ఆర్థికమంత్రి ఈటల రాజేందర్‌
 మోత్కూరు: ఇటీవల శాసన సభలో ప్రవేశపె ట్టిన బడ్జెట్‌ సామాన్య వర్గాలకు అనుకూల మైందని, వారికి అర్థమయ్యే రీతిలో ఉందని ఆర్థికమంత్రి ఈటల రాజేందర్‌ అన్నారు. యాదాద్రి భువనగిరి జిల్లా మోత్కూరులో ఆదివారం టీఆర్‌ఎస్‌ సభ్యత్వ నమోదు కార్యక్రమంలో ఆయన పాల్గొ న్నారు. తుంగతుర్తి ఎమ్మెల్యే గాదరి కిశోర్‌కుమార్‌కు పార్టీ క్రియాశీలక సభ్యత్వం అందజేశారు. గత ప్రభుత్వాల బడ్జెట్‌లను ప్రజలు పట్టించుకోలేదని ఈటల అన్నారు.
 
  తెలంగాణ ప్రవేశపెట్టిన బడ్జెట్‌ను ప్రజలు నిశితంగా పరిశీలిస్తున్నారని, ఏయే వర్గాలకు, ఏయే వృత్తులకు ఎన్నికోట్లు కేటాయించారని ఆసక్తిగా చూస్తున్నారన్నా రు. తమ ప్రభుత్వం ఇప్పటి వరకు 350 జీఓలు తెచ్చి అనేక సమస్యలను పరిష్కరించిందని మంత్రి పేర్కొన్నారు. 36 లక్షల మందికి ఆసరా పింఛన్లు ఇస్తుందని, ఇందుకు రూ. 5వేల కోట్లు కేటాయించినట్లు తెలిపారు. అలాగే వివిధ కులవృత్తులకు రూ.10 వేల కోట్లు కేటాయించడంతో ఆయా వర్గాలు సంబరాలు జరుపుకుంటున్నాయని చెప్పారు. ఈ కార్యక్రమంలో గిడ్డం గుల సంస్థ చైర్మన్‌ మందుల సామేల్‌ ఉన్నారు.


 తండ్రి, కుమార్తెకు గాయాలు
 చౌటుప్పల్‌: యాదాద్రి భువనగిరి జిల్లా చౌటుప్పల్‌లో గురువారం రాత్రి దివాకర్‌ ట్రావెల్స్‌కు చెందిన బస్సు ద్విచక్ర వాహ నాన్ని ఢీకొట్టడంతో ఇద్దరికి గాయాలయ్యా యి. యాదాద్రి భువనగిరి జిల్లా వలిగొండ మండలం వర్కట్‌పల్లికి చెందిన కందుకూరి నర్సింహ ద్విచక్ర వాహనంపై అతని ఇద్దరు పిల్లలతో కలసి జాతీయ రహదారి మీదుగా చిన్నకొండూరు క్రాస్‌రోడ్డు దాటే ప్రయత్నంలో ఉన్నాడు. ఇదే సమయంలో హైదరా బాద్‌ నుంచి విశాఖపట్నం వెళ్తున్న దివాకర్‌ ట్రావెల్స్‌ బస్సు బైకును వెనుక నుంచి ఢీకొట్టింది.
 
  ఇది ఏమాత్రం గమనించకుండానే డ్రైవర్‌ సాంబయ్య బస్సును అదే వేగంతో ముందుకు తీసుకెళ్లాడు. ఆ సమయంలో అక్కడ ఉన్న స్థానికులు కిందపడి పోయిన ముగ్గురిని పైకి లేపి వెంటనే పక్కనే ఉన్న ఆస్పత్రికి తరలించారు. మరికొంత మంది వేగంగా దూసుకుపోతున్న బస్సును వెంబడించారు. అర కిలోమీటర్‌ దూరం వెళ్లాక బస్సు దొరికింది. డ్రైవర్‌ను కిందకు దింపి దాడి చేశారు. తీసుకెళ్లి పోలీసుస్టేషన్‌లో అప్పగించారు. ఈ ప్రమాదంలో నర్సింహ అరికాలు మణికట్టులో ఎముక విరిగింది. అతడి కుమార్తె పల్లవికి ఎడమ చేయికి తీవ్ర గాయమైంది.