సాక్షి, హైదరాబాద్‌: చాంపియన్‌షిప్‌ సిరీస్‌ టెన్నిస్‌ టోర్నమెంట్‌లో వడ్డేపల్లి కార్తీక్‌ నీల్, అపూర్వ వేమూరి సత్తా చాటారు. ఆనంద్‌ టెన్నిస్‌ అకాడమీలో జరిగిన ఈ టోర్నీ అండర్‌–14 బాలబాలికల విభాగంలో విజేతలుగా నిలిచి టైటిళ్లను కైవసం చేసుకున్నారు. శనివారం జరిగిన అండర్‌–14 బాలుర ఫైనల్లో కార్తీక్‌ నీల్‌ 6–3, 4–6, 6–2తో రోహన్‌ కావలిపై గెలుపొందగా, బాలికల విభాగంలో అపూర్వ 6–2, 6–1తో ఐరా షా (మహారాష్ట్ర)ను ఓడించింది. డబుల్స్‌ విభాగంలోనూ అపూర్వ జోడి విజేతగా నిలిచింది. బాలికల డబుల్స్‌ ఫైనల్లో అపూర్వ–అభయ వేమూరి ద్వయం 6–0, 6–1తో మలిష్క (తెలంగాణ)–జ్యోతిష (తమిళనాడు) జంటపై గెలిచి టైటిల్‌ను దక్కించుకుంది. బాలుర డబుల్స్‌ టైటిల్‌ పోరులో కహిర్‌ వరిక్‌ (మహారాష్ట్ర)–సి.ఆర్యంత్‌ (తెలంగాణ) జోడీకి వాకోవర్‌ లభించింది. అండర్‌–12 బాలికల ఫైనల్లో ఐరా (మహారాష్ట్ర) 7–5, 6–1తో సౌమ్య (తెలంగాణ)పై, బాలుర తుదిపోరులో మోహి త్‌ సాయిచరణ్‌ రెడ్డి (తెలంగాణ) 6–3, 4–6, 6–3తో శ్రీశరణ్‌ (తెలంగాణ)పై గెలుపొంది చాంపియన్‌లుగా నిలిచారు.

సాక్షి, హైదరాబాద్‌: చాంపియన్‌షిప్‌ సిరీస్‌ అండర్‌–12, 14 బాలబాలికల టెన్నిస్‌ టోర్నమెంట్‌లో హైదరాబాద్‌ క్రీడాకారులు ఉద్భవ్, అపూర్వ వేమూరి నిలకడగా రాణిస్తున్నారు. ఆనంద్‌ టెన్నిస్‌ అకాడమీలో జరుగుతోన్న ఈ టోర్నమెంట్‌లో వీరిద్దరూ సెమీఫైనల్‌కు దూసుకెళ్లారు. గురువారం జరిగిన అండర్‌–14 బాలుర సింగిల్స్‌ క్వార్టర్స్‌లో ఉద్భవ్‌ 6–0, 6–2తో సి. ఆర్యంత్‌ రెడ్డిపై గెలుపొందగా, బాలికల విభాగంలో అపూర్వ 6–2, 6–3తో శ్రీహితను ఓడించింది. ఇతర బాలికల క్వార్టర్స్‌ మ్యాచ్‌ల్లో అభయ వేమూరి 6–2, 6–3తో నీలా కుంకుమ్‌పై, ఐరా షా 1–6, 6–3, 6–3తో కె. మలిష్కపై, సౌమ్య 6–1, 6–3తో జాహ్నవిపై గెలుపొంది తదుపరి రౌండ్‌కు అర్హత సాధించారు. బాలుర క్వార్టర్స్‌లో మోహిత్‌ సాయిచరణ్‌ రెడ్డి 6–3, 2–6, 6–4తో సిద్ధార్థ్‌ శ్రీనివాస్‌పై, కార్తీక్‌ నీల్‌ 6–0, 6–2తో టి. శ్రీప్రణవ్‌పై, రోహన్‌ 1–6, 6–2, 6–3తో వర్షిత్‌ కుమార్‌రెడ్డిపై నెగ్గారు.   ఇతర మ్యాచ్‌ల ఫలితాలు అండర్‌–12 బాలుర క్వార్టర్స్‌: సమీర్‌ 6–2, 6–3తో వినీత్‌ ముత్యాలపై, మోహిత్‌ సాయిచరణ్‌ 6–1, 6–3తో మహాలింగం (తమిళనాడు)పై, అర్నవ్‌ (మహారాష్ట్ర) 6–3, 4–6, 7–6 (2)తో భీమ (ఏపీ)పై, శ్రీశరణ్‌ 6–1, 4–6, 6–3తో శ్రీహరిపై గెలుపొందారు.   బాలికల క్వార్టర్స్‌: నిరాలి 6–1, 6–0తో ఐరా షా (మహారాష్ట్ర)పై, అభయ 6–1, 7–5తో రిధి చౌదరిపై, సౌమ్య 6–2, 7–6 (6)తో అపూర్వపై, శివాని 6–0, 5–7, 7–6 (5)తో కె. మలిష్కపై విజయం సాధించారు.


 సాక్షి, హైదరాబాద్: చాంపియన్‌షిప్ సిరీస్ టెన్నిస్ టోర్నమెంట్‌లో సంజన, ఇక్బాల్ విజేతలుగా నిలిచారు. బోయిన్‌పల్లిలోని ఎమ్మాన్యుయేల్ టెన్నిస్ కోచింగ్ సెంటర్‌లో బుధవారం జరిగిన బాలుర సింగిల్స్ ఫైనల్లో ఇక్బాల్ మొహమ్మద్ ఖాన్ (తెలంగాణ) 6-3, 6-3తో అద్వైత్ అగర్వాల్(మహారాష్ట్ర)పై గెలుపొందగా, బాలి కల ఫైనల్లో సంజన (తెలంగాణ) 6-4, 6-3తో మృదుల పళనివేల్ (తమిళనాడు)పై నెగ్గింది.
  
 బాలుర డబుల్స్‌లో అద్వైత్ అగర్వాల్ (మహారాష్ట్ర)- యశోధన్ నక్రే (తెలంగాణ) ద్వయం 7-2తో తారకేశ్ అశోకన్ - నితిన్ అదిత్ (తమిళనాడు) జంటపై గెలిచింది. బాలికల డబుల్స్ ఫైనల్లో అమూల్య - ఆర్ని రెడ్డి (తెలంగాణ) ద్వయం 7-4తో మృదుల- రితిక (తమిళనాడు) జోడీపై నెగ్గి టైటిల్‌ను దక్కించుకుంది.