చిత్తూరు అర్బన్‌: చిత్తూరు రూరల్‌ మండల  ఎక్సైజ్‌ అండ్‌ ప్రొహిబిషన్‌ సీఐ ఎస్‌.బషీర్‌ అహ్మద్‌ (57) శుక్రవారం మృతి చెందారు. 2015 సెప్టెంబరు నుంచి చిత్తూరు రూరల్‌ సీఐగా పనిచేస్తున్న ఈయన మూత్రపిండాలకు సంబంధించిన సమస్యతో బాధపడుతున్నారు. మధ్యాహ్నం చిత్తూరులోని తన నివాసంలో ఉండగా కడుపునొప్పి రావడంతో కుటుంబ సభ్యులు చిత్తూరు ప్రభుత్వాస్పత్రికి తరలించారు. అప్పటికే ఆయన మృతి చెందినట్లు వైద్యులు పేర్కొన్నారు. శనివారం తిరుపతిలోని మహతి ఆడిటోరియం మసీదు వద్ద అంత్యక్రియలు జరుగుతాయని బషీర్‌ కుటుంబ సభ్యులు పేర్కొన్నారు. ఈయన మృతిపట్ల ఎక్సైజ్‌ అధికారులు ఓ ప్రకటనలో సంతాపం తెలిపారు.


 బద్వేలు అర్బన్‌ :         స్థానిక నెల్లూరు రోడ్డులోని పాలిటెక్నిక్‌ కళాశాల సమీపంలో ఉన్న ఓ కల్యాణ మండపం వద్ద మంగళవారం డీజిల్‌ ట్యాంకర్‌ ఢీకొన్న ఘటనలో షేక్‌ బషీర్‌ (12) అనే బాలుడు మృతి చెందాడు. స్థానిక సుందరయ్యకాలనీలో నివసించే షేక్‌ రసూల్, మాబున్నిలకు 8 మంది కుమారులు, 5 మంది కుమార్తెలు.  వారిలో 8వ కుమారుడు షేక్‌ బషీర్‌ పూసలవాడ ఉన్నత పాఠశాలలో 6వ తరగతి చదువుతున్నాడు. తన సమీప బంధువుల శుభ కార్యక్రమంలో భాగంగా కల్యాణ మండపం వద్దకు వెళ్లిన బాలుడు ఎదురుగా ఉన్న దుకాణం వద్దకు వెళ్లి రోడ్డు దాటుతుండగా బద్వేలు నుంచి నెల్లూరు వైపు వెళుతున్న ట్యాంకర్‌ ఢీకొంది. ఈ ఘటనలో బషీర్‌ కుడికాలితొడపై నుంచి ట్యాంకర్‌ చక్రాలు వెళ్లడంతో కాలు నుజ్జునుజ్జు అయింది. వెంటనే బంధువులు 108 సహాయంతో ప్రభుత్వాసుపత్రికి తీసుకువచ్చి ప్రాథమిక చికిత్స చేయించిన అనంతరం కడప రిమ్స్‌కు తీసుకెళుతుండగా మార్గమధ్యంలో మృతి చెందడంతో తిరిగి వెనక్కి తీసుకువచ్చారు. ఈ ఘటనపై పోలీసులు కేసు నమోదు చేశారు.