పరుత్తివీరన్‌ చిత్రంతో నటుడిగా సినీకెరీర్ ప్రారంభించిన హీరో కార్తీ. కథల ఎంపికలో ప్రత్యేక దృష్టి సారిస్తున్నారు. ఇటీవల విరుమాన్‌, పొన్నియిన్‌ సెల్వన్‌, సర్ధార్‌ చిత్రాలతో వరుసగా విజయాలు అందుకున్న ఆయన తాజాగా నటిస్తున్న చిత్రం జపాన్‌. ఇది ఆయన కెరీర్‌లో 25వ చిత్రం కావడం విశేషం. కాగా నటుడిగా కార్తీ 20 వసంతాలను పూర్తి చేసుకున్నారు. ఈ చిత్రాన్ని రాజుమురుగన్‌ దర్శకత్వంలో డ్రీమ్‌ వారియర్స్‌ పతాకంపై ఎస్‌ఆర్‌.ప్రకాశ్‌బాబు, ఎస్‌ఆర్‌.ప్రభు నిర్మించారు.  ఈ మూవీలో అను ఇమ్మాన్యుయేల్‌ నాయకిగా నటిస్తోంది. ఇందులో దర్శకుడు కేఏస్‌.రవికుమార్‌, విజయ్‌ మిల్టన్‌, వాగై చంద్రశేఖర్‌, టాలీవుడ్‌ నటుడు సునీల్‌ తదితరులు ముఖ్య పాత్రలు పోషించారు.   ఇప్పటికే ఈ చిత్రం షూటింగ్‌ పూర్తి చేసుకుని ప్రస్తుతం నిర్మాణాంతర కార్యక్రమాలను జరుపుకుంటోంది. కాగా.. జపాన్‌ చిత్రాన్ని దీపావళి సందర్భంగా విడుదల చేయనున్నట్లు నిర్మాతలు ఇప్పటికే ప్రకటించిన విషయం తెలిసిందే.  ఈ చిత్ర ఆడియో రిలీజ్‌ వేడుకను ఈనెల 28న భారీ ఎత్తున నిర్వహిస్తున్నట్లు నిర్మాతల్లో ఒకరైన ఎస్‌ఆర్‌.ప్రభు వెల్లడించారు. కార్తీ నటించిన 25వ చిత్రం కావడంతో ఈ వేడుకను ప్రత్యేకంగా అభిమానుల సమక్షంలో స్థానిక నెహ్రూ ఇండోర్‌ స్టేడియంలో భారీ ఎత్తున నిర్వహించనున్నట్లు తెలిపారు. కార్తీ ఇప్పటి వరకూ నటించిన 24 చిత్రాల్లో 19 చిత్రాలు మంచి విజయాన్ని సాధించాయన్నారు. అందులో 6 చిత్రాలు తమ సంస్థలో నిర్మించడం విశేషమన్నారు. కాగా కార్తీ 25వ చిత్రం జపాన్‌ చిత్ర ఆడియో ఆవిష్కరణ కార్యక్రమంతో పాటు ఆయన్ని గౌరవించే విధంగా ఈ వేడుక ఉంటుందన్నారు. ఇందులో కార్తీ నటించిన చిత్రాలకు సంబంధించిన సన్నివేశాలను ప్రదర్శించనున్నట్లు చెప్పారు. ఆ వేడుకలో పలువురు సినీ ప్రముఖులు పాల్గొంటారని ఆయన తెలిపారు. ఈ ఈ చిత్రానికి రవివర్మన్‌ సినిమాటోగ్రఫీ, జీవీ.ప్రకాశ్‌కుమార్‌ సంగీతాన్ని అందిస్తున్నారు. 

తమిళ సినిమా: గూగుల్‌ కుట్టప్ప చిత్ర ఆడియో ఆవిష్కరణ కార్యక్రమానికి ప్రముఖ నటులను ఆహ్వానించినా షూటింగ్‌ ఉందంటూ వారెవరు రాలేమని చెప్పారని దర్శకుడు, నటుడు కేఎస్‌ రవికుమార్‌ అసహనం వ్యక్తం చేశారు. ఇది వారి సీజన్‌ అని తమకూ ఒక సీజన్‌ వస్తుందని అన్నారు. తన ఆర్‌.కె. సెల్యూలాయిడ్‌ పతాకంపై నిర్మించి, ప్రధాన పాత్రలో నటించిన చిత్రం గూగుల్‌ కుట్టప్ప. బిగ్‌బాస్‌ ఫేమ్‌ దర్శన్‌ , లాస్లియా హీరో హీరోయిన్‌ గా నటించిన ఇందులో యోగిబాబు తదితరులు ముఖ్య పాత్రలు పోషించారు. కేశవ కుమార్‌ శిష్యులు శబరి, గుణ శరవణ్‌ కలిసి దర్శకత్వం వహించిన ఈ చిత్రానికి జిబ్రాన్‌ సంగీతం అందించారు. త్వరలో విడుదలకు సిద్ధమవుతున్న ఈ చిత్ర ట్రైలర్‌ కార్యక్రమాన్ని సోమవారం ఉదయం చెన్నైలో నిర్వహించారు. ఫెఫ్సీ, దర్శకుల సంఘాల అధ్యక్షుడు ఆర్‌.కె సెల్వమణి, విక్రమన్‌, ఆర్వీ ఉదయకుమార్, పేరరసు, తంగర్‌ బచ్చన్‌  పాల్గొన్నారు. 

మెగా మేనల్లుడు పంజా వైష్ణవ్‌ తేజ్‌ హీరోగా క్రిష్‌ డైరెక్షన్‌లో తెరకెక్కుతున్న చిత్రం ‘కొండపొలం’. ఇందులో రకుల్‌ హీరోయిన్‌గా నటిస్తోంది. ఎమ్‌ఎమ్‌ కిరవాణి సంగీతం అందిస్తున్న ఈ మూవీ నుంచి ఇప్పటికే విడుదలైన పాటలు సంగీత ప్రియులను విశేషంగా ఆకట్టుకుంటున్నాయి. ఈ రోజు విడుదలైన ఈ మూవీలో సెకండ్‌ సాంగ్‌కు కూడా మంచి రెస్పాన్స్‌ వస్తోంది. ఈ నేపథ్యంలో ‘కొండపొలం’ ఆడియో రిలీజ్‌ ఈవెంట్‌ రేపు కర్నూల్‌లో జరగనుందని తాజాగా మేకర్స్‌ ప్రకటించారు. కర్నూల్‌లోని సంతోష్‌ నగర్ కాలనీలోని కన్వెన్షన్‌ హాల్‌లో సాయంత్రం 5 గంటల నుంచి ఈ కార్యక్రమం ప్రారంభం కానుంది. కాగా అక్టోబర్‌ 8న ఈ మూవీ థియేటర్లో విడుదల అవుతున్న సంగతి తెలిసిందే.  #KondaPolam Audio Release Event on 2nd Oct 5PM onwards in KURNOOL 🔥 An @mmkeeravaani Musical🎶 Roaring in Theatres from Oct 8th 💥🐅#KondaPolamOct8 #PanjaVaisshnavTej @RakulPreet @Gnanashekarvs @YRajeevReddy1 #JSaiBabu @FirstFrame_ent @MangoMusicLabel pic.twitter.com/iHFF36AGwp — Krish Jagarlamudi (@DirKrish) October 1, 2021