నార్త్‌ అమెరికా తెలుగు సొసైటీ ఆధ్వరం‍్యలో అమెరికాలో బాలల సంబరాలు నిర్వహించనున్నారు. 2021 డిసెంబరు 4వ తేదిన డల్లాస్‌లో ఈ వేడుకలు జరపబోతున్నట్టు నాట్స్‌ పేర్కొంది. ఏడు నుంచి 18 ఏళ్లలోపు ఉన్న పిల్లలు ఈ వేడుకల్లో పాల్గొనడానికి అర్హులని నాట్స్ తెలిపింది. సింగింగ్‌, డ్యాన్స్‌, ఫ్యాన్సీ డ్రెస్‌ కాంపిటీషన్‌, చెస్‌ ఛాంపియన్‌షిప్‌లు నిర్వహిస్తున్నారు. పాటలు, నృత్యానికి సంబంధించి క్లాసికల్‌, నాన్‌ క్లాసికల్‌ రెండు విభాగాల్లో పోటీలు జరుగుతాయి.  ఈ పోటీలకు సంబంధించి చెక్‌ కాంపిటీషన్‌కి రిజిస్ట్రేషన్‌ ఫీజుగా నాట్స్‌ మెంబర్స్‌కి 15 డాలర్లు, ఇతరులకు 20 డాలర్లుగా నిర్ణయించారు. ఇక ఇతర విభాగాలకు నాట్స్‌ మెంబర్స్‌కి 10 డాలర్లు, ఇతరులకు 15 డాలర్లుగా ఉంది. నాట్స్‌ వెబ్‌సైట్‌ (www.natsworld.org/balala-registration) కి వెళ్లి ఆన్‌లైన్‌లో రిజిస్ట్రర్‌ చేసుకోవచ్చన్నారు. ఈ అవకాశం ఉపయోగించుకోవాలని నాట్స్‌ బోర్డు చైర్మన్‌ శ్రీధర్‌ అప్పసాని, నాట్స్‌ ప్రెసిడెంట్‌ విజయ శేఖర్‌ అన్నేలు కోరారు.   

హ్యూస్టన్ : విద్యార్ధుల్లో సృజనాత్మకతను వెలికితీసి వారిని ప్రోత్సహించేందుకు ఉత్తర అమెరికా తెలుగు సంఘం (నాట్స్) ఆధ్వర్యంలో  బాలల సంబరాలను హ్యూస్టన్‌లో నిర్వహించింది. హ్యూస్టన్ రాష్ట్రంలోని మిస్సోరిలో తెలుగువారి కోసం అనేక కార్యక్రమాలు చేపడుతున్ననాట్స్ చిన్నారులకు మ్యాథ్స్ ఛాలెంజ్,తెలుగు మాట్లాట, స్పెల్లింగ్ బీ పోటీలు నిర్వహించింది. 8 ఏళ్ల లోపు చిన్నారులను జూనియర్, సీనియర్ల విభాగాలుగా విభజించి ఈ పోటీలు నిర్వహించింది. మూడు విభాగాలలోను దాదాపుగా 120 మంది పిల్లలు తమ ప్రజ్ఞపాటవాలను ప్రదర్శించారు. వీటిలో అత్యుత్తమ ప్రదర్శన చేసిన వారికి నాట్స్ బహుమతులు అందచేసింది. హ్యూస్టన్, గ్రేటర్ హౌస్టన్ నుండి దాదాపుగా 300 పైగా తెలుగువారు ఇందులో పాల్గొని ఈ కార్యక్రమాన్ని జయప్రదం చేశారు. దాదాపుగా నెల రోజుల నుంచి శ్రమించి ఈ కార్యక్రమాన్ని నాట్స్ వాలంటీర్లు విజయవంతం చేశారని  నాట్స్ హౌస్టన్ కోఆర్డినేటర్ శ్రీనివాస్ కాకుమాను అన్నారు.  హ్యూస్టన్ నాట్స్ కోర్ కమిటీ సభ్యులు వీరూ కంకటాల,చంద్ర తెర్లి, విజయ్ దొంతరాజు తదితరుల పాల్గొన్నారు. ఈ కార్యాక్రమాన్ని విజయవంతం కావడంలో సహకరించిన తెలుగు భవనం, హ్యుస్టన్ తెలుగు సాంస్కృతిక కమిటీ(టీసీఏ), తెలంగాణ గ్రేటర్ హౌస్టన్ సంఘం(టీఏజీహెచ్) సభ్యులకు నాట్స్ హౌస్టన్ విభాగం కృతజ్ఞతలు తెలిపింది.


 అనంతపురం: రెండు రోజుల పాటు అనంతపురంలో పిల్లల ఉత్సవాలు జరగనున్నాయి. ఈ నేపథ్యంలో రూరల్ డెవలప్‌మెంట్ ట్రస్ట్ (ఆర్డీటీ) ఆవరణలో శుక్రవారం ఈ కార్యక్రమాలు ప్రారంభమయ్యాయి. పెద్ద సంఖ్యలో స్కూలు విద్యార్థులు హాజరై పలు సాంస్కృతిక కార్యక్రమాల్లో పాల్గొన్నారు.