సాక్షి, చిత్తూరు : కొత్త స్థలం కొన్నామనే సంతోషం ఆ కుటుంబానికి ఎంతో సేపు నిలవలేదు. రిజిస్టేషన్‌ కాకుండానే ఆ కుటుంబం కానిరాని లోకాలకు చేరుకుంది. బంగారుపాళెం మండలం పాలమాకులపల్లె వద్ద ఆదివారం చోటుచేసుకున్న రోడ్డు ప్రమాదానికి మితిమీరిన వేగమే కారణమని ప్రాథమికంగా తెలుస్తోంది. ఆగిఉన్న కంటైనర్‌ వెనుక కారు సగందాకా దూసుకుపోవడం చూస్తుంటే కారు వేగం వంద కిలోమీటర్లకు పైగానే ఉన్నట్టు పోలీసులు భావిస్తున్నారు. ప్రమాదం చోటుచేసుకున్నప్పుడు కారు ముందుసీట్లో కూర్చున తండ్రీ కొడుకులు సీటు బెల్ట్‌ ధరించి ఉన్నారు. ఎదురుగా వచ్చిన టీవీఎస్‌ మోపెడ్‌ను చూసిన వెంటనే వేగాన్ని నియంత్రించలేకపోవడంతో అదుపు తప్పి ఘోర ప్రమాదానికి గురయ్యారు. మోపెడ్‌పై వెళుతున్న వ్యక్తితో సహా కారులోని మరో ముగ్గురు ప్రాణాలు కోల్పోయారు. వెనుకడోర్‌ తెరుచుకోవడంతో దక్కిన ప్రాణాలు ప్రమాదం జరిగిన కారులో వెనుకవైపు కూర్చున శిరీష మాత్రం ప్రాణాపాయం నుంచి బయటపడింది. ముందు కూర్చున వారు సీట్‌ బెల్టు ధరించారు. వెనుకవైపు కూర్చున అత్తాకోడళ్లు మాత్రం బెల్టు పెట్టుకోనట్టు కనిపిస్తోంది. అయినా వేగంగా ఢీకొన్న ధాటికి కారు వెనుకడోర్‌ ఒకటి మాత్రం ఓపెన్‌ కావడంతోనే శిరీష కారులోంచి రోడ్డుపై పడి గాయాల పాలైంది. హైవేపై అవగాహ లేకపోవడం పలమనేరు సమీపంలోని మొగిలి ఘాట్‌ నుంచి కేజీ సత్రం వరకు జరిగే ప్రమాదాలను పరిశీలిస్తే ఎక్కువగా బయటి ప్రాంతాలకు చెందిన వారివే కావడం గమనార్హం! సాధారణంగా బెంగళూరు సిటీ దాటాక హొస్‌కోట్‌ నుంచి జాతీయ రహదారి వేగంగా వాహనలను నడిపేందుకు అనుకూలంగా ఉంటుంది. దీంతో అక్కడి నుంచి రాష్ట్ర సరిహద్దు నంగిళిదాకా వాహనాలు వంద కిలోమీటర్లకంటే ఎక్కువ వేగంతో వస్తుంటాయి. ఆపై రాష్ట్ర సరిహద్దు నుంచి చిత్తూరు బైపాస్‌ దాకా ఇటీవల నిర్మించిన పనుల కారణంగా హైవేలో ఎక్కడెక్కడ మార్గం ఎలా ఉందనే దానిపై కర్ణాటక నుంచి వచ్చే వాహనదారులకు పెద్దగా అవగాహన ఉండదు. అక్కడి రోడ్డులాగే ఉంటుందని భావించి వందకుపై వేగంగా రావడం ఇక్కడి హైవేలో ప్రమాదాలకు గురికావడం కొంతకాలంగా చోటుచేసుకుంటోంది. ఏదేమైనా మితిమీరిన వేగం ఆ కుటుంబాన్ని బలి తీసుకుంది. బాధితులను ఓదార్చిన ఎమ్మెల్యే బాబు రోడ్డు ప్రమాద సంఘటన గురించి తెలుసుకున్న పూతలపట్టు ఎమ్మెల్యే ఎంఎస్‌ బాబు బంగారుపాళెం ఆసుపత్రిలో చికిత్స పొందుతున్న శిరీషను పరామర్శించి ఓదార్చారు. అక్కడే ఉన్న మృతుడు శ్రీనివాసరెడ్డి పెద్దకుమారుడు వివేకానందరెడ్డితో మాట్లాడారు. మృతదేహాలకు త్వరగా పోస్టుమార్టం చేయించాలని డాక్టర్లు, పోలీసులను ఆదేశించారు. అలాగే మృతదేహాలను వారి స్వగామమైన ఉదయగిరికి తరలించేందుకు అవసరమైన ఏర్పాట్లు చేయాలని స్థానిక నాయకులకు పోలీసులకు సూచించారు.  ప్రాణాలు కాపాడని ఎయిర్‌ బెలూన్లు  వోల్వో కంపెనీకి చెందిన ఖరీదైన కారులో నాణ్యమైన ఎయిర్‌ బెలూన్లు ఓపెన్‌ అయి పగిలి పోయాయంటే మితిమీరిన వేగమే దుర్ఘటనకు కారణమై ఉంటుందని భావిస్తున్నారు. వాస్తవానికి కారు బోల్తా కొట్టినా లేక ముందుభాగం ఒత్తిడికి గురైనా బెలూన్లు విచ్చుకుని లోపలున్న వారికి రక్షణ కవచంలా మారుతాయి. కానీ ఈ ఘటనలో కారులోని వారి ప్రాణాలకు ఇవి రక్షించలేకపోయాయి. నా బావ ఎక్కడ..? రోడ్డు ప్రమాదంలో అత్త, మామ, భర్త చనిపోయారు. గాయపడిన శిరీషను అపస్మాకర స్థితిలో ఉండడంతో 108లో బంగారుపాళెం ఆసుపత్రికి తరలించారు. కొంతసేపటికి స్పృహలోకి వచ్చిన శిరీష ‘‘నా బావ ఏడీ.. అత్త, మామకు ఏమైంది? ఎలా ఉన్నారు... బావా ఎక్కడ?’’ అంటూ అక్కడకు వచ్చిన వారిని  ఆత్రుతగా అడుగుతూ, కన్నీటిపర్యంతమై చుట్టు పక్కలా వెతుకుతుంటే అక్కడికి చేరుకున్న స్థానికులు విచలితులయ్యారు. వాస్తవానికి శిరీషకు ఏడునెలల క్రితమే వెంకటేష్‌రెడ్డితో వివాహమైంది. విధి చిన్నచూపు చూసి ప్రమాదంలో ఆమె భర్తను సైతం కబళించింది.  

సాక్షి, చిత్తూరు : జిల్లాలో ఆదివారం ఘోర రోడ్డు ప్రమాదం చోటుచేసుకుంది. ఈ దుర్ఘటనలో నలుగురు ద్మురణం చెందారు. బంగారుపాళెం మండలం మొగలి వద్ద ఇవాళ ఉదయం ఓ కారు ఆగిఉన్న లారీని ఢీకొట్టింది. ఎదురుగా వచ్చిన టీవీఎస్‌ మోపెడ్‌ను చూసిన వెంటనే వేగాన్ని నియంత్రించలేకపోవడంతో అదుపు తప్పి లారీని ఢికొట్టింది. ఈ ప్రమాదంలో కారులో ఉన్న ముగ్గురు, బైక్‌పై వెళుతున్న వ్యక్తి మృతి చెందారు. మృతుల్లో ముగ్గురు మృతులు బెంగుళూరుకు చెందిన వారు. వీరంతా బెంగళూరు నుంచి నెల్లూరుకు వస్తుండగా ఈ ప్రమాదం జరిగింది. మృతులు శ్రీనివాసులు, రత్నమ్మ, వెంకటేష్‌గా పోలీసులు గుర్తించారు. మరొకరు చిత్తూరు జిల్లాకు చెందిన వ్యక్తి. పోలీసులు కేసు నమోదు చేసి, మృతదేహాలను స్వాధీనం చేసుకున్నారు.


 ► అక్రమ కేసులు దారుణం
 ► పూతలపట్టు ఎమ్మెల్యే డాక్టర్‌ సునీల్‌కుమార్‌
  
 బంగారుపాళెం: తెలుగుదేశం పార్టీ ఎంపీ దివాకర్‌రెడ్డికి చెందిన ట్రావెల్స్‌ను రక్షించేందుకు ముఖ్యమంత్రి చంద్రబాబు శవరాజకీయం చేస్తున్నారని పూతలపట్టు ఎమ్మెల్యే డాక్టర్‌ సునీల్‌కుమార్‌ విమర్శించారు. గురువారం సాయంత్రం ఎమ్మెల్యే మీడియాతో మాట్లాడారు. ప్రమాదాలు జరిగినప్పుడు బాధితులు, క్షతగాత్రులను పరామర్శించడం ప్రధాన ప్రతిపక్షం బాధ్యత అన్నారు. మంగళవారం కృష్ణా జిల్లా పెనుగంచిప్రోలు వద్ద జరిగిన రోడ్డు ప్రమాద సంఘటనలో వాస్తవాలను తెలుసుకునేందుకు ప్రతిపక్షనేత, వైఎస్సార్‌ సీపీ అధ్యక్షులు జగన్‌మోహన్‌రెడ్డి వెళ్లారన్నారు. మృతులకు పోస్టుమార్టం చేయకపోవడం, డ్రైవర్‌ నిర్లక్ష్యంపై అక్కడ అధికారులను ప్రశ్నించిన జగన్‌పై అక్రమ కేసులు బనాయించడం  సమంజసం కాదన్నారు.
  
 ప్రమాదంలో చనిపోయిన వారికి వైద్యులు తప్పనిసరిగా పోస్టుమార్టం నిర్వహించి నివేదికను ప్రభుత్వానికి సమర్పించాల్సిన బాధ్యత ఉందన్నారు. దివాకర్‌ ట్రావెల్స్‌కు సంబంధించి ఇప్పటి వరకు మూడుసార్లు ఘోర రోడ్డు ప్రమాదాల్లో చాలా మంది చనిపోయారన్నారు. అటువంటి ట్రావెల్స్‌పై విచారణ చేసి చర్యలు తీసుకోవాల్సిన బాధ్యత ప్రభుత్వానికి లేదా? అని ప్రశ్నించారు. ప్రజల కష్టాలను తెలుసుకుని ప్రభుత్వానికి తెలియజేసే బాధ్యత ప్రతిపక్ష నేతకు ఉందని ఆయన పేర్కొన్నారు. 
  
  


 పలమనేరు :  చిత్తూరు జిల్లా బంగారుపాళెంలో శుక్రవారం ఓ యువతి కిడ్నాప్ కలకలం రేపింది. పెళ్లి నిశ్చయమైన ఆమెను అదే గ్రామానికి చెందిన ఓ వివాహితుడు మరో ఇద్దరు కలిసి కిడ్నాప్ చేసి తీసుకెళుతుండగా పోలీసులు అప్రమత్తమై కిడ్నాపర్ల నుంచి రక్షించారు. బంగారుపాళెంలోని జెండావీధికి చెందిన చాంద్‌బాషా ప్రైవేటు అంబులెన్స్ డ్రైవర్. ఇతనికి పెళ్లై పిల్లలున్నారు. అతని పరిసర ప్రాంతానికే చెందిన అదే సామాజికవర్గానికి చెందిన యువతిని ఇష్టపడ్డాడు.  అప్పటికే ఆమెకు మరో యువకునితో  నిశ్చితార్థమైంది. త్వరలో పెళ్లి జరగాల్సి ఉంది.
  
  తనను ఇష్టపడలేదనే కోపంతో చాంద్‌బాషా అతని అనుచరులు సలీమ్, సన్ను కలసి పక్క వీధిలో వెళ్తున్న ఆ యువతిని అంబులెన్స్‌లోకి బలవంతంగా ఎక్కించుకుని బయలుదేరారు. దీన్ని ఆ ప్రాంతవాసులు గమనించి పోలీసులకు సమాచారమిచ్చారు. బంగారుపాళెం పోలీసులు పలమనేరు వైపు వస్తున్న ఆ వాహనాన్ని వెంబడించారు. వెంటనే ఇక్కడి పోలీసులకు సమాచారమివ్వగా అప్రమత్తమయ్యారు. ఆ వాహ నం పలమనేరు దాటి వెళ్తుండగా చెన్నూరు వద్ద పట్టుకున్నారు. చాంద్‌బాషా, సలీమ్‌ను అదుపులోకి తీసుకున్నారు. సన్ను అంబులెన్స్‌లో నుంచి దూకి పరారయ్యాడు.