సాక్షి, స్పోర్ట్స్‌: క్రికెట్‌లో అడుగుపెట్టిన తొలినాళ్లలో ప్రత్యర్థి జట్టు బ్యాట్స్‌మెన్లకు అతడు సింహస్వప్నం. టీ20 క్రికెట్‌లో రెండు పర్యాయాలు వికెట్లు తీసిన ఏకైక బౌలర్ అతడు. ఆ మిస్టరీ స్పిన్నర్ బౌలర్ మరెవరో కాదు లంక క్రికెటర్ అజంతా మెండిస్. నేడు ఈ లంక బౌలర్ పుట్టినరోజు. 2012లో జరిగిన ఐసీసీ టీ20 ప్రపంచ కప్‌లో భాగంగా శ్రీలంక ఫస్ట్ మ్యాచ్ జింబాబ్వేతో ఆడింది. ఆ మ్యాచ్‌లో మిస్టరీ బౌలర్ మెండిస్ ప్రత్యర్ధి ఆటగాళ్లకు ఎలా ముచ్చెమటలు పట్టించాడో మరోసారి వీక్షించండి. ఆ మ్యాచ్లో కేవలం 8 పరుగులు ఇచ్చి 6 వికెట్లు పడగొట్టి లంక విజయంలో కీలకపాత్ర పోషించాడు మెండిస్. ఐసీసీ టీ20 క్రికెట్లో ఇప్పటికీ అత్యుత్తుమ ప్రదర్శనను తన పేరిట లిఖించుకున్న మెండిస్ పుట్టినరోజు సందర్భంగా ఐసీసీ అధికారిక ట్వీటర్‌లో ఈ వీడియో పోస్ట్‌ చేసింది. To celebrate the birthday of Ajantha Mendis, we take a look back at his sensational performance with the ball against Zimbabwe in the 2012 World T20! His figures on that day of 6/8, are still the best ever for a bowler in T20Is! Happy Birthday! 🎂 🎉 pic.twitter.com/KmDbnLIubq — ICC (@ICC) 11 March 2018


 కోల్‌కతా: భారత్‌తో ఇప్పటికే సిరీస్‌ను కోల్పోయినా... చివరి రెండు వన్డేల్లో కోలుకుని పరువు దక్కించుకుంటామని శ్రీలంక స్పిన్నర్ అజంతా మెండిస్ అన్నాడు. ‘ఈ సిరీస్ తర్వాత స్వదేశంలో ఇంగ్లండ్‌తో మ్యాచ్‌లు ఆడాలి. కాబట్టి చివరి రెండు వన్డేల్లో గెలిచి, ఆ సిరీస్‌కు ధీమాగా వెళ్లాలని భావిస్తున్నాం’ అని చెప్పాడు. చివరి రెండు వన్డేల కోసం మెండిస్ జట్టులో చేరాడు.
 
 గురువారం జరిగే నాలుగో వన్డేలో ట్రాక్ స్పిన్నర్లకు అనుకూలించే అవకాశం ఉందని మెండిస్ తెలిపాడు. ‘ఈ పిచ్ ప్రతిసారీ స్పిన్నర్లకు సహకరిస్తుంది. గతంలో ఐపీఎల్‌లో కోల్‌కతాకు ఆడినప్పుడు ఈడెన్ గురించి తెలుసుకున్నాను’ అని చెప్పాడు.