చైనాలో కియోబీ అనే లాండ్రీ డిటర్జెంట్ బ్రాండ్ ప్రకటన జాతి దురహంకారానికి ప్రతీకగా ఉందంటూ సర్వత్రా విమర్శలు రావడంతో ఈ కంపెనీ వెనక్కి తగ్గింది. ఈ యాడ్ చాలామంది హృదయాలను గాయపరిచిందని, ఇందుకు క్షమాపణలు చెబుతున్నామని ఓ ప్రకటనలో కోరింది. ఈ యాడ్ను ఆన్లైన్ నుంచి తొలగిస్తున్నట్టు ప్రకటించింది.
 
 'ఈ వాణిజ్య ప్రకటన వల్ల ఆఫ్రికా జాతీయుల మనసు గాయమైంది. ప్రజల నుంచి తీవ్ర వ్యతిరేకత వచ్చింది. ప్రజాభిప్రాయాన్ని పరిగణనలోకి తీసుకుని క్షమాపణ చెబుతున్నాం. జాతి దురహంకారాన్ని మేం ఎప్పుడూ వ్యతిరేకిస్తాం. ఆన్లైన్ ఈ యాడ్ను తొలగిస్తున్నాం. ఇంటర్నెట్ యూజర్లు, మీడియా దీన్ని సర్క్యులేట్ చేయదని భావిస్తున్నాం' అని కియోబీ లాండ్రీ డిటర్జెంట్ కంపెనీ ఓ ప్రకటనలో తెలిపింది.
 
 
 కియోబీ లాండ్రీ డిటర్జెంట్ బ్రాండ్ ప్రకటనలో.. ఓ యువతి దుస్తులు ఉతికేందుకు వాషింగ్ మిషన్ వద్దకు రాగా, ఆమెకు ఓ నల్లటి యువకుడు కన్నుకొడతాడు. ఆమె అతడిని దగ్గరకు పిలిచి వాషింగ్ మిషన్‌లోకి తోసేసి దాని పైకెక్కి నవ్వుతూ కూర్చుంటుంది. కాసేపటి తర్వాత వాషింగ్ మిషన్ మూత తీసి చూస్తే.. అతడు తెల్లటి చైనీస్ వ్యక్తిలా మారిపోతాడు. చైనా టీవీలో ఈ ప్రకటన ప్రసారం కావడం, కొన్ని థియేటర్లలో కూడా ఇది రావడంతో వెంటనే ఆన్‌లైన్‌లో వైరల్‌గా మారింది. ఇది జాత్యంహకార పూరితంగా ఉందని జనం భగ్గుమంటున్నారు. ప్రధానంగా ఆఫ్రికా జాతులకు చెందినవాళ్లను కించపరిచే ఇలాంటి ప్రకటనలను ఎలా ఇవ్వనిస్తున్నారని మండిపడుతున్నారు. దీంతో కియోబీ లాండ్రీ డిటర్జెంట్ కంపెనీ నష్టనివారణ చర్యలకు పూనుకుంది.
  


 ప్రకటనలు ఇవ్వడం అంటే.. వినియోగదారులను తమ ఉత్పత్తుల వైపు ఆకట్టుకోవడమే. కానీ, అందులో అతి చేస్తే మొదటికే మోసం వస్తుంది. ఈ విషయం చైనాలోని ఓ లాండ్రీ డిటర్జెంట్ కంపెనీ ప్రకటనతో మరోసారి రుజువైంది. జాతి దురహంకారానికి ప్రతీకగా కనిపిస్తున్న ఈ ప్రకటనపై ఇప్పటికే సోషల్ మీడియాలో జనం భగ్గుమంటున్నారు. చైనాలోని కియోబీ అనే లాండ్రీ డిటర్జెంట్ బ్రాండ్ ఇటీవలే ఈ ప్రకటన విడుదల చేసింది. ఓ యువతి దుస్తులు ఉతికేందుకు వాషింగ్ మిషన్ వద్దకు వచ్చినప్పుడు.. ఆమెకు ఓ నల్లటి యువకుడు కన్నుకొడతాడు. ఆమె అతడిని దగ్గరకు పిలుస్తుంది. ముద్దు ఇవ్వడానికి పిలిచిందేమోనని ఆశగా ముందుకొచ్చిన ఆ యువకుడిని ఊరిస్తూ నెమ్మదిగా వాషింగ్ మిషన్‌లోకి తోసేసి దాని పైకెక్కి నవ్వుతూ కూర్చుంటుంది.
 
 కాసేపటి తర్వాత వాషింగ్ మిషన్ మూత తీసి చూస్తే.. అతడు తెల్లటి చైనీస్ వ్యక్తిలా మారిపోతాడు. చైనా టీవీలో ఈ ప్రకటన ఈ నెలలోనే ప్రసారమైంది. కొన్ని థియేటర్లలో కూడా ఇది రావడంతో వెంటనే ఆన్‌లైన్‌లో వైరల్‌గా మారింది. ఇది చాలా జాత్యంహకార పూరితంగా ఉందని జనం భగ్గుమంటున్నారు. ప్రధానంగా ఆఫ్రికా జాతులకు చెందినవాళ్లను కించపరిచే ఇలాంటి ప్రకటనలను ఎలా ఇవ్వనిస్తున్నారని మండిపడుతున్నారు. ఇంతకుముందు 2007లో ఒక ఇటాలియన్ కంపెనీ కూడా ఇలాంటి ప్రకటనే ఇచ్చిందట. అయితే అప్పట్లో తెల్లటి వ్యక్తి నల్లగా మారిపోతాడు. కొత్త స్టార్ వార్స్ సినిమా పోస్టర్లలో కూడా అమెరికాలో అయితే నల్లజాతి నటుడు జాన్ బోయెగా ప్రముఖంగా కనిపిస్తాడు. కానీ చైనాలోని పోస్టర్లలో మాత్రం అతడిని అంతగా కనపడనివ్వకుండా ఇచ్చారు.