కొంతకాలంగా తన స్థాయికి తగ్గ హిట్స్ సాధించటంలో ఫెయిల్ అవుతున్న యంగ్ హీరో అల్లరి నరేష్‌, తన నెక్ట్స్ సినిమాను ప్రారంభించాడు. ఇటీవల సక్సెస్‌ కోసం చేసిన ప్రయోగాలన్ని ఫెయిల్ అవ్వటంతో కొత్త సినిమాను తనకు బాగా కలిసొచ్చిన కామెడీ జానర్‌లోనే చేసేందుకు నిర్ణయించుకున్నాడు. తనకు సుడిగాడు లాంటి సూపర్‌ హిట్ అందించిన భీమినేని శ్రీనివాస్‌ దర్శకత్వంలో నరేష్ కొత్త సినిమా తెరకెక్కుతోంది. ఇప్పటికే ప్రీ ప్రొడక్షన్‌ కార్యక్రమాలు పూర్తి చేసుకున్న ఈ సినిమా ఈ రోజు(శనివారం) లాంచనంగా ప్రారంభమైంది. ఈ సినిమాలో మరో కామెడీ హీరో సునీల్ కీలక పాత్రలో నటించనున్నాడన్న టాక్ వినిపిస్తోంది. శ్రీ వసంత్ సంగీతమందిస్తున్న ఈ సినిమాకు సంబంధించి పూర్తి వివరాలు త్వరలోనే వెల్లడించనున్నారు.


 ఒకప్పుడు మినిమమ్ గ్యారెంటీ హీరోగా పేరు తెచ్చుకున్న అల్లరి నరేష్, చాలా రోజులుగా మంచి సక్సెస్ కోసం ఎదురుచూస్తున్నాడు. ఇటీవల నరేష్ హీరోగా తెరకెక్కిన సినిమాలన్ని బాక్సీఫీస్ ముందు బోల్తా కొడుతుండటంతో రాబోయే సినిమాల విషయంలో జాగ్రత్తలు తీసుకుంటున్నాడు. ప్రస్తుతం ఇంట్లో దెయ్యం నాకేం భయ్యం సినిమా షూటింగ్లో పాల్గొంటున్న నరేష్, అనీష్ కృష్ణ దర్శకత్వంలో మరో సినిమాకు రెడీ అవుతున్నాడు.
 
 ఈ రెండు సినిమాల తరువాత తన కెరీర్ లోనే బిగెస్ట్ హిట్గా నిలిచిన సుడిగాడు సినిమాకు సీక్వల్ను తెరకెక్కించే ఆలోచనలో ఉన్నాడు నరేష్. ఇప్పటికే దర్శకుడు భీమినేని శ్రీనివాస్ ఈ మేరకు అధికారిక ప్రకటన కూడా చేశాడు. తమిళ సినిమా తమిళ పడంకు రీమేక్గా రూపొందిన సుడిగాడు నరేష్ కెరీర్లోనే అత్యథిక వసూళ్లు సాధించి రికార్డ్ సృష్టించింది. ఆ సినిమా తరువాత నరేష్ నుంచి ఒక్క సూపర్ హిట్ కూడా రాలేదు. దీంతో మరోసారి అదే ఫార్ములాతో ఆడియన్స్ను ఆకట్టుకునే ప్లాన్లో ఉన్నాడు అల్లరోడు.


 ఏ స్టార్ వారసుడూ పరిచయం కానంత స్థాయిలో గ్రాండ్గా లాంచ్ అయిన యంగ్ హీరో బెల్లంకొండ శ్రీనివాస్. పలు సక్సెస్ఫుల్ చిత్రాలను నిర్మించిన బెల్లంకొండ సురేష్ తనయుడిగా ఇండస్ట్రీకి పరిచయం అయిన శ్రీనివాస్, తొలి సినిమా అల్లుడు శీనుతో మంచి గుర్తింపు తెచ్చుకున్నా, సక్సెస్ మాత్రం సాధించలేకపోయాడు. దీంతో కాస్త గ్యాప్ తీసుకొని ఈ సారి మినిమమ్ గ్యారెంటీ సినిమాతో ఆడియన్స్ ముందుకు రావాలని ప్లాన్ చేసుకుంటున్నాడు.
 
 ప్రస్తుతం ఈ యంగ్ హీరో భీమినేని శ్రీనివాస్ దర్శకత్వంలో, ఓ కామెడీ ఎంటర్టైనర్లో నటిస్తున్నాడు. తమిళంలో ఘనవిజయం సాధించిన సుందరపాండియన్ సినిమాకు రీమేక్గా ఈ సినిమా చేస్తున్నారు. తొలి సినిమాతోనే మాస్ ఇమేజ్ కోసం ప్రయత్నించిన శ్రీనివాస్... ఆ తరువాత మాత్రం లవర్ బాయ్ ఇమేజ్ కోసం ప్రయత్నిస్తున్నాడు.
 
 ప్రస్తుతం కామెడీ ఎంటర్టైనర్లో నటిస్తున్న బెల్లంకొండ శ్రీనివాస్ మూడో సినిమాగా లవ్ స్టోరీని ఎంచుకున్నాడు. గుండెజారి గల్లంతయ్యిందే, ఒక లైలా కోసం లాంటి క్యూట్ లవ్ స్టోరీస్ను డైరెక్ట్ చేసిన విజయకుమార్ కొండా దర్శకత్వంలో ఓ సినిమా చేయబోతున్నాడు. ఈ సినిమాలో శ్రీనివాస్ సరసన స్వాతి హీరోయిన్గా నటించే ఛాన్స్ కనిపిస్తోంది.