సాక్షి, వేలూరు(తమిళనాడు): లైంగికంగా వేధించిన మరిదిని వదిన హత్యచేసిన సంఘటన తిరువణ్ణామలై జిల్లా సెంగం సమీపంలోని పరమనందాల్‌ గ్రామంలో జరిగింది. గ్రామానికి చెందిన రాజ(48), సెల్వం అన్నదమ్ములు. వీరు ఒకే ఇంట్లో ఉంటున్నారు. మద్యానికి బానిస అయిన రాజ తరచూ భార్యతో గొడవ పడేవాడు. ఆమె పుట్టింటికి వెళ్లింది. రాజ అన్న సెల్వం బుధవారం ఉదయం లారీ డ్రైవర్‌ పనికి వెళ్లాడు. పరాశక్తి రాత్రి ఇంటిలో నిద్రించింది. రాత్రి మద్యం మత్తులో ఉన్న రాజ వదిన పరాశక్తిని లైంగికంగా వేధించాడు. దీంతో ఆగ్రహించిన పరాశక్తి ఇంటిలో ఉన్న కత్తితో రాజ తలపై నరికింది. రాజ అక్కడిక్కడే మృతి చెందాడు. సెంగం పోలీసులు అక్కడికి చేరుకుని పరాశక్తిని అరెస్ట్‌ చేశారు.    చదవండి: బైక్‌ ఆపాడని ట్రాఫిక్‌ కానిస్టేబుల్‌పై పిడిగుద్దులు


 రాయదుర్గం రూరల్ : ఇద్దరూ కులాలు వేరైనా ప్రేమించి, పెళ్లి చేసుకున్నారు. వారికి తీపిగుర్తుగా ఒక కూతురు కూడా జన్మించింది. మండలంలోని చదం గొల్లలదొడ్డి గ్రామానికి చెందిన బోయ మారెక్క, షమీ మూడేళ్లుగా ప్రేమించుకుని వివాహ​ చేసుకుని, బతుకుదెరువు కోసం బెంగళూరుకు వలస వెళ్లారు. వారిద్దరికి ఒక కూతురు జన్మించింది.
 
 రిజిష్టర్‌ పెళ్లి చేసుకోవాలని ఇరువురు నిశ్చయించుకుని   ఇద్దరు స్వగ్రామానికి వచ్చారు. పట్టణంలో రిజిష్టర్‌ కార్యాలయానికి వెళుతుండగా షమీ సోదరుడు జోక్యం చేసుకుని మా అన్న బతుకును నాశనం చేశావని నన్ను చెప్పుతో కొట్టాడని మారెక్క బుధవారం పోలీసులకు ఫిర్యాదు చేసింది. ఈఘటనపై పోలీసులు విచారణ చేపట్టారు.


 కేకే.నగర్‌(చెన్నై): తమ్ముడి భార్యను తనతో పంపాలని, లేకపోతే సెల్‌ఫోన్‌ టవర్‌పై నుంచి దూకి ఆత్మహత్య చేసుకుంటానని బెదిరింపులకు పాల్పడ్డాడు ఓ వ్యక్తి. ఈ సంఘటన కారైకుడిలో సంచలనం కలిగించింది. శివగంగై జిల్లా కారైకుడికి చెందిన కరుప్పయ్య. ఇతనికి జయచంద్రన్, మురుగన్‌ అనే కుమారులు ఉన్నారు. ఇద్దరూ ప్రేమ వివాహం చేసుకున్నారు.
 
 మురుగన్‌కు మద్యం తాగే అలవాటు ఉండడంతో అతనిపై కోపంతో భార్య ముంతాజ్‌బేగం అతడిని వదలి వెళ్లిపోయింది. దీంతో విరక్తి చెందిన మురుగన్‌ పీకల దాకా మద్యం తాగి అదే ఊరులో ఉన్నసెల్‌ఫోన్‌ టవర్‌ ఎక్కాడు. సమాచారాన్ని పోలీసులకు, అగ్నిమాపక దళానికి అందించడంతో వారు అతడిని కిందకు దిగాలని సూచించారు. తన తమ్ముడు జయచంద్రన్‌ భార్యను తనతో పంపించాలని లేకపోతే పైనుంచి దూకి ఆత్మహత్య చేసుకుంటానని బెదిరించాడు. పోలీసులు అతడిని నచ్చచెప్పి కిందకు దింపారు. కిందకు దిగిన మురుగన్‌ పారిపోవడానికి గోడ దూకడంతో గాయపడ్డాడు. అతడిని పోలీసులు స్టేషన్‌కు తీసుకెళ్లారు.


 మదనపల్లి (చిత్తూరు జిల్లా) : ఆస్తి తగాదాల కారణంగా తమ్ముడి భార్యపై అన్న దాడి చేసి తీవ్రంగా గాయపర్చడంతో అతనిపై నిర్భయ కేసు నమోదైంది. ఈ సంఘటన చిత్తూరు జిల్లా మదనపల్లి తాలుకా పోలీస్‌స్టేషన్ పరిధిలో ఆదివారం జరిగింది. వివరాల ప్రకారం.. ఆస్తి తగాదాలతో మదనపల్లికి చెందిన నాగప్ప..  తమ్ముడు శ్రీనివాసులు భార్య ప్రమీలమ్మపై శనివారం రాత్రి దాడి చేశాడు.
 
 ఈ దాడిలో ఆమె తీవ్రంగా గాయపడటంతో ఆస్పత్రికి తరలించారు. కాగా ఈ విషయమై ఆదివారం మదనపల్లి పోలీసులకు శ్రీనివాసులు ఫిర్యాదు చేశాడు. దీంతో శ్రీనివాసులు ఫిర్యాదు మేరకు నాగప్పపై నిర్భయ కేసు నమోదు చేసి దర్యాప్తు చేస్తున్నారు.