భవనం స్వాధీనం చేయాలని కలెక్టర్ ఆదేశం
   ఖరారు కాని వనపర్తి కలెక్టరేట్ భవనం
  
  ఆర్‌అండ్‌బీ కార్యాలయం, కలెక్టరేట్, వనపర్తి
  
 వనపర్తి : జిల్లాల ఏర్పాటు ముహూర్తం సమీపిస్తున్నా.. వనపర్తిలో కలెక్టరేట్ కోసం నేటకీ భవనం ఖరారు కాలేదు. ఎస్పీ, తదితర ప్ర భుత్వ శాఖల కార్యాల యాల ఏర్పాటుకు భవనాలు ఎంపిక చేసుకున్నారు. కలెక్టరేట్ విషయంలో కలెక్టర్ శ్రీదేవి స్పష్టత ఇవ్వలేదని తెలుస్తోంది. ఇటీవల ఆమె వనపర్తిలో పర్యటించి రాజమహల్ (పాలిటెక్నిక్ కళాశాల), మిషన్‌కంపౌండ్ తదితర భవనాలు పరిశీలించారు. రాజమహల్ ఎంపిక విషయంలో ఆర్‌అండ్‌బీ అధికారులు సానుకూలమైన అభిప్రాయం వెల్లడించలేదని తెలుస్తోంది. దీం తో కలెక్టర్ ఆదే శం మేరకు స్థా నిక రెవెన్యూ అధికారులు ఇ తర భవనాలను వెతికే పనిలో నిమగ్నమయ్యారు. స్థానిక జిల్లా అదనపు కోర్టు సమీపంలోని ఆర్‌అండ్‌బీ డివిజన్ కార్యాలయం భవనాన్ని కలెక్టర్ కార్యాలయం కోసం ప్రతిపాదించారు. అన్ని రకాలుగా సౌకర్యంగా ఉందని భావించిన కలెక్టర్ భవనాన్ని తమ కు స్వాధీనం చే యాలని ఈ నె ల ఒకటవ తే దీన ఆదేశాలి చ్చారు. మరో రెండుమూడు రోజుల్లో ప్రస్తు తం ఆర్‌అండ్‌బీ డివిజన్ ఆఫీస్ భవనాన్ని కలెక్టర్‌కు అప్పగించనున్నారు. ఈ భవనానికి రంగులు వేసి కలెక్టరేట్‌గా మార్చే ఆవకాశాలున్నాయి. ఆర్డీఓ రామచందర్‌ను వివరణ కోరగా.. ఈ భవనాన్ని ప్రతిపాదించామని కలెక్టర్ ఆదేశాలిస్తే పనులు ప్రారంభిస్తామన్నారు. 
  
 నాగర్‌కర్నూల్ జిల్లాగా ఏర్పడుతున్న సందర్భంగా నాగర్‌కర్నూల్ కలెక్టర్ కార్యాలయానికి సం బంధించిన ఏర్పాట్లను మంగళవారం ఆర్డీఓ దేవేందర్‌రెడ్డి, టీ ఆర్‌ఎస్ రాష్ట్ర నాయకులు జక్కా రఘునందన్‌రెడ్డి పరిశీలించారు. కలెక్టర్ కార్యాలయంలో కల్టెక్టర్ ఛాంబర్, సిబ్బందికి సంబంధించి ఛాంబర్ల ఏర్పాట్లను పరిశీలించారు. ఎవరి సెక్షన్లను ఎక్కడ ఏర్పాట్లు చేసేది, దీనికి సంబంధించిన ఏర్పాట్లపై చర్చించారు. దసరా వరకు అన్ని ఏర్పాట్లు పూర్తి చేయనున్నట్లు ఆర్డీఓ దేవేందర్‌రెడ్డి తెలిపారు. ఆయన వెంట తహసీల్దార్ శ్రీనివాససూరి తదితరులు ఉన్నారు.


 
  రూ.20వేలు, బంగారంతో ఉడాయించిన ఘనుడు
 
 సీసీ కెమెరాల్లో దృశ్యాలు రికార్డు
 
  సుబేదారి సీఎస్‌లో కేసు నమోదు
 
  
 హన్మకొండ అర్బన్‌ : కలెక్టరేట్‌.. నిత్యం ఉద్యోగులు, అధికారులతో రద్దీగా ఉంటుంది.  అనువణువునా సీసీ కెమెరాల నిఘా ఉంటుంది. ఇలాంటి ప్రదేశంలో  అధికారుల పేరుచెప్పి టెండర్లు ఇప్పిస్తానంటూ ఓ కాంట్రాక్టరు నుంచి రూ.20వేలు, బంగారం తీసుకుని ఉడాయించాడు ఓ ఘనుడు. విషయం తెలసుకుని లబోదిబోమన్న బాధితుడు చివరకు సుబేదారి పోలీసులకు ఫిర్యాదు చేశారు. రంగంలోకి దిగిన పోలీసులు సీసీ టీవీ పుటేజీల ఆధారంగా నిందితుడిని పట్టుకునే పనిలో ఉన్నారు.
  
  అసలేంజరిగింది...
 ప్రస్తుతం కొత్త జిల్లాల ఏర్పాటు ప్రక్రియలో భాగంగా జిల్లాలకు అవసరమైన బీరువాలు, కుర్చీలు, బల్లలు కొనుగోలు కోసం కలెక్టరేట్‌ అధికారులు టెండర్లు పిలిచారు. ఈ ప్రక్రియ కలెక్టరేట్‌లో శుక్రవారం జరిగింగి. ఈ సమయంలో కాజీపేట ప్రాంతానికి చెందని ఒక వ్యాపారి టెండర్‌ ధాఖలు చేయడానికి వచ్చాడు. అధికారులతో మాట్లాడుతున్నాడు. తనకు కావాల్సిన వివరాలు తెలుసుకుంటున్నాడు. ఇదంతా దూరం నుంచి గమనించిన ఓ ఆగంతకుడు వ్యాపారిని బయటకు తీసుకు వెళ్లాడు. కలెక్టరేట్‌లో టెండర్లు నిర్వహిస్తున్న అధికారి తనకు బాగా తెలుసని నమ్మబలికాడు. రూ.20వేలు ఇచ్చినట్లయితే టెండర్‌ నీకే వచ్చేట్లు చేస్తానని అన్నాడు. దీంతో ఆ మాటలు నమ్మిన వ్యాపారి అక్కడిక్కడే రూ.20వేలు తీసి ఇచ్చాడు. డబ్బులు తీసుకున్న తరువాత సదరు వ్యక్తి కలెక్టరేట్‌లోని డైనింగ్‌హాల్, ఇతర గదుల్లో తిరిగాడు. తరువాత కొద్ది సేపటికి వ్యాపారి వద్దకు వెళ్లి నీకు టెండర్‌ ఇవ్వడానికి సార్‌.. ఓకే అన్నాడు. కానీ... నీ చే తికి ఉన్న బంగారు ఉంగరం సార్‌కు బాగానచ్చిందట. ఒకసారి ఇస్తే ఫొటో తీసుకుని ఇస్తాడట అని నమ్మబలికాడు. దీంతో ఆ వ్యాపారి తన చేతికి ఉన్న సుమారు రూ.20వేల విలువైన బంగారు ఉంగరం తీసి ఇచ్చేశాడు. ఉంగరం చేతిలో పడగానే కలెక్టరేట్‌ వెనుకవైపు నుంచి లోపలికి ప్రవేశించిన అగంతకుడు ముందు వైపు నుంచి బయటకు వెళ్లి పోయాడు. గంటలు గడిచినా టెండర్‌ ఇప్పిస్తానన్న వ్యక్తి రాకపోవడంతో అధికారుల వద్దకు వెళ్లి వ్యాపారి ఆరా తీశాడు. దీంతో తాను మోసపోయానఽని ఆ వ్యాపారికి అప్పడు అర్ధం అయింది. లబోదిబో మంటూ అధికారులకు జరిగిన విషయం చెప్పాడు. ఆ వ్యక్తితో కలెక్టరేట్‌లో అధికారులకు, ఉద్యోగులకు సంబంధం లేదని అధికారులు తేల్చిచెప్పారు. విషయంపై పోలీసుకుల ఫిర్యాదు చేయాలని సూచించారు.
  
  సుబేదారి పీస్‌లో కేసు నమోదు
 విషయంలో తమకేం సబంధం లేదని అధికారులు తేల్చి చెప్పడంతో బాధితుడు సుబేదారి పీఎస్‌లో ఫిర్యాదు చేశారు. దీంతో రంగంలోకి దిగిన పోలీసులు కలెక్టరేట్‌లో ఉన్న సీసీ టీవీ పుటేజీలు పరిశీలించారు. దీంట్లో డబ్బులు, ఉంగరం తీసుకున్న విషయం, కలెక్టరేట్‌లో అటు..ఇటు కలియ దిరిగిన విషయం సీసీ టీవీల్లో స్పష్టంగా నమోదైంది. దీంతో కేసు నమోదు చేసుకున్న పోలీసులు విచారణ చేస్తున్నారు.
  
  గతంలో మేడారం పాస్‌ల విషయంలో...
 ప్రసుత్తం టెండర్ల పేరుతో డబ్బులు, బంగారం తీసుకుని ఉడాయింన తతంగం జరిగిన గదిలోనే మేడారం జాతర సమయంలో జాతర పాస్‌లు చోరీకి గురయ్యాయి. విషయం గుర్తించి అధికారులు సీసీ టీవీపుటేజీలు పరిశీలించారు. వాటి ఆధారంగా పాస్‌లు తస్కరించిన వ్యక్తిని గుర్తించి డీఆర్వో కేసు నమోదు చేయించారు. సదరు వ్యక్తిని  పోలీసులు అరెస్ట్‌ చేశారు. ప్రస్తుత ఘటన అదే గదిలో జరగడం గమనార్హం.


 ఏలూరు (సెంట్రల్‌): ఎస్టీ ఉప కులాలకు సంక్షేమ పథకాలను సక్రమంగా అమలు చేయాలని కోరుతూ సోమవారం స్థానిక కలెక్టరేట్‌ వద్ద రాష్ట్ర ఎస్టీ సంక్షేమ సంఘం ఆధ్వర్యంలో ధర్నా చేశారు. సంఘం రాష్ట్ర అధ్యక్షుడు సింగం పట్టాభి మాట్లాడుతూ గిరిజన కాలనీల్లో కమ్యూనిటీ భవనాలు నిర్మించాలని, ప్రతి గిరిజన కుటుంబానికి 3 ఎకరాల భూమి, కులవృత్తులు చేసుకుంటున్న ఎస్టీలకు రుణాలు ఇప్పించాలని డిమాండ్‌ చేశారు. ప్రభుత్వ శాఖల్లో ఎస్టీ బ్యాక్‌లాగ్‌ పోస్టులు భర్తీ చేయాలని, బోగస్‌ గిరిజనులను కఠినంగా శిక్షించి, నిజమైన ఎస్టీలకు న్యాయం చేయాలని కోరారు. అనంతరం జిల్లా కలెక్టర్‌ కె.భాస్కర్‌కు వినతిపత్రం అందించారు. కార్యక్రమంలో çపలువురు మహిళలు పాల్గొన్నారు