భారీ వర్షాల కారణంగా ఏపీ ముఖ్యమంత్రి చంద్రబాబు నాయుడు హెలికాప్టర్ ప్రయాణం రద్దయింది. పోలవరం ప్రాజెక్టు పనులను ఏరియల్ సర్వే ద్వారా పరిశీలించేందుకు చంద్రబాబు పోలవరం వెళ్లిన విషయం తెలిసిందే. అయితే, ఆ ప్రాంతంలో భారీ వర్షాలు పడుతుండటంతో అక్కడి నుంచి తిరుగు ప్రయాణానికి హెలికాప్టర్‌ను అనుమతించేందుకు ఎయిర్ ట్రాఫిక్ కంట్రోల్ (ఏటీసీ) అధికారులు నిరాకరించారు.
 
 దాంతో పోలవరం నుంచి రోడ్డుమార్గంలో రాజమహేంద్రవరం వెళ్లి, అక్కడి నుంచి విమానంలో విజయవాడకు వెళ్లాలని ముఖ్యమంత్రి చంద్రబాబు నిర్ణయించుకున్నారు. వాతావరణం సరిగా లేకపోవడంతో హెలికాప్టర్ ప్రయాణం రద్దయినట్లు అధికారులు తెలిపారు.