న్యూఢిల్లీ: ఇస్లాంకు దూరం కావడం ఇష్టంలేక సినిమాల నుంచి తప్పుకుంటున్నట్లు ‘దంగల్‌’ సినిమా నటి జైరా వసీమ్‌ ప్రకటించడం సినీ, రాజకీయవర్గాల్లో దుమారం లేపింది. కొందరు జైరా వసీమ్‌ నిర్ణయాన్ని సమర్థిస్తుండగా, మరికొందరు మాత్రం తప్పుపడుతున్నారు. తన జీవితం గురించి ఏ నిర్ణయమైనా తీసుకునే హక్కు జైరాకు ఉందనీ, దాన్ని ఎవ్వరూ ప్రశ్నించలేరని జమ్మూకశ్మీర్‌ మాజీ సీఎం ఒమర్‌ అబ్దుల్లా వ్యాఖ్యానించారు. జైరా వ్యక్తిగత నిర్ణయాన్ని తాము గౌరవిస్తామనీ, మతానికి–కళకు ఏమాత్రం సంబంధం లేదని కాంగ్రెస్‌ అధికార ప్రతినిధి రణ్‌దీప్‌ సూర్జేవాలా తెలిపారు. ఇస్లాం అసహనంతో కూడిన మతం అనేలా జైరా వ్యాఖ్యలు ఉన్నాయని శివసేన నేత ప్రియాంకా చతుర్వేది విమర్శించారు. అన్నీ ఇచ్చిన సినీపరిశ్రమకు కొందరు రుణపడి ఉండరనీ, అలాంటివాళ్లు తమ మ్రౌనంగా వెళ్లిపోవడం మంచిదని నటి రవీనా టాండన్‌ అన్నారు.

కెరీర్‌ ఎంత వీలుంటే అంత లాంగ్‌గా ఉండాలని కోరుకుంటారు ఆర్టిస్టులు. కానీ పది సినిమాలు కూడా చేయని జైరా వసీమ్‌ సినిమాల నుంచి తప్పుకుంటున్నాను అని సంచలన స్టేట్‌మెంట్‌ ఇచ్చారు. ‘దంగల్‌’ సినిమాలో ఆమిర్‌ ఖాన్‌ కుమార్తె పాత్రలో హిందీ సినిమాలో కనిపించారు జైరా. ఆ తర్వాత ‘సీక్రెట్‌ సూపర్‌స్టార్‌’ సినిమాలో నటించారు. ‘‘ఐదేళ్ల క్రితం నేను తీసుకున్న నిర్ణయం (యాక్టర్‌గా మారాలని) నా జీవితాన్ని మార్చేసింది. ఎంతో ప్రేమను, అభిమానాన్ని ఇచ్చింది. ఈ ఇండస్ట్రీకి నేను తగినదాన్ని అయినా ఇండస్ట్రీ నాకు తగదనిపిస్తోంది.. నా ప్రశాంతతను కోల్పోయే పని చేయదలుచుకోలేదు.. అందుకే ఇండస్ట్రీ నుంచి వైదొలగాలనుకుంటున్నాను’’ అని తెలిపారు. ఇది వరకూ జైరా వసీమ్‌ పలుమార్లు బెదిరింపులకు గురయ్యారు. దీంతో ఈ నిర్ణయం తీసుకుని ఉంటారని ఇండస్ట్రీ టాక్‌.


 
 
 'దంగల్‌' బాలనటి జైరా వసీం మరో వివాదానికి కేంద్రబిందువైంది. అయితే ఈ సారి వివాదాన్ని రేపిందిమాత్రం సాక్షాత్తూ కేంద్ర మంత్రి కావడం గమనార్హం. ఢిల్లీలోని త్యాగరాజ స్టేడియంలో గురువారం ఆర్ట్‌ ఎగ్జిబిషన్‌ను ప్రారంభించిన కేంద్ర క్రీడాశాఖ మంత్రి విజయ్‌గోయల్‌.. గ్యాలరీలోని ఓ బొమ్మను జైరా వసీంకు అన్వయించారు. పంజరంలో బందీ అయిన ముస్లిం యువతి బొమ్మను ట్విట్టర్‌లో పోస్ట్‌చేసి.. 'ఈ ఫొటో జైరా వసీం పరిస్థితికి అద్దం పట్టేలా ఉంది. మన బాలికలు పంజరాన్ని బద్దలు కొట్టి ముందుకు సాగుతున్నారు..'అని విజయ్‌గోయల్‌ కామెంట్‌ చేశారు. కొద్దిసేపటికే జైరా వసీం మంత్రిగారి పోలికను తప్పుపడుతూ ప్రత్యుత్తరమిచ్చింది.
 
 "సార్‌.. మీరు వర్ణించినట్లు ఈ బొమ్మతో నేనెలా కనెక్ట్‌ అవుతాను? అసలీ బొమ్మకు, నాకు కనీస సారూప్యత కూడా లేదు. అయితే మీకో విషయం చెప్పాలి.. బురఖా వేసుకునేవాళ్లు అందంగానేకాదు.. స్వేచ్ఛగానూ ఉంటారు..' అని జైరా వసీం మంత్రికి బదులిచ్చారు. దీంతో ఖంగుతిన్న మంత్రిగారు తన పోలికను సమర్థించుకుంటూ 'నా ఉద్దేశాన్ని నువ్‌(జైరా) తప్పుగా అర్థం చేసుకున్నావ్‌. నీ పరిధిలో నువ్వు ఎంతో సాధించావ్‌. అలాగే కట్టుబాట్లు, నిబంధనలను తెంచుకుంటూ బాలికలు ఎదగాలని కోరుకుంటున్నా..'అని విజయ్‌గోయల్‌ వ్యాఖ్యానించారు.
 
 'దంగల్‌' సినిమాతో అద్భుతంగా నటించి స్టార్‌డమ్‌ సొంతం చేసుకున్న కశ్మీరీ బాలిక జైరా వసీం.. సీఎం మెహబూబా ముఫ్తీని కలవడంపై వివాదం చెలరేగడం, దానికి ఆమె వివరణ ఇచ్చుకోవడం, ఈ క్రమంలో పలువురు రాజకీ, సినీ ప్రముఖులు జైరాకు మద్దతు పలకండం తెలిసిందే. ముస్లిం బాలిక అయిన జైరాను 'పంజరంలో మహిళ' బొమ్మతో పోల్చడంపై మంత్రి గోయల్‌పైనా నెటిజన్లు విమర్శలు గుప్పిస్తున్నారు.
 (చదవండి: గంభీర్ ఫైర్ అయ్యాడు)
 (‘దంగల్‌’ జైరాకు బాలీవుడ్‌ మద్దతు)
 
 This painting tells a story similar to @zairawasim, पिंजरा तोड़ कर हमारी बेटियां बढ़ने लगी हैं आगे | More power to our daughters!
 2/2 pic.twitter.com/RaolLKrZeg
 — Vijay Goel (@VijayGoelBJP) 19 January 2017
 
 @VijayGoelBJP Sir, with all respect to you, I feel I must disagree. I request you not to connect me to such a discourteous depiction. (1/3) https://t.co/BIgWVstqZh
 — Zaira Wasim (@zairawasim) 20 January 2017
 
 @VijayGoelBJP Women in hijab are beautiful and free (2/3)
 — Zaira Wasim (@zairawasim) 20 January 2017
 
 @VijayGoelBJP Moreover, the story depicted through this painting is not even remotely relevant to mine. (3/3)
 — Zaira Wasim (@zairawasim) 20 January 2017