చినుకు చినుకు కలిస్తే ప్రవాహం అయినట్టు చేయీ చేయీ కలిపితే విజయం చేరువ అవుతుందని అంటున్నారు కొందరు మహిళా గ్రూప్‌ సభ్యులు. ఇంటి వద్ద చిన్న చిన్న వ్యాపారాలు చేసే యాభై మంది మహిళలు వాట్సప్‌ ద్వారా ఒక జట్టుగా కలిశారు. ఒకరి కష్టనష్టాలను మరొకరితో పంచుకున్నారు... వ్యాపార మెళకువలను కలబోసుకున్నారు. నాలుగేళ్లుగా తమ నైపుణ్యాలను, సృజనాత్మకతను పంచుకుంటూనే వ్యాపారాలలో విజయాలు సాధిస్తున్నారు. రేపు ఆదివారం వీరంతా కలిసి సికింద్రాబాద్‌లోని ఎక్స్‌ పోచాణక్యలో తమ స్టాల్స్‌ ఏర్పాటు చేస్తున్నారు. ఈ సందర్భంగా వారు పంచుకున్న విషయాలు..హస్తకళలు, క్లీనింగ్‌ అండ్‌ హైజీన్‌ ప్రొడక్ట్స్, ఫొటోగ్రఫీ, హెల్త్‌కేర్‌ సర్వీసెస్, ఈవెంట్‌ ΄్లానర్స్, స్నాక్స్‌ మేకర్స్, గిఫ్ట్‌ డీలర్స్, ఆర్కిటెక్ట్స్, ఇంటీరియర్‌ డిజైనర్లు.. ఇలా వివిధ వ్యాపారాలు నిర్వహిస్తున్న యాభైమంది మహిళలు ఒకచోట చేరి జట్టుగా విజయాలు సాధిస్తున్నారు. తమతోటి వారికి స్ఫూర్తిగా నిలుస్తున్నారు.ఒక ఫ్రెండ్‌ ద్వారా తెలిసి, రెండేళ్ల క్రితం ఈ గ్రూప్‌లో జాయిన్‌ అయ్యాను. రోజూ ఉదయం మేమంతా రెండు గంటలసేపు ఆన్‌లైన్‌ నెట్‌వర్క్‌ ద్వారా కలుసుకుంటాం. ఎవరికైనా ఏదైనా సమాచారం అవసరం ఉంటే.. ఆ విషయాలను పంచుకుంటాం. వెబ్‌ డిజైనింగ్, డిజిటల్‌ మార్కెటింగ్‌ చేసే స్టార్టప్‌ని రన్‌ చేస్తున్నాను. మా గ్రూప్‌లో ఎవరికైనా నా వర్క్‌ అవసరం ఉంటే వాళ్లు షేర్‌ చేస్తారు. నా వర్క్‌కి సంబంధించి ఏదైనా అవసరం ఉంటే, మా గ్రూప్‌ ఫ్రెండ్స్‌ నుంచి తీసుకుంటాను. ఏడాదికి ఒకసారి పెట్టే స్టాల్‌ ద్వారా నాకు ఏదైతే అవసరం ఉంటుందో దాని గురించి నా డెస్క్‌ వద్ద రాస్తాను. ఎవరికైనా ఆ స్కిల్‌ ఉంటే, వర్క్‌లో జాయిన్‌ కావచ్చు. వారి వద్ద ఏదైనా ఎక్విప్‌మెంట్‌ ఉంటే మాకు అందజేయవచ్చు. ఇంట్లో ఉండి చిన్న చిన్న బిజినెస్‌లు చేసుకునే గృహిణులు, బయటకు రావాలంటే ఇబ్బందిగా ఫీలయ్యేవారు.. ఈ వేదిక ద్వారా ప్రయోజనాలు ΄÷ందాలనుకున్నాం. శిక్షణాతరగతులు కూడా నిర్వహిస్తుంటాం. మహిళల వ్యాపార వృద్ధికి జట్టుగా చేసే కృషి ఎంతగానో ఉపయోగపడుతుంది. – లక్ష్మీ మోపిదేవి, ముగ్దా క్రియేటివ్స్, హైదరాబాద్‌వ్యాపార విస్తరణకు సరైన మార్గంవైష్ణో ఎంటర్‌ప్రైజెస్‌ పేరుతో హెల్తీ స్నాక్స్‌ తయారు చేస్తుంటాను. మిల్లెట్స్‌తో చేసే ఈ స్నాక్స్‌ని ఆర్డర్‌ మీద సప్లయ్‌ చేస్తుంటాను. నా వర్క్స్‌ గురించి ఈ గ్రూప్‌లోని స్నేహితులు స్టేటస్‌ పెడుతుంటారు. నేనూ వారి వర్క్స్‌ని స్టేటస్‌గా పెడుతుంటాను. దీని ద్వారా మా బంధుమిత్రులకు కూడా వారి వర్క్స్‌ చేరువవుతుంటాయి. మూడేళ్ల క్రితం ఈ విమెన్‌ గ్రూప్‌లో చేరాను. గ్రూప్‌ సభ్యులుగా వర్క్‌షాప్స్‌లో కలుస్తుంటాం. ఒకరికి ఒకరం సాయంగా ఉంటాం. మహిళలు ఒకరిగా కన్నా ఇలా సమష్టి్టగా కలిస్తే విజయాలు సులువుగా సాధించగలరు. – శైలబాల, వైష్ణో ఎంటర్‌ప్రైజెస్, హైదరాబాద్‌సృజనాత్మక పనికి చేయూతనేను బడ్జెట్‌ ఫ్రెండ్లీ కస్టమైజ్డ్‌ గిఫ్ట్స్‌ తయారు చేస్తాను. ఏఐ టెక్నాలజీని ఉపయోగించి చేసే నా గిఫ్ట్‌ ఐడియాస్‌లో ఫొటో ఫ్రేమ్స్, స్క్రాప్‌ బుక్స్, ఫొటో ఆల్బమ్స్, వెడ్డింగ్‌ ఈవెంట్‌కి కావల్సిన గిఫ్ట్‌ ఐటమ్స్‌ ఉంటాయి. రెండేళ్ల క్రితం ఈ మహిళా గ్రూప్‌లో స్నేహితుల ద్వారా జాయిన్‌ అయ్యాను. నా వర్క్‌ని నా గ్రూప్‌లో ఉన్నవారే ప్రమోట్‌ చేస్తుంటారు. నేనూ ఈ గ్రూప్‌లోని కొంతమంది సభ్యులతో కొలాబరేట్‌ అయ్యి నా బిజినెస్‌ను పెంచుకుంటున్నాను. ప్రతి యేటా జరిగే ఈ ఎక్స్‌΄ోలో నా స్టాల్‌ ఉంటుంది. దీని ద్వారా నా వర్క్‌ మరింతమందికి రీచ్‌ అవుతున్నందుకు ఆనందంగా ఉంది. – నాగవాణి, హైదరాబాద్‌కాంటాక్ట్స్‌ పెరిగాయిఆర్టిఫిషియల్‌ ఫ్లవర్స్, వేణీ, రిటర్న్‌ గిఫ్ట్స్‌.. వంటివి తయారు చేస్తుంటాను. తెలిసిన వారి ద్వారా ఈ మహిళా గ్రూప్‌లో చేరాను. దీంతో నాకు కాంటాక్ట్స్‌ పెరిగాయి. మిగతావారితో కలిసి నా బిజినెస్‌ను ఎలా డెవలప్‌ చేసుకోవచ్చో తెలిసింది. లీడర్‌షిప్‌ క్వాలిటీస్‌ నేర్చుకున్నాను. వర్క్‌షాప్స్‌ కూడా నిర్వహించుకుంటాం. లోన్‌ మేళా, హెల్త్‌క్యాంప్స్‌ ఏర్పాటు చేస్తుంటాం. – దుర్గ గరిమెళ్ళ,విపంచిక ట్రెండ్స్, హైదరాబాద్‌ – నిర్మలారెడ్డి, సాక్షి ఫీచర్స్‌ ప్రతినిధి

మహీంద్రా గ్రూపు చైర్మన్‌ ఆనంద్‌ మహీంద్రా ట్విట్టర్ వేదికగా వ్యాపారంలో రాణించాలనుకునే వారికి కీలకమైన సలహా ఇచ్చారు. ఓ ట్విట్టర్‌ యూజర్‌ ట్వీట్‌ చేసిన వీడియోను రీట్వీట్‌ చేస్తూ ఓ వ్యాపార నైపుణ్యాన్ని ఆయన వివరించారు.  ఆనంద్‌ మహీంద్రా రీట్వీట్‌ చేసిన వీడియోలో.. ఓ కుక్క తన ముందు ఉన్న తలుపుకి అద్దం లేకపోయినప్పటికీ .. అక్కడ తాను ముందుకు వెళ్లేందుకు ఏదో అడ్డం ఉందనే భ్రమలో అక్కడే తచ్చాడుతూ ఉంటుంది. కొద్ది సేపటి తర్వాత ఆ కుక్క పక్కన ఉన్న మనిషి తలుపు తీయగానే ఆ కుక్క ముందుకు వెళ్తుంది. అప్పటి వరకు అడ్డేమీ లేకపోయినా... పాత అలవాటు ప్రకారం అక్కడ అద్దం ఉందనే భావనలోనే ఆ కుక్క అక్కడే ఉండిపోతుంది.   ఈ వీడియోపై ఆనంద్‌ మహీంద్రా స్పందిస్తూ..  ‘మన అలవాట్లు చివరకు మనకు ఎలా వ్యసనంగా మారుతుందో వివరించడానికి ఇంతకు మించిన ఉదాహారణ లేదు. ఈ రోజుల్లో వ్యాపారంలో అతి ముఖ్యమైన నైపుణ్యం ఏంటంటే.. అలవాటైన మూస పద్దతిని బద్దలుకొట్టి స్వేచ్ఛగా ఆలోచించడం అంటూ అద్భుతమైన సలహా ఇచ్చారు.     చదవండి:Anand Mahindra: తాలిబన్ల ఇలాకాలో ఆ ఛాన్స్‌ వస్తేనా..


 ఇండోఅమెరికన్ కార్పొరేట్ దిగ్గజాలకు ప్రధాని నరేంద్ర మోదీ పిలుపు
 న్యూయార్క్: భారత్‌లోని ఔత్సాహికులకు వ్యాపార మెలకువలు, ఎంట్రప్రెన్యూర్‌షిప్‌లను నేర్పించాలని ఇండియన్-అమెరికన్ కార్పొరేట్ సారథులను ప్రధాని నరేంద్ర మోదీ కోరారు. వారిని భారత్‌కు రావాలని ఆహ్వానించారు. అమెరికా పర్యటనలో ఉన్న మోదీతో ఆదివారం సుమారు 10 మంది టాప్ ఇండో అమెరికన్ సీఈఓల బృందం సమావేశమైంది. స్థిరమైన వ్యాపార వాతావరణం, మానవ వనులపై పెట్టుబడులు వంటి కొన్ని కీలక అంశాలను ఈ సందర్భంగా సీఈఓలు మోదీ దృష్టికి తీసుకొచ్చారు. మానవ వనరుల అభివృద్ధి, పరిశోధన కార్యకలాపాల్లో తమ సహకారం విషయాన్ని గంటకుపైగా జరిగిన ఈ భేటీలో చర్చించారు.
 
 మోదీని కలిసిన వారిలో సింఫనీ టెక్నాలజీ గ్రూప్ చైర్మన్ సీఈఓ రోమేష్ వాధ్వానీ, కాగ్నిజెంట్ సీఈఓ ఫ్రాన్సిస్కో డిసౌజా, అడోబ్ సిస్టమ్స్ సీఈఓ, ప్రెసిడెంట్ శాంతను నారాయణ్, యూనివర్సిటీ ఆఫ్ హ్యూస్టన్ ప్రెసిడెంట్ రేణు ఖటార్, హార్వర్డ్ బిజినెస్ స్కూల్ డీన్ నితిన్ నోహ్రియా, హార్మన్ ఇంటర్నేషనల్ ఇన్‌కార్పొరేటెడ్ సీఈఓ దినేష్ పాలివాల్, మైక్రోసాఫ్ట్ డెవలపర్ విభాగం కార్పొరేట్ వైస్ ప్రెసిడెంట్ ఎస్ సోమశేగర్, కార్నెగీ మెలన్ యూనివర్సిటీ ప్రెసిడెంట్ సుబ్రా సురేశ్ తదితరులు ఉన్నారు.
 
 భారత్‌లో వృద్ధి అవకాశాల గురించి వీరంతా చాలా సానకూల దృక్పథాన్ని వ్యక్తం చేశారని.. తమ సూచనలను కూడా తెలియజేసినట్లు సంబంధిత వర్గాలు వెల్లడించాయి. భారత్‌ను ప్రపంచ తయారీ కేంద్రంగా చేసే లక్ష్యంగా తాజాగా ప్రారంభించిన మేక్ ఇన్ ఇండియా కార్యక్రమాన్ని, ప్రజలు తమ వినూత్న ఆలోచనలు, సూచనలను నేరుగా ప్రభుత్వానికి తెలియజేసేందుకు ఉద్దేశించిన ‘మై గవర్నమెంట్ డిజిటల్ ప్లాట్‌ఫామ్’ ప్రాజెక్టుల గురించి సీఈఓలకు మోదీ వివరించినట్లు సమాచారం.
  
 ఇదిలాఉండగా.. భారత్‌కు పెట్టుబడులను ఆకర్షించడం కోసం సోమవారం ఉదయం అమెరికాలో టాప్ కార్పొరేట్ దిగ్గజాల అధిపతులతో మోదీ భేటీ కానున్నారు. 30న వాషింగ్టన్‌లో యూఎస్‌ఐబీసీ నిర్వహిస్తున్న సమావేశంలోనూ ప్రధాని పాల్గొననున్నారు. ఈ కార్యక్రమానికి 300-400 మంది వ్యాపారవేత్తలు హాజరుకానున్నారు.


 టాప్ స్టోరీ
  
 ఎనలిటికల్ స్కిల్స్ : అందుబాటులో ఉన్న డేటాను విశ్లేషించి, దాన్ని నిర్ణయాలు తీసుకునేందుకు వీలుగా క్లుప్తీకరించడానికి ఎనలిటికల్ టూల్స్ అవసరం. వీటికి సంబంధించిన స్కిల్స్ ఉండాలి.
 
 బిజినెస్ స్కిల్స్ : ఓ కంపెనీ కార్యకలాపాలు, లక్ష్యాలు, సమస్యలను అర్థం చేసుకునే నైపుణ్యం అవసరం. అప్పుడే సంబంధిత బిజినెస్ డెరైక్టర్లకు అవసరమైన సమాచారాన్ని అందుబాటులో ఉంచగలరు.
 
 క్రియేటివ్ స్కిల్స్: సృజనాత్మకంగా ఆలోచించడం ప్రధానం. విశ్లేషణ నివేదికలను బార్/లైన్ గ్రాఫ్స్; సర్క్యులర్ గ్రాఫ్స్ తదితర రూపాల్లో అందించాల్సి ఉంటుంది. అందువల్ల తప్పనిసరిగా గ్రాఫికల్ కమ్యూనికేషన్ స్కిల్స్‌ను పెంపొందించుకోవాలి.
  
 ఒక కంపెనీ/సంస్థ కొత్త ప్రణాళికలను రూపొందించు కునేందుకు డేటా ఎనలిటిక్స్ ఉపయోగపడుతుంది. కంపెనీ వ్యాపార అభివృద్ధికి ఉపయోగపడే నిర్ణయాలు తీసుకోవడంలో ఎనలిటిక్స్ నిపుణులు కీలక పాత్ర పోషిస్తారు. ఉదాహ రణకు ఒక కంపెనీ నగరంలో రిటైల్ ఔట్‌లెట్‌ను ఏర్పాటు చేయాలనుకుంటే వ్యాపారానికి అవకాశమున్న ప్రాంతం, అందుబాటులో ఉన్న వినియోగదారులు, వారి అభిరుచులు, ఆర్థిక పరిస్థితులు, ఏయే వస్తువులు ఉండాలని కోరుకుం టున్నారు? ఏయే వస్తువులకు డిమాండ్ ఉంది? రిటైల్ రంగంలో ఉన్న ఇతర పోటీదారుల పరిస్థితి ఎలా ఉంది? ఇలా వివిధ కోణాల్లో సమాచారాన్ని సేకరించి.. విశ్లేషించి.. సమగ్ర నివేదిక రూపొందించడమే డేటా ఎనలిటిక్స్.
  
 ఎనలిటిక్స్ కోర్సులను అందిస్తున్న సంస్థలు
  
 ఐఐటీ - హైదరాబాద్
 కోర్సులు: సర్టిఫికెట్ కోర్స్ ఇన్ అడ్వాన్స్‌డ్ బిజినెస్ ఎనలిటిక్స్, ఫౌండేషన్స్ ఆఫ్ ప్రిడెక్టివ్ ఎనలిటిక్స్
 వ్యవధి: ఐదు రోజులు
 వెబ్‌సైట్: www.iith.ac.in/analy/index.html
  
 ఐఎస్‌బీ- హైదరాబాద్
 
 హైదరాబాద్‌లోని ఇండియన్ స్కూల్ ఆఫ్ బిజినెస్.. సర్టిఫికెట్ ప్రోగ్రాం ఇన్ బిజినెస్ ఎనలిటిక్స్ (సీబీఏ)ను ఆఫర్ చేస్తోంది. ఇది ఏడాది వ్యవధి గల కోర్సు. క్లాస్‌రూం, టెక్నాలజీ ఆధారిత విధానాల ద్వారా బోధన ఉంటుంది.
 వెబ్‌సైట్: www.isb.edu
  
 ఐఐటీ - బాంబే
 
 కోర్సు: అడ్వాన్స్‌డ్ సర్టిఫికెట్ ప్రోగ్రామ్ ఇన్ బిజినెస్ ఎనలిటిక్స్; వెబ్‌సైట్: www.iitb.ac.in
  
  ఐఐఎం- బెంగళూరు
 
 ఎనలిటిక్స్‌లో ఏడాది వ్యవధి ఉన్న సర్టిఫికెట్ కోర్సును ఆఫర్ చేస్తోంది. బహుళజాతి సంస్థల్లో పనిచేస్తున్న ఉద్యోగుల కోసం ఈ కోర్సును ప్రవేశపెట్టింది. ఇంటర్‌డిసిప్లినరీ పరిశోధనల్లో డేటాను వినియోగించడం కోసం ప్రత్యేకంగా డేటా సెంటర్‌ను, ఎనలిటిక్స్ ల్యాబ్‌ను ఏర్పాటు చేసింది.
  వివరాలకు www.iimb.ernet.in
  
 ఐఐఎం- కోల్‌కతా
 
 ఎగ్జిక్యూటివ్ ప్రోగ్రాం ఇన్ బిజినెస్ ఎనలిటిక్స్ (ఉ్కఆఅ)ను ఆఫర్ చేస్తోంది. ఇది ఏడాది వ్యవధి గల ఎగ్జిక్యూటివ్ కోర్సు. 50 శాతం మార్కులతో బీఎస్సీ/బీటెక్ ఉత్తీర్ణతతోపాటు రెండేళ్ల పని అనుభవం. ఏదైనా కంపెనీలో పనిచేస్తుండాలి.
  వెబ్‌సైట్: www.iimcal.ac.in
  
 ఐఐఎం-లక్నో
 
 కెల్లీ స్కూల్ ఆఫ్ బిజినెస్, ఇండియానా యూనివర్సిటీ,
  యూఎస్‌ఏలతో సంయుక్తంగా ఐఐఎం-లక్నో సర్టిఫికెట్ ప్రోగ్రామ్ ఇన్ బిజినెస్ ఎనలిటిక్స్ ఫర్ ఎగ్జిక్యూటివ్స్‌ను ఆఫర్ చేస్తోంది. క్లాస్‌రూం, ఆన్‌లైన్ విధానాల్లో బోధన ఉంటుంది. వెబ్‌సైట్: www.iiml.ac.in
  
 ఐఐఎం- అహ్మదాబాద్
 
 మేనేజ్‌మెంట్ నిపుణుల కోసం అడ్వాన్స్‌డ్ ఎనలిటిక్స్‌లో ఎగ్జిక్యూటివ్ ప్రోగ్రామ్‌ను అందుబాటులోకి తీసుకొచ్చింది.  ప్రపంచవ్యాప్తంగా ఆన్‌లైన్‌లో కోర్సులను అందిస్తూ విశేష ఆదరణ పొందిన మాసివ్ ఓపెన్ ఆన్‌లైన్ కోర్సెస్ (మూక్).. తన ప్రొవైడర్స్ ఎడెక్స్ (www.edx.org), కోర్సెరా (www.coursera.org) ద్వారా ఎనలిటిక్స్‌లో ఎన్నో సర్టిఫికెట్ కోర్సులను ఆఫర్ చేస్తోంది. ఇవేకాకుండా ఐఐటీ - ఖరగ్‌పూర్, ఐఐటీ - రూర్కీ.. బిజినెస్ ఎనలిటిక్స్‌లో స్వల్పకాలం వ్యవధి ఉన్న కోర్సులను అందిస్తున్నాయి. ప్రైవేటు రంగంలో ఎన్‌ఐఐటీ లిమిటెడ్.. బిజినెస్ ఎనలిటిక్స్‌లో సర్టిఫికెట్ కోర్సును ఆఫర్ చేస్తోంది.
  
 ఎవరు అర్హులు?
 
 కొన్ని సంస్థలు కోర్సుల్లో ప్రవేశానికి ఇంజనీరింగ్/బిజినెస్ మేనేజ్ మెంట్/సైన్స్/కామర్స్/ మ్యాథమెటిక్స్/స్టాటిస్టిక్స్ తదితర అంశాల్లో బ్యాచిలర్‌‌స డిగ్రీని అర్హతలుగా పేర్కొంటున్నాయి. మరికొన్ని మాస్టర్స్ డిగ్రీలో ఉత్తీర్ణత సాధించాలని నిర్దేశిస్తున్నాయి. పని అనుభవాన్ని కూడా పరిగణనలోకి తీసుకుంటున్నారు. అయితే విశ్లేషణా సామర్థ్యం, అకడమిక్స్‌లో మంచి ప్రతిభ ఉంటే ఫ్రెషర్స్‌కు కూడా కోర్సులో ప్రవేశాలు కల్పిస్తున్నాయి.
  
  
 నగరంలో ఎన్నో ఉద్యోగాలు
 
 సిటీలో ఎన్నో బహుళజాతి సంస్థలు, స్వదేశీ సంస్థలు తమ కార్యకలాపాలను నిర్వహిస్తున్నాయి. ఐటీ సర్వీసెస్; ఎడ్యుకేషన్; మ్యానుఫ్యాక్చరింగ్; మార్కెటింగ్; ట్రావెల్ అండ్ టూరిజం; హెల్త్‌కేర్, బ్యాంకింగ్, బీమా, ఈ-కామర్స్ సంస్థల వరకు ఎన్నో నగరంలో కొలువుదీరాయి. ఇవి వ్యాపారాభివృద్ధికి బిజినెస్ ఎనలిటిక్స్ నిపుణులపైనే ఆధారపడ్డాయి. ఇందుకోసం భారీ స్థాయిలో జీతాలు ఇవ్వడానికీ సిద్ధంగా ఉన్నాయి. కాబట్టి నగరంలో బిజినెస్ ఎనలిస్టులకు అవకాశాలు కోకొల్లలు. ఔత్సాహికులు ఫ్రెషర్స్‌గా లేదా రెండు-మూడేళ్ల పని అనుభవంతో బిజినెస్ ఎనలిటిక్స్‌లో కెరీర్‌ను ప్రారంభించవచ్చు. అందుబాటులో ఉన్న ఉద్యోగాలు.. జూనియర్ బిజినెస్ ఎనలిటిక్స్ ఎగ్జిక్యూటివ్; సీనియర్ బిజినెస్ ఎనలిటిక్స్ ఎగ్జిక్యూటివ్; అసిస్టెంట్ మేనేజర్ (బిజినెస్ ఇంటెలిజెన్స్ అండ్ కస్టమర్ ఎనలిటిక్స్); డేటా మోడలర్(బిజినెస్ ఇంటెలిజెన్స్ అండ్ ఎనలిటిక్స్); బిజినెస్ కన్సల్టెంట్ (ఫైనాన్షియల్ ఎనలిటిక్స్); బిజినెస్ కన్సల్టెంట్ (బీపీవో/కేపీవో/ఐటీఈఎస్); ప్రాజెక్టు మేనేజర్ (ఎనలిటిక్స్); టీమ్ లీడర్.
  
  వేతనాలు
 
 ప్రతిభ ఉన్న ఎనలిటిక్స్ నిపుణులకు కార్పొరేట్ కంపెనీలు నెలకు రూ.80 వేల నుంచి రూ.లక్ష వరకు ఆఫర్ చేస్తున్నాయి.
  
 స్కిల్డ్ ఎనలిస్ట్‌లకు భారీ డిమాండ్
 
 ‘‘మార్కెటింగ్‌లో ఊహించని మార్పులను విశ్లేషించి చెప్పగలిగే నిపుణులే.. ఎనలిస్ట్‌లు. గతం, వర్తమాన, భవిష్యత్తు అంశాలను విశ్లేషించగలిగే నేర్పు, ఓర్పులే ఎనలిస్ట్ కావాలనుకునే వారికి ఉండాల్సిన ప్రాథమిక లక్షణాలు. ప్రస్తుతం జాబ్‌మార్కెట్‌లో స్కిల్డ్ ఎనలిస్ట్‌లకు విపరీతమైన డిమాండ్ ఉన్నప్పటికీ సరిపడినంత నిపుణులు లేరు.  ఈ రంగాన్ని కెరీర్‌గా ఎంచుకోవాలను కుంటే మ్యాథమెటిక్స్, అల్గారిథమ్, స్టాటిస్టిక్స్, గ్రాఫ్ థియరీ, అపరేషన్ రీసెర్చ్ వంటి అంశాల్లో పరిజ్ఙానం పెంచుకోవాలి. ఐఐటీ ముంబై, కాన్పూర్, చెన్నై, ట్రిపుల్ ఐటీ హైదరాబాద్, బెంగళూరు క్యాంపస్‌లలో డేటా ప్రోగ్రామ్స్ అందుబాటులో ఉన్నాయి. డేటా ఎనాలసిస్‌లో పూర్తిస్థాయి నైపుణ్యం సంపాదిస్తే అద్భుతమైన కెరీర్‌ను సొంతం చేసుకోవచ్చు’’
 
  - ప్రొఫెసర్ పి.కృష్ణారెడ్డి, ఐటీఆర్‌ఏ ప్రోగ్రాం డెరైక్టర్, ట్రిపుల్ ఐటీ, హైదరాబాద్