నెల్లూరు (కలెక్టరేట్), న్యూస్‌లైన్ : వచ్చే ఆర్థిక సంవత్సరానికి జిల్లాలో రూ.4,922 కోట్లతో ముందస్తు వార్షిక రుణప్రణాళిక (ప్రొటెన్షియల్ లింక్‌డ్ ప్లాన్)ను రూపొందించినట్లు కలెక్టర్ ఎన్.శ్రీకాంత్ తెలిపారు. స్థానిక గోల్డెన్ జూబ్లీ హాలులో మంగళవారం బ్యాంకర్లు, అధికారులతో ఆయన సమీక్ష నిర్వహించారు. కలెక్టర్ మాట్లాడుతూ నాబార్డ్ ద్వారా వార్షిక ప్రణాళిక తయారు చేసినట్లు చెప్పారు. వీటిలో పంట రు ణాలకు రూ.3,006 కోట్లు, కాలవ్యవధి వ్యవసా య రుణాలకు రూ.468 కోట్లు, పారిశ్రామిక రంగానికి రూ.615 కోట్లు, ఇతర ప్రాధాన్య రం గాలకు రూ.834 కోట్లు కేటాయించామని వెల్లడించారు.
  
  జిల్లాలోని 342 బ్యాంకుల్లో ఏటీఎంలు ఏర్పాటు చేయాలని ఆయన బ్యాంకర్లను ఆదేశించారు. కౌలురైతులకు పంట రుణాలు మంజూరు చేసేందుకు ప్రతి గురువారాన్ని కేటాయించాలన్నారు. డెయిరీ అభివృద్ధి పథకం కిం ద నాబార్డు ద్వారా ఓసీలకు 25 శాతం, ఎస్సీ, ఎస్టీలకు 33.3 శాతం సబ్సిడీ లభిస్తుందన్నారు. జిల్లాలోని 342 బ్యాంకుల ద్వారా రూ.11,967 కోట్ల రుణాలు లబ్ధిదారులకు మంజూరయ్యాయన్నారు. బ్యాంకులకు నిర్ధేశించిన లక్ష్యాలకు సంబంధించిన పత్రాలను 10వ తేదీ నాటికి తమకు అందజేయాలన్నారు.
  
  రికవరీలపై ప్రత్యేకదృష్టి
  రుణ రికవరీలపై ప్రత్యేక దృష్టి సారించాలని అధికారులకు కలెక్టర్ సూచించారు. ప్రస్తుత ఆర్థిక ఏడాదిలో ఖరీఫ్ పంటకు రూ.896 కోట్ల రుణం మంజూరు చేయాలని లక్ష్యం కాగా రూ. 946 కోట్లు మంజూరు చేశారన్నారు. కౌలు రైతులకు రూ.100 కోట్లు రుణపంపిణీ లక్ష్యం కాగా రూ.7 కోట్లు మాత్రమే మంజూరు చేశారన్నారు. పొదుపు సంఘాలకు రూ.384 కోట్లు లక్ష్యం  కాగా రూ. 213 కోట్లు, పట్టణ ఇందిర క్రాంతి పథకం  కింద రూ.85 కోట్లు  లక్ష్యం కాగారూ 41 కోట్లు  మంజూరు చేశామని కలెక్టర్ వివరించారు. రానున్న నాలుగు నెలల్లో లక్ష్యాలను అధిగమించాలని ఆయన బ్యాంకర్లు, అధికారులకు సూచించారు.
  
  నెల్లూరు రూరల్ మండలంలోని ములుమూడిలో ఎస్‌బీఐ, ఏఎస్‌పేట మం డలం హసనాపురంలో ఆంధ్ర ప్రగతి గ్రామీణ బ్యాంకు ఏర్పాటు చేయాలని ప్రజలు కోరుతున్నట్లు కలెక్టర్ తెలిపారు. దీన్ని పరిశీలించి ఏర్పాటుకు చర్యలు చేపడతామన్నారు. సమావేశంలో జేసీ లక్ష్మీకాంతం, ఎల్‌డీఎం పి. వెంకటేశ్వరరావు, సిండికేట్ బ్యాంక్ డీజీఎం కె. శ్రీనివాసరావు,  రిజర్వు బ్యాంక్ ఏజీఎం సమీర్ సర్కార్, నాబార్డు ఏజీఎం వివేకానందరెడ్డి, ఆంధ్రాబ్యాంక్ డీజీఎం సురేంద్ర, ఎస్‌బీఐ డీజీఎం శేషగిరిరావు, ఆంధ్రప్రగతి గ్రామీణ బ్యాంక్ రీజన ల్ మేనేజర్ మస్తానయ్య పాల్గొన్నారు.
  


  అమాయకుల అవసరాలను ఆసరాగా చేసుకుంటున్నారు కొందరు దళారులు. హోదా, ఉద్యోగం, డబ్బు ఎర చూపి కొందరు, చిట్టీల వ్యాపారం పేరుతో కొందరు వారిని నిలువునా ముంచుతున్నారు. ఇలా వైట్‌కాలర్ నేరాలకు మిర్యాలగూడ అడ్డాగా మారింది. ఇక్కడ  అమాయక ప్రజల నుంచి కోట్లాది రూపాయలు కాజేస్తూ నేరాలకు పాల్పడుతున్నారు.
  - న్యూస్‌లైన్, మిర్యాలగూడ
  
  నెల రోజుల కాలంలోనే మిర్యాలగూడ కేంద్రంలో పలు వైట్ కాలర్ నేరాలు చోటు చేసుకున్నాయి. దాంతో ఎంతో మంది అమాయకులు ఆర్థికంగా నష్టపోయారు. మిర్యాలగూడ పట్టణంలోని ఇండస్‌ఇండ్ బ్యాంకులో పనిచేస్తున్న మేనేజర్ చైతన్య నకిలీ డిపాజిట్ పత్రాలు ఇచ్చి ఖాతాదారుల నుంచి 42 లక్షల రూపాయలు కాజేశాడు. ఈ విషయం బ్యాంకు రీజినల్ మేనేజర్ పోలీసులకు ఫిర్యాదు చేయడంతో వెలుగులోకి వచ్చిన విషయం విదితమే. నకిలీ పత్రాలు ఇచ్చిన విషయం బ్యాంకు అధికారుల లెక్కల్లో తేలినా.. ఖాతాదారులకు ఖాళీ చెక్కులు ఇవ్వడంతోపాటు ఎలాంటి రశీదులూ ఇవ్వకుండా సుమారుగా 1.80 కోట్ల రూపాయలు కాజేసినట్లు సమాచారం. సోమవారం బాధితులు కొంతమంది బ్యాంకు ఎదుట ధర్నాకు దిగారు. మరికొంతమంది ఎవరికీ చెప్పుకోలేకపోతున్నారని సమాచారం. మోసపోయిన ఖాతాదారుల్లో పట్టణానికి చెందిన కొంతమంది రైస్ మిల్లర్లు, డాక్టర్లు కూడా ఉన్నట్లు తెలిసింది.
  
  ఉద్యోగాల పేరిట మోసం..
  ఉద్యోగాలిప్పిస్తామని చెప్పి మోసానికి పాల్పడుతున్న వ్యక్తిపై గత నెలలో హుజూర్‌నగర్‌లో పోలీసులు కేసు నమోదు చేశారు. మిర్యాలగూడ పట్ణణానికి చెందిన ఒక వ్యక్తి వివిధ శాఖలలో ఉద్యోగాలిప్పిస్తామని చెప్పి ఒక్కొక్కరి వద్ద 1.25 లక్షల రూపాయల చొప్పున రూ.38 లక్షలు వసూలు చేశారు. కాగా సంవత్సరాలు గడిచినా ఉద్యోగాలిప్పించకపోవడంతో నిరుద్యోగులు పోలీసులకు ఫిర్యాదు చేశారు. అదే విధంగా పట్టణంలోని విద్యానగర్ కాలనీలో పది రోజుల క్రితం చిట్టీల వ్యాపారం చేస్తున్న ఓ మహిళ సుమారుగా కోటి రూపాయలతో పరారీ అయ్యింది. కాగా ఆమె వద్ద చిట్టీలు వేసేవారంతా మహిళలే. వారంతాలబోదిబోమని మొత్తుకున్నా విషయం పోలీసుల వరకు వెళ్లలేదు. అదే విధంగా నెల రోజుల క్రితం సీతారాంపురానికి చెందిన మరో మహిళ సుమారు 10 లక్షల రూపాయల వరకు అప్పులు చేసి పరారీ అయినట్లు తెలిసింది.
  
  బీసీల పేరుతో అధిక వడ్డీలు..
  పట్టణంలో వడ్డీ వ్యాపారులు విపరీతంగా పెరిగిపోయారు. బార్‌కటింగ్ (బీసీ)ల పేరుతో అధిక వడ్డీలు వసూలు చేస్తున్నారు. చిరు వ్యాపారులకు ఉదయం వేళలో 900 రూపాయలు ఇచ్చి సాయంత్రం వేళలో రూ.వెయ్యి తీసుకుంటున్నారు. అంతే కాకుండా బడా వ్యాపారులు సైతం లక్షల్లో డబ్బులు బీసీలకు తీసుకుంటున్నారు. అధిక వడ్డీలు చెల్లించలేని వారినుంచి వ్యాపారులు బెదిరింపులకు పాల్పడి డబ్బులు వసూలు చేస్తున్నారు.