ముంబై : పదేళ్ల క్రితం నాటి ఘటనలో బాలీవుడ్‌ నటుడు, నిర్మాత ఆదిత్య పంచోలిపై తాజాగా ఎఫ్‌ఐఆర్‌ నమోదైంది. అత్యాచార ఆరోపణలు ఎదుర్కొంటున్న ఆయనపై ముంబై పోలీసులు పలు సెక్షన్ల కింద కేసు నమోదు చేశారు. ఈ కేసులో ఆధారాలు సేకరించడం కాస్త కష్టమే అయినప్పటికీ లోతుగా విచారణ జరుపుతున్నామని పేర్కొన్నారు. కాగా కెరీర్‌ తొలినాళ్లలో ఆదిత్య పంచోలీ తనను లైంగికంగా వేధించి, అత్యాచారానికి పాల్పడ్డాడని ఆరోపిస్తూ బాలీవుడ్‌ టాప్‌ హీరోయిన్ ఒకరు‌‌.. అతడిపై పోలీసులకు ఫిర్యాదు చేసిన సంగతి తెలిసిందే. ఈ క్రమంలో ఆయన కూడా సదరు నటిపై పరువు నష్టం దావా వేశారు. చదవండి : కంగనాపై నటుడి భార్య ఫైర్‌ కాగా తన భర్తపై లైంగిక వేధింపుల ఆరోపణలు వచ్చిన నేపథ్యంలో ఆదిత్య పంచోలి భార్య, నటి జరీనా ఇటీవలే మీడియాతో మాట్లాడారు.  ‘ నా భర్త గురించి నాకంటే ఎవరూ బాగా అర్థంచేసుకోలేరు. తను నా దగ్గర ఏ విషయం దాచిపెట్టలేదు. గతంలో ఏం జరిగిందో.. ఇప్పుడు ఏం జరుగుతుందో నాకు అన్ని విషయాల గురించి తెలుసు. తనెప్పటికీ తప్పు చేయడు. కొంతమంది ఆడవాళ్లు తమ రిలేషన్‌షిప్‌ ముగిసిన తర్వాత..భాగస్వామిపై నిందలు వేస్తారు. అకస్మాత్తుగా... అత్యాచారానికి గురయ్యామంటూ గగ్గోలు పెడతారు. ఎదుటి వ్యక్తికి ఇష్టం లేకపోయినా తమతోనే ఉండాలనే భావనతోనే ఇలా చేస్తారు. ఇది సరైంది కాదు’ అని సదరు హీరోయిన్‌ను ఉద్దేశించి ఘాటు వ్యాఖ్యలు చేశారు. ఇక నానా పటేకర్‌ తనతో అసభ్యంగా ప్రవర్తించాంరటూ నటి తనూశ్రీ దత్తా.. బాలీవుడ్‌లో మీటూ ఉద్యమం ఉధృతం చేసిన సంగతి తెలిసిందే. అయితే సాక్ష్యాధారాలు లేని కారణంగా ఇటీవలే పోలీసులు అతడికి క్లీన్‌చిట్‌ ఇచ్చారు.

నటుడు ఆదిత్య పంచోలి భార్య జరీనా వాహబ్‌.. బాలీవుడ్‌ ‘క్వీన్’‌, ఫైర్‌బ్రాండ్‌ కంగనా రనౌత్‌పై ఫైర్‌ అయ్యారు. తన భర్త ఎటువంటి వాడో తనకు పూర్తిగా తెలుసునని, అతడిపై అసత్య ఆరోపణలు చేయొద్దని కంగనాను విమర్శించారు. కెరీర్‌ తొలినాళ్లలో ఆదిత్య పంచోలీ తనను లైంగికంగా వేధించి, దాడికి పాల్పడ్డాడని ఆరోపిస్తూ కంగనా రనౌత్‌.. అతడిపై పోలీసులకు ఫిర్యాదు చేసిన సంగతి తెలిసిందే. ఈ విషయంపై స్పందించిన నటి జరీనా మాట్లాడుతూ.. ‘ నా భర్త గురించి నాకంటే ఎవరూ బాగా అర్థంచేసుకోలేరు. తను నా దగ్గర ఏ విషయం దాచిపెట్టలేదు. గతంలో ఏం జరిగిందో.. ఇప్పుడు ఏం జరుగుతుందో నాకు అన్ని విషయాల గురించి తెలుసు. తనెప్పటికీ తప్పు చేయడు. కొంతమంది ఆడవాళ్లు తమ రిలేషన్‌షిప్‌ ముగిసిన తర్వాత..భాగస్వామిపై నిందలు వేస్తారు. అకస్మాత్తుగా... అత్యాచారానికి గురయ్యామంటూ గగ్గోలు పెడతారు. ఎదుటి వ్యక్తికి ఇష్టం లేకపోయినా తమతోనే ఉండాలనే భావనతోనే ఇలా చేస్తారు. ఇది సరైంది కాదు’ అని కంగనాను ఉద్దేశించి ఘాటు వ్యాఖ్యలు చేశారు. కాగా కంగనా ఆరోపణలపై స్పందించిన ఆదిత్య పంచోలి ఆమెపై పరువు నష్టం దావా వేసిన సంగతి తెలిసిందే. ప్రస్తుతం అతడి భార్య కూడా ఆదిత్యకు అండగా నిలుస్తూ కంగనాను తీవ్ర స్థాయిలో విమర్శించారు. ఇక నటి పూజా బేడి పనిమనిషిపై ఆదిత్య పంచోలి అత్యాచారానికి పాల్పడ్డాడంటూ ఆరోపణలు వచ్చిన సంగతి తెలిసిందే.

సాక్షి, ముంబై : వివాదాలతో వార్తల్లో నిలుస్తున్న బాలీవుడ్ నటి కంగనా రనౌత్‌ పై కేసు నమోదు అయ్యింది. సీనియర్ నటుడు ఆదిత్య పంచోలీ, ఆయన భార్య జరీనా వహబ్‌.. శుక్రవారం అంధేరీ కోర్టులో కంగనాపై పరువు నష్టం దావా వేశాడు. తన పేరు, తన కుటుంబ సభ్యుల పేరిట అసత్య ఆరోపణలు చేస్తున్న కంగనపై కేసు వేసినట్లు ఆదిత్య పంచోలీ ప్రకటించారు . ‘కంగనా నాకు కొన్నేళ్లుగా తెలుసు. కానీ, ఈ మధ్య మీడియాలో ఆమె నా గురించి అభ్యంతరకర ప్రకటనలు చేస్తోంది. నాతోపాటు నా కుటుంబ సభ్యుల ప్రస్తావన కూడా తీసుకొచ్చి నా పరువును బజారుకీడుస్తోంది. నేను ఆమెను హింసించానన్న ఆరోపణల్లో ఎలాంటి వాస్తవం లేదు. వాటిని మౌనంగా భరించాల్సిన అవసరం నాకేంటి. అందుకే ఆమెపై కేసు వేశా’ అని ఆయన చెప్పారు. క్రిమినల్‌ కేసుతోపాటు మరో సివిల్‌ కేసు కూడా వేసేందుకు సిద్ధంగా ఉన్నామని పంచోలీ ఆయన భార్య జరీనా వహబ్‌ తెలిపారు. కాగా, కంగనాతోపాటు ఆమె సోదరి రంగోలీ పేరును కూడా దావాలో పేర్కొన్నట్లు తెలుస్తోంది. సినిమాలోకి వచ్చిన కొత్తలో నటుడు ఆదిత్య పంచోలీ ఆమెకు గాడ్‌ ఫాదర్‌గా వ్యవహరించిన విషయం తెలిసిందే. అయితే హృతిక్‌ రోషన్‌తో అఫైర్‌ వ్యవహారం వెలుగులోకి రాగానే.. ఆయన ఆమెను దూరం పెట్టాడని బాలీవుడ్ వర్గాలు చెప్పుకుంటుంటాయి. ఈ నేపథ్యంలో పంచోలీ తనను దారుణంగా హింసించేవాడని కంగనా ఓ ఇంటర్వ్యూలో చెప్పగా..  వారిద్దరి మధ్య శారీరక సంబంధం ఉండేది ఆమె సోదరి రంగోలీ మరో బాంబు పేల్చింది. ఆయా ప్రకటనలపై వారిద్దరికీ పంచోలీ ఓ లీగల్‌ నోటీస్‌ పంపినప్పటికీ..  వారి తరపునుంచి ఎలాంటి స్పందన రాలేదు.దీంతో ఆయన కేసు వేశారు. ఇప్పటికే బాలీవుడ్లో మద్దతు కరువై ఒంటరి అయిన ఆమె ఈ కేసును ఎలా ఎదుర్కుంటుందో చూడాలి. 


 ముంబై: బాలీవుడ్ నటుడు ఆదిత్య పంచోలీని ముంబై పోలీసులు అరెస్టు చేశారు. అర్ధరాత్రి బార్లో నానా హంగామా చేసి చుట్టుపక్కలవారికి అతడు నానా హంగామా చేయడంతో బౌన్సర్ అడ్డుకునేందుకు ప్రయత్నించాడు. దీంతో తనను అడ్డుకుంటావా అంటు ఆ బౌన్సర్పై పంచోలి దాడికి దిగాడు. దెబ్బలు తిన్న బౌన్సర్ పోలీసులకు ఫిర్యాదు చేయడంతో పోలీసులు పంచోలిని అరెస్టు చేశారు.