఖ సింగ్. కన్నా లడ్డు తిన్న ఆశయా అంటూ కోలీవుడ్‌లో ప్రాచుర్యం పొందిన ఈ ఉత్తరాది భామ సోమవారం తన పుట్టినరోజు వేడుకను జరుపుకున్నారు. అయితే ఎలాంటి హంగు, ఆర్భాటాలకు పోకుండా సన్నిహితుల మధ్య ఆటా పాటలతో గడిపేశారట. బోలెడు గిప్టులతో స్నేహితులు తనపై వున్న ప్రేమను చాటుకున్నారని చెప్పారు.  తనకు అత్యంత స్నేహితురాలు తన పుట్టిన రోజు ముందే రోజే మరణించడం చాలా బాధ కలిగించిందన్నారు. తామిద్దరం అరమరికలు లేకుండా ఒకరి సమస్యల గురించి మరొకరు చెప్పుకుని చర్చించుకునేవాళ్లం అన్నారు. నిజం చెప్పాలంటే కోలీవుడ్‌లో తొలి చిత్రం ‘పిడిచిరుక్కు’ చిత్రంలో నటించే అవకాశం రావడానికి తన స్నేహితురాలి తల్లే కారణం అని తెలిపారు.
  
  పస్తుతం ఒక బాలీవుడ్ అవకాశాన్ని దక్కించుకున్న ఈ బ్యూటీ తమిళంలో నటించిన ‘వాలిభరాజా’ చిత్రం విడుదలకు సిద్ధం అవుతోంది. అలాగే ప్రియా ఆనంద్ హీరోయిన్‌గా నటిస్తున్న ‘ఒరు ఊరుల రెండు రాజా’చిత్రంలో గెస్ట్‌రోల్ చేస్తున్నారు. తన బెస్ట్ ఫ్రెండ్ ప్రియా ఆనంద్ కోసమే ఈ చిత్రంలో అతిథి పాత్రకు అంగీకరించానని విశాఖసింగ్ పేర్కొన్నారు. అంతేకాకుండా ఇందులో పాత్ర చిన్నదైనా ప్రాధాన్యత ఉంటుందన్నారు. ఇది గ్రామీణ యువతి పాత్ర అని చెప్పారు. ఒరు ఊరుల రెండు రాజా చిత్రంలో అతిథి పాత్ర పోషించడంతో ఈ తరహా పాత్ర చేయమని పలు అవకాశాలు వస్తున్నాయన్నారు. అలాగే ఐటమ్‌సాంగ్స్ అవకాశాలు బోలెడు వస్తున్నాయని వాటన్నింటిని నిరాకరించినట్లు తెలిపారు. నటనకు అవకాశం వున్న మంచి పాత్రలనే ఆశిస్తున్నట్లు విశాఖసింగ్ పేర్కొన్నారు.