చిలుకూరు: సూర్యాపేట జిల్లా హుజూర్‌నగర్‌ పోలీసులు కొద్దిరోజుల క్రితం పిల్లిపోరును తీర్చగా, తాజాగా సోమవారం చిలుకూరు పోలీసులు ఓ ఆబోతు పంచాయితీని పరిష్కరించారు. చిలుకూరు మండలం సీతారాంపురం గ్రామస్తులు ఆరేళ్ల క్రితం రామాలయం నిర్మించి గుడిపేరిట ఓ ఆబోతును వదిలేశారు. నెల రోజులుగా అది కనిపించకపోవడంతో గ్రామస్తులు పోలీసులకు ఫిర్యాదు చేశారు.  ఇటీవల చిలుకూరులో ఆ ఆబోతును గంగిరెద్దు మాదిరిగా ఆడిస్తుండటంతో గమనించిన గ్రామస్తులు పోలీసుల దృష్టికి తీసుకువచ్చారు. రెండు గ్రామాల పెద్దల సమక్షంలో పోలీసులు పంచాయితీ నిర్వహించారు. గంగిరెద్దులవారు రూ. 30 వేల జరిమానా చెల్లించి ఆబోతును అప్పగించారు.


 చిలుకూర్(నల్లగొండ): ఆటో బోల్తా కొట్టిన ఘటనలో ఓ మహిళ దుర్మరణం చెందింది. ఈ ఘటన నల్లగొండ జిల్లా చిలుకూరు మండల కేంద్రం సమీపంలో శనివారం రాత్రి చోటుచేసుకుంది. మండల కేంద్రంలోని కవితా కాలేజీ వద్ద ఆటో అదుపు తప్పి బోల్తా కొట్టింది. దీంతో ఆటోలోని మహిళ అక్కడికక్కడే మృతి చెందింది. పూర్తి వివరాలు ఇంకా తెలియాల్సి ఉంది.