ఆరోన్‌ ఫించ్‌ నాయకత్వంలోని ఆస్ట్రేలియా జట్టు కొలంబోలో నేడు జరిగే తొలి టి20 మ్యాచ్‌లో శ్రీలంక జట్టుతో తలపడుతుంది. వార్నర్, మ్యాక్స్‌వెల్, మిచెల్‌ మార్ష్‌, స్టార్క్, స్మిత్, లబుషేన్, హాజల్‌వుడ్‌లతో ఆస్ట్రేలియా పటిష్టంగా కనిపిస్తోంది. ఆసీస్‌–శ్రీలంక మధ్య జరిగే మూడు టి20లు, ఐదు వన్డేలు, రెండు టెస్టు మ్యాచ్‌లకు టిక్కెట్ల ద్వారా వచ్చిన ఆదాయాన్ని ప్రజా సంక్షేమం కోసం వినియోగిస్తామని శ్రీలంక క్రికెట్‌ బోర్డు తెలిపింది. శ్రీలంకతో తొలి టీ20కి ఆస్ట్రేలియా తుది జట్టు(SL Vs AUS: Australia Playing XI For 1st T20I) ఆరోన్‌ ఫించ్‌(కెప్టెన్‌), డేవిడ్‌ వార్నర్‌, మిచెల్‌ మార్ష్‌, గ్లెన్‌ మాక్స్‌వెల్‌, స్టీవ్‌ స్మిత్‌, మార్కస్‌ స్టొయినిస్‌, మాథ్యూ వేడ్‌(వికెట్‌ కీపర్‌), ఆష్టన్‌ అగర్‌, మిచెల్‌ స్టార్క్‌, కేన్‌ రిచర్డ్‌సన్‌, జోష్‌ హాజిల్‌వుడ్‌. శ్రీలంక జట్టు దనుష్క గుణతిలక, పాతుమ్ నిస్సంక, చరిత్ అసలంక, కుసల్ మెండిస్, భానుక రాజపక్స(వికెట్‌ కీపర్‌), దసున్ షనక(కెప్టెన్‌), వనిందు హసరంగా, రమేష్ మెండిస్, చమిక కరుణరత్నే, దుష్మంత చమీర, మహేశ్ తీక్షణ, లహిరు మధుశంక, ప్రవేణ్ శంకన్, ప్రవేణ్ శంకన్, కసున్ రజిత, జయవిక్రమ, నువానీడు ఫెర్నాండో, మతీషా పతిరన, నువాన్ తుషార చదవండి: 'హార్ధిక్ పాండ్యా ఇద్దరి ఆటగాళ్లతో సమానం.. అయితే వన్డేల్లో మాత్రం ఆడకూడదు'


 దుబాయ్: ప్రస్తుతం భారత క్రికెట్ జట్టులో స్థానం కోల్పోయి పునరాగమనం కోసం ఎదురుచూస్తున్న సీనియర్ క్రికెటర్ యువరాజ్ సింగ్ కు మాజీ చీఫ్ సెలక్టర్ సందీప్ పాటిల్ మద్దతుగా నిలిచారు. భారత క్రికెట్ జట్టులో యువరాజ్ సింగ్ లాంటి క్రికెటర్ ఉండటం దేవుడిచ్చిన వరంగా సందీప్ అభిప్రాయపడ్డారు. ఈ క్రమంలోనే ఇప్పటివరకూ యువీకి తానొక వీరాభిమానిగా ఉన్నానంటూ స్పష్టం చేసిన సందీప్ పాటిల్.. ఇకపై కూడా అతనికే వీరాభిమానిగా ఉండాలనుకుంటున్నట్లు పేర్కొన్నారు.
  
 వచ్చే వరల్డ్ కప్ కు యువరాజ్ సింగ్ జట్టులో ఉంటారా? అన్న ప్రశ్నకు సందీప్ సమాధాన్ని దాటవేశారు. ఆ సమయానికి ఎవరు జట్టులో ఉంటారనేది వారి ఫిట్నెస్పై ఆధారపడి వుంటుందన్నారు. కాగా, యువీకి తిరిగి భారత జట్టులోకి వచ్చే సత్తా ఉందనడంలో ఎటువంటి సందేహం లేదన్నారు. యువరాజ్ మళ్లీ జట్టులో చోటు సంపాదిస్తాడనే ఆశాభావాన్ని సందీప్ వ్యక్తం చేశారు. 2019కి చాలా సమయం ఉన్నందున యువరాజ్ చోటుపై తానేమీ స్పష్టత ఇవ్వలేనన్నారు. అదే సమయంలో టీమిండియా సెలక్టర్ గా తాను లేననే విషయం గుర్తు పెట్టుకోవాలని ఒక ప్రశ్నకు బదులిచ్చారు.