న్యూఢిల్లీ: భారత్‌లో వినియోగదారు విశ్వాసం ఫిబ్రవరిలో స్వల్పంగా క్షీణించింది. దేశంలో గృహా ఆర్థిక పరిస్థితులు ఏమంత బాగోలేవని ఎంఎన్‌ఐ ఇండియా తన నివేదికలో పేర్కొంది. జనవరిలో 109.8 వద్ద ఉన్న ఎంఎన్‌ఐ ఇండియా కన్సూమర్ సెంటిమెంట్ ఇండికేటర్ ఫిబ్రవరిలో 108.9కి తగ్గింది. వార్షిక ప్రాతిపదికన చూస్తే 7.4 శాతం దిగువకు చేరింది. వ్యాపార పరిస్థితులు అంతంత మాత్రంగానే ఉన్నాయనే అంచనాల వలన కుటుంబ ఆర్థిక కార్యకలాపాలపై తీవ్రమైన ఒత్తిడి నెలకొని ఉందని సర్వే చెబుతోంది.


 న్యూఢిల్లీ: భారత్‌లో వినియోగదారుల విశ్వాసం తగ్గుతోంది. ఈ ఏడాది మూడో త్రైమాసిక కాలానికి భారత వినియోగదారుల విశ్వాసం, అంతకు ముందటి క్వార్టర్‌తో పోల్చితే తగ్గిందని  నీల్సన్ గ్లోబల్ సర్వే వెల్లడించింది. అయినప్పటికీ, ప్రపంచంలోనే అత్యంత జోరుగా ఉన్న మూడవ కన్సూమర్ మార్కెట్‌గా భారత్ అవతరించిందని ఈ సర్వే పేర్కొంది.  ఈ ఏడాది ఆగస్టు 14 నుంచి సెప్టెంబర్ 6 మధ్యకాలంలో నీల్సన్ సంస్థ 60 దేశాల్లో ఈ సర్వేను నిర్వహించింది. మొత్తం మీద సగానికి పైగా దేశాల్లో వినియోగదారుల విశ్వాసం పెరిగిందని ఈ సర్వే వెల్లడించింది. ఈ ఏడాది క్యూ2లో 118గా ఉన్న భారత కన్సూమర్ కాన్ఫిడెన్స్ స్కోర్ ఈ ఏడాది క్యూ3లో 112కు తగ్గిందని పేర్కొంది.