గుంతకల్లు (అనంతపురం): అనంతపురం జిల్లా గుంతకల్లు మండలం నక్కలదొడ్డి గ్రామంలో శుక్రవారం రాత్రి పిడుగుపాటుకు రూ.లక్ష విలువైన వరి గడ్డి వాములు కాలిపోయాయి. గ్రామానికి చెందిన రైతు సోదరులు శ్రీనివాసులు, మస్తానప్పలకు చెందిన నాలుగు గడ్డి వాములు పక్కపక్కనే ఉన్నాయి. రాత్రి 9 గంటల ప్రాంతంలో ఉరుములు, మెరుపులతో కూడిన వాన ప్రారంభమైంది. ఈ సందర్భంగా వరిగడ్డి వాముపై పిడుగుపడి, మంటలు అంటుకుని నాలుగు వాములు కాలిపోయాయి. రూ. లక్ష మేర నష్టం వాటిల్లిందని బాధితులు తెలిపారు.