సినిమాల్లో కొత్తదనం కోరుకునే ఆడియన్స్ కోసం ప్రత్యేకంగా రూపొందుతున్న చిత్రం 'అనంత'. డిఫరెంట్ స్టోరీ లైన్ తీసుకొని గతంలో ఎప్పుడు చూడని కోణంలో కథను తెరపై ఆవిష్కరించబోతున్నారు డైరెక్టర్ మధు బాబు. సైంటిఫిక్ థ్రిల్లర్‌గా అనంత  మూవీని రూపొందిస్తున్నారు. ఈ సినిమాలో ప్రశాంత్ కార్తీ హీరోగా నటిస్తున్నాడు. గతంలో రామ్ గోపాల్ వర్మ రూపొందించిన కొండా చిత్రంలో నక్సలైట్ నాయకుడు RK రోల్ పోషించి ఆకట్టుకున్న ప్రశాంత్ కార్తీ ఈ సినిమాతో మరో డిఫరెంట్ క్యారెక్టర్‌తో ప్రేక్షకుల ముందుకు రాబోతున్నాడు. (ఇదీ చదవండి: ‘ఆదిపురుష్‌’ ప్రతి థియేటర్‌లో ఆయన కోసం ఒక టికెట్‌ రిజర్వ్‌) ఇప్పటికే ఈ సినిమా టీజర్ రిలీజ్ చేసి ప్రేక్షకుల్లో ఆసక్తి పెంచిన యూనిట్.. తాజాగా అనంత ట్రైలర్ రిలీజ్ చేశారు. ఒక నిమిషం 46 సెకనుల నిడివితో కట్ చేసిన ఈ ట్రైలర్ లో ఆసక్తికర సన్నివేశాలు చూపిస్తూ సినిమా కథను రిఫ్లెక్ట్ చేశారు. మనిషి పుట్టిన మరు క్షణం నుంచే ఆ శరీరం మరణం వైపు ప్రయాణం చేస్తుంటుంది అనే డైలాగ్ సినిమా సోల్ ఏంటో తెలుపుతోంది. మనిషి ఆయుష్షు నేపథ్యంలో ఈ మూవీ కథ సాగుతుందని అర్థమవుతోంది. ఇన్వెస్టిగేషన్‌తో పాటు థ్రిల్లింగ్ ఎలిమెంట్స్ టచ్ చేస్తూ ఈ ట్రైలర్ రిలీజ్ చేశారు. ఇదో డిఫరెంట్ కథ అని ట్రైలర్ ద్వారా తెలుస్తోంది. (ఇదీ చదవండి: లలితా జ్యువెలరీలో బంగారు ఆభరణాలు దొచుకున్న ఆ దొంగ కథే 'జపాన్‌'!)


  నటుడు రాజీవ్ కనకాల, బుల్లితెర వ్యాఖ్యాత్రి సుమ తనయుడు రోషన్ కీలక పాత్ర పోషిస్తున్న చిత్రం ‘అనంతమ్’. పార్ధసారథి, వందిత నటిస్తున్న ఈ చిత్రానికి రమణలోక్‌వర్మ దర్శకుడు. వి.శ్రవణ్‌కుమార్, పవన్‌కుమార్ నిర్మాతలు. సాకేత్‌సాయిరామ్ స్వరాలందించిన ఈ చిత్రం పాటలను తమ్మారెడ్డి భరద్వాజ్ చేతుల మీదుగా హైదరాబాద్‌లో విడుదల చేశారు. పడిన కష్టానికి తగు ఫలితం లభిస్తుందనే నమ్మకం ఉందని రాజీవ్ కనకాల ఆశాభావం వెలిబుచ్చారు.
  
   సుమ మాట్లాడుతూ -‘‘చిన్నప్పట్నుంచీ మా అబ్బాయికి నటనపై మక్కువ. రాజీవ్ ప్రోత్సహిస్తున్నా, చదువు దెబ్బతింటుందని నేనే ఆపాను. ఏడాది క్రితం రమణలోక్‌వర్మ చెప్పిన కథ మాకు బాగా నచ్చి ఇద్దరం పచ్చజెండా ఊపేశాం. ఈ సినిమాకు పనిచేసిన అందరితో పాటు, మా అబ్బాయిక్కూడా మంచి పేరు రావాలని కోరుకుంటున్నాను’’ అన్నారు. చిత్రం యూనిట్ సభ్యులతో పాటు సునీల్‌కుమార్‌రెడ్డి, దేవీ ప్రసాద్, తుమ్మలపల్లి రామసత్యనారాయణ, రామరాజు తదితరులు మాట్లాడారు.