అనంతపురం ఎడ్యుకేషన్‌ : ఇంటర్మీడియట్‌ విద్యార్థులకు ఈ నెల 20 నుంచి ఫిబ్రవరి ఒకటి వరకు ప్రీ ఫైనల్‌ పరీక్షలు జరుగుతాయి. ఫిబ్రవరి 3 నుంచి 24 వరకు ప్రాక్టికల్స్‌ , మార్చి ఒకటి నుంచి 16 వరకు థియరీ పరీక్షలు కొనసాగుతాయి.  అయితే మొదటి సంవత్సరం విద్యార్థులకు ఈ నెల 28న నైతిక-మానవ విలువలు, 31న పర్యావరణ విద్య పరీక్షలు ఉంటాయని వృత్తి విద్యాశాఖ అధికారి చంద్రశేఖర్‌రావు బుధవారం తెలిపారు. ప్రతి విద్యార్థి ఈ పరీక్షలు తప్పనిసరిగా రాయాల్సి ఉంటుందన్నారు.
 
 
 ఎవరైనా గైర్హాజరై వార్షిక పరీక్షలు ఉత్తీర్ణత సాధించినా తర్వాత కోర్సులు చేయడానికి వీలుండదని స్పష్టం చేశారు. ప్రిన్సిపాళ్లందరూ ఈ విషయంలో చొరవ తీసుకుని విద్యార్థులందరూ ఈ పరీక్షలు రాసేలా చూడాలని ఆదేశించారు. లేదంటే  విద్యా సంవత్సరం నష్టపోతారనే విషయాన్ని తెలపాలని సూచించారు.