న్యూఢిల్లీ : బ్రిటిష్ సైనికుల సంక్షేమార్థం నిధుల సేకరణ కోసం నిర్వహించిన చారిటీ మ్యాచ్‌లో వచ్చిన డబ్బులో రూ. 20 లక్షలను మహేంద్ర సింగ్ ధోని (ఎంఎస్‌డీ) చారిటబుల్ ఫౌండేషన్‌కు అందజేశారు. సరిహద్దు రేఖ వద్ద విధులు నిర్వహిస్తూ తీవ్రంగా గాయపడిన జవాన్ల కోసం ఈ మొత్తాన్ని ఖర్చు చేయనున్నారు. గత గురువారం కియా ఓవల్‌లో జరిగిన ఈ మ్యాచ్‌కు ఎంఎస్‌డీ ఫౌండేషన్ కూడా భాగస్వామిగా వ్యవహరించింది.
 
 రాబోయే కాలం లో ఇలాంటి మ్యాచ్‌లను భారత్‌లో కూడా ఏర్పాటు చేసేందుకు ఈ ఫౌండేషన్ ప్రణాళికలు సిద్ధం చేస్తోంది. ‘క్రికెట్ ఫర్ హీరోస్’ జట్టు తరఫున బరి లోకి దిగిన ధోని అద్భుతమైన బ్యాటింగ్‌తో జట్టును గెలిపించాడు. ఈ మ్యాచ్ ద్వారా నిర్వాహకులు సుమారు 3 కోట్ల రూపాయలను సేకరించారు.


  నేడు ‘క్రికెట్ ఫర్ హీరోస్’ మ్యాచ్
  లండన్: బ్రిటన్ సైనికుల సంక్షేమార్ధం నిర్వహిస్తున్న ‘క్రికెట్ ఫర్ హీరోస్’ చారిటీ టి20 మ్యాచ్‌కు పలువురు స్టార్ ఆటగాళ్లు ప్రధాన ఆకర్షణ కానున్నారు. ఓవల్ మైదానంలో నేడు (గురువారం) జరిగే ఈ మ్యాచ్‌లో హెల్ప్ ఫర్ హీరోస్ ఎలెవన్‌తో రెస్టాఫ్ ది వరల్డ్ ఎలెవన్ జట్టు తలపడుతుంది. ఈ మ్యాచ్ ద్వారా వచ్చిన మొత్తాన్ని బ్రిటన్ తరఫున యుద్ధంలో పోరాడుతూ గాయాల పాలైన సైనికుల చికి త్స, వారి కుటుంబాల సహాయం కోసం అందజేస్తారు. ఆండ్రూ స్ట్రాస్ కెప్టెన్‌గా ఉన్న హీరోస్ ఎలెవన్ జట్టులో ధోనితోపాటు సెహ్వాగ్, గి బ్స్, ఆఫ్రిది తదితరులున్నారు. గోవర్, హో ల్డింగ్ కోచ్, మేనేజర్‌లుగా వ్యవహరిస్తారు. రె స్టాఫ్ వరల్డ్ జట్టు తరఫున బ్రెండన్ మెకల్లమ్, హేడెన్, జయవర్ధనే, గ్రేమ్ స్మిత్, వెటోరి, లారా, సౌతీ బరిలోకి దిగనున్నారు. గ్యారీ కిర్‌స్టెన్ కోచ్‌గా ఉన్న ఈ టీమ్ మేనేజర్‌గా సునీల్ గవాస్కర్ వ్యవహరిస్తుండడం విశేషం.