కామేపల్లి : భూవివాదాలు.. ఓ నిండు ప్రాణాన్ని బలిగొన్నాయి. ఓ వ్యక్తిని, అతడి సమీప బంధువే హత్య చేశాడు. కామేపల్లి సీఐ యు.సాంబరాజు తెలిపిన వివరాలు...  జాస్తిపల్లి గ్రామస్తుడు చల్లా వెంకన్న(50) దం పతులు ఆదివారం రాత్రి తన ఇంటి ఆరుబయట పడుకున్నడు. తెల్లవారుజామున, వెంకన్నపై సమీప బంధువులు కోట కత్తితో దాడికి దిగారు. వెంకన్న భార్య గమనించి గట్టిగా కేకలు వేయడంతో వారు పరారయ్యారు. తీవ్రంగా గాయపడిన వెంకన్న, ఆస్పత్రికి తరలిస్తుండగా మృతిచెందాడు. ఈ దంపతులకు కుమారుడు, కుమార్తె ఉన్నారు. భూతగాదాల కారణంగానే తన భర్తను సమీప బంధువులు చంపారని వెంకన్న భార్య వెంటకమ్మ ఇచ్చిన ఫిర్యాదుతో పోలీసులు కేసు నమోదు చేశారు. మృతదేహాన్ని పోస్టుమార్టం కోసం ఖమ్మం ప్రభుత్వవైద్యశాలకు తరలించారు. కేసును సీఐ సాంబరాజు దర్యాప్తు చేస్తున్నారు.  కఠినంగా శిక్షిస్తాం  వెంకన్న హంతకులను కఠినంగా శిక్షిస్తామని ఖమ్మంరూరల్‌ ఏసీపీ నరేష్‌రెడ్డి చెప్పారు. జాస్తిపల్లి గ్రామాన్ని సందర్శించారు. వెంకన్న భార్య వెంకటమ్మ నుంచి హత్య కారణాలను తెలుసుకున్నారు. ఆధారాలు సేకరించారు.  


 మెదక్ జిల్లాలో రైతు దారుణ హత్య
 
  టేక్మాల్/పాపన్నపేట: మెదక్ జిల్లా టేక్మాల్ మండలం బోడగట్టులో బుధవారం పంట చేనుకు కాపలా వెళ్లిన రైతు దారుణ హత్యకు గురయ్యాడు. బోడగట్టుకు చెందిన తోట శంకరయ్య(50) తన పొలంలో మొక్కజొన్న పంట వేశాడు. పందుల బారి నుంచి పంటను కాపాడుకునేందుకు రోజూ రాత్రివేళల్లో చేను వద్ద వెళ్లి నిద్రిస్తున్నాడు. ఈ క్రమంలో మంగళవారంరాత్రి పొలానికి వెళ్లి మంచెపై పడుకున్న శంకరయ్యపై దుండగులు దాడి చేసి కర్రలతో కొట్టి చంపారు.
 
 మృతదేహంపై వరిగడ్డి వేసి తగలబెట్టారు.  అతని కుమారుడు సాయిలు ఉదయం చేనుకు వెళ్లి చూడగా శవమై కనిపించాడు. సమాచారం అందుకున్న  మెదక్ రూరల్ సీఐ రామకృష్ణ సంఘటనాస్థలానికి చేరుకొని వివరాలు సేకరించారు. మృతదేహం వద్ద నుంచి పోలీసు జాగిలాలు మంచె , గడ్డివాము, గ్రామంలోని మృతుడి ఇంటి వద్ద నిలబడడంతో పలు అనుమానాలకు తావిస్తోంది.