అహ్మదాబాద్‌: గుజరాత్‌ అసెంబ్లీ ఎన్నికలు ఈ ఏడాది ఆఖర్లో జరగనున్నాయి. ఈ తరుణంలో బీజేపీ నేతృత్వంలోని గుజరాత్‌ ప్రభుత్వంలో కీలక పరిణామం చోటు చేసుకుంది. ఆ రాష్ట్ర ముఖ్యమంత్రి భూపేంద్ర పటేల్‌ ఇద్దరు కీలక కేబినెట్‌ మంత్రులకు కేటాయించిన శాఖలను తగ్గించారు. ఇద్దరు రాష్ట్ర మంత్రుల శాఖలను తగ్గిస్తూ శనివారం రాత్రి ఉత్తర్వులు జారీ చేశారు. మంత్రి రాజేంద్ర త్రివేది పోర్టిఫోలియోల నుంచి కీలక శాఖ అయిన రెవెన్యూను, పూర్ణేశ్‌ మోదీ శాఖల్లోని కీలకమైన రోడ్డు, భవనాల శాఖను ముఖ్యమంత్రి తొలగించారు. కొద్ది నెలల్లోనే అసెంబ్లీ ఎన్నికలు జరగనున్న నేపథ్యంలో అకస్మాత్తుగా ఇలా మంత్రివర్గంలో మార్పులు చేయటం సర్వత్రా చర్చనీయాంశంగా మారింది.  రాజేంద్ర త్రివేది, పుర్ణేశ్‌ మోదీల నుంచి తొలగించిన రెండు శాఖలను ముఖ్యమంత్రి భూపేంద్ర పటేల్‌ పర్యవేక్షించనున్నారు. రాజేంద్ర త్రివేది వద్ద న్యాయ, విపత్తు నిర్వహణ, పార్లమెంటరీ వ్యవహారాల శాఖలు ఉన్నాయి. మరోవైపు.. పూర్ణేశ్‌ మోదీ వద్ద రవాణా, పౌర విమానయాన, పర్యటకం, దేవాదాయ అభివృద్ధి శాఖలు ఉన్నట్లు రాష్ట్ర ప్రభుత్వం తెలిపింది. భూపేంద్ర పటేల్‌ ప్రభుత్వంలోని 10 కేబినెట్‌ ర్యాంక్‌ మంత్రుల్లో త్రివేది, మోదీలు ఉన్నారు. అయితే, రోడ్లు, భవనాల విభాగం, రెవెన్యూ విభాగల పనితీరు సరిగా లేదని సీఎంకు ప్రభుత్వ వర్గాలు సూచించిన నేపథ్యంలోనే ఈ నిర్ణయం తీసుకున్నట్లు తెలుస్తోంది.  మరోవైపు.. హర్ష రమేశ్‌కుమార్‌ సంఘ్వీకి రెవెన్యూ శాఖ సహాయ మంత్రిగా, జగదీశ్‌ ఐశ్వర్‌ పంచల్‌కు రోడ్లు, భవనాల శాఖ సహాయ మంత్రిగా బాధ్యతలు అప్పగించారు సీఎం భూపేంద్ర పటేల్‌. గత ఏడాది సెప్టెంబర్‌లో విజయ్‌ రూపానీ స్థానంలో ముఖ్యమంత‍్రిగా బాధ్యతలు తీసుకున్నారు భూపేంద్ర పటేల్‌. ఇప్పుడు సరిగ్గా అసెంబ్లీ ఎన్నికలకు కొన్ని నెలల ముందు జరిగిన తాజా పరిణామం వెనుకున్న కారణం ఏంటన్నది మాత్రం తెలియరాలేదు. Gujarat | In state cabinet rejig before Assembly elections, Revenue ministry taken from Rajendra Trivedi while Road and Building Ministry take from Purnesh Modi, both the ministries will now be handled by CM Bhupendra Patel pic.twitter.com/2VavVSJQBI — ANI (@ANI) August 20, 2022 ఇదీ చదవండి: ‘ఈ జిమ్మిక్కులు ఏమిటి.. మోదీ జీ?’.. ట్రావెల్‌ బ్యాన్‌పై మనీశ్‌ సిసోడియా విమర్శలు


 మంత్రివర్గాన్ని యథాతథంగా ఉంచాలా.. కొందరిని తీసేసి మరికొందరికి అవకాశం ఇవ్వాలా.. పదోన్నతులు ఏమైనా అవసరమా అనే అంశాన్ని ప్రధానమంత్రి నరేంద్రమోదీ పరిశీలిస్తున్నారు. బీజేపీ నేతృత్వంలోని ఎన్డీయే ప్రభుత్వం అధికారంలోకి వచ్చిన ఈ రెండేళ్లలో తామేం చేశామన్న విషయాన్ని మంత్రులంతా ఎవరికి వారు ప్రజంటేషన్ల రూపంలో ప్రధానికి వివరించాల్సి ఉంటుంది. ఎవరికి వారు ఇచ్చుకునే ఈ ప్రోగ్రెస్ కార్డుల ఆధారంగానే మంత్రుల తలరాతలు నిర్ణయం అవుతాయి. ఇందుకోసం గురువారం మధ్యాహ్నం మోదీ తన మంత్రులతో సమావేశం ఏర్పాటుచేశారు. ఈ మార్పు చేర్పుల విషయమై ఇప్పటికే బీజేపీ చీఫ్ అమిత్ షా, ప్రధాని మోదీ దాదాపు 5 గంటల పాటు భేటీ అయ్యారు.
 
 కొంతమంది మంత్రుల శాఖలు మారుస్తారని, కొత్తగా కొంతమందిని మంత్రివర్గంలోకి తీసుకునే అవకాశం ఉందని అంటున్నారు. జూలై 6వ తేదీన ప్రధానమంత్రి ఆఫ్రికా పర్యటనకు వెళ్తున్నందున ఆలోపే మంత్రివర్గంలో మార్పు చేర్పులు ఉంటాయంటున్నారు. జూలై 18 నుంచి పార్లమెంటు వర్షాకాల సమావేశాలు ప్రారంభం అవుతుండటంతో ఈలోపే కొత్త సర్కారు రూపొందుతుంది. ప్రస్తుతం సహాయ మంత్రులుగా ఉన్న పియూష్ గోయల్, ధర్మేంద్ర ప్రధాన్లకు కేబినెట్ ర్యాంకు దక్కే అవకాశం ఉంది. ఇక న్యాయశాఖ మంత్రి సదానంద గౌడకు పెద్దగా మార్కులు పడే అవకాశం లేదు. దాంతో ఆయనకు సహాయంగా ఉండేందుకు ఓ బలమైన మంత్రిని కేటాయించొచ్చని చెబుతున్నారు. కేంద్ర మంత్రివర్గంలో ప్రధాని సహా మొత్తం 83 మందికి మించకూడదు. ప్రస్తుతం 66 మంది ఉన్నారు. వారిలో 12 మంది యూపీకి చెందినవారే. త్వరలో అక్కడ ఎన్నికలు జరగనుండటంతో ఆ రాష్ట్రానికి ప్రాధాన్యం అలాగే కొనసాగించే అవకాశం ఉంది.