‘ఓటుకు కోట్లు’కు రెండేళ్లు
 - టీడీపీ ఎమ్మెల్సీ అభ్యర్థిని గెలిపించుకునేందుకు రూ.కోట్ల ముడుపులు
 - డబ్బు ఇవ్వజూపుతూ రెడ్‌హ్యాండెడ్‌గా పట్టుబడ్డ రేవంత్‌
 - ‘మనవాళ్లు బ్రీఫ్‌డ్‌ మీ’ అంటూ అడ్డంగా దొరికిపోయిన చంద్రబాబు
 - బాబే సూత్రధారి అనేందుకు స్పష్టమైన ఆధారాలున్నా ఏసీబీ మౌనం
 - కేసు ఫైళ్లు దుమ్ము పట్టిపోతున్నాయన్న ఏసీబీ అధికారులు  
  
 సాక్షి, హైదరాబాద్‌: ఎమ్మెల్యే కోటా ఎమ్మెల్సీ ఎన్నికల్లో టీడీపీ అభ్యర్థిని గెలిపించుకోవడానికి తెలుగుదేశం పార్టీ అధినేత, ఏపీ సీఎం చంద్రబాబునాయుడు, ఆయన బృందం పన్నిన ‘ఓటుకు కోట్లు’ కుట్రకు రెండేళ్లు కావొస్తోంది. 2015, మే 31న టీడీపీ అభ్యర్థికి ఓటేయాలని నామినేటెడ్‌ ఎమ్మెల్యే స్టీఫెన్‌సన్‌ను ముడుపులతో ప్రలోభపెడుతూ టీడీపీ ఎమ్మెల్యే రేవంత్‌రెడ్డి ఏసీబీ అధికారులకు రెడ్‌హ్యాం డెడ్‌గా పట్టుబడిన విషయం తెలిసిందే. ఈ వ్యవహారంలో స్టీఫెన్‌సన్‌ను ప్రలోభపెట్టేందుకు చంద్రబాబునాయుడు నేరుగా ‘మనవాళ్లు బ్రీఫ్‌డ్‌ మీ..’ అంటూ ఫోన్‌లో మాట్లాడిన ఆడియో టేపులూ బహిర్గతమయ్యాయి. కానీ కేసు దర్యాప్తు ప్రారంభమై రెండేళ్లవుతున్నా పరిస్థితి ఎక్కడికక్కడే ఉంది. ఈ వ్యవహారంలో సూత్రధారి అయిన చంద్రబాబుపై ఏసీబీ ఎలాంటి చర్యలూ చేపట్టలేకపోయింది. దీంతో ‘ఓటుకు కోట్లు’ కేసు సంగతి ఇక ముగిసినట్లేననే అభిప్రాయాలు వ్యక్తమవుతున్నాయి.
  
 ఇప్పుడంతా మౌనమే!
 కేసు ప్రారంభ దశలో చంద్రబాబును త్వరలోనే విచారిస్తామని పదే పదే చెప్పిన ఏసీబీ.. ఆ తర్వాత మౌనంగా ఉండిపోయింది. ఆడియోలో ఉన్న గొంతు చంద్రబాబుదే అని నిర్ధారణ అయినా కనీసం నోటీసులు కూడా జారీ చేయలేదు. దీంతో ఈ కేసు రాజకీయంగా పక్కదారి పట్టిందని ఆరోపణలు వచ్చాయి. ఏసీబీ మాత్రం స్పందించడం లేదు. ఈ కేసులో ఏ1గా ఉన్న రేవంత్‌రెడ్డితో పాటు ఎమ్మెల్యే సండ్ర వెంకటవీరయ్య, సెబాస్టియన్, ఉదయ్‌ సింహా, మత్తయ్య తదితరుల పాత్రపై ఏసీబీ రెండు చార్జిషీట్లు దాఖలు చేసింది. వాటిలో తెర మీద కనిపిస్తున్న నిందితుల వివరాలను పేర్కొంటూనే.. తెరవెనుక సూత్రధారిగా ఉన్న చంద్రబాబు పేరును పరోక్షంగా చాలా సార్లు పేర్కొంది. ఆ తర్వాత ఎలాంటి చర్యలూ లేవు.
  
 దర్యాప్తు పూర్తయ్యేదెన్నడు?
 ‘ఓటుకు కోట్లు’ వ్యవహారంపై ఎన్నికల సంఘం అప్పట్లోనే స్పందించింది. అప్పటి ఏసీబీ డీజీ ఏకే ఖాన్‌కు లేఖ రాసింది. దోషులు ఏ స్థాయి వారైనా సరే.. కేసుకు లాజికల్‌ ఎండ్‌ ఇచ్చి నివేదిక పంపాలని ఆదేశించింది. అయినా ఏమాత్రం ముందడుగు పడ లేదు. అసలు ఎన్నికల కమిషన్‌ రాసిన లేఖ ఇప్పుడు ఎక్కడుందో తెలియని దుస్థితి ఉంది. మరోవైపు చంద్రబాబు పేరును చార్జిషీటులో 40 సార్లకుపైగా ప్రస్తావిం చిన ఏసీబీ, ఆమేరకు చర్యలు చేపట్టకపోవడంపై గవర్నర్‌ నరసింహన్‌ దృష్టిసారించినట్లు తెలిసింది. ఏకే ఖాన్‌ తర్వాత ఏసీబీ డీజీగా వచ్చిన చారుసిన్హా ఈ కేసులో అసలు విషయాలను, చంద్రబాబు పాత్రను ఆధారాలతో సహా రెండో చార్జిషీట్‌ను సిద్ధం చేశారు. కానీ పై నుంచి వచ్చిన ఒత్తిళ్లతో మార్పులు చేసి చంద్రబాబు పేరు నిందితుల జాబితాలోకి రాకుండా చార్జిషీట్‌ దాఖలు చేసినట్టు ఆరోపణలున్నాయి. అందువల్లే గవర్నర్‌ నరసింహన్‌ ఏసీబీ డైరెక్టర్‌ నుంచి చార్జిషీట్‌ కాపీలు తెప్పించుకుని, ఢిల్లీ పెద్దలకు అందజేసినట్లు వార్తలు వచ్చాయి. 


 ► హైకోర్టులో పిటిషన్ వేసే హక్కు ఆయనకే లేదు
 ► ఆర్కే తరఫు న్యాయవాది పొన్నవోలు వాదనలు
 ► చంద్రబాబుపై కేసు నమోదు చేసి దర్యాప్తు చేపట్టాలని కోర్టుకు నివేదన
 ► ‘ఓటుకు కోట్లు’ కేసు విచారణ వచ్చే సోమవారానికి వాయిదా  
 సాక్షి, హైదరాబాద్: ‘ఓటుకు కోట్లు’ కేసులో తనను ఎక్కడ నిందితునిగా చేరుస్తారోననే ఊహాజనితమైన భయంతోనే ఏపీ సీఎం చంద్రబాబు హైకోర్టును ఆశ్రయించి దర్యా ప్తుపై స్టే ఉత్తర్వులు పొందారని ఎమ్మెల్యే ఆళ్ల రామకృష్ణారెడ్డి తరఫు న్యాయవాది పొన్న వోలు సుధాకర్‌రెడ్డి న్యాయస్థానానికి నివేదిం చారు. ఊహాజనితంగా  ఏదో జరగబోతుందని ఊహించి వచ్చేవారిని కాపా డేందుకు ఈ కోర్టు లేదన్నారు. ‘ఓటుకు కోట్లు’ కేసులో చంద్రబాబు పాత్రకు సంబం దించి ఏసీబీ నుంచి ప్రత్యేక కోర్టు నివేదిక కోరిందని, ఈ దశలో ఆయనకు హైకోర్టును ఆశ్రరుుంచే అధికారం(లోకోస్టాండీ) లేదని స్పష్టం చేశారు.
 
 ప్రత్యేక కోర్టులో పిటిషన్ దాఖలు చేసేందుకు తమకు లోకోస్టాండీ లేదని చంద్రబాబు తరఫు న్యాయవాది చేసిన వాదన సరికాదని, ఊహాజనితంగా హైకోర్టు ను ఆశ్రయించేందుకు చంద్రబాబుకే లోకో స్టాండీ లేదని పొన్నవోలు తెలిపారు. ‘ఓటుకు కోట్లు’ కేసులో చంద్రబాబును నిందితునిగా చేరుస్తూ మరో ఎఫ్‌ఐఆర్ జారీచేస్తే అప్పుడా యన ఈ కోర్టును ఆశ్రయించవచ్చన్నారు. ‘ఓటుకు కోట్లు’ కేసులో చంద్రబాబు పాత్రపై స్పష్టమైన ఆధారాలున్నా ఆ దిశగా ఏసీబీ దర్యాప్తు చేయట్లేదంటూ వైఎస్సార్‌సీపీ ఎమ్మె ల్యే ఆళ్ల రామకృష్ణారెడ్డి ఏసీబీ ప్రత్యేక కోర్టును ఆశ్రయించగా...ఆ దిశగా దర్యాప్తు చేయాలని ఆ కోర్టు ఆదేశించింది.
 
 ఈ ఆదేశాల్ని సవాల్ చేస్తూ చంద్రబాబు హైకోర్టును ఆశ్రయించగా.. దర్యాప్తును నిలిపివేస్తూ కోర్టు మధ్యం తర ఉత్తర్వులు(స్టే) జారీచేసింది. వీటిని సవాల్ చేస్తూ రామకృష్ణారెడ్డి సుప్రీంకోర్టును ఆశ్రయించగా...ఈ వ్యవహారంపై 4వారాల్లో విచారణను పూర్తిచేయాలని హైకోర్టును ఆదేశించింది. ఈ నేపథ్యంలో చంద్రబాబు దాఖలు చేసిన వ్యాజ్యంపై జస్టిస్ సునీల్‌చౌద రి బుధవారం మరోసారి విచారణ జరిపారు.
 
 కేసు నమోదు చేసి దర్యాప్తు చేపట్టాలి..
 ‘‘ఓటుకు కోట్లు ఇచ్చి కొనేందుకు ప్రయత్నించడం అవినీతి నిరోధక చట్టం పరిధిలోకి వస్తుందని పీవీ నరసింహారావు కేసులో సుప్రీంకోర్టు స్పష్టంచేసింది. ఎంపీల కొనుగోలుకు ప్రయత్నించినందుకు పీవీసహా ఇతరులకు ప్రత్యేక కోర్టు జైలుశిక్ష కూడా విధించింది. అవినీతి నిరోధక చట్టం సెక్షన్ 12 ప్రకారం అవినీతిని ప్రోత్సహించిన వారిని నిందితునిగా చేరుస్తారు. తీసుకున్న వారిని వదిలేస్తారు. ఇక్కడా చంద్రబాబుపై అవినీతి నిరోధక చట్టంలోని సెక్షన్ 12 కింద కేసు నమోదు చేసి దర్యాప్తు చేపట్టాలి’’ అని పొన్నవోలు కోర్టుకు నివేదించారు. దర్యాప్తు చేస్తున్న కేసుల్లోనూ ప్రైవేటు ఫిర్యాదు దాఖలు చేయవచ్చన్నారు. ఓటుకు కోట్లు కేసులో అన్ని ఆధారాలున్నా ఏడాదిన్నర గడిచినా చంద్రబా బును నిందితునిగా చేర్చకపోవడం తోనే తాము ప్రైవేటు ఫిర్యాదు దాఖలు చేశామని తెలిపారు.
 
 నేర విచారణ చట్టంలోని సెక్షన్లు 156(3), 210 కింద దర్యాప్తు సంస్థ నుంచి నివేదిక కోరే అధికారం ప్రత్యేక కోర్టుకుంద న్నారు. ఈ నేపథ్యంలో ప్రత్యేకకోర్టు 156(3) సెక్షన్ కింద ఏసీబీ నుంచి నివేదిక కోరిందన్నారు. అయితే సెక్షన్ 210 కింద ఆదేశాలివ్వాలని మీరు కోరినా న్యాయమూర్తి అనాలోచితంగా 156(3) కింద ఆదేశాలిచ్చా రని, దీన్నెలా సమర్థించుకుంటారని న్యాయ మూర్తి ప్రశ్నించారు. అయితే సెక్షన్‌ను తప్పుగా కోట్‌చేస్తూ ఆదేశాలిచ్చినంత మాత్రా న అవి చెల్లకుండా పోవని పొన్నవోలు తెలిపారు. అవసరమనుకుంటే హైకోర్టు తమ పిటిషన్‌ను కింద కోర్టుకు తిప్పిపంపి సరైన సెక్షన్ కింద ఉత్తర్వులివ్వాలని ఆదేశించవచ్చ న్నారు. ఈ మేరకు రోజా కేసులో జస్టిస్ దిలీప్ బొసాలేతోపాటు పలు కేసుల్లో సుప్రీంకోర్టు ఇచ్చిన తీర్పుల్ని ప్రస్తావించా రు.
 
 అవినీతి కేసుల్లో దర్యాప్తును నిలిపేస్తూ మధ్యంతర ఉత్తర్వులివ్వరాదం టూ సుప్రీంకోర్టు ఇచ్చిన పలు తీర్పులను కోర్టు ముందుంచారు. ఈ కేసులో వాదనలు వినిపించేందుకు ఏసీబీ తరఫు న్యాయవాది రవికిరణ్ గడువుకోరడంతో విచారణను సోమవారానికి వాయిదా వేశారు. కాగా, ఈ కేసులో తనను ఇంప్లీడ్ చేసి తన వాదనలూ వినాలంటూ మాజీ ఎంపీ ఉండవల్లి అరుణ్‌కుమార్ వేసిన పిటిషన్‌ను ప్రధాన పిటిషన్‌కు జతచేస్తానని న్యాయమూర్తి స్పష్టం చేశారు. ఈ పిటిషన్ విచారణార్హతపై మంగళవారం వాదనలు వినిపించాలని ఉండవల్లికి సూచించారు.