గద్వాల : ధరుర్ మండలం పార్ చర్ల స్టేజీ వద్ద ఘోర ప్రమాదం చోటుచేసుకుంది. బొలెరో వాహనం బోల్తాపడి ఐదుగురు కూలీలు మృతి చెందారు. ఈ ఘటనలో మరో 25 మందికి గాయాలయ్యాయి. క్షతగాత్రులను ఆసుపత్రికి తరలించి చికిత్స అందిస్తున్నారు. జిన్నింగ్ మిల్లు కూలీలు స్వగ్రామాలకు వెళ్తుండగా ఈ ప్రమాదం చోటు చేసుకుంది. డ్రైవర్ నిద్రమత్తు వల్లే ప్రమాదం జరిగినట్లు స్థానికులు చెబుతున్నారు.


 నెల్లూరు(దక్కిలి): దక్కిలి మండలం వెలికల్లు వద్ద బుధవారం ఉదయం 2 గంటలకు బోలెరో వాహనం అదుపుతప్పి బోల్తా పడింది. ఈ ప్రమాదంలో దాసరి వెంకటేశ్వర్లు(35) అనే వ్యక్తి అక్కడిక్కడే మరణించాడు. పలువురికి స్వల్ప గాయాలయ్యాయి. వెంకటేశ్వర్లు ప్రమాద సమయంలో బోలెరో వాహనాన్ని నడుపుతున్నాడు. కుటుంబసభ్యులతో కలిసి చెంచలకోనలో ఉన్న లక్ష్మీనరసింహస్వామిని దర్శించుకోవడానికి బయలుదేరగా ఈ ప్రమాదం చోటుచేసుకుంది.
 వెంకటేశ్వర్లు స్వగ్రామం పెల్లకూరు మండలం పెంబేరు. పోలీసులు సంఘటనాస్థలికి చేరుకుని మృతదేహాన్ని ప్రభుత్వాసుపత్రికి తరలించారు. కేసు నమోదు చేసుకుని దర్యాప్తు చేస్తున్నారు.